Юдэ́нгэ 9:4 - Библия - Пэ Балтитко Романи чиб (Романэс) 2019

⁴ Одо́й сыс сувнакуно́ алта́рё, кай хачкирэнас лачхэ́-кхандыпна́скири смо́ла, и Ковчэго́скиро Мохто́/Мохтэ́н (Яшчыко) завето́са, саво́ сыс обчхудо сувнака́са сарэ́ ригэ́ндыр. Дро дава́ Свэ́нто Мохто́ сыс сувнакуно́ чаро́ маннаса, Ароноскиро дэсто́, саво́ вылениндя. И сыс одо́й адя́кэ-паць барунэ́ таблицы, кай сыс вычингирдэ заветоскирэ припхэныбэна́.

Biblija - Pe Baltitko Romani čib (Romanes) 2019

⁴ Odój sys suvnakunó altárjo, kaj xačkirenas lačhé-khandypnáskiri smóla, i Kovčegóskiro Mohtó/Mohtén (Jaščyko) zavietósa, savó sys občhudo suvnakása saré rigéndyr. Dro davá Svénto Mohtó sys suvnakunó čaró mannasa, Aronoskiro destó, savó vylienindia. I sys odój adiáke-pac' baruné tablicy, kaj sys vyčingirde zavietoskire priphenybená.

Юдэ́нгэ 9:4 Referans Kwoze

Čysly 17:10

И пхэндя́ Рай Дэвэ́л Мойза́скэ: “Чхув нэвэ́стыр дэсто́ Аароноскиро пэ зракхибэ́н, сыр ґерты́к (сыр сыкаибэ́н) ваш напатяибнытконэ манушэ́нгэ, соб (кай) тэ пириячэл лэ́нгиро холямо́ ракирибэ́н пэ Ма́ндэ, и ёнэ тэ на мэрэ́н.”

2 Паралипоменоно 5:10

На сыс дро ковчэго ничы́ апри́ч дуй скрижа́ли (таблицы), савэ́ чхудя́ Мо́йза пэ Хориво, ке́ли Рай Дэвэ́л кэрдя́ заве́то Израилёскирэ чхавэ́нца, пир лэ́нгиро выгиибэн Египто́стыр.

Левито 16:12

и лэ́ла хачкирдэ́ вангара дрэ пхэрды́ кадила алтарёстыр, саво́ исын анги́л Растэ-Дэвлэ́стэ, и лэ́ла гудлэ́ смо́лы тэ хачкирэл пхэрдэ́ бурныка (пригоршни), и вылыджала лэн пал полого;

Vygiiben 40:3

и чхув дрэ ла́тэ ковчэго (мохто́) досыкаибна́са (откровенияса), и учхакир ковчэго шырмаса;

Vygiiben 26:33

и ублав полого тэлэ́ пэ нанглорэ, и залыджа одори́к пал шы́рма, сави́ исын анги́л ковчэго досыкаибна́са (откровениё); и явэ́ла шы́рма, тэ роскэрэ́л свэ́нто штэ́то Свэнтонэ́ – Свэнтонэндыр.

Čysly 17:5

и конэ́с Мэ выкэдава, одолэ́стэ дэсто́ лындёла (зацвэтинэла); и адя́кэ Мэ штылякирава Израилёскирэ чхавэ́нгиро ракирибэ́н холя́са, савэ́са ёнэ ракирэ́на пэ амэ́ндэ.”

Vygiiben 34:29

Ке́ли Мо́йза джа́лас тэлэ́ Синаёскирэ бэрга́тыр, и дуй скрижа́ли досыкаибна́са (откровенияса) сыс Мойзастэ дрэ васт, и сыр ёв джа́лас тэлэ́ бэрга́тыр, то тэды Мо́йза на джиндя́, то лэ́скиро муй яця́ тэ зяинэл лучэнца (лункэнца) долэ́стыр, со Дэвэ́л ракирдя́ лэ́са.

Sykadyipén 8:3

И явдя́ яви́р Янго́ло и тэрдия́ анги́л алта́рё. Лэ́скэ сыс дыны́ тхувэнгири тыкнори (кадила), кай сыс бут фимиа́мо соб (кай), кай ёв тэ чхувэ́л кхэтанэ́ мангипнэнца свэнтонэ́ манушэ́ндыр пэ сувнакуно́ алта́рё, со сыс тэрдо́ анги́л троно.

3 Kralip 8:21

И кэрдём одо́й штэ́то ваш ковчэго, дро саво́ исын Ра́скирэ-Дэвлэ́скиро завето, саво́ Ёв кэрдя́ амарэ́ дадэ́нца, ке́ли Ёв вылыджия́ лэн Египто́скирэ пхувья́тыр.”

3 Kralip 8:9

Дро ковчэго ничы́ на сыс, апри́ч дуй барунэ́ таблицы, савэ́ чхудя́ одори́к Мо́йза пэ Хориво, ке́ли Рай Дэвэ́л кэрдя́ доракирибэ́н Израилёскирэ чхавэ́нца, пир лэ́нгиро выгиибэн Египто́скирэ пхувья́тыр.

3 Kralip 7:50

И барэ́ чарэ́, и чхурья, и тахтая́, и кадилы, жужэ́ сувнака́стыр, и феля пашы́л вудара́ андратунэ́ Кхангирья́киро дрэ Свэ́нто-свэнтонэнгиро и пашы́л вудара́ дрэ Кхангири́ адя́кэ-паць сувнака́стыр.

Čysly 17:8

Пэ яви́р дывэ́с загия́ Мо́йза дрэ досыкаибнаскири ша́тра, и ґа́да, Аароноскиро дэсто́, Левиёскирэ кхэрэ́стыр, лындия (зацвэтиндя), мэкця́ букорэ (почки), дыя́ лулудя́ (цвэты) и яндя́ миндали.

Vygiiben 39:35

ковчэго досыкаибна́са (откровенияса) и лэ́скирэ баландиня́, и дэнко (крышка),

Vygiiben 31:18

И ке́ли Дэвэ́л пирияця́ тэ ракирэ́л Мойзаса пэ бэ́рга Синаё, Ёв дыя́ лэ́скэ дуй таблицы (скрижа́ли) досыкаибна́са (откровенияса), барунэ́ скрижа́ли, пэ савэ́ чхиндло́ сыс Дэвлэ́скирэ ангуштэса.

Vygiiben 32:15

И рисия́ и гия́ тэлэ́ Мо́йза бэрга́тыр; дро лэ́скиро васт сыс дуй скрижа́ли досыкаибна́са (откровенияса), пэ савэ́ сыс чхиндло́ дуе ригэ́ндыр: и пэ доя́ и пэ яви́р риг сыс чхиндло́;

Vygiiben 37:25

И кэрдя́ ёв алта́рё тэ хачкирэ́н фимиа́мо (гудлэ́ смо́лы) ситимоскирэ вэшэ́стыр: длэнгипэ́н лэ́скиро сыс кунь и буґлыпэ́н лэ́скиро сыс кунь, штарэ́-вэнглытко, вучипэ́н лэ́скиро дуй куня́; лэ́стыр выгинэ́ лэ́скирэ шынга́ (ро́ги);

Яви́р Зако́но 9:9

ке́ли мэ гиём упрэ́ пэ бэ́рга, соб (кай) тэ прилав барунэ́ скрижа́ли, заветоскирэ скрижа́ли, савэ́ чхудя́ Рай Дэвэ́л тумэ́нца, и со́мас мэ пэ бэ́рга штардэша́ дывэса́ и штардэша́ ратя, маро́ нахаи, и пани́ напии,

Яви́р Зако́но 9:11

Сыр прогинэ́ штардэша́ дывэса́ и штардэша́ ратя, дыя́ ма́нгэ Рай Дэвэ́л дуй барунэ́ скрижа́ли, заветоскирэ скрижа́ли,

Sykadyipén 11:19

И псирадыя (отпхандя́пэ) Дэвлэ́скири Кхангири́, сави́ исын дро Болыбна́скиро Раё и Ковчэ́го (Мохто́) Дэвлэ́скирэ завето́са сыс дыцьло дрэ Кхангири́. И ячнэ́ блискави́цы, и заня́ (глося́), и гро́мы, и пхувья́киро триинскирибэн и баро́ ґра́до.