Юдэ́нгэ 9:22 - Библия - Пэ Балтитко Романи чиб (Романэс) 2019

²² И на́бут со на саро́ жужакирэлапэ грэхостыр ратэ́са, и би ратэскиро прочхуибэн на отмэкэлапэ грэ́хо.

Biblija - Pe Baltitko Romani čib (Romanes) 2019

²² I nábut so na saró žužakirelape grehostyr ratésa, i bi rateskiro pročhuiben na otmekelape grého.

Юдэ́нгэ 9:22 Referans Kwoze

Левито 17:11

пал-дова́ со масэ́нгиро джиибэ́н (ваш кажно создыибэн) исын дро рат, и Мэ дыём тумэ́нгэ лэс ваш алта́рё, соб (кай) тэ выжужакирэн тумарэ́ дия́;

Левито 6:7

и выжужакирэ́ла лэс раша́й анги́л Растэ-Дэвлэ́стэ, и отмэкно лэ́скэ явэ́ла, со бы ёв тэ на кэрэ́л, саро́, дро со ёв кэрдя́ чорипэ́н.

Левито 4:35

и саро́ ла́киро чэкэ́н откэдэла, сыр откэдэлапэ бакрякиро чэкэ́н мирнонэ жэртватыр, и схачкирэ́ла дава́ раша́й пэ алта́рё дро свэ́нто дыибэ́н Ра́скэ-Дэвлэ́скэ; и адя́кэ выжужакирэ́ла лэс раша́й грэхостыр, саво́ ёв кэрдя́, и отмэкно явэ́ла лэ́скэ.

Левито 5:18

мэк тэ янэл кэ раша́й дро свэ́нто дыибэ́н пал чорипэ́н бакрэ́с бидошэнгирэс, пир тыри́ тими́н и выжужакирэ́ла раша́й тырэ́ чорипна́стыр, со ёв кэрдя́ пир наджиныбэн, и отмэкно лэ́скэ явэ́ла.

Левито 14:14

и лэ́ла раша́й на́бут (куты́) рат пал банг свэнтонэ́ дыибна́стыр, и чхувэ́ла раша́й рат пэ чачэ́-ягороскиро кан манушэ́скэ, саво́ жужакирэлапэ и пэ лэ́скиро чачэ́-вастэскиро баро́ ангу́шт и пэ баро́ ангу́шт (пальцо), саво́ пэ лэ́скири чачи́ ґэро́й;

Левито 14:6

а кокоро́ ёв лэ́ла джидя чирикля́, кедрытко вэш, чэрвлёно тхав и исопо, и киндякирэла лэн и джидя чирикля́ дро рат чириклякиро, сави́ сыс запхусады упра́л джидо́ пани́,

Левито 5:10

а явирья мэкэ́ла дро цэ́ло схачкирибэ́н пир упхэныбэ́н; и адя́кэ выжужакирэ́ла лэс раша́й лэ́скирэ грэхостыр, саво́ ёв кэрдя́, и отмэкно лэ́скэ явэ́ла.

Левито 4:26

и саро́ лэ́скиро чэкэ́н (ту́ко) схачкирэ́ла пэ алта́рё, адя́кэ-паць сыр чэкэ́н мирнонэ жэртвакиро, и адя́кэ выжужакирэ́ла лэс раша́й лэ́скирэ грэхостыр, и отмэкно лэ́скэ явэ́ла.

Левито 4:20

и ёв кэрэ́ла гуруворэса дова́, со кэрэ́лапэ гуруворэса пал грэ́хи; адя́кэ трэй тэ кэрэ́л лэ́са, и адя́кэ жужакирэла лэн раша́й, отмэкно явэ́ла лэ́нгэ;

Левито 14:25

И чхинэла бакрэ́с дро свэ́нто дыибэ́н пал банг, и лэ́ла раша́й рат свэнтонэ́ дыибна́стыр пал банг, и чхувэ́ла пэ яго́ро (пэ краё) пэ чачо́ кан Манушэ́скиро, саво́ жужакирэлапэ, и пэ баро́ ангу́шт (пальцо) лэ́скирэ чачэ́ (правонэ) вастэскиро и пэ баро́ ангу́шт лэ́скиро чачэ́-ґэрьякиро;

Левито 5:12

и янэ́ла лэс кэ раша́й, а раша́й ла́тыр лэ́ла пхэрды́ бурнык (жменя) дро рипирибэ́н, и схачкирэ́ла пэ алта́рё дро дава́ свэ́нто дыибэ́н Ра́скэ-Дэвлэ́скэ: дава́ исын свэ́нто дыибэ́н пал грэ́хо;

Левито 5:11

Ко́ли ёв на могинэ́ла тэ янэл дуе́н горлицэн ци дуе́н тэрнэ́ голумбэн, мэк тэ янэл пал дава́, со кэрдя́ грэ́хо, дэ́што паш (эфа) дрэ свэ́нто дыибэ́н пал грэ́хо; мэк тэ на чхувэ́л пэ ла́тэ елеё, и ливано, мэк тэ на чхувэ́л пэ ла́тэ, пал-дова́ со дава́ исын пал грэ́хо;

Езэкилё 43:18

И пхэндя́ ёв ма́нгэ: “Манушэ́скиро чхава! Адя́кэ ракирэ́ла Рай Дэвэ́л, Дэвэ́л: ‘Акэ, исын упхэныбэна́ пал алта́рё кэ дова́ дывэ́с, ко́ли ёв явэ́ла кэрдо́, соб (кай) тэ янэ́н пэ лэ́стэ схачкирибнытка свэ́нта дыибэна́ (усасожэнни) тэ чхувэ́н пэ лэ́стэ рат.