Юдэ́нгэ 9:19 - Библия - Пэ Балтитко Романи чиб (Романэс) 2019

¹⁹ И палдава́, ке́ли Мо́йза пхэндя́ сарэ́ припхэныбэна́ Законо́стыр сарэ́ манушэ́нгэ, ёв лыя́ целянтэнгирэ и бузнэнгиро (козлэнгиро) рат пане́са, лолэ́ балэнца и исопоскирэ ранденца, и кропиндя лэ́нца сыр кокори лылвари́-сви́тко, адя́кэ-паць и сарэ́ манушэ́н.

Biblija - Pe Baltitko Romani čib (Romanes) 2019

¹⁹ I paldavá, kiéli Mójza phendiá saré priphenybená Zakonóstyr saré manušénge, jov lyjá cieliantengire i buznengiro (kozlengiro) rat paniésa, lolé balenca i isoposkire randienca, i kropindia lénca syr kokori lylvarí-svítko, adiáke-pac' i saré manušén.

Юдэ́нгэ 9:19 Referans Kwoze

Юдэ́нгэ 9:12

и на бузнэ́нгирэ (козлэнгирэ) и целянтэ́нгирэ ратэ́са, а Пэ́скирэ ратэ́са Ёв загия́ е́кхвар дро Най Свэнтэдыр Штэ́то, и дорэсця́ ве́чно выкиныбэ́н пал амарэ́ грэ́хи.

Čysly 19:18

и мэк вари-кон тэ лэл жужо́ исопо, и обмакнинэла лэс дро пани́, и почхувэла лэ́са ша́тра и сарэ́ кхорэ́ и манушэ́н, савэ́ исын дрэ лэ́стэ, и манушэ́с, саво́ лыяпэ пал манушэ́скиро кокало, ци кэ замардо, ци кэ муло́, ци кэ мулыкано́;

Čysly 19:6

и мэк тэ лэл раша́й кедроскиро вэш, и исопо, и тхав червлёнонэ вылна́тыр, и чхурдэ́ла лэн пэ хачкирибнаскирэ рэцатэ;

Юдэ́нгэ 10:4

Пал-дова́ со нашты́, соб (кай) целянтэнгиро и бузнэнгиро (козлэнгиро) рат тэ отмэкэ́л грэ́хо манушэ́стыр.

1 Petr 1:2

пир Дэвлэ́скирэ-Дадэ́скиро задуминыбэн ваш дова́, соб (кай) тэ кандэ́н Исусо́с Христосо́с, Саво́ отмэкця́ грэ́хи Лэ́скирэ Духо́са, соб (кай) тумэ́ тэ явэ́н помакхнэ Лэ́скирэ Ратэ́са: мэк бахтякирибэ́н и рама́нё (миро) тэ явэ́н бут бут тумэ́нгэ.

Езэкилё 36:25

И Мэ брызгинава тумэн жужэ́ пане́са, тумэ́ жужакирэнапэ сарэ́ тумарэ́ магирипнастыр, Мэ жужакирава тумэн сарэ́ тумарэ́ идолэндыр.

Joannostir 19:5

И тэды Ису́со выгия́ дрэ вя́нка пхусадытконэ хрустостыр и дро лоло́ плашчо. И Пила́то пхэндя́ лэ́нгэ: “Ѓа́да, исын кадава́ Ману́ш!”

Joannostir 19:2

И халадэ́ скхудэ вя́нка пхусадытконэ хрустостыр Лэ́скэ пэ шэро́, и уридэ́ пэ Лэ́стэ лоло́ плашчо.

Marko 15:20

И ке́ли ёнэ высандлэ холямэс Лэс, ёнэ злынэ Лэ́стыр пурпурно мантия, уридэ́ Лэс дро Лэ́скиро урибэ́н, и лыджинэ́ Лэс пэ трушу́л тэ примарэн.

Marko 15:17

Ёнэ уридэ́ Лэс дрэ пурпурно мантия, скхудэ пхусадытконэ церновникостыр вя́нка и уридэ́ пэ Лэ́скиро шэро́.

Матфеё 27:28

и росчхудэ Лэс и уридэ́ пэ Лэ́стэ тёмнонэ-лоло́ плашчо,

Isajos 52:15

Адя́кэ бут народы дивинэнаспэ Лэ́стыр; кра́лья закэрна (пхандэна) пэ́скирэ ушта́ анги́л Лэ́стэ, пал-дова́ со ёнэ дыкхэ́на и джинэ́на дова́, со ёнэ на шундлэ́, со николи лэ́нгэ на ракирдэ́.

Левито 3:6

А ко́ли тыкнэ́ кхэритконэ́ мурдалэ́ндыр янэ́ла ёв Ра́скэ-Дэвлэ́скэ ми́рно (раманёно) свэ́нто дыибэ́н, муршкано́ ци джувликано, мэк тэ янэл лэс, тэ явэ́л бидошэ́нгиро.

Левито 1:10

Ко́ли лэ́скиро цэлонэ́-хачкирибнаскиро свэ́нто дыибэ́н тыкнэ́ кхэритконэ́ мурдалэстыр, бакрэ́ндыр ци бузнендыр, мэк тэ янэл ёв муршканэ́ родо́стыр, тэ явэ́л ёв бидошэ́нгиро,

Vygiiben 12:22

и лэн пучко исопо, и булавэн (обмакнинэн) дрэ рат, саво́ исын дрэ судинки [кхорэ́-р.с] и макхэн пирикладина и дуй косяки вударэнгирэ ратэ́са, саво́ исын дрэ судинки; а тумэ́ нико́н тэ на выджа́н пал пэ́скирэ кхэрэ́скирэ вудара́ кэ ра́нко.

Psalmy 51:7

Ѓа́да, мэ бияндыём дро чорипэ́н и мири́ дай бияндя́ ман грэхитконэса.

Юдэ́нгэ 12:24

и кэ Ису́со, Саво́ пиридыя амэ́нгэ Нэво́ Завето Дэвлэ́са и кэ дро́го рат, со сыс прочхудо, саво́ исын зоралэды́р Авелёскирэ ратэстыр.

Юдэ́нгэ 1:1

Дэвэ́л на е́кхвар и пир саро́ ґары́м-ґара́ (ва́го) ракирдя́ амарэ́ прададэнгэ пир пророкэ́ндэ,

Юдэ́нгэ 9:13

Пал-дова́ со, ко́ли бузнэ́нгиро ци целянтэ́нгиро рат и тэрнэ́-рэца́кири (тёлкакири) пра́ска (пепло), со кропинэлапэ пэ манушэ́ндэ, савэ́ исын нажужо тэ клонинэнпэ патыва́са Дэвлэ́скэ, кэрэ́ла жужа́са (чыстонаса) лэ́нгири лоч,

Юдэ́нгэ 9:18

Адя́кэ-паць и пэ́рво завето на прилыя́ зор би ратэ́скиро.

Юдэ́нгэ 10:22

палдава́ явэ́н пашылэды́р кэ Дэвэ́л чачунэ́ илэ́са, пхэрдэ́ патяибна́са, соб (кай) тэ явэ́н амарэ́ илэ выжужакирдэ грэхэ́ндыр и тэ на чуинас фуес, со амэ сам бангэ́; тэ явэ́н амарэ́ маса́ обмордэ жужэ́ пане́са.