Юдэ́нгэ 9:15 - Библия - Пэ Балтитко Романи чиб (Романэс) 2019

¹⁵ И палдава́ Христо́со яндя́ Нэво́ Завето, соб (кай) одолэ́ мануша́, савэ́н Дэвэ́л кхардя кэ Пэ прикхардя, могиндлэ́ тэ дорэсэн ве́чно штэ́то дро Болыбна́скиро Раё, пал со Ёв и дыя́ лав. Лэ́скиро мэрибэ́н исын сы́рбы выкиныбэ́н пал грэ́хи, савэ́ кэрдэ́ мануша́, ке́ли пхурано́ завето рикирдя зор.

Biblija - Pe Baltitko Romani čib (Romanes) 2019

¹⁵ I paldavá Xristóso jandiá Nevó Zavieto, sob (kaj) odolé manušá, savén Devél khardia ke Pe prikhardia, mogindlé te doresen viéčno štéto dro Bolybnáskiro Rajo, pal so Jov i dyjá lav. Léskiro meribén isyn sýrby vykinybén pal gréhi, savé kerdé manušá, kiéli phuranó zavieto rikirdia zor.

Юдэ́нгэ 9:15 Referans Kwoze

Римлянэнгэ 8:30

А конэ́с Дэвэ́л освэнцындя англэды́р, одолэ́н Ёв и кхардя́, нэ конэ́с Ёв кхардя́, одолэ́н и приджиндя пал чачунэндэ, и барьякирдя.

Римлянэнгэ 8:28

Нэ амэ джина́са, со кон рикирэ́ла сыр Дро́гима Дэвлэ́с дро пэ́скиро ило́ и конэ́с кхардэ́ пир Лэ́скиро упхэныбэ́н, одолэ́н Дэвэ́л лыджа́ла сарэ́н кэ бахт.

Юдэ́нгэ 9:12

и на бузнэ́нгирэ (козлэнгирэ) и целянтэ́нгирэ ратэ́са, а Пэ́скирэ ратэ́са Ёв загия́ е́кхвар дро Най Свэнтэдыр Штэ́то, и дорэсця́ ве́чно выкиныбэ́н пал амарэ́ грэ́хи.

Юдэ́нгэ 10:36

Тумэ́нгэ трэй тэ вырикирэн, соб (кай) тэ кэрэ́н саро́ пир Дэвлэ́скири во́ля и тэ дорэсэн дова́, пал со Ёв дыя́ лав тумэ́нгэ.

1 Ximaske 2:5

Пал-дова́ со Дэвэ́л исын Екх, и екх исын машкиратуно (посреднико) машки́р Дэвлэ́стэ и манушэ́ндэ, адава́ ману́ш исын Ису́со Христо́со,

Юдэ́нгэ 12:24

и кэ Ису́со, Саво́ пиридыя амэ́нгэ Нэво́ Завето Дэвлэ́са и кэ дро́го рат, со сыс прочхудо, саво́ исын зоралэды́р Авелёскирэ ратэстыр.

Юдэ́нгэ 7:22

палдава́ Ису́со исын сы́рбы дудвало́ (поручытелё), со нэво́ завето исын фэды́р.

1 Petr 3:18

пал-дова́ со и Христо́со, соб (кай) тэ янэл амэн кэ Дэвэ́л, е́кхвар мыя́ пал амарэ́ грэ́хи, чачуно́ пал начачунэндэ, Лэ́скирэ Маса́ сыс отдынэ́ пэ мэрибэ́н, а Лэ́скиро Ду́хо (Фа́но) сыс рискирдо кэ джиибэ́н;

Юдэ́нгэ 13:20

Дэвэ́л, Саво́ дэ́ла рама́нё (миро), Саво́ отджидякирдя́ мулэ́ндыр амарэ́ Рас-Дэвлэ́с, Исусо́с Христосо́с, Барэ́ Чхупнарис пир рат вечнонэ Заветостыр,

Римлянэнгэ 5:6

пал-дова́ со Христо́со, ке́ли амэ са́мас грэхи́тка, дро часо, Саво́ Дэвэ́л упхэндя, мыя́ пал надэвлытконэндэ.

Юдэ́нгэ 9:28

адя́кэ-паць и Христо́со сыс е́кхвар яндло сыр свэ́нто дыибэ́н пал бутэ́-манушэ́нгирэ грэ́хи. Нэ Ёв явэ́ла яви́р мо́ло кэ одолэ́, савэ́ древа́н ужакирэ́на Лэс тэ зракхэ́л лэн, нэ на ваш дова́, соб (кай) тэ отмэкэ́л грэ́хи.

Юдэ́нгэ 6:13

Ке́ли Дэвэ́л дыя́ лав Авраамо́скэ, пал-дова́ со Ёв на могиндя́ ни пэ конэ́стэ вучэды́р Пэ́стыр тэ совлахал, тэды Ёв совлахадя́ Кокоро́ пэ Пэ́стэ,

Юдэ́нгэ 3:1

Палдава́, пшала́лэ свэ́нта, савэ́н Дэвэ́л адя́кэ-паць прикхардя, дыкхэ́н пэ Исусо́стэ, Савэс Дэвэ́л бичхадя́ тэ явэ́л англатунэ́ Раша́са пир амаро́ патяибэ́н,

Юдэ́нгэ 2:14

Пал-дова́, со сыр сарэ́-манушэ́нгирэ чхавэ́ндэ исын рат и лоч (плоть), адя́кэ-паць и Ёв прилыя́ саро́, сыр ману́ш, ке́ли бия́ндыя, соб (кай) пир Пэ́скиро мэрибэ́н Ёв могиндя́ тэ хасякирэ́л налачхэскири зор пэ мэрибэ́н;

Sykadyipén 5:9

И ёнэ багандлэ нэви́ гилы́, пхэни́: “Ту сан мол тэ прилэс кадава́ сви́тко и тэ отпхандэс чэргэнорья (печати), пал-дова́ со Ту са́нас зачхиндло́ и Ту выкиндян манушэ́н ваш Дэвлэ́скэ Пэ́скирэ ратэ́са кажнонэ́ екхэ́-чиба́кирэ ирья́тыр (сэм΄я́тыр) и кажнонэ́ родыцо́стыр, и манушытконэ́ нацыя́тыр и кхэритконэ́ родо́стыр.

Юдэ́нгэ 8:13

Дэвэ́л ракирэ́лас дова́ пал Нэво́ Завето, пир дава́ Ёв приґалыя со пэ́рво завето исын пхурано́. А дова́, со исын пхурано́ и нанэ кэ джиибэ́н, сы́гэс отпарувэлапэ.

Titoske 3:7

соб (кай) Дэвэ́л тэ приґалёл амэн чачунэнца пир Пэ́скиро бахталыпэ́н тэ ячас Лэ́скирэ чхавэ́нца дро ве́чно джиибэ́н, ваш саво́ амэ́ндэ исын наде́я.

Titoske 1:2

дава́ чачипэ́н дэ́ла наде́я пэ ве́чно джиибэ́н, пал саво́ Дэвэ́л дыя́ лав амэ́нгэ анги́л, сыр свэ́то сыс создыно́, а Дэвэ́л ние́кхвар на хохавэла,

2 Ximaske 2:10

Палдава́ мэ саро́ вырикирава ваш манушэ́нгэ, савэ́н выкэдыя́ Дэвэ́л, соб (кай) и ёнэ тэ дорэсэн зракхибэ́н, саво́ явэ́ла пир Исусо́стэ Христосо́стэ вечнонэ слава́са.

Joannostir 10:28

и Мэ да́ва лэ́нгэ ве́чно джиибэ́н, ёнэ на хасёна ние́кхвар, и нико́н на чорэла лэн Мирэ́ вастэ́стыр.

Матфеё 19:29

И кажно, кон мэкця́ кхэра́ ци пшалэ́н, ци пхэнен ци да, ци ромня́, ци чхаворэ́н, ци фэ́лды ваш Миро лав, дорэсэ́ла дрэ шэл мо́лы буты́р и лэ́скэ явэ́ла дыно́ ве́чно джиибэ́н.

1 Ian 2:25

И, акэ, исын дова́, пал со Христо́со Кокоро́ дыя́ лав, дава́ исын ве́чно джиибэ́н.

1 Petr 5:10

Нэ Дэвэ́л, Саво́ бахтякирэ́ла, и Саво́ кхардя́ тумэн дрэ вечна Пэ́скири сла́ва, ко́ли тумэ́нгэ и приявэлапэ набаро́ часо тэ страдынэл, Ёв Кокоро́ кэрэ́ла тумэн зоралэды́р и дэ́ла зор, соб (кай) тумэ́ тэ на кунинэнпэ дро пэ́скиро патяибэ́н;

Jakov 1:12

Бахтало́ исын одова́ ману́ш, саво́ зоралэ́с вырикирэ́ла пропатякирибэн, пал-дова́ со, ко́ли ёв вырикирдя пропатякирибэн, ёв дорэсэ́ла джиибна́скири вя́нка, пал сави́ Дэвэ́л дыя́ лав сарэ́ манушэ́нгэ, конэ́скэ исын дро́го Ёв.

Юдэ́нгэ 11:13

Сарэ́ кадалэ́ мануша́ мынэ́ патяибна́са, ёнэ на дорэснэ́ дова́, пал со Дэвэ́л дыя́ лав лэ́нгэ, ёнэ дыкхнэ́ саро́ дава́ дура́л и пхэндлэ́ “рама́нё” (миро) долэ́скэ и приджиндлэпэ, со ёнэ сыс чу́жа мануша́ и лодэна пир доя́ пхув.

2 Фесалоникийцэнгэ 2:14

кэ саво́ Ёв и кхардя́ тумэн пир амаро́ роспхэныбэн пал бахталы́ зан (звесь), соб (кай) тумэ́ндэ тэ явэ́н паш дрэ сла́ва амарэ́ Ра́скирэ-Дэвлэ́скири, Исусо́скирэ Христососкири.

Римлянэнгэ 6:23

Пал-дова́ со плэскирибэн пал грэ́хо исын мэрибэ́н, а Дэвлэ́скиро тала́но пир бахталыпэ́н исын ве́чно джиибэ́н дрэ Исусо́стэ Христосо́стэ, амарэ́ Растэ-Дэвлэ́стэ.

Юдэ́нгэ 9:16

Ко́ли исын завето, саво́ ману́ш ячкирэ́ла явирэ́нгэ пало́ (после) пэ́скиро мэрибэ́н, трэй тэ допхэнэн, со кодова́ ману́ш мыя́.

2 Коринфянэнгэ 3:6

Саво́ дыя́ амэ́нгэ тала́но тэ служынас (тэ дынарина́с) роспхэныбна́са Нэвонэ́ Завето́скэ, нэ на маму́й (прямэс), сыр буква ракирэ́ла, а сыр Ду́хо (Фа́но); пал-дова́ со буква Законо́стыр янэ́ла мэрибэ́н, а Ду́хо (Фа́но) дэ́ла джиибэ́н.

Римлянэнгэ 9:24

и пэ амэ́ндэ, савэ́н Ёв адя́кэ-паць кхардя́ на екхэ Юдэндыр, нэ и Наюдэндыр?

Римлянэнгэ 5:10

Ко́ли англэды́р амэ са́мас вэ́рги Дэвлэ́скэ и какана́ амэ яця́м дро рама́нё (миро) Лэ́са пир Лэ́скирэ Чхавэ́скиро мэрибэ́н, тэды буты́р сарэ́стыр какана́, сыр амэ яця́м дро рама́нё, амэ надеинасапэ тэ зракхаспэ Лэ́скирэ джиибнаса.

Римлянэнгэ 5:8

нэ Дэвэ́л допхэнэ́ла Пэ́скирэ ласкаса кэ амэ, со Христо́со мыя́ пал амэ́ндэ, ке́ли амэ ишчо (инкэ́) са́мас грэхи́тка.

Luka 18:18

И вари-саво́ барыдыро́ пхуця́ Исусо́стыр: “Лачхо́ Сыклякирибна́скиро! Со ма́нгэ тэ кэра́в, соб (кай) тэ дорэсав ве́чно джиибэ́н?”

Marko 10:17

Нэ ке́ли Ису́со выджа́лас дро дром, кэ Ёв подпрастандыя ману́ш, пыя́ пэ чанга́ анги́л Лэ́стэ и пхуця́: “Дро́го Сыклякирибна́скиро! Со ма́нгэ тэ кэра́в, соб (кай) тэ дорэсав паш дро ве́чно джиибэ́н?”

Матфеё 25:36

Мэ со́мас би урибнаскиро и тумэ́ уридэ́ Ман; со́мас насвало́ и тумэ́ загинэ́ кэ Мэ, со́мас бэшто́ и тумэ́ явнэ́ тэ дыкхэнпэ Ма́нца.’

Матфеё 25:34

Тэды пхэнэ́ла Кра́ли одолэ́нгэ, савэ́ исын пир чачи́ риг Лэ́стыр: ‘Явэ́н тумэ́, савэ́н Миро Дад бахтякирдя́, явэ́н и прилэ́н Кралипэ́н дро Болыбна́скиро Раё, саво́ Ёв скэдыя́ тумэ́нгэ анги́л, сыр Ёв создыя́ свэ́то.

Дание́лё 9:26

Сыр проджа́на шовдэша́ дуй эфтытка, то явэ́ла отдыно́ пэ мэрибэ́н о Помакхно (Месия) [Христо́со-р.с.], и на явэ́ла Лэс; яви́р тхага́ри лэ́скирэ манушэ́нца роспхагирэна и фо́ро и свэ́нто штэ́то, саво́ явэ́ла, и ко́нцо лэ́стыр явэ́ла сыр да барэ́-тасадыпнаскирэ панингэстыр, и кэ ко́нцо марибнаскиро явэ́на чхучакирибэна (спустошэнии).

Psalmy 37:18

Рай Дэвэ́л дыкхэ́ла пал бидошэнгирэ манушэ́ндэ и лэ́нгиро миштыпэ́н явэ́ла пэ сарэ́ ве́ки:

Эфесянэнгэ 1:7

дрэ Савэ́стэ и пир Савэскиро Рат амэ сам выкиндлэ (выракхнэ), амарэ́ грэ́хи исын отмэкнэ пир Лэ́скиро барвало́ бахталыпэ́н;

Матфеё 22:3

и бичхадя́ пэ́скирэ дынарье́н тэ кхарэ́н одолэ́н, савэ́н кхардэ́ пэ бьяв: и ёнэ на камлэ́ тэ явэ́н.

Luka 22:20

Адя́кэ-паць и тахта́й (чаша) коригэды́р, сыр ёнэ ханэ́ маро́, Ису́со дыя́ лэ́нгэ, пхэни́: “Кадава́ тахта́й исын нэво́ завето дро Миро рат, саво́ чхувэ́лапэ пал тумэ́ндэ.

Apostolengiri Butý 20:32

И какана́, мэ пиридава тумэн Дэвлэ́скэ и Лэ́скирэ бахтякирибнаскирэ лавэ́скэ, саво́ явэ́ла тэ зорьякирэл тумэн и дэ́ла джиибэ́н кхэтанэ́ свэнтонэнца.

Galatenge 3:20

Нэ Дэвлэ́скэ на трэиндя́ машкиратуно, ке́ли Ёв дыя́ лав Авраамо́скэ екх пэ екх.

Юдэ́нгэ 6:15

а Авраа́мо ужакирдя ґара́ (длу́гэс) и дорэсця́ дова́, пал со Дэвэ́л дыя́ лав лэ́скэ.

Юдэ́нгэ 10:34

Тумэ́ пиридживэнас кхэтанэ́ манушэ́нца, савэ́ сыс бэштэ́ дро штарибэ́н, и ке́ли лынэ́ зорья́са тумаро́ миштыпэ́н, тумэ́ дава́ прилынэ́ радыма́са, пал-дова́ со тумэ́ джинэ́на, со тумэ́ндэ исын дро Болыбна́скиро Раё фэдэды́р миштыпэ́н, саво́ ячэ́лапэ ве́чнэс.