Юдэ́нгэ 9:14 - Библия - Пэ Балтитко Романи чиб (Романэс) 2019

¹⁴ то ци пэ бут бутэды́р выжужакирэ́ла амэн Христосо́скиро рат, Саво́ пир ве́чно Ду́хо (Фа́но) яндя́ Пэс бидоша́кирэс, соб (кай) тэ выжужакирэл амари́ паты́в мулэ́ рэндэ́ндыр тэ дынарина́с джидэ́ Дэвлэ́скэ?

Biblija - Pe Baltitko Romani čib (Romanes) 2019

¹⁴ to ci pe but butedýr vyžužakiréla amen Xristosóskiro rat, Savó pir viéčno Dúho (Fáno) jandiá Pes bidošákires, sob (kaj) te vyžužakirel amarí patýv mulé rendéndyr te dynarinás džidé Devléske?

Юдэ́нгэ 9:14 Referans Kwoze

Юдэ́нгэ 10:22

палдава́ явэ́н пашылэды́р кэ Дэвэ́л чачунэ́ илэ́са, пхэрдэ́ патяибна́са, соб (кай) тэ явэ́н амарэ́ илэ выжужакирдэ грэхэ́ндыр и тэ на чуинас фуес, со амэ сам бангэ́; тэ явэ́н амарэ́ маса́ обмордэ жужэ́ пане́са.

1 Petr 1:19

а тумэ́ сан выкиндлэ дрогонэ́ Христосо́скирэ Ратэ́са, Саво́ сыс сыр Свэ́нто Бакроро́, Конэ́стэ на сыс банг и дош.

1 Ian 1:7

А ко́ли амэ псираса дро Дэвлэ́скиро дуд, адя́кэ-паць сыр Христо́со исын дуд, тэды амэ́ндэ исын кхэтаныпэн екх екхэ́са, и Исусо́скиро Христосо́скиро рат, Лэ́скирэ чхавэ́скиро, жужакирэла (чыстинэла) амэн кажнонэ́ грэхэ́ндыр.

Юдэ́нгэ 9:12

и на бузнэ́нгирэ (козлэнгирэ) и целянтэ́нгирэ ратэ́са, а Пэ́скирэ ратэ́са Ёв загия́ е́кхвар дро Най Свэнтэдыр Штэ́то, и дорэсця́ ве́чно выкиныбэ́н пал амарэ́ грэ́хи.

1 Petr 2:24

Христо́со Кокоро́ Пэ́скирэ Масэнца ґаздыя́ амарэ́ грэ́хи пэ трушу́л, соб (кай) амэ тэ явас мулэ́ ваш грэ́хо и тэ джива́с пир чачипэ́н: Лэ́скирэ фра́нсы (раны) высастякирдэ тумэн.

1 Petr 3:18

пал-дова́ со и Христо́со, соб (кай) тэ янэл амэн кэ Дэвэ́л, е́кхвар мыя́ пал амарэ́ грэ́хи, чачуно́ пал начачунэндэ, Лэ́скирэ Маса́ сыс отдынэ́ пэ мэрибэ́н, а Лэ́скиро Ду́хо (Фа́но) сыс рискирдо кэ джиибэ́н;

Юдэ́нгэ 7:27

Лэ́скэ на трэй тэ янэл свэ́нто дыибэ́н кажно дывэ́с, сыр яви́р рашая́ кэрэ́на адя́кэ, савэ́ ґарэдыр янэ́нас свэ́нта дыибэна́ пал пэ́скирэ грэ́хи, и палэ пал манушэ́нгирэ грэ́хи. Христо́со кэрдя́ дава́ е́кхвар, ке́ли отдыя́ Кокоро́ Пэс сыр свэ́нто дыибэ́н пал амарэ́ грэ́хи.

1 Petr 4:2

соб (кай) палатуно́ (последнё) часо, саво́ яця́пэ лэ́скэ тэ дживэ́л дрэ маса́, тэ дживэ́л адава́ ману́ш на пир пэ́скирэ-лочакиро тырдыпэ́н, а пир Дэвлэ́скири во́ля.

Юдэ́нгэ 1:3

а Чхаво́, Саво́ зяинэла Дадэ́скирэ слава́са, сыкавэ́ла Пэ́са чачипэ́н пал Дэвлэ́стэ, и рикирэ́ла Пэ́скирэ зоралэ́ лавэ́са саро́ свэ́то, и ке́ли Ёв выжужакирдя́ сарэ́ амарэ́ грэ́хи, тэды бэсця́ пир чачи́ риг Дэвлэ́скирэ Барипнастыр дро Болыбна́скиро Раё.

Titoske 2:14

Саво́ отдыя́ Пэс пал амэ́ндэ, соб (кай) Ёв тэ зракхэ́л амэн сарэ́ начачунэ рэндэ́ндыр, тэ кэрэ́л амэн жужэ́ манушэ́нца, соб (кай) амэ тэ явас екх Лэ́скирэ манушэ́нца, савэ́ древа́н тырдэнапэ тэ кэрэ́н лачхипэ́н.

Sykadyipén 1:5

и Исусо́стыр Христосостыр, Саво́ исын патяибны́тко Якхи́тко (Свидетелё), Саво́ исын Пэ́рво, кон уштыя́ мулэ́ндыр и Саво́ исын Барыдыро́ пэ кралье́ндэ пир пхув. Лэ́скэ, Савэ́скэ яця́м дро́га амэ, Ёв отмэкця́ амарэ́ грэ́хи Пэ́скирэ ратэ́са,

Юдэ́нгэ 6:1

Палдава́ мэкаса амэ пэ́рва лава́ пал Христосо́стэ и ява́са тэ пириджас тэ причхувас зор кэ дасаво сыклякирибэ́н, саво́ трэй ваш сталонэ дэвлытконэнгэ; нэ амэ на ява́са нэвэ́стыр тэ сыклякирас пал дасаво джиибэ́н, со янэ́ла манушэ́н кэ мэрибэ́н, а пал патяибэ́н дрэ Дэвлэ́стэ;

Римлянэнгэ 6:13

И на отдэ́н тумарэ́ маса́ грэхо́скэ сы́рбы дрэ васта́ ваш начачипэ́н, а тумэ́ отдэ́н фэды́р пэс Дэвлэ́скэ, сыр тумэ́ сы́рбы отджидынэ мулэ́ндыр дрэ джиибэ́н, и отдэ́н тумарэ́ маса́ дрэ Дэвлэ́скирэ васта́ ваш чачипэ́н.

1 Ian 3:5

И тумэ́ джинэ́на, со Ёв явдя́ ваш дова́, соб (кай) тэ лэл амарэ́ грэ́хи, и со нанэ грэ́хо дрэ Лэ́стэ.

Римлянэнгэ 6:22

Нэ какана́, ке́ли тумэ́ сан вольна грэхостыр и ячнэ́ Дэвлэ́скирэ писхарье́нца, тумэ́ндэ исын свэ́нто отдыибэ́н Лэ́стыр и тумэ́ндэ исын ко́нцо (яго́ро) пэ дава́, саво́ исын ве́чно джиибэ́н.

Ереме́ё 10:10

Нэ Рай Дэвэ́л исын чачуно́ Дэвэ́л: Ёв исын джидо́ Дэвэ́л и Кра́ли пэ сарэ́ ве́ки. Лэ́скирэ холя́тыр издрала пхув и манушы́тка на́цыи на дэ́на ра́да тэ вырикирэн, сыр Ёв холясо́ла зоралэ́с.

Юдэ́нгэ 10:2

И мануша́ пириячэнас тэ янэ́н свэ́нта дыибэна́ (жэртвы), ко́ли ёнэ, ке́ли мангэ́напэ Дэвлэ́скэ сыр трэй пир Зако́но, явэ́нас выжужакирдэ грэхостыр екх мо́ло и пэ саро́ джиибэ́н, и грэ́хо на ячэласпэ дрэ лэ́нгири годы́.”

Эфесянэнгэ 5:2

дживэ́н дрэ паты́в кэ яви́р мануша́, сыр и Христо́со сыкадя́ паты́в амэ́нгэ и отдыя́ Пэс пал амэ́ндэ, сыр гудло́ кхандыпэн и свэ́нто дыибэ́н, саво́ исын лачхо́ Дэвлэ́скэ.

Эфесянэнгэ 2:5

амэн, савэ́ сыс мулэ́ пал амарэ́ налачхэ́ рэ́нды, Ёв отджидякирдя́ дро екхипэ́н Христосо́са, пир бахтякирибэ́н, савэ́са тумэ́ сан зракхнэ́,

2 Коринфянэнгэ 5:21

Пэ Христосо́стэ, Савэ́стэ на сыс грэ́хо, Дэвэ́л чхудя́ сарэ́ амарэ́ грэ́хи сыр свэ́нто отдыибэ́н, соб (кай) амэ тэ ячаспэ чачунэнца анги́л Дэвлэ́стэ пир Христосо́стэ.

Римлянэнгэ 11:12

Ко́ли дава́, со ёнэ пынэ́, янэ́ла свэтоскэ барвало́ бахтякирибэ́н, и ко́ли лэ́нгиро хасякирибэн янэ́ла барвало́ бахтякирибэ́н Наюдэ́нгэ, тэды ци пэ бут буты́р Юдэ́нгэ кокорэндэ явэ́ла барвало́ бахтякирибэ́н пэ ко́нцо (пэ яго́ро).

Luka 1:74

тэ зракхэ́л амэн вастэ́ндыр амарэ́ вэргэ́ндыр, соб (кай) амэ тэ дынарина́с би дара́киро Лэ́скэ,

1 Petr 2:22

“Ёв на кэрдя́ нисаво́ грэ́хо, и на сыс нисаво́ хохаибэ́н дрэ Лэ́скирэ лава́”,

1 Ximaske 1:17

Вечнонэ Крали́скэ, саво́ ние́кхвар на мэрэ́ла и дживэ́ла дрэ сарэ́ ве́ки, Набицялэскэ и Екхджинэскэ Дэвлэ́скэ, мэк тэ явэ́л паты́в и сла́ва дрэ сарэ́ ве́ки.

Galatenge 2:19

Мэ сы́рбы мыём пир Законоскиро сыклякирибэ́н, соб (кай) тэ джива́в дурэды́р пир Зако́но, соб (кай) ма́нгэ тэ джива́в Дэвлэ́са.

2 Коринфянэнгэ 6:16

Саво́ кхэтаныпэн исын машки́р Дэвлэ́скири кхангири́ и идолэ́нгирэ – мангипны́тко кхэр? Пал-дова́ со тумэ́ сан кхангири́ джидэ́ Дэвлэ́скири, сыр Дэвэ́л Кокоро́ пхэндя́: “Мэ ява́ва тэ джива́в машки́р лэ́ндэ и Мэ ява́ва тэ псирав машки́р лэ́ндэ. И Мэ ява́ва лэ́нгиро Дэвэ́л, и ёнэ явэ́на Мирэ́ мануша́.”

Римлянэнгэ 11:24

Палдава́ со, ко́ли ту са́нас чингирдо криг оливитконэ́ каштэ́стыр пир бияныпэ́н, и на пир пэ́скиро бияныпэ́н, и тут прибарьякирдэ кэ лачхи́ оливи́тко раслина, то фэды́р сарэ́стыр прибарьёна долэ́ рандя́ кэ пэ́скиро оливи́тко кашт (дрэ́во), савэ́стыр ёнэ сыс отчингирдэ.

Римлянэнгэ 1:20

Пал-дова́, сыр Дэвэ́л создыя́ свэ́то, Лэ́скири векоскири зор и Дэвлыткима бицялэ дрэ Лэ́скирэ рэ́нды (де́лы), ке́ли ману́ш шука́р думинэ́ла пал дава́; адя́кэ со манушэ́нгэ нанэ примангипэн, ко́ли ёнэ ракирна, со ёнэ на джинэ́на Дэвлэ́с.

Joannostir 3:34

Пал-дова́ со Кодова́, Конэ́с бичхадя́ Дэвэ́л, ракирэ́ла лава́ Дэвлэ́скирэ, пал-дова́ со Дэвэ́л дэ́ла Пэ́скиро Ду́хо (Фа́но) Лэ́скэ би меракиро.

Luka 4:18

“Дэвлэ́скирэ–Ра́скиро Ду́хо (Фа́но) исын пэ ма́ндэ; пал-дова́ со Ёв выкэдыя́ Ман тэ роспхэнав бахталы́ зан (звесь) богэнгэ и бичхадя́ Ман тэ пхэна́в во́ля одолэ́нгэ, савэ́ исын дро пле́но, тэ дыкхэ́н свэ́то корорэнгэ; тэ отмэкав пэ во́ля и тэ дзн васт одолэ́нгэ, савэ́н вэ́рги притасадэ,

Матфеё 20:28

адя́кэ сыр Чхаво́ Манушэ́скиро явдя́ на ваш дова́, соб (кай) Лэ́скэ тэ дынаринэ́л, нэ соб (кай) Ёв тэ дынаринэ́л и тэ отдэ́л Пэ́скиро джиибэ́н, сыр выкиныбэ́н пал бутэндэ.”

Дание́лё 6:26

Ма́ндыр дэ́лапэ припхэныбэ́н, соб (кай) дрэ кажно риг мирэ́ кралипнаскири, мануша́ тэ издран и тэ дэн паты́в кэ дар анги́л Даниелёскирэ Дэвлэ́стэ, пал-дова́ со Ёв исын Дэвэ́л джидо́ и ве́чно, о Кралипэ́н Лэ́скиро на пхарадёла, и Лэ́скирэ райканыпнаскиро кралипэ́н – пэ сарэ́ ве́ки.

Левито 22:20

нисаво́ мурда́л (жывотно), пэ савэ́стэ исын дош, тэ на янэ́н; пал-дова́ со дава́ на дэ́ла тумэ́нгэ Ра́стыр-Дэвлэ́стыр ла́ска.

Юдэ́нгэ 11:21

Патяибна́са Яково анги́л, сыр тэ мэрэ́л, бахтякирдя́ Ёза́скирэ (Иосифо́скирэ) чхавэ́н, тэрдия́ пэ чанга́ и помангдяпэ Дэвлэ́скэ, ке́ли рикирдяпэ пал пэ́скиро дэсто́.

Юдэ́нгэ 9:9

кадая́ пэ́рво Свэ́нто Ша́тра исын сы́рбы приме́ро (сыкаибэ́н), со кэрэ́лапэ дро амаро́ часо, дро саво́ янэ́на да́ры, и свэ́нта дыибэна́, савэ́ на могинэ́на тэ кэрэ́н бидошакирэса кодолэ́с, кон мангэлапэ Дэвлэ́скэ, сыр трэй пир Зако́но,

Apostolengiri Butý 14:15

ракири́: “Мануша́лэ! Со тумэ́ кэрэ́на? Амэ сам дасавэ́-паць мануша́, сыр и тумэ́, и роспхэнаса бахталы́ зан тумэ́нгэ, и амэ камаса, соб (кай) тумэ́ тэ мэкэ́н кадалэ́ хоханэ́ и́долы и тэ прилэ́н джидэ́ Дэвлэ́с, Саво́ создыя́ болыбэ́н и пхув и пани́, и саро́, со исын дрэ лэ́ндэ;

Apostolengiri Butý 10:38

пал Исусо́стэ Назаретостыр: сыр Дэвэ́л дыя́ Свэ́нто Ду́хо (Фа́но) Лэ́скэ и зор, и, сыр Ёв псирдя́ пир сари́ пхув, кэрдя́ лачхипэ́н и састякирдя сарэ́н, савэ́ндэ сыс налачхэскири зор, пал-дова́ со Дэвэ́л сыс Лэ́са.

Яви́р Зако́но 17:1

На ян дрэ свэ́нто дыибэ́н Ра́скэ-Дэвлэ́скэ, Дэвлэ́скэ тырэ́скэ, гурувэ́с, ци бакрэ́с, пэ савэ́ндэ явэ́ла дош, ци вари-саво́ фуипэ́н, пал-дова́ со дава́ исын магирипэ́н ваш Ра́скэ-Дэвлэ́скэ, Дэвлэ́скэ тырэстэ.

Юдэ́нгэ 9:7

а дрэ яви́р Свэ́нто Ша́тра, сави́ сыс андра́л, заджалас екх Англатуно́ Раша́й, е́кхвар дро бэрш, ратэ́са и свэнтонэ́ дыибнаса пал манушэ́нгирэ грэ́хи, савэ́ ёнэ кэрдэ́ пир пэ́скиро наджиныбэн.

1 Ximaske 3:15

нэ ко́ли мэ зарикиравпэ, соб (кай) ту тэ джинэ́с, сыр трэй тэ лыджас пэс дрэ Дэвлэ́скиро Кхэр, саво́ исын джидэ́ – Дэвлэ́скири Кхангири́, сави́ исын шэрало́ бар и фунда́менто ваш чачипэ́н.

1 Фесалоникийцэнгэ 1:9

пал-дова́ со ёнэ кокорэ́ роспхэндлэ́ пал амэ́ндэ, сыр тумэ́ прилынэ́ амэн, ке́ли амэ явдя́м кэ тумэ́: и сыр тумэ́ рисинэ́ кэ Дэвэ́л идолэндыр, соб (кай) тэ кэрэ́н свэ́нто буты́ джидэ́ и чачунэ́ Дэвлэ́скэ,

Apostolengiri Butý 1:2

кэ/жы́ко дова́ дывэ́с, дро саво́ Ёв ґаздыя́пэ пэ болыбэ́н и дыя́ припхэныбэ́н пир Свэ́нто Ду́хо (Фа́но) одолэ́ Апостолэнгэ, савэ́н Ёв Кокоро́ выкэдыя́,

Luka 12:28

Ко́ли ж дасаво урибэ́н Дэвэ́л дэ́ла фэлдытконэ чарьякэ, сави́ ададывэ́с исын пэ фэ́лда, нэ атася́ явэ́ла чхурдыны дро бов, тэды пэ кицы́ фэды́р Ёв дэ́ла тумэ́нгэ урибэ́н, тумэ́ ж сан набарэ́ – патяибнаскирэ мануша́?

Luka 12:24

Дыкхэ́н пэ коракэндэ (воронэндэ), ёнэ на чхувэ́на дрэ пхув и на счхинэна; лэ́ндэ нанэ ни пиралы́, ни шу́рна; и Дэвэ́л чалякирэла лэн. Пэ кицы́ фэдыдыр тумэ́ сан чириклендыр?

Матфеё 12:28

Нэ ко́ли Мэ традава яври́ налачхэ́ ду́хи Дэвлэ́скирэ Духо́са (Фаноса), тэды Дэвлэ́скиро Кралипэ́н явдя́ кэ тумэ́.

Матфеё 7:11

Ко́ли тумэ́ сан налачхэ́, и джинэ́на тэ кэрэ́н лачхипэ́н пэ́скирэ чхавэ́нгэ, пэ кицы́ буты́р тумэ́ндыр тумаро́ Болыбна́скиро Дад кэрэ́ла лачхипэ́н одолэ́нгэ, савэ́ мангэна Лэ́стыр.

2 Kralip 4:11

тэды какана́, кеды налачхэ́ мануша́ замардэ́ манушэ́с, саво́ исын набанго дро лэ́скиро кхэр пэ лэ́скиро чхуибэ́н, нау́што мэ на зродава лэ́скиро рат тумарэ́ вастэ́стыр и на традава тумэн пхувья́тыр?”

Яви́р Зако́но 33:27

Тыро́ Рай Дэвэ́л исын ґаратуно штэ́то тэ гарадёс, и ту сан тэл вечна васта́; Ёв традэ́ла криг вэргэ́н (врогэн) тырэ́ мо́стыр и пхэнэ́ла: “Хасякир лэн!”

Čysly 28:11

И дро нэво́ чхон тумаро́, янэ́н цэ́ло схачкирибэ́н Ра́скэ-Дэвлэ́скэ: барэ́ кхэритконэ́ мурдалэстыр (ското́стыр) дуе́н тэрнэн гуруворэ́н, екхэ́с бакрэ́с и эфта́ екхэ-бэршытконэн бакрэ́н би дошакиро,

Римлянэнгэ 1:4

отджидыя́ мулэ́ндыр, амаро́ Рай Дэвэ́л Ису́со Христо́со, Саво́ сыс свэ́нто бияныпнастыр и допхэндя барэ́ зорья́са, со Ёв исын Дэвлэ́скиро Чхаво́;

Isajos 57:15

Пал-дова́ со адя́кэ ракирэ́ла Вучо́, Вучэ́с ґаздыно́, Саво́ дживэ́ла ве́чнэс, Лэ́скиро лав исын “Свэ́нто”: “Мэ джива́ва пэ вучо́ болыбэ́н и пэ свэ́нто штэ́то и адя́кэ-паць одолэ́ манушэ́нца, конэ́скиро ду́хо (фа́но) исын пхагирдо́, и кон исын на пхутькирдо, соб (кай) тэ отджидякирав ду́хо (фа́но), кон на пхутькирдо, и тэ отджидякирав илэ, конэ́стэ ду́хо (фа́но) исын пхагирдо́.

Яви́р Зако́но 15:21

Ко́ли явэ́ла пэ лэ́стэ дош, лангало, ци короро́, ци яви́р вари-сави́ дош, тэды на лы́джа лэс дрэ свэ́нто яныбэ́н Ра́скэ-Дэвлэ́скэ, тырэ́скэ Дэвлэ́скэ,

Čysly 28:3

И пхэн лэ́нгэ: “Дава́ исын свэ́нто яныбэ́н ваш яг, сави́ тумэ́ сан бангэ́ тэ янэ́н Ра́скэ Дэвлэ́скэ: дуй бакрэ́ екхэ-бэршы́тка би дошакирэ пэ дывэ́с, дро цэ́ло схачкирибэ́н кажно дывэ́с.

Isajos 53:9

Лэс камлэ́ тэ гаравэн кхэтанэ́ прахарьенца, нэ Ёв сыс гарадо́ кэ барвало́ ману́ш, пал-дова́ со Ёв на кэрдя́ грэ́хо, и на сыс хохаибэ́н дрэ Лэ́скирэ ушта́.

Isajos 42:1

“Акэ исын Миро писха́ри, Конэ́с Мэ рикирава пал васт, Конэ́с Мэ выкэдыём, кэ Кон пасёла Миро ило́, Мэ чхува́ва пэ Лэ́стэ Миро ду́хо (фа́но), и Ёв пхэнэ́ла пал сэ́ндо кэ народы.

Ióvo 15:16

– пэ ада́кицы буты́р о ману́ш исын джунгало́ (брытко) и розмэкнэ-годя́киро, кон кэрэ́ла чорипэ́н адя́кэ-паць, сы́рбы ёв пьел пани́:

4 Kralip 19:16

Раё Дэ́вла, причху́в кан Тыро́, и шун; откэр, Раё Дэ́вла, якха́ Тырэ́, и ўздыкх, и шун лава́ Сенахиримоскирэ, саво́ бичхадя́ тэ калякирэн Дэвлэ́с джидэс!

1 Kralip 17:26

И пхэндя́ Дави́до манушэ́нгэ, савэ́ сыс тэрдэ́ лэ́са: “Со кэрэ́на одолэ́скэ, кон мулякирэ́ла далэс Филистимлянинос и злэла ладж Израилёстыр? Палдава́ со кон исын адава́ наобчхиндло Филистимлянино, со адя́кэ ёв ладжакирэл джидэ́ Дэвлэ́скирэ халадэ́н?”

Яви́р Зако́но 5:26

пал-дова́ со, ци исын сави́ лоч (плоть), сави́ шундя́ Ра́скирэ-Дэвлэ́скири джидэскири зан (глос), сави́ ракирдя́ машкира́л яг, сыр амэ и яцямпэ джидэ́?

Čysly 28:9

А дро са́вато (субо́та) янэ́н дуе́н екхэ-бэршытконэн бакрэ́н би дошакиро, и ваш маруно́ дыибэ́н янэ́н дуй-дэшэнгирэ паша́ эфатыр пшэничнонэ яржэстыр, пиримешындло елеёса и вычхуибэн пашы́л лэ́стэ:

Isajos 61:1

Ра́скирэ-Дэвлэ́скиро Ду́хо (Фа́но) исын пэ Ма́ндэ, пал-дова́ со Рай Дэвэ́л помакхця Ман тэ пхэна́в бахтало́ лав (бахталы́ зан) чорорэнгэ; бичхадя́ Ман, соб (кай) тэ састякирав манушэ́н розмардэ илэ́са, тэ пхэна́в пал во́ля одолэ́нгэ, кон исын дрэ наволя (бэшыбэн); тэ пхэна́в манушэ́нгэ дрэ бэшыбэн, со вудара́ бэшыбнытка исын псирадэ (откэрдэ).

Яви́р Зако́но 31:27

пал-дова́ со мэ джино́м, со тумэ́ сан бунтуи́тка и пхарэ́-илытка: Ѓа́да и акана́, ке́ли мэ джива́ва акана́ тумэ́нца, тумэ́ сан нарта (упряма) анги́л Растэ-Дэвлэ́стэ, и ишчо (инкэ́) буты́р явэ́на, сыр мэ мэра́ва?

Vygiiben 12:5

Бакро тумэ́ндэ трэй тэ явэ́л бидошэ́нгиро, муршытко, екхэ-бэршытко; лэн лэс бакрэ́ндыр ци бузнэндыр,

Psalmy 51:2

ке́ли проро́ко Натано (Нафано) явдя́ кэ Ёв, сыр Ёв загия́ кэ Вирса́вия.

Езэкилё 45:18

Адя́кэ ракирэ́ла Рай Дэвэ́л, Дэвэ́л: Дро пэ́рво чхон, пэ пэ́рво чхонытко дывэ́с лэ гурувэндыр бидошакирэ гуруво́рэс тэ жужакирэл свэ́нто штэ́то.

Матфеё 16:16

И Си́моно Пэ́три отпхэндя́ и пхэндя́: “Ту сан Христо́со, Чхаво́ Джидэ́ Дэвлэ́скиро, Саво́ дживэ́ла ве́чнэс”

Apostolengiri Butý 15:9

и Ёв на кэрдя́ нисаво́ выкэдыибэн машки́р амэ́ндэ и лэ́ндэ, пал-дова́ со Ёв патяибна́са выжужакирдя́ лэ́нгирэ илэ.

1 Коринфянэнгэ 15:45

Адя́кэ, сыр исын чхиндло́: “Пэ́рво ману́ш Адамо сыс создыно́ сыр джидо́ ди, палатуно́ Адамо яця́ отджидякирибнытконэ духо́са.”

Юдэ́нгэ 3:12

Пшала́лэ, дыкхэ́н, соб (кай) тэ на явэ́л пхутькирдо ило́ ни дрэ конэ́стэ тумэ́ндыр, саво́ на кандэ́ла Дэвлэ́с, соб (кай) тумэ́ тэ на отджан джидэ́ Дэвлэ́стыр.

Юдэ́нгэ 7:16

Саво́ яця́ раша́са на пир манушэ́нгиро упхэныбэн, сыр дада́, а пир джиибна́скири зор, сави́ нашты́ тэ мулякирэс.

Юдэ́нгэ 9:26

тэды Христосо́скэ трэиндя́ тэ мэнчынэлпэ кажно мо́ло, сыр свэ́то сыс создыно́. Нэ какана́, е́кхвар пэ векоскиро ко́нцо (яго́ро), Ёв сыкадя́ Пэс и отдыя́ Пэс сыр свэ́нто дыибэ́н, соб (кай) тэ отпарувэл грэ́хи.

Юдэ́нгэ 10:10

и пир Дэвлэ́скири во́ля амэ сам свэнцындлэ Исусо́скирэ Христосо́скирэ мэнькэндыр дрэ маса́, савэ́ сыс яндлэ́ сыр да́ро е́кхвар, пал сарэ́ндэ.

Юдэ́нгэ 10:12

а Ёв, Христо́со, отдыя́ Пэс е́кхвар дро свэ́нто дыибэ́н пал грэ́хи и бэсця́ пэ саро́ часо пир чачи́ (право) риг Дэвлэ́стыр,

Юдэ́нгэ 13:12

палдава́ и Ису́со, соб (кай) тэ свэнцынэл манушэ́н грэхэ́ндыр Пэ́скирэ ратэ́са, мэнчындяпэ пэ мэрибэ́н пал фо́ро: