Юдэ́нгэ 9:12 - Библия - Пэ Балтитко Романи чиб (Романэс) 2019

¹² и на бузнэ́нгирэ (козлэнгирэ) и целянтэ́нгирэ ратэ́са, а Пэ́скирэ ратэ́са Ёв загия́ е́кхвар дро Най Свэнтэдыр Штэ́то, и дорэсця́ ве́чно выкиныбэ́н пал амарэ́ грэ́хи.

Biblija - Pe Baltitko Romani čib (Romanes) 2019

¹² i na buznéngire (kozlengire) i cielianténgire ratésa, a Péskire ratésa Jov zagijá jékhvar dro Naj Sventedyr Štéto, i doresciá viéčno vykinybén pal amaré gréhi.

Юдэ́нгэ 9:12 Referans Kwoze

Юдэ́нгэ 10:4

Пал-дова́ со нашты́, соб (кай) целянтэнгиро и бузнэнгиро (козлэнгиро) рат тэ отмэкэ́л грэ́хо манушэ́стыр.

Юдэ́нгэ 9:15

И палдава́ Христо́со яндя́ Нэво́ Завето, соб (кай) одолэ́ мануша́, савэ́н Дэвэ́л кхардя кэ Пэ прикхардя, могиндлэ́ тэ дорэсэн ве́чно штэ́то дро Болыбна́скиро Раё, пал со Ёв и дыя́ лав. Лэ́скиро мэрибэ́н исын сы́рбы выкиныбэ́н пал грэ́хи, савэ́ кэрдэ́ мануша́, ке́ли пхурано́ завето рикирдя зор.

Эфесянэнгэ 1:7

дрэ Савэ́стэ и пир Савэскиро Рат амэ сам выкиндлэ (выракхнэ), амарэ́ грэ́хи исын отмэкнэ пир Лэ́скиро барвало́ бахталыпэ́н;

Юдэ́нгэ 5:9

и ке́ли Христо́со кэрдя́ кэ ко́нцо / яго́ро (сполниндя) дава́ саро́, Ёв яця́ и тэ зракхэ́л манушэ́н пэ сарэ́ ве́ки, савэ́ кандэ́на Лэс,

Sykadyipén 1:5

и Исусо́стыр Христосостыр, Саво́ исын патяибны́тко Якхи́тко (Свидетелё), Саво́ исын Пэ́рво, кон уштыя́ мулэ́ндыр и Саво́ исын Барыдыро́ пэ кралье́ндэ пир пхув. Лэ́скэ, Савэ́скэ яця́м дро́га амэ, Ёв отмэкця́ амарэ́ грэ́хи Пэ́скирэ ратэ́са,

Юдэ́нгэ 10:19

Палдава́, пшала́лэ, амэ могинаса муршканэ́с тэ заджас пэ Свэ́нто Штэ́то, пал-дова́ со Ису́со прочхудя Пэ́скиро рат;

Юдэ́нгэ 9:28

адя́кэ-паць и Христо́со сыс е́кхвар яндло сыр свэ́нто дыибэ́н пал бутэ́-манушэ́нгирэ грэ́хи. Нэ Ёв явэ́ла яви́р мо́ло кэ одолэ́, савэ́ древа́н ужакирэ́на Лэс тэ зракхэ́л лэн, нэ на ваш дова́, соб (кай) тэ отмэкэ́л грэ́хи.

Юдэ́нгэ 7:27

Лэ́скэ на трэй тэ янэл свэ́нто дыибэ́н кажно дывэ́с, сыр яви́р рашая́ кэрэ́на адя́кэ, савэ́ ґарэдыр янэ́нас свэ́нта дыибэна́ пал пэ́скирэ грэ́хи, и палэ пал манушэ́нгирэ грэ́хи. Христо́со кэрдя́ дава́ е́кхвар, ке́ли отдыя́ Кокоро́ Пэс сыр свэ́нто дыибэ́н пал амарэ́ грэ́хи.

Левито 9:15

И яндя́ яныбэ́н манушэ́ндыр, и лыя́ манушэ́ндыр бузнэ́с пал грэ́хо, и зачхиндя́ лэс, и яндя́ лэс дро свэ́нто дыибэ́н пал грэ́хо, сыр и англатунэс.

Юдэ́нгэ 9:13

Пал-дова́ со, ко́ли бузнэ́нгиро ци целянтэ́нгиро рат и тэрнэ́-рэца́кири (тёлкакири) пра́ска (пепло), со кропинэлапэ пэ манушэ́ндэ, савэ́ исын нажужо тэ клонинэнпэ патыва́са Дэвлэ́скэ, кэрэ́ла жужа́са (чыстонаса) лэ́нгири лоч,

Юдэ́нгэ 1:3

а Чхаво́, Саво́ зяинэла Дадэ́скирэ слава́са, сыкавэ́ла Пэ́са чачипэ́н пал Дэвлэ́стэ, и рикирэ́ла Пэ́скирэ зоралэ́ лавэ́са саро́ свэ́то, и ке́ли Ёв выжужакирдя́ сарэ́ амарэ́ грэ́хи, тэды бэсця́ пир чачи́ риг Дэвлэ́скирэ Барипнастыр дро Болыбна́скиро Раё.

1 Фесалоникийцэнгэ 1:10

и тэ ужакирэн Лэ́скирэ Чхавэ́с, саво́ явэ́ла Болыбна́скирэ Раёстыр, Савэс Ёв отджидякирдя́ мулэ́ндыр, Исусо́с, Саво́ зракхэ́ла амэн Дэвлэ́скирэ холя́тыр, сави́ явэ́ла.

Заха́рия 3:9

Пал-дова́ со акэ, дова́ бар, саво́ Мэ чхува́ва анги́л Исусо́стэ; пэ дава́ екх бар исын эфта́ (битринэ́нгиро дэш) якха́; акэ, Мэ вычхинава пэ лэ́стэ лэ́скирэ чхиныбна, – ракирэ́ла янголэ́нгирэ-болыбна́скирэ, Рай Дэвэ́л, и Мэ кхосава криг адалэ́ – пхувья́киро грэ́хо дро екх дывэ́с.

Дание́лё 9:24

эфтадэша́ куркэ сыс гиндлэ́ ваш тыро́ народо и тыро́ свэ́нто фо́ро, Ерусалимо, соб (кай) учхакирдо тэ явэ́л чорипэ́н и тэ кончынэнпэ грэ́хи и тэ явэ́н выкхослэ бизаконытка рэ́нды (бизаконии), и, соб (кай) тэ явэ́л лыджино ве́чно чачипэ́н, тэ явэ́н запечатымэ дыкхибэ́н и проро́ко, и тэ явэ́л помакхно Свэ́нто-свэнтонэнгиро.

Колосянэнгэ 1:14

Саво́ выкиндя (выракхця) амэн Пэ́скирэ Ратэ́са и отмэкця́ амарэ́ грэ́хи;

Apostolengiri Butý 20:28

И адя́кэ ракхэ́н пэс и сарэ́ дэвлытконэ́ манушэ́н, савэ́н Свэ́нто Ду́хо (Фа́но) чхудя́ тэ явэ́н кхангирья́кирэ барыдырэ́нца (дыкхибнаскирэнца), соб (кай) тэ ракхэ́н Дэвлэ́скири Кхангири́, сави́ Ёв дорэсця́ Пэ́скэ Лэ́скирэ-Чхавэ́скирэ Ратэ́са.

Marko 3:29

нэ кошыбэ́н пэ Свэ́нто Ду́хо (Фа́но) на отмэкэлапэ никели, грэ́хо дава́ ячэ́лапэ пэ далэ́ манушэ́стэ пэ сарэ́ бэрша́.’”

Sykadyipén 5:9

И ёнэ багандлэ нэви́ гилы́, пхэни́: “Ту сан мол тэ прилэс кадава́ сви́тко и тэ отпхандэс чэргэнорья (печати), пал-дова́ со Ту са́нас зачхиндло́ и Ту выкиндян манушэ́н ваш Дэвлэ́скэ Пэ́скирэ ратэ́са кажнонэ́ екхэ́-чиба́кирэ ирья́тыр (сэм΄я́тыр) и кажнонэ́ родыцо́стыр, и манушытконэ́ нацыя́тыр и кхэритконэ́ родо́стыр.

Titoske 2:14

Саво́ отдыя́ Пэс пал амэ́ндэ, соб (кай) Ёв тэ зракхэ́л амэн сарэ́ начачунэ рэндэ́ндыр, тэ кэрэ́л амэн жужэ́ манушэ́нца, соб (кай) амэ тэ явас екх Лэ́скирэ манушэ́нца, савэ́ древа́н тырдэнапэ тэ кэрэ́н лачхипэ́н.

Левито 8:2

“Лэ Аароно́с и лэ́скирэ чхавэ́н лэ́са, и и́ди, и оливи́тко дзэт (елеё) тэ макхэс, и гуруво́рэс (тельцос) ваш свэ́нто дыибэ́н пал грэ́хо и дуе́н бакрэ́н (овнэн), и кхудо (корзина) апреснокэнца,

Юдэ́нгэ 9:7

а дрэ яви́р Свэ́нто Ша́тра, сави́ сыс андра́л, заджалас екх Англатуно́ Раша́й, е́кхвар дро бэрш, ратэ́са и свэнтонэ́ дыибнаса пал манушэ́нгирэ грэ́хи, савэ́ ёнэ кэрдэ́ пир пэ́скиро наджиныбэн.

Левито 4:3

ко́ли помакхно раша́й кэрэ́ла грэ́хо и кэрэ́ла манушэ́н бангэнца, то тэды пал пэ́скиро грэ́хо, саво́ кэрдя́ ёв, мэк тэ янэл барэ́ кхэритконэ́ мурдалэстыр гуруво́рэс, бидошэнгирэс, Ра́скэ-Дэвлэ́скэ дро свэ́нто дыибэ́н пал грэ́хо,

Левито 16:15

Тэ́ньци ёв зачхинэла бузнэ́с (козлос) дро свэ́нто дыибэ́н пал манушэ́нгиро грэ́хо, и лыджа́ла андрэ́ лэ́скиро рат пал полого, и кэрэ́ла дова́-паць лэ́скирэ ратэ́са, со кэрдя́ гуруворэскирэ ратэ́са, и чхувэ́ла лэ́са пэ дэнко и анги́л дэнко,

Luka 1:68

“Бахтало́ исын Рай Дэвэ́л, Израилёскиро Дэвэ́л, Саво́ явдя́ тэ дыкхэ́л Пэ́скирэ манушэ́н и тэ выракхэл лэн,

Юдэ́нгэ 9:14

то ци пэ бут бутэды́р выжужакирэ́ла амэн Христосо́скиро рат, Саво́ пир ве́чно Ду́хо (Фа́но) яндя́ Пэс бидоша́кирэс, соб (кай) тэ выжужакирэл амари́ паты́в мулэ́ рэндэ́ндыр тэ дынарина́с джидэ́ Дэвлэ́скэ?

Юдэ́нгэ 9:19

И палдава́, ке́ли Мо́йза пхэндя́ сарэ́ припхэныбэна́ Законо́стыр сарэ́ манушэ́нгэ, ёв лыя́ целянтэнгирэ и бузнэнгиро (козлэнгиро) рат пане́са, лолэ́ балэнца и исопоскирэ ранденца, и кропиндя лэ́нца сыр кокори лылвари́-сви́тко, адя́кэ-паць и сарэ́ манушэ́н.

Юдэ́нгэ 13:12

палдава́ и Ису́со, соб (кай) тэ свэнцынэл манушэ́н грэхэ́ндыр Пэ́скирэ ратэ́са, мэнчындяпэ пэ мэрибэ́н пал фо́ро: