Юдэ́нгэ 9:11 - Библия - Пэ Балтитко Романи чиб (Романэс) 2019

¹¹ Нэ Христо́со явдя́, сыр Англатуно́ Раша́й ваш лачхипэ́н, саво́ явэ́ла анги́л барыдыршонэ и фэдыдыршонэ шатраса, сави́ кэрдэ́ на манушэ́нгирэ васта́, и сави́ нанэ далэ́ свэтоскири, со исын кэрдо́,

Biblija - Pe Baltitko Romani čib (Romanes) 2019

¹¹ Ne Xristóso javdiá, syr Anglatunó Rašáj vaš lačhipén, savó javéla angíl barydyršone i fedydyršone šatrasa, saví kerdé na manušéngire vastá, i saví nane dalé svetoskiri, so isyn kerdó,

Юдэ́нгэ 9:11 Referans Kwoze

2 Коринфянэнгэ 5:1

Пал-дова́ со амэ джина́са, со, ке́ли дая́ ша́тра – со исын амаро́ кхэр пэ пхув, пхадёла, то Дэвэ́л дэ́ла кхэр дро Болыбна́скиро Раё тэ джива́с амэ́нгэ, дава́ кхэр исын ве́чно, и на мануша́ чхудэ́ лэс.

Юдэ́нгэ 10:1

Юдэ́нгиро Зако́но исын сы́рбы зэр (тенё) пал дова́ чачипэ́н, саво́ явэ́ла анги́л, дава́ нанэ кокори патри́н (о́бразо). Палдова́ со Зако́но кокоро́ на кэрэ́ла манушэ́н бидошакирэнца, савэ́ явэ́на тэ мангэ́нпэ Дэвлэ́скэ, ке́ли ёнэ со бэрш янэ́на дасавэ́-паць свэ́нта дыибэна́ пэ алта́рё.

Marko 14:58

“Амэ шундя́м, сыр Ёв ракирдя́: ‘Мэ роспхагирава дая́ Кхангири́, сави́ кэрдэ́ мануша́, и палэ трин дывэса́ ґазда́ва яви́р кхангири́ би манушэ́нгирэ вастэнгиро?’”

1 Ian 5:20

Амэ джина́са, со Дэвлэ́скиро Чхаво́ явдя́ и дыя́ амэ́нгэ годы́, соб (кай) амэ тэ уджинас, кон исын чачуно́ Дэвэ́л, и соб (кай) амэ́нгэ тэ явас дро екхипэ́н чачунэ́ Дэвлэ́са, Лэ́скирэ Чхавэ́са, Исусо́са Христосо́са. Дава́ исын чачуно́ Дэвэ́л и ве́чно джиибэ́н.

Юдэ́нгэ 2:17

Ваш дава́ Христосо́скэ трэиндя́ тэ явэ́л адасаво́-паць, сыр Лэ́скирэ пша́ла, соб (кай) ёв тэ явэ́л лачхэ́-илэ́скиро и чачуно́ Англатуно́ Раша́й тэ дынаринэ́л анги́л Дэвлэ́стэ, соб (кай) Ёв тэ отмэкэ́л манушэ́нгирэ грэ́хи;

Apostolengiri Butý 7:48

Нэ Са́мо Вучэды́р Дэвэ́л на дживэ́ла дрэ кхэра́, савэ́ кэрдэ́ манушы́тка васта́, адя́кэ, сыр ракирэ́ла пал дава́ проро́ко:

2 Ian 1:7

Пал-дова́ со бут хохаибнарья загинэ́ дро свэ́то, савэ́ на приґалёна, со Ису́со Христо́со явдя́ дро манушы́тко лоч. Кадасаво́ ману́ш исын хохаибнари и вэ́рго (врого) Христосо́скэ.

Юдэ́нгэ 3:1

Палдава́, пшала́лэ свэ́нта, савэ́н Дэвэ́л адя́кэ-паць прикхардя, дыкхэ́н пэ Исусо́стэ, Савэс Дэвэ́л бичхадя́ тэ явэ́л англатунэ́ Раша́са пир амаро́ патяибэ́н,

Joannostir 4:25

Джувлы́ ракирэ́ла Лэ́скэ: “Мэ джино́м (джина́в), со явэ́ла Месия, ґа́да, исын Христо́со; ке́ли Ёв явэ́ла, тэды Ёв саро́ роспхэнэ́ла амэ́нгэ.”

Joannostir 1:14

И Лав яця́ манушэ́са дрэ лоч (плоть) и дживдя́ амэ́нца; и амэ дыкхцям Лэ́скиро ярко шукарипэ́н и зор, сави́ сыс Лэ́стэ сыр Екхэбияныпнытконэ Чхавэ́стэ, Саво́ исын Дадэ́стэ, и Саво́ исын пхэрдо́ бахталыпнаса и чачипна́са.

Psalmy 40:7

Ту на выкэдыян ни свэ́нта дыибэна́ (жэртвы), ни яныбэна́; Ту отпхандян мирэ́ кана́. Хачкирибнаскирэ свэ́нта дыибэна́ и свэ́нта дыибэна́ пал грэ́хо Ту на древа́н мангэса.

Юдэ́нгэ 7:1

Пал-дова́ со Мелхисэдэ́ко сыс Салимоскиро кра́ли, раша́й Най Вучэдырэскирэ Дэвлэ́скиро, одова́, кон стрэниндя (пирилыя) Авраамос и бахтякирдя́ лэс, ке́ли одова́ рисёлас палэ, сыр мулякирдя́ кралье́н;

Isajos 59:20

“И явэ́ла Одова́, Кон выкинэла Сио́но и Яково́скирэ чхавэ́н, савэ́ отгинэ́ чорипна́стыр”, – ракирэ́ла Рай Дэвэ́л.

Юдэ́нгэ 4:15

Амэ́ндэ исын на адасаво́ англатуно́ раша́й, саво́ на могинэ́ла тэ помогинэл (тэ подэл васт) амэ́нгэ дро амаро́ бизорьякирибэн, нэ Адасаво́ Англатуно́ Раша́й, Саво́ сыс пропатякирдо дро саро́, нэ сыр и амэ, нэ Саво́ на кэрдя́ грэ́хо.

Колосянэнгэ 2:11

дро екхипэ́н Лэ́са тумэ́ са́нас обчхиндлэ́ на манушытконэ́ вастэ́нца, ке́ли лэнапэ криг грэхоскирэ лочакирэ маса́ обчхиныбнаса, а Христосо́скирэ-духо́скирэ обчхиныбнаса;

Матфеё 11:3

тэ пхэнэ́л Лэ́скэ: “Ту сан Кодова́, Савэ́скэ трэй тэ явэ́л, ци явирэ́с амэ́нгэ тэ ужакирас?”

Матфеё 2:6

“И ту, Вифлее́мо, пхув Юдаскири, ту на сан тыкнэды́р Хуландыр Юдэя́тыр; пал-дова́ со ту́тыр выджа́ла Шэрало́, Саво́ явэ́ла тэ хулаинэ́л пэ Израилёскирэ манушэ́ндэ.”

Džiibén 49:10

На отджала Юдастыр скипетро и законоскиро дыибнари лэ́скирэ трушулэндыр, кэ дава́ часо, пака явэ́ла Раманёскиро (Примирителё), и лэс явэ́на тэ кандэ́н мануша́.

Малахия 3:1

“Акэ, Мэ бичхава́ва Мирэ́ Янголо́с (звесь-яныбнаскирэс), и ёв кэрэ́ла дром анги́л Ма́ндэ. О Рай Дэвэ́л, Савэс родэ́на тумэ́, явэ́ла кэ Пэ́скири Кхангири́, и Янго́ло (звесь-яныбнаскиро) пэ дава́ завето, Савэс камэ́на тумэ́: акэ, Ёв джа́ла”, – ракирэ́ла янголэ́нгирэ-болыбна́скиро Рай Дэвэ́л.

Ереме́ё 33:8

И Мэ выжужакирава лэн сарэ́ лэ́нгирэ чорипна́стыр, савэ́са ёнэ кэрдэ́ грэ́хи проти Ма́ндэ, и Мэ отмэка́ва саро́ чорипэ́н лэ́нгиро, савэ́са ёнэ кэрдэ́ грэ́хи проти Ма́ндэ, и савэ́нца ёнэ пхагирдэ́ [парудэ-р.с.] Миро Зако́но.

2 Коринфянэнгэ 4:18

и амэ думинаса на пал дова́, со исын бицяло́, а пал дова́, со нанэ бицяло́; пал-дова́ со саро́ бицяло́ исын пэ наборо (кротко) часо, а набицяло исын ве́чно.

Юдэ́нгэ 12:27

Нэ лав “ишчо (инкэ́) мо́ло” сыкавэ́ла пэ дова́, со Дэвэ́л кэрдя́, и со могинэ́ла тэ хасёл, соб (кай) тэ ячэ́лпэ дова́, со ние́кхвар на тринскирлапэ.

Юдэ́нгэ 13:14

пал-дова́ со амэ́ндэ пэ дая́ пхув нанэ стало фо́ро, и амэ родаса фо́ро, саво́ явэ́ла ве́чно дро Болыбна́скиро Раё.