Юдэ́нгэ 9:10 - Библия - Пэ Балтитко Романи чиб (Романэс) 2019

¹⁰ пал-дова́ со ёнэ отлыджанаспэ кэ упхэныбэна́, со сашты́ тэ хас, и со тэ пьес, сыр со тэ морэс (тэ халавэс), кэ амари́ лоч (плоть), лэ́ндэ исын зор кэ/ жы́ко дава́ часо, пака Дэвэ́л кэрэ́ла нэво́ ладо (порядко).

Biblija - Pe Baltitko Romani čib (Romanes) 2019

¹⁰ pal-dová so jone otlydžanaspe ke uphenybená, so saštý te xas, i so te p'jes, syr so te mores (te xalaves), ke amarí loč (plot'), lénde isyn zor ke/ žýko davá časo, paka Devél keréla nevó lado (poriadko).

Юдэ́нгэ 9:10 Referans Kwoze

Колосянэнгэ 2:16

Мэк нико́н тэ на сэндинэл тумэн пал хабэ́н ци пал пибэ́н, ци пал вари-саво́ свэ́нко, ци са́вато (субо́та),

Эфесянэнгэ 2:15

И Ёв Пэ́скирэ мэрибнаса пэ трушу́л парудя Законо́скирэ упхэныбэна́ сыклякирибнаса ваш дова́, соб (кай) дуендыр тэ кэрэ́л дрэ Кокорэ́ Пэ́стэ екхэ нэвонэ́ манушэ́с, и далэ́са тэ янэл манушэ́нгэ рама́нё (миро),

Юдэ́нгэ 7:16

Саво́ яця́ раша́са на пир манушэ́нгиро упхэныбэн, сыр дада́, а пир джиибна́скири зор, сави́ нашты́ тэ мулякирэс.

Езэкилё 4:14

Мэ пхэндём: “О, Раё Дэвлалэ! Николи мэ на со́мас магирдо́ мирэ́ тэрныпнастыр, мэ на хавас мулэ́-мурдалэскиро мас, мэ на хавас и дова́, со роскусця рискирибна́скиро мурда́л (зверё). Нисаво́ нажужо мас мэ на хаём.”

Яви́р Зако́но 23:11

а ке́ли ячэ́ла бэльвэ́ль, то трэй лэ́скэ тэ обморэл пэ́скирэ маса́ пане́са, и сыр заджа́ла кхам, то ёв могинэ́ла тэ заджа́л палэ дро ста́но.

Левито 16:24

и обморэла пэ́скирэ маса́ пане́са пэ свэ́нто штэ́то, и урьела пэ́скирэ и́ди (ризы), и выджа́ла и янэ́ла цэ́ло схачкирибэ́н пал пэ́стэ и цэ́ло схачкирибэ́н пал манушэ́ндэ, и выжужакирэ́ла пэс и манушэ́н;

Юдэ́нгэ 10:22

палдава́ явэ́н пашылэды́р кэ Дэвэ́л чачунэ́ илэ́са, пхэрдэ́ патяибна́са, соб (кай) тэ явэ́н амарэ́ илэ выжужакирдэ грэхэ́ндыр и тэ на чуинас фуес, со амэ сам бангэ́; тэ явэ́н амарэ́ маса́ обмордэ жужэ́ пане́са.

Юдэ́нгэ 9:1

Дро пэ́рво завето сыс пхэндло́, сыр трэиндя́ тэ мангэ́лпэ Дэвлэ́скэ, и пал свэ́нто штэ́то, саво́ кэрэ́лас ману́ш пэ дая́ пхув.

Юдэ́нгэ 6:5

и савэ́ уджиндлэ́ лачхипэ́н Дэвлэ́скирэ лавэ́стыр и векоскири зор, сави́ явэ́ла анги́л, ке́ли Дэвэ́л явэ́ла тэ хулаинэ́л;

Юдэ́нгэ 2:5

Пал-дова́ со Дэвэ́л на чхудя́ Янголэнгэ тэлэ́ тэл ґэра́ свэ́то, саво́ явэ́ла, пал саво́ амэ ракираса:

Яви́р Зако́но 21:6

и сарэ́ долэ́-форо́скирэ пхурыдыра́, савэ́ сыс пашылэды́р кэ замардо, мэк тэ обморэн пэ́скирэ васта́ пэ рэцакиро (тэрнэ́-гурумнякиро) шэро́, сави́ сыс зачхиндлы дрэ лошчы́на,

Левито 16:4

Лэ́скэ трэй тэ урьел свэнцындло ґандладэстыр (лёностыр) хитоно, тэлатуны и́дя ґандладэстыр мэк тэ явэ́л пэ лэ́скирэ маса́, и ґандладытконэ кустыкаса мэк ёв тэ подпхандэлпэ, и гандладытко кидаро мэк ёв тэ урьел: дава́ исын свэнцындлэ и́ди; и мэк ёв тэ обморэл пэ́скирэ маса́ пане́са, и тэ урьел лэн.

Vygiiben 40:12

И ян Аароно́с и лэ́скирэ чхавэ́н кэ загиибэ́н дрэ скэдыибна́скири ша́тра и обмор лэн пане́са,

Юдэ́нгэ 13:9

И на дэнпэ, соб (кай) яви́р наджиндлэ сыклякирибэна тэ змарэн дромэ́стыр тумэн, пал-дова́ со фэды́р сарэ́стыр, соб (кай) тэ подрикирэ́л тумаро́ ило́ Дэвлэ́скиро бахталыпэ́н, а на хабэна, савэ́ на яндлэ́ нисаво́ шукарипэ́н одолэ́нгэ, савэ́ залэнапэ далэ́са.

Юдэ́нгэ 6:2

пал болдэипэн, пал вастэнгиро чхуибэ́н упрэ́ пэ манушэ́стэ, пал отджидякирибэн мулэ́ндыр и пал ве́чно сэ́ндо.

Эфесянэнгэ 1:10

ваш дова́, ке́ли явэ́ла пхэрдо́ часо, соб (кай) тэ кхэтанякирэл саро́, со исын пэ болыбэ́н и пэ пхув, пир Христосо́стэ,

Galatenge 4:9

а какана́ тумэ́ приджиндлэ Дэвлэ́с, а фэды́р тэ пхэнас, со Дэвэ́л приджиндя тумэн; сыр дава́ тумэ́ нэвэ́стыр рисинэ́ кэ бизорья́кирэ и бэда ду́хи, савэ́нгэ свэ́то поклонинэлапэ, сы́рбы тумэ́ камэ́на тэ ячэн нэвэ́стыр писхарье́нца анги́л кадалэ́ ду́хи.

Marko 7:4

и ке́ли ёнэ явэ́на таргостыр, ёнэ на бэшэна тэ хан, пака на выморэна васта́; сыс и бут яви́р припхэныбэна́ тэ ракхэ́н: тэ морэн тахтая́ (чашы), мусэра (стаканы) и харкунэ́ (меди́тка) пирья;

Левито 22:6

одова́, кон чилавэ́ла саро́, нажужо явэ́ла ёв кэ бэльвэ́ль, и лэ́скэ нашты́ тэ хал свэ́нто англэды́р, сыр ёв обморэла пэ́скирэ маса́ пане́са;

Vygiiben 29:4

Аароно́с и лэ́скирэ чхавэ́н ян кэ загиибэ́н дрэ ша́тра ваш скэдыибэ́н, и обмор лэн пане́са.

Čysly 6:3

тэды ёв исын банго́ тэ отпхэнэлпэ моля́тыр (виностыр) и зоралэ́ пибнастыр, и нашты́ лэ́скэ тэ пьел ни уксусо (шутло), моля́тыр (виностыр) ни уксусо зоралэ́ пибнастыр, и ничи́ со кэрдо́ винаградостыр нашты́ тэ пьел, и нашты́ тэ хал ни кэрадэ, нашутькирдэ винаграды́тка му́ри;

Юдэ́нгэ 7:12

Пал-дова́ со, ко́ли парувэна раша́н, тэды трэй и тэ парувэн Зако́но.

Левито 13:58

Ко́ли и́дя, ци основа, ци утоко, ци вари-со со кэрдо́ цыпатыр выморэса, и джа́ла криг лэ́ндыр фра́нсо, тэды трэй тэ выморэн лэн яви́р мо́ло, и ёнэ явэ́на жужэ́.