Юдэ́нгэ 8:8 - Библия - Пэ Балтитко Романи чиб (Романэс) 2019

⁸ Нэ Дэвэ́л бангякирэла Пэ́скирэ манушэ́н, ке́ли Ёв ракирэ́ла пир пророкостэ: “Ѓа́да, явэ́на дывэса́”, – ракирэ́ла Дэвэ́л, – “ке́ли Мэ кэра́ва Нэво́ Завето Израилёскирэ и Юда́скирэ манушэ́нца;

Biblija - Pe Baltitko Romani čib (Romanes) 2019

⁸ Ne Devél bangiakirela Péskire manušén, kiéli Jov rakiréla pir prorokoste: “Ĥáda, javéna dyvesá”, – rakiréla Devél, – “kiéli Me keráva Nevó Zavieto Izrailjoskire i Judáskire manušénca;

Юдэ́нгэ 8:8 Referans Kwoze

Юдэ́нгэ 12:24

и кэ Ису́со, Саво́ пиридыя амэ́нгэ Нэво́ Завето Дэвлэ́са и кэ дро́го рат, со сыс прочхудо, саво́ исын зоралэды́р Авелёскирэ ратэстыр.

Ереме́ё 32:40

И Мэ счхувава ве́чно Завето лэ́нца, со Мэ на отрисёвава лэ́ндыр, соб (кай) тэ кэра́в лачхипэ́н лэ́нгэ, и Мэ чхува́ва Мири́ траш дрэ лэ́нгирэ илэ, соб (кай) ёнэ тэ на дурьен [отджан-р.с.] Ма́ндыр.

Юдэ́нгэ 9:15

И палдава́ Христо́со яндя́ Нэво́ Завето, соб (кай) одолэ́ мануша́, савэ́н Дэвэ́л кхардя кэ Пэ прикхардя, могиндлэ́ тэ дорэсэн ве́чно штэ́то дро Болыбна́скиро Раё, пал со Ёв и дыя́ лав. Лэ́скиро мэрибэ́н исын сы́рбы выкиныбэ́н пал грэ́хи, савэ́ кэрдэ́ мануша́, ке́ли пхурано́ завето рикирдя зор.

2 Коринфянэнгэ 3:6

Саво́ дыя́ амэ́нгэ тала́но тэ служынас (тэ дынарина́с) роспхэныбна́са Нэвонэ́ Завето́скэ, нэ на маму́й (прямэс), сыр буква ракирэ́ла, а сыр Ду́хо (Фа́но); пал-дова́ со буква Законо́стыр янэ́ла мэрибэ́н, а Ду́хо (Фа́но) дэ́ла джиибэ́н.

1 Коринфянэнгэ 11:25

Адя́кэ-паць и тахта́й пало́ вечэря и пхэндя́: “Дава́ тахта́й исын нэво́ Дэвлэ́скиро завето пир миро рат: кэрэ́н дава́ ада́кицы мо́лы, кицы́ мо́лы тумэ́ явэ́на тэ пьен лэ́стыр (ла́тыр), соб (кай) тэ рипирэ́н Ман.”

Luka 22:20

Адя́кэ-паць и тахта́й (чаша) коригэды́р, сыр ёнэ ханэ́ маро́, Ису́со дыя́ лэ́нгэ, пхэни́: “Кадава́ тахта́й исын нэво́ завето дро Миро рат, саво́ чхувэ́лапэ пал тумэ́ндэ.

Езэкилё 37:26

И буты́р Мэ кэра́ва лэ́нца раманёно (ми́рно) завето; ве́чно завето явэ́ла лэ́нца. Мэ да́ва лэ́нгэ лачхо́ джиибэ́н, адя́кэ, соб (кай) бут лэн тэ явэ́л, Мэ чхува́ва машки́р лэ́ндэ Миро свэ́нто штэ́то пэ сарэ́ бэрша́.

Ереме́ё 31:38

“Акэ, явэ́на дывэса́,” – ракирэ́ла Рай Дэвэ́л, – со фо́ро явэ́ла чхудо ваш Ра́скэ-Дэвлэ́скэ Анамеилоскирэ (Хананилоскирэ) вучардятыр (башнятыр) кэ Вангарытко по́рта [Вэнглытко-ю.о.].

Isajos 55:3

Откэрэн тумарэ́ кана́, явэ́н кэ Мэ; пошунэн и явэ́ла тэ дживэ́л тумаро́ ило́; и Мэ да́ва тумэ́нгэ ве́чно завето, Мэ да́ва лачхипэ́н, пал саво́ дыём лав Давидо́скэ.

Marko 14:24

“Акэ, исын Миро рат завето́скиро, саво́ прочхудо пал бутэндэ”, – пхэндя́ Ёв лэ́нгэ.

Ереме́ё 31:27

“Акэ, явэ́на дывэса́’, – ракирэ́ла Рай Дэвэ́л’, – со Мэ кэра́ва адя́кэ, соб (кай) дро Юдэя́киро и дро Израилёскирэ кхэра́ тэ бияндён (лотён) мануша́, и тэ бияндён кхэри́тка мурдала́ (ското).

Ереме́ё 30:3

Акэ явэ́на дывэса́’, – ракирэ́ла Рай Дэвэ́л, – ‘Ке́ли Мэ яна́ва палэ плено́стыр Мирэ́ манушэ́н Израилёстыр и Юдэя́тыр’, – ракирэ́ла Рай Дэвэ́л. ‘И Мэ кэра́ва адя́кэ, соб (кай) ёнэ тэ рисён пэ пхув, сави́ Мэ дыём лэ́нгирэ дадэ́нгэ, соб (кай) ёнэ тэ явэ́н хулая́ пэ ла́тэ.’”

Ереме́ё 23:7

“Палдава́, акэ, явэ́на дывэса́’, – ракирэ́ла Рай Дэвэ́л – со буты́р на явэ́на тэ ракирэ́н: ‘Тэ явэ́л джидо́ Рай Дэвэ́л, Саво́ вылыджия́ Израилёскирэ чхавэ́н Египто́стыр;

Ереме́ё 23:5

“Акэ, явэ́на дывэса́”, – ракирэ́ла Рай Дэвэ́л, – ке́ли Мэ чхува́ва упрэ́ нэвэ́стыр Давидо́скэ Рандь (Отбарипэн) чачуны́, Крали́с, ёв явэ́ла тэ раинэл и тэ кэрэ́л саро́ годэс. Ёв явэ́ла тэ кэрэ́л чачуно́ сэ́ндо и пир чачипэ́н пэ пхув.

Luka 17:22

Тэды Ису́со ишчо (инкэ́) пхэндя́ сыкляибнытконэ́нгэ: “Явэ́на дывэса́, ке́ли тумэ́ древа́н закамэна хоць пэ екх дывэ́с тэ дыкхэ́н Чхавэ́с Манушэскирэс, ке́ли Ёв сыкадёла, нэ тумэ́ на дыкхэ́на;

Матфеё 26:28

Пал-дова́ со дава́ исын Миро Рат завето́скиро, саво́ исын прочхудо пал бутэндэ ваш грэхэнгиро отмэкибэн.

Яви́р Зако́но 29:14

На екхэ тумэ́нца мэ чхува́ва дава́ заве́то и дава́ совлахадо доракирибэ́н,

Юдэ́нгэ 7:22

палдава́ Ису́со исын сы́рбы дудвало́ (поручытелё), со нэво́ завето исын фэды́р.

Юдэ́нгэ 8:6

Нэ какана́ Христо́со дорэсця́ фэдэды́р буты́ сыр Англатуно́ Раша́й, сави́ исын пэ бут фэдэды́р кадалэ́-раша́нгирэ бутя́тыр, адя́кэ-паць, сыр фэды́р исын и Завето, саво́ Ёв пиридыя Дэвлэ́стыр манушэ́нгэ, сыр Машкиратуно, пал-дова́ со дро Завето исын фэды́р дынэ́ дава́.

Юдэ́нгэ 8:13

Дэвэ́л ракирэ́лас дова́ пал Нэво́ Завето, пир дава́ Ёв приґалыя со пэ́рво завето исын пхурано́. А дова́, со исын пхурано́ и нанэ кэ джиибэ́н, сы́гэс отпарувэлапэ.

Luka 5:38

Нэ нэви́ мол трэй тэ чхувэ́л дрэ нэвэ гонэ́, тэды зракхэ́лапэ и мол, и гонэ́.