Юдэ́нгэ 6:18 - Библия - Пэ Балтитко Романи чиб (Романэс) 2019

¹⁸ Дэвэ́л кэрдя́ адя́кэ пир дуй чачипэна́: Дэвэ́л на парувэла пхэндло́ лав и на хохавэла. Амэ́нгэ, савэ́ чхурдыямпэ кэ Ёв тэ ухтыласпэ пал наде́я, со сыс дыны́ амэ́нгэ, явэ́ла зорало́ подыно васт (помошш) тэ зракхаспэ.

Biblija - Pe Baltitko Romani čib (Romanes) 2019

¹⁸ Devél kerdiá adiáke pir duj čačipená: Devél na paruvela phendló lav i na xohavela. Aménge, savé čhurdyjampe ke Jov te uhtylaspe pal nadiéia, so sys dyný aménge, javéla zoraló podyno vast (pomošš) te zrakhaspe.

Юдэ́нгэ 6:18 Referans Kwoze

Čysly 23:19

Дэвэ́л исын на ману́ш, соб (кай) Лэ́скэ тэ хохавэ́л, и Ёв на Манушэ́скиро чхаво́, соб (кай) Лэ́скэ тэ парувэлпэ. Ци Ёв пхэнэ́ла, и на скэрэла? Явэ́ла тэ ракирэ́л, и на кэрэ́ла кэ ко́нцо/кэ яго́ро (на сполнинэла)?

Titoske 1:2

дава́ чачипэ́н дэ́ла наде́я пэ ве́чно джиибэ́н, пал саво́ Дэвэ́л дыя́ лав амэ́нгэ анги́л, сыр свэ́то сыс создыно́, а Дэвэ́л ние́кхвар на хохавэла,

1 Kralip 15:29

и на пхэнэ́ла начачипэ́н, и на покаинэлапэ чачуно́ Израилё; пал-дова́ со Ёв исын на ману́ш, соб (кай) тэ покаинэлпэ Лэ́скэ.”

2 Ximaske 2:13

ко́ли амэ на сам патяибнытка, Ёв ячэ́лпэ патяибны́тко, пал-дова́ со Ёв на могинэ́ла тэ отпхэнэлпэ Кокоро́ Пэ́стыр.”

Римлянэнгэ 3:4

Над, нисыр. Дэвэ́л исын чачуно́, а кажно ману́ш исын хохано́, сыр исын чхиндло́: “Чачунэ́ исын Тырэ́ лава́, и дро сэ́ндо Тыро́ исын чачипэ́н.”

Psalmy 46:1

Хоро́скирэ Дирижоро́скэ. Кареёскирэ Чхавэ́ндыр пэ Чхаенгири Зан (Аламото).

1 Ian 1:10

Ко́ли амэ ракираса, со амэ на кэрдя́м грэ́хи, тэды амэ кэра́са Лэ́стыр Хохаибнарис, и нанэ Лэ́скиро лав амэ́ндэ.

Isúso 20:3

соб (кай) могиндя́ тэ нашэ́л одори́к умарибнари, саво́ домардя́ манушэ́с, со дыяпэ дукха́, накамишы; мэк далэ́ фо́рья тэ явэ́н тумэ́ндэ зракхибнаса манушэ́стыр, саво́ отхала палэ пал рат,

Isajos 51:12

“Мэ, Мэ Кокоро́ подрикирава тумэн. Кон ту сан, ко́ли дарэса манушэ́стыр, саво́ мэрэ́ла, дарэса манушэ́скирэ чхавэстыр, саво́ исын адасаво́, сыр чар?

Юдэ́нгэ 3:11

палдава́ Мэ совлахадём дрэ холы́: ‘Ёнэ ние́кхвар на заджа́на дро Миро штэ́то тэ откхинён Ма́нца’.

1 Ximaske 1:1

Павли́стыр, Исусо́скирэ-Христосо́скирэ Апостолостыр, савэ́с выкэдыя́ Дэвэ́л, амаро́ Зракхибнари (Спасителё) и Рай Дэвэ́л, Ису́со Христо́со, пэ савэ́стэ мэ надеинасапэ,

Римлянэнгэ 3:25

Савэс Дэвэ́л чхудя́ анги́л сыр свэ́нто дыибэ́н ваш тангипэ́н пир патяибэ́н дро Лэ́скиро рат, кон патя́ла, адя́кэ Дэвэ́л сыкадя́ пэ́скиро чачипэ́н и примангдя грэ́хи манушэ́нгэ, савэ́ ёнэ кэрдэ́ англэды́р;

Заха́рия 9:12

Рисён кэ тва́рдыма (диз) тумэ́, стардэ мануша́лэ, савэ́ндэ исын ишчо (инкэ́) наде́я! Дова́, пал со акана́ ракира́ва, Мэ отплэскирава ту́кэ (дуй мо́лы).

Isajos 64:7

На сыс одолэ́с, Кон бы кхардя́ Тыро́ лав, кон закамдя́ б тэ рикирэлпэ пал Ту́тэ; палдава́ Ту гарадян Тыро́ муй амэ́ндыр, Ту ячкирдэн амэн тэ хасёвас грэхэ́ндыр.

Isajos 56:4

Пал-дова́ со Рай Дэвэ́л адя́кэ ракирэ́ла пал адасавэ́ манушэ́ндэ (евнухэндэ): “Ко́ли ёнэ ракхэна Мирэ́ са́ваты (суботы), выкэдэна дова́, со исын лачхо́ Ма́нгэ, рикирэ́на Миро завето.

Pritčy 4:13

Рикирпэ зоралэ́с кэ чачуно́ сыклякирибэ́н, на бистыр пал лэ́стэ: ракх лэс, пал-дова́ со дава́ сыклякирибэ́н исын тыро́ джиибэ́н.

Psalmy 110:4

Рай Дэвэ́л совлахадя́, и Ёв наявэла тэ тангинэ́л (на пожалинэла): “Ту сан раша́й пэ сарэ́ ве́ки, дасаво-паць сыр Мелхисэдэко.”

3 Kralip 2:28

Шуныбэн пал дава́ догия́ кэ Иоа́во, – адя́кэ сыр Иоа́во сыс пэ Адонияскири риг, а на пэ Соломоно́скири риг, – и настя́ Иоа́во дрэ ски́ния Дэвлэ́скири, и ухтылдяпэ пал шынга́ алтарёскирэ (жэртвеникоскирэ).

1 Ian 5:10

Кон патя́ла дрэ Дэвлэ́скирэ Чхавэ́стэ, кодолэстэ исын допхэныбэ́н дро пэ́скиро ило́. А кон на патя́ла Дэвлэ́скэ, одова́ кэрдя́ Лэс Хохаибнариса, пал-дова́ со ёв на упатяндыя дро допхэныбэ́н, савэ́са Дэвэ́л допхэнэ́ла пал Пэ́скирэ Чхавэ́стэ.

1 Ximaske 6:12

Марпэ пал лачхо́ патяибэ́н и ве́чно джиибэ́н, кэ саво́ тут Дэвэ́л кхардя́, и пал саво́ ту патывалэс приґалыян анги́л бутэ́ якхитконэндэ (свидетелендэ).

Римлянэнгэ 15:5

Мэк Дэвэ́л, саво́ дэ́ла вырикирибэн и подрикирибэ́н, тэ дэл тумэ́нгэ, соб (кай) тумэ́ тэ явэ́н кхэтанэ́ дро ду́хо (фа́но) машки́р пэ́стэ пир Исусо́скирэ-Христосо́скиро сыкляибэн,

Юдэ́нгэ 11:7

Патяибна́са Ноё дорэсця́ подракхибэн пал дова́, со на сыс джиндло́ ни конэ́скэ; ёв свэнтонэ́ дара́са кэрдя́ ковчэго и зракхця́ пэ́скири сэ́м΄я (ири́). Патяибна́са ёв сэндиндя свэ́то, и Дэвэ́л приґалыя лэс чачипнаскирэ чхавэ́са пал лэ́скиро патяибэ́н.

1 Фесалоникийцэнгэ 1:10

и тэ ужакирэн Лэ́скирэ Чхавэ́с, саво́ явэ́ла Болыбна́скирэ Раёстыр, Савэс Ёв отджидякирдя́ мулэ́ндыр, Исусо́с, Саво́ зракхэ́ла амэн Дэвлэ́скирэ холя́тыр, сави́ явэ́ла.

Колосянэнгэ 1:27

савэ́нгэ камдя́ Дэвэ́л тэ пиридэл джиныбэ́н, саво́ исын славакиро барвалыпэ́н машки́р Наюдэ́ндэ дро кадава́ гарадо́ чачипэ́н, саво́ исын Христо́со дрэ тумэ́ндэ, Ёв исын тумари́ наде́я дрэ сла́ва:

Колосянэнгэ 1:23

ко́ли тумэ́ сан зоралэ́ дро ду́хо (фа́но) тэ дживэ́н пир патяибэ́н и на отджана дрэ наде́я бахталэ́ занятыр (звесятыр), сави́ тумэ́ шундлэ́, и сави́ роспхэнэлапэ пир саро́ джидо́, со сыс создыно́ тэл болыбэ́н, сави́ Мэ, Па́вли, лыём тэ роспхэнав.

Luka 2:25

И, ґа́да, сыс ману́ш, савэ́с кхардэ́ Симеоно; ёв сыс чачуно́ ману́ш и дарэлас Дэвлэ́стыр; ёв ужакирэлас, ке́ли явэ́ла Израилёскиро Зракхибнари, и Ду́хо (Фа́но) Свэ́нто сыс пэ лэ́стэ.

Матфеё 24:35

Болыбэ́н и пхув проджа́на, а лава́ Мирэ́ на проджа́на.

Isajos 27:5

Нэ ко́ли ёв/ёй помангэла Миро зракхибэ́н, и явэ́ла тэ мангэ́л рама́нё (миро) Ма́нца, мэк тэ́ньчи ёнэ тэ прилэ́н рама́нё (миро) Ма́нца.”

Džiibén 19:22

Сыгнэдыр, джа́ одори́к; пал-дова́ со Мэ нашты́ (на могина́ва) тэ кэра́в рэ́ндо, пака ту явэ́са одори́к.” Палдава́ и дава́ фо́ро кхарэ́на: Сигоро.

Юдэ́нгэ 7:21

пал-дова́ со сарэ́ яви́р рашая́ ячнэ́ тэ кэрэ́н Дэвлэ́скири буты́ би совлахакиро, а Христо́со яця́ Раша́са (яця́ Раша́й) пир Дэвлэ́скири совла́х, пал-дова́ со пал Лэ́стэ исын пхэндло́: “Рай Дэвэ́л совлахадя́, и Ёв на дэ́лапэ палэ: “Ту сан раша́й пэ сарэ́ ве́ки””,

Юдэ́нгэ 3:6

а Христо́со сыр Дэвлэ́скиро Чхаво́, сыс Хула́й пир Лэ́скиро кхэр; амэ сам кокорэ́ мануша́ Лэ́скирэ кхэрэ́скирэ, ко́ли зорало́ патяибэ́н и наде́я, савья́са амэ шарасапэ, явэ́ла амэ́ндэ кэ ко́нцо (кэ яго́ро).

Колосянэнгэ 1:5

ваш наде́я, со ужакирэ́ла тумэн дро Болыбна́скиро Раё, пал со тумэ́ англэды́р шундлэ́ дрэ чачунэ́ лава́ бахталэ́ занятыр (звесятыр),

Filipiicenge 2:1

И ко́ли ваш тумэ́нгэ исын вари-саво́ подрикирибэ́н дрэ Исусо́стэ, ко́ли исын вари-сави́ бахт тумарэ́ патыватыр кэ яви́р мануша́, ко́ли исын вари-саво́ илэ́скиро кхэтаныпэн пир Ду́хо, ко́ли исын вари-саво́ тангипэ́н и жалима,

Матфеё 3:7

Нэ сыр ёв дыкхця́, со бут Фарисе́и и Садукеи джа́нас тэ болэнпэ кэ ёв, пхэндя́ лэ́нгэ: “Тумэ́ сан сапитко ро́до! Кон сыклякирдя́ тумэн тэ нашэ́н Дэвлэ́скирэ холя́тыр, со явэ́ла сыг?

Pritčy 3:18

Годыпэ́н исын сы́рбы джиибна́скири пхабэлын кодолэ́скэ, кон ха́ла лэ́скирэ пхаба́: бахтало́ исын кодова́ ману́ш, саво́ рикирэ́лапэ кэ дава́ кашт.

Psalmy 62:8

Миро зракхибэ́н и мири́ сла́ва Дэвлэ́стыр, Саво́ исын сы́рбы зоралы́ вучарды́ (башня), кэ Кон мэ рисёва́ва тэ гарадёвав.

Римлянэнгэ 5:5

И амари́ наде́я на подлыджала амэн, пал-дова́ со Дэвлэ́скири ла́ска пир Свэ́нто Ду́хо (Фа́но) пхэрдякирдя́ амарэ́ илэ ласкаса, сави́ дыны́ амэ́нгэ:

Юдэ́нгэ 6:17

Палдава́ Дэвэ́л выкэдыя́ зоралэды́р тэ сыкавэ́л Пэ́скири напаруибны́тко во́ля тэ кэрэ́л кэ ко́нцо (кэ яго́ро) лав, со Ёв дыя́ одолэ́ манушэ́нгэ, савэ́ прилынэ́ Лэ́скиро пхэндло́ лав, и Ёв допхэндя совлахаса.

Юдэ́нгэ 7:19

Пал-дова́ со Мойза́скиро Законо на кэрдя́ нисо́, соб (кай) вари-со тэ явэ́л бидошакиро; и, ґа́да, амэ́ндэ исын фэдэды́р наде́я, пир сави́ амэ ява́са пашылэды́р кэ Дэвэ́л.