Юдэ́нгэ 4:14 - Библия - Пэ Балтитко Романи чиб (Романэс) 2019

¹⁴ Пал-дова́ со амэ́ндэ исын са́мо барэды́р Англатуно́ Раша́й Ису́со, Дэвлэ́скиро Чхаво́, Саво́ прогия́ болыбэ́н кэ Дэвэ́л, амэ ява́са тэ рикираспэ зоралэ́с пал амаро́ патяибэ́н.

Biblija - Pe Baltitko Romani čib (Romanes) 2019

¹⁴ Pal-dová so aménde isyn sámo baredýr Anglatunó Rašáj Isúso, Devléskiro Čhavó, Savó progijá bolybén ke Devél, ame javása te rikiraspe zoralés pal amaró patiaibén.

Юдэ́нгэ 4:14 Referans Kwoze

Юдэ́нгэ 9:24

Пал-дова́ со Христо́со загия́ на дрэ Свэ́нто Штэ́то, саво́ кэрдэ́ манушэ́нгирэ васта́, и саво́ исын патри́н (копия) долэ́ Штэтоскиро, со исын дро Болыбна́скиро Раё. Ёв загия́ дро Болыбна́скиро Раё, соб (кай) тэ тэрдёл пал амэ́ндэ анги́л Дэвлэ́стэ:

Юдэ́нгэ 12:2

и ява́са тэ дыкхас пэ Исусо́стэ, Савэ́стыр исын амаро́ патяибэ́н, и Саво́ кэрэ́ла амэн бидошакирэнца, Саво́ заме́ст ра́дыма, сави́ явэ́лас ваш Лэ́скэ, и Саво́ вырикирибнаса пиридживдя трушулыбэн кэ мэрибэ́н, на дыкхи́ пэ ладж, и бэсця́ пир чачо́ (право) васт Дэвлэ́стыр.

Юдэ́нгэ 10:23

Ява́са тэ рикираспэ зоралэ́с пал наде́я, сави́ амэ приджиндям би кунипна́скиро, пал-дова́ со Дэвэ́л, Кон дыя́ лав, исын патяибны́тко;

Юдэ́нгэ 9:12

и на бузнэ́нгирэ (козлэнгирэ) и целянтэ́нгирэ ратэ́са, а Пэ́скирэ ратэ́са Ёв загия́ е́кхвар дро Най Свэнтэдыр Штэ́то, и дорэсця́ ве́чно выкиныбэ́н пал амарэ́ грэ́хи.

Юдэ́нгэ 6:20

одори́к загия́ Ису́со анги́л амэ́ндэ, и яця́ Англатунэ́ Раша́са пэ сарэ́ ве́ки, пир дасаво-паць титуло, сыр и Мелхисэдэко.

Эфесянэнгэ 4:10

Палдава́ Ёв, Саво́ гия́ тэлэ́, исын Одова́-Паць, Кон и ґаздыя́пэ вучэды́р сарэ́ Болыбна́скирэ Раёстыр, соб (кай) тэ пхэрдякирэл саро́;

Римлянэнгэ 8:34

кон явэ́ла тэ сэндякирэ́л? Ису́со Христо́со, Саво́ мыя́, нэ и Саво́ отджидыя́ мулэ́ндыр? Ёв, Саво́ какана́ исын пир чачуны́ Дэвлэ́скири риг? Ёв и мангэ́ла пал амэ́ндэ.

Юдэ́нгэ 3:14

Пал-дова́ со амэ ячасапэ кхэтанэ́ Христосо́са, ко́ли зракхаса дова́ зорало́ патяибэ́н кэ ко́нцо (кэ яго́ро), со амэ́ндэ сыс англэды́р.

Юдэ́нгэ 2:17

Ваш дава́ Христосо́скэ трэиндя́ тэ явэ́л адасаво́-паць, сыр Лэ́скирэ пша́ла, соб (кай) ёв тэ явэ́л лачхэ́-илэ́скиро и чачуно́ Англатуно́ Раша́й тэ дынаринэ́л анги́л Дэвлэ́стэ, соб (кай) Ёв тэ отмэкэ́л манушэ́нгирэ грэ́хи;

Юдэ́нгэ 10:12

а Ёв, Христо́со, отдыя́ Пэс е́кхвар дро свэ́нто дыибэ́н пал грэ́хи и бэсця́ пэ саро́ часо пир чачи́ (право) риг Дэвлэ́стыр,

Юдэ́нгэ 8:1

Гла́вныма исын дро дова́, пал со амэ ракираса, исын дасави́: амэ́ндэ исын адасаво́ Англатуно́ Раша́й, Саво́ исын бэшто́ пэ болыбэ́н пир чачо́ васт Дэвлэ́скирэ най вычэдырэ́скирэ троностыр;

Apostolengiri Butý 1:11

и савэ́ пхэндлэ́: “Ѓалилеякирэ Мануша́лэ! Со тумэ́ сан тэрдэ́ и дыкхэ́на пэ болыбэ́н? Кадава́ Ису́со, Саво́ сыс ґаздыно́ тумэ́ндыр пэ болыбэ́н, адя́кэ-паць и явэ́ла, сыр тумэ́ дыкхнэ́, сыр Ёв ґаздэласпэ пэ болыбэ́н.”

Юдэ́нгэ 1:8

а пал Чхавэ́стэ: “Дэ́вла, Тыро́ троно, исын пэ сарэ́ ве́ки и Ту кралинэса чачипны́ткэс.

Apostolengiri Butý 3:21

Савэс болыбэ́н сыс банго́ тэ прилэл кэ/жы́ко дава́ часо, пака Дэвэ́л кэрэ́ла саро́, и пал Конэ́стэ англэды́р ракирдя́ пир Пэ́скирэ свэнтонэ́ пророкэ́ндэ свэто́скирэ англыпна́стыр.

Luka 24:51

И сыс адя́кэ: ке́ли Ёв ишчо (инкэ́) бахтякирэлас лэн, Ёв лыя́ тэ дурьёл лэ́ндыр и лыя́ тэ ґаздэлпэ кэ болыбэ́н.

Marko 16:19

И ке́ли Рай Дэвэ́л Ису́со пхэндя́ лэ́нгэ саро́, тэды Ёв сыс ґаздыно́ пэ болыбэ́н и бэсця́ пэ чачо́ васт Дэвлэ́стэ Дадэ́стэ.

Юдэ́нгэ 2:1

Палдава́ амэ́нгэ трэй тэ рикираспэ древа́н ракхунэс кэ дова́, со ракирэ́на, соб (кай) тэ на джан криг чачунэ́ дромэ́стыр.

Marko 1:1

Дава́ исын Евангелиякиро англыпэ́н (начало) Исусо́скиро Христосо́скиро, Дэвлэ́скирэ Чхавэ́скиро.

Матфеё 4:3

И на́лачхо подги́я кэ Ёв и пхэндя́: “Ко́ли Ту сан Дэвлэ́скиро Чхаво́, пхэн, соб (кай) далэ́ бара́ тэ ячэн марэ́са.”

2 Коринфянэнгэ 9:13

и ёнэ славинэна Дэвлэ́с, дыкхи́ пэ дасаво лачхо́ дынарибэ́н, пал-дова́ со, сыр тумэ́ приджинэна, адя́кэ-паць и тумэ́ кэрэ́на сарэ́ илэ́стыр пир Христососкири бахталы́ зан (звесь); и пал тумарэ́ илы́тка да́ры лэ́нгэ и явирэ́нгэ,

2 Коринфянэнгэ 12:2

Мэ джино́м екхэ́ патяибнаскирэс дрэ Христосо́стэ (дэшуштар бэрш палэ, ци ёв сыс дро пэ́скирэ маса́, мэ на джино́м, ци дова́ сыс лэ́скиро ду́хо (фа́но), мэ на джино́м, Дэвэ́л джинэ́ла); адасаво́ ману́ш сыс ґаздыно́ кэ три́то болыбэ́н.

Юдэ́нгэ 3:1

Палдава́, пшала́лэ свэ́нта, савэ́н Дэвэ́л адя́кэ-паць прикхардя, дыкхэ́н пэ Исусо́стэ, Савэс Дэвэ́л бичхадя́ тэ явэ́л англатунэ́ Раша́са пир амаро́ патяибэ́н,

Юдэ́нгэ 6:6

и савэ́ мэкнэ́ тэ патя́н; кадасавэн манушэ́н нашты́ нэвэ́стыр тэ сыклякирас, соб (кай) ёнэ тэ рискирэ́н пэ́скиро джиибэ́н кэ Дэвэ́л, пал-дова́ со ёнэ сы́рбы нэвэ́стыр примарэна кэ трушу́л Дэвлэ́скирэ Чхавэ́с и отдэна Лэс пэ сабэн манушэ́нгэ.

Юдэ́нгэ 7:3

ёв сыс бидадэскиро, бидакиро, нико́н на джиндя́ пал лэ́скиро ро́до; дава́ исын наджиндло адя́кэ-паць, ке́ли ёв бия́ндыя и ке́ли мыя́, Ёв исын сы́рбы Дэвлэ́скиро Чхаво́ и раша́й пэ сарэ́ ве́ки.

Юдэ́нгэ 10:29

то, сыр тумэ́ думинэ́на, ци пэ бут пхарэдыр явэ́ла ка́ра пэ одолэ́ манушэ́стэ, саво́ сы́рбы штакирэла ґэрэ́нца Дэвлэ́скирэ Чхавэ́с и на гинэ́ла пал свэ́нто завето́скиро рат, савэ́са ёнэ кокоро́ сыс свэнцындло, и ракирэ́ла налачхэ́ лава́ пэ Ду́хо (Фа́но), Савэ́стыр амэ лыям бахталыпэ́н?

1 Petr 3:22

Саво́ ґаздыя́пэ дро Болыбна́скиро Раё и исын пир чачо́ васт Дэвлэ́стыр, и Лэ́скэ дынаринэна сарэ́ Янго́лы, Лэ́стэ исын сарэ́ правы и сарэ́ зорья.

Езэкилё 46:10

О тхага́ри исын банго́ тэ явэ́л машки́р лэ́ндэ: ке́ли ёнэ заджа́на, заджа́ла и ёв, ке́ли ёнэ выджа́на, выджа́ла и ёв.