Юдэ́нгэ 3:16 - Библия - Пэ Балтитко Романи чиб (Романэс) 2019

¹⁶ кон сыс одолэ́ мануша́, со, ке́ли шундлэ́, ґаздынэ́пэ пэ Дэвлэ́стэ? Нау́што на сарэ́ лэ́ндыр выгинэ́ Египто́стыр Мойзаса?

Biblija - Pe Baltitko Romani čib (Romanes) 2019

¹⁶ kon sys odolé manušá, so, kiéli šundlé, ĥazdynépe pe Devléste? Naúšto na saré léndyr vyginé Jegiptóstyr Mojzasa?

Юдэ́нгэ 3:16 Referans Kwoze

Čysly 14:2

и ракирдэ́ ёнэ холя́са пэ Мойзастэ и Аароностэ сарэ́ Израилёскирэ чхавэ́; и саро́ скэдыибэ́н пхэндя́ лэ́нгэ: “О, ко́ли амэ мэрасас пэ Египто́скири пхув, ци ко́ли мэрасас амэ пэ дая́ чхучи́ пхув!

Čysly 14:30

тумэ́ на заджа́на пэ пхув, пэ сави́ Мэ, ґаздыи Миро васт, совлахадём тэ росчхував тэ дживэ́н тумэн, апри́ч Халевостэ, Ефонияскирэ чхавэстыр, и Исусо́стэ (Ёхошуастэ), Навиноскирэ чхавэ́стэ;

Яви́р Зако́но 1:38

о Ису́со (Ёхошуа́), Навиноскиро чхаво́, саво́ исын пашы́л ту́тэ, ёв заджа́ла одори́к; кэр лэс зоралэды́р, пал-дова́ со ёв залыджала Израилё пэ лэ́скири пхув,

Psalmy 78:17

Нэ ёнэ сароекх буты́р кэрдэ́ грэ́хи проти Лэ́стэ и ґаздэнас бу́нто пэ чхучи́ пхув пэ Най Вучэдырэскирэстэ,

Čysly 26:65

пал-дова́ со Рай Дэвэ́л пхэндя́ лэ́нгэ, со мэрэ́на ёнэ пэ чхучи́ пхув, – и на яця́пэ лэ́ндыр нико́н (никонэ́с), апри́ч Халевостэ, Ефонияскирэ чхавэ́стэ, и Исусо́стэ (Ёхошуастэ), Навиноскирэ чхавэ́стэ.

Čysly 14:38

екх Ису́со (Ёхошуа́), Навиноскиро чхаво́, и Халево, Ефонияскиро чхаво́, ячнэ́пэ джидэ́ одолэ́ муршэндыр, савэ́ псирдэ́ тэ дыкхэ́н пхув.”

Čysly 14:24

Нэ Мирэ́ писхари́с Халевос, пал-дова́ со дрэ лэ́стэ сыс яви́р ду́хо (фа́но), и ёв дрэ саро́ кандыя́ Ман, залыджава пэ пхув, пэ сави́ ёв псирдя́, и лэ́скиро семё явэ́ла хула́са пэ ла́тэ;

Čysly 14:4

И пхэндлэ́ ёнэ екх екхэ́скэ: “Чхуваса пэ́скэ барыдырэ́с, и рисёваса дро Еги́пто.”

Čysly 14:11

И пхэндя́ Рай Дэвэ́л Мойза́скэ: “Кицы́ явэ́на тэ холякирэн Ман адалэ́ мануша́? И кицы́ явэ́на ёнэ тэ на патя́н Ма́нгэ пир сарэ́ знаме́нии (ґертыка́), савэ́ Мэ кэрдём машки́р лэ́ндэ?

Psalmy 78:40

Сыр бут мо́лы ёнэ на кандэнас Лэс пэ чхучи́ пхув, ёнэ холякирэнас Лэс пэ биманушэнгиро штэ́то.

Ереме́ё 32:29

И Халдеи, савэ́ марэ́нпэ проти дава́ фо́ро, явэ́на и захачкирэна дава́ фо́ро и схачкирэна лэс, и кхэра́, пэ савэнгирэ стрэхи Юды тхувалякирдэ дрогонэ́ смолэнца Ваалоскэ и кай ёнэ вычхувэнас тхадунэ свэ́нта дыибэна́ явирэ дэвлорэ́нгэ, соб (кай) тэ дэн яг Мирэ́ холякэ пэ лэ́ндэ.

Ереме́ё 44:3

пал лэ́нгирэ фуй рэ́нды, савэ́ ёнэ кэрдэ́, соб (кай) тэ дэн яг Мирэ́ холякэ пир дова́, со ёнэ псирдэ́ тэ хачкирэ́н дро́га смо́лы и тэ дынаринэ́н явирэ дэвлорэ́нгэ, савэ́н ёнэ на джиндлэ́, ни тумэ́, ни тумарэ́ дада́.

Ереме́ё 44:8

ваш со тумэ́ дэ́на яг Мирэ́ холякэ (холякирэна Ман) буте́нца тумарэ́-вастэнгирэ, ке́ли тумэ́ хачкирэна дро́га смо́лы явирэ дэвлорэ́нгэ пэ пхув Египто́скири, пэ сави́ тумэ́ гинэ́ тэ дживэ́н, соб (кай) тэ хасён тумэ́ (хасякирэ́н пэс) и, соб (кай) машки́р сарэ́ на́цыи пэ пхув тэ явэ́л прокошыбэ́н (арман) и бипатыв кэ тумэ́?

Juda 1:5

Мэ кама́м тэ ракира́в, соб (кай) тумэ́ тэ рипирэ́н, мэк тумэ́ е́кхвар джиндлэ́ саро́ дава́, со Рай Дэвэ́л зракхця́ манушэ́н Египто́скирэ пхувья́тыр, а коригэды́р (позжэ) одолэ́н, савэ́ на патяндынэ́, Ёв мулякирдя́.