Юдэ́нгэ 2:9 - Библия - Пэ Балтитко Романи чиб (Романэс) 2019

⁹ нэ амэ дыкхаса Исусо́с, Савэс Дэвэ́л на́бут тыкнякирдя анги́л Янголэндэ, и Саво́ исын прославиндло и кутякирдо, пал-дова́ со Ёв пиридживдя мэ́ньки и мэрибэ́н; Ёв пиридживдя мэрибэ́н пал сарэ́ манушэ́ндэ пир Дэвлэ́скиро бахталыпэ́н.

Biblija - Pe Baltitko Romani čib (Romanes) 2019

⁹ ne ame dykhasa Isusós, Saves Devél nábut tykniakirdia angíl Jangolende, i Savó isyn proslavindlo i kutiakirdo, pal-dová so Jov piridživdia mén'ki i meribén; Jov piridživdia meribén pal saré manušénde pir Devléskiro bahtalypén.

Юдэ́нгэ 2:9 Referans Kwoze

Sykadyipén 5:9

И ёнэ багандлэ нэви́ гилы́, пхэни́: “Ту сан мол тэ прилэс кадава́ сви́тко и тэ отпхандэс чэргэнорья (печати), пал-дова́ со Ту са́нас зачхиндло́ и Ту выкиндян манушэ́н ваш Дэвлэ́скэ Пэ́скирэ ратэ́са кажнонэ́ екхэ́-чиба́кирэ ирья́тыр (сэм΄я́тыр) и кажнонэ́ родыцо́стыр, и манушытконэ́ нацыя́тыр и кхэритконэ́ родо́стыр.

1 Ian 2:2

и Ёв исын Кодова́, Кон пирилыджия пхарипэ́н кэ мэрибэ́н Пэ́скирэ ратэ́са пал амарэ́ грэ́хи сы́рбы свэ́нто дыибэ́н, и на фэ́ни (то́ка) пал амарэ́, а адя́кэ-паць пал грэ́хи сарэ́ свэто́скирэ.

Римлянэнгэ 5:18

палдава́, сыр екхэскиро манушэ́скиро грэ́хо яндя́ сэ́ндо сарэ́ манушэ́нгэ, адя́кэ-паць екхэ Манушэ́скиро чачуно́ рэ́ндо приджинэла сарэ́ манушэ́н чачунэнца ваш джиибэ́н, саво́ дэ́ла джиибэ́н сарэ́нгэ.

Apostolengiri Butý 2:33

Дэвэ́л ґаздыя́ Лэс Пэ́скирэ най зоралэды́р вастэ́са, и Ёв прилыя́ Лэ́стыр Свэ́нто Ду́хо (Фа́но), пал саво́ дыя́ лав Дад; Дэвэ́л кэрдя́ дова́, со тумэ́ какана́ шунэ́на и дыкхэ́на.

Joannostir 3:16

Дэвлэ́скэ адя́кэ яця́ дро́го свэ́то, со Ёв отдыя́ Пэ́скирэ Екхэбияныпнытконэ Чхавэ́с, соб (кай) кажно, кон явэ́ла тэ патял дрэ Лэ́стэ, тэ на хасёл, а тэ явэ́л лэ́стэ ве́чно джиибэ́н.

2 Коринфянэнгэ 5:15

Ёв мыя́ пал сарэ́ндэ, соб (кай) джидэ́ мануша́ тэ на дживэ́н ваш пэ́скэ, нэ ваш Лэ́скэ, Кон мыя́ пал лэ́ндэ и отджидыя́ ваш лэ́нгиро лачхипэ́н.

Юдэ́нгэ 10:5

Палдава́, ке́ли Христо́со явдя́ пэ свэ́то, Ёв пхэндя́ Дэвлэ́скэ: “Ту́кэ исын на пир ило́ ни да́ры, ни свэ́нта дыибэна́; нэ Ту приготовиндян маса́ (лоч) ваш Ма́нгэ.

Римлянэнгэ 5:8

нэ Дэвэ́л допхэнэ́ла Пэ́скирэ ласкаса кэ амэ, со Христо́со мыя́ пал амэ́ндэ, ке́ли амэ ишчо (инкэ́) са́мас грэхи́тка.

Joannostir 1:29

Пэ яви́р дывэ́с Иа́но дыкхэ́ла Исусо́с, Саво́ джа́ла кэ ёв и ракирэ́ла: “Ѓа́да, исын Дэвлэ́скиро Свэ́нто Бакроро́, Саво́ лэ́ла пэ Пэ́стэ свэтоскиро грэ́хо.

Joannostir 12:32

Нэ ке́ли Мэ ява́ва ґаздыно́ пхувья́тыр, тэды Мэ ла́ва сарэ́н манушэ́н кэ Пэ.”

Юдэ́нгэ 7:25

Палдава́ Ису́со могинэ́ла тэ зракхэ́л сарэ́ манушэ́н, савэ́ явэ́на пашылэды́р кэ Дэвэ́л пир Лэ́стэ; Ёв исын ўса́ды (сак) джидо́ тэ мангэ́л Дэвлэ́с пал лэ́ндэ.

Džiibén 3:15

И нараманё (намиро) кэра́ва Мэ машки́р ту́тэ и джувля́тэ, и машки́р ро́до тыро́ и ла́киро; ёв явэ́ла дро шэро́ тэ дукхавэл тут, а ту явэ́са тэ дукхавэс лэс дрэ пента (кхур).

1 Petr 1:21

пир Лэ́стэ тумэ́ лынэ́ тэ патя́н дрэ Лэ́стэ, Саво́ отджидякирдя́ Лэс мулэ́ндыр и дыя́ сла́ва Лэ́скэ, соб (кай) тумэ́ндэ тэ явэ́л патяибэ́н и наде́я пэ Дэвлэ́стэ.

Юдэ́нгэ 8:3

Кажно раша́й исын чхудо ваш дова́, соб (кай) тэ янэл свэ́нто дыибэ́н и да́ро, пал-дова́ со трэиндя́, соб (кай) и кадалэ́ Рашастэ тэ явэ́л вари-со тэ янэл.

1 Ximaske 2:6

Саво́ отдыя́ Кокоро́ Пэс, сыр выкиныбэ́н пал сарэ́ манушэ́ндэ, Ёв сыс Дэвлэ́скиро допхэныбэ́н свэтоскэ, саво́ сыс дыно́ дро пэ́скиро часо;

2 Коринфянэнгэ 5:21

Пэ Христосо́стэ, Савэ́стэ на сыс грэ́хо, Дэвэ́л чхудя́ сарэ́ амарэ́ грэ́хи сыр свэ́нто отдыибэ́н, соб (кай) амэ тэ ячаспэ чачунэнца анги́л Дэвлэ́стэ пир Христосо́стэ.

Римлянэнгэ 8:32

Одова́, Кон на тангиндя Пэ́скирэ Чхавэ́с, нэ Ёв отдыя́ Лэс пал сарэ́ндэ амэ́ндэ, ци на даринэла Ёв адя́кэ-паць амэ́нгэ кхэтанэ́ Лэ́са саро́?

Galatenge 4:4

а ке́ли явдя́ часо, саво́ Дэвэ́л выкэдыя́, Ёв бичхадя́ Пэ́скирэ Екхэ Чхавэ́с, Савэс джувлы́ бияндя́ и Саво́ дживдя́ тэл Юды́тко Зако́но,

Apostolengiri Butý 3:13

Дэвэ́л Авраамо́скиро и Исако́скиро и Яково́скиро, Дэвэ́л амарэ́ дадэ́нгиро, прославиндя Пэ́скирэ Чхавэ́с Исусо́с, Савэс тумэ́ здынэ и Савэ́стыр отпхэндлэпэ анги́л Пилатостэ, ке́ли Пила́то отсэндиндя тэ отмэкэ́л Лэс пэ во́ля.

Isajos 7:14

Нэ кокоро́ Рай Дэвэ́л дэ́ла ґерты́к/ досыкаибэн тумэ́нгэ: акэ, э патывалы́ тэрны́ джувлы́ прилэ́ла и биянэ́ла чхавэ́с, и дэ́на Лэ́скэ лав: Эмануило.

Римлянэнгэ 8:3

Пал-дова́ со, сыр Зако́но на могиндя́ тэ пиризорьякирэл манушэскири лоч, и хасякирдя́ пэ́скири зор, тэды Дэвэ́л бичхадя́ Пэ́скирэс Чхавэ́с, Саво́ сыс дрэ лоч (плоть), сыр грэхи́тко ману́ш, соб (кай) Ёв тэ явэ́л сыр свэ́нто дыибэ́н (жэ́ртва) пал грэ́хо и тэ сэндякирэ́л грэ́хо дрэ манушэ́стэ,

Joannostir 10:17

Палдава́ Мэ сом дро́го Дадэ́скэ, со Мэ отда́ва Миро джиибэ́н, соб (кай) нэвэ́стыр тэ прилав лэс.

Joannostir 8:52

А Юды пхэндлэ́ Лэ́скэ: “Какана́ амэ уґалыям, со на́лачхо ду́хо (фа́но) исын бэшто́ дрэ Ту́тэ; Авраа́мо мыя́, мынэ́ и проро́ки, а Ту ракирэ́са: ‘Кон зракхэ́ла лав Миро, одова́ на мэрэ́ла ние́кхвар’.

Матфеё 16:28

Чачэс, Мэ ракира́ва тумэ́нгэ: ада́й исын вари-савэ́ мануша́, савэ́ на мэрэ́на, ко́ли анги́л явэ́на тэ дыкхэ́н Чхавэ́с Манушэ́скирэ, саво́ явэ́ла сыр Кра́ли дро Кралипэ́н Пэ́скиро.”

Sykadyipén 19:12

Лэ́скирэ якх сыс сыр яга́нгири чибори́ и бут диадэмы сыс пэ Лэ́скиро шэро́. Лэ́стэ исын зачхиндло́ титуло (лав), со нико́н на джиндя́ апри́ч Лэ́стэ,

Юдэ́нгэ 2:7

Ту лэс на́бут тыкнякирдян анги́л Янголэндэ, ту прославиндян и кутякирдян лэс, Ту чхудя́н хула́са лэс пэ дова́, со Тырэ́ васта́ кэрдэ́,

Luka 9:27

Чачэс, Мэ ракира́ва тумэ́нгэ: ада́й исын вари-савэ́ мануша́, савэ́ на мэрэ́на, ко́ли ёнэ на дыкхэ́на Дэвлэ́скиро Кралипэ́н дро Болыбна́скиро Раё.”

Marko 9:1

И Ёв ракирдя́ лэ́нгэ: “Чачэс, Мэ ракира́ва тумэ́нгэ: ада́й исын тэрдэ́ вари-савэ́, савэ́ на мэрэ́на, пака ёнэ дыкхэ́на, сыр явэ́ла Дэвлэ́скиро Кралипэ́н дрэ сари́ Лэ́скири зор.”

Матфеё 6:28

Нэ со тумэ́ пиридживэна пал урибэ́н? Дыкхэ́н пэ фэлды́тка лилии, сыр ёнэ барьёна; на кэрэ́на буты́, на кхувэна тхава,

Isajos 11:1

И выбарьёла отбарипэн Есеёскирэ корнёстыр (рукхэстыр); кадава́ рукх выбарьякирэла нэви́ рандь.

Joannostir 8:51

Чачэс, Чачэс Мэ ракира́ва тумэ́нгэ: кон зракхэ́ла Миро лав, одова́ на дыкхэ́ла мэрибэ́н ние́кхвар.”

Юдэ́нгэ 1:9

Ту́кэ пир ило́ чачипэ́н и Ту́кэ исын на пир ило́ дова́, со исын проти Зако́но, пал-дова́ со Дэвэ́л, Тыро́ Дэвэ́л дыя́ паты́в и ра́дыма Ту́кэ буты́р, сыр Тырэ́ малэ́нгэ (другэ́нгэ).”

Юдэ́нгэ 11:5

Патяибна́са Енохо сыс лыно́ пэ болыбэ́н, и ёв на дыкхця́ мэрибэ́н, и лэс нико́н на могиндя́ тэ латхэл, пал-дова́ со Дэвэ́л лыя́ лэс. Нэ анги́л, сыр Дэвэ́л лыя́ лэс, ёв дорэсця́ допхэныбэ́н, со ёв кэрдя́ кучэс Дэвлэ́скэ.

Юдэ́нгэ 12:2

и ява́са тэ дыкхас пэ Исусо́стэ, Савэ́стыр исын амаро́ патяибэ́н, и Саво́ кэрэ́ла амэн бидошакирэнца, Саво́ заме́ст ра́дыма, сави́ явэ́лас ваш Лэ́скэ, и Саво́ вырикирибнаса пиридживдя трушулыбэн кэ мэрибэ́н, на дыкхи́ пэ ладж, и бэсця́ пир чачо́ (право) васт Дэвлэ́стыр.