Юдэ́нгэ 2:4 - Библия - Пэ Балтитко Романи чиб (Романэс) 2019

⁴ со Дэвэ́л и допхэндя Пэ́скирэ знамение́нца (ґертыкэ́нца), и дивэ́нца и кажнонэ́ зорье́нца, и Свэнтонэ́ Духо́скирэ таланэнца, саво́ Ёв дэ́лас манушэ́нгэ пир Пэ́скири во́ля.

Biblija - Pe Baltitko Romani čib (Romanes) 2019

⁴ so Devél i dophendia Péskire znamienijénca (ĥiertykénca), i divénca i kažnoné zor'jénca, i Sventoné Duhóskire talanenca, savó Jov délas manušénge pir Péskiri vólia.

Юдэ́нгэ 2:4 Referans Kwoze

Apostolengiri Butý 14:3

Па́вли и Варнава сыс одо́й древа́н бут часо, ёнэ ракирдэ́ муршканэ́с пал Дэвлэ́стэ, Саво́ допхэнэлас пал Пэ́скирэ-лавэскиро бахтякирибэ́н долэса, со дэ́лас Апостолэнгэ зор тэ кэрэ́н знаме́нии (ґертыка́) и ди́вы.

Эфесянэнгэ 1:5

Ёв выкэдыя́ амэн пир Исусо́стэ Христосо́стэ, соб (кай) амэ тэ явас Лэ́скирэ чхавэ́ пир Пэ́скиро выкэдыибэн и во́ля,

Marko 16:20

И ёнэ выгинэ́ и роспхэндлэ́ лав усенде (везде), Рай Дэвэ́л сыс пашы́л лэ́нгирэ рэ́нды и Ёв допхэнэлас лэ́нгирэ лавэнгиро чачипэ́н знамение́нца (ґертыкэ́нца), савэ́ джа́нас ада́й жэ пал лэ́нгирэ лава́.

Joannostir 4:48

Ису́со пхэндя́ лэ́скэ: “Тумэ́ мануша́ на могинэ́на тэ патя́н, пака тумэ́ дыкхэ́на знаме́нии (ґертыка́) и ди́вы.”

Joannostir 15:26

Ке́ли явэ́ла Обрадыпнаскиро (Утешытеле) кэ тумэ́, савэ́с Мэ бичхава́ва тумэ́нгэ Мирэ́ Дадэ́стыр, ёв исын чачуно́ Ду́хо (Фа́но), Ёв джа́ла Дадэ́стыр, Ёв Кокоро́ явэ́ла тэ допхэнэл пал Ма́ндэ.

Эфесянэнгэ 1:9

пир Пэ́скиро цэлё/рэс (чачипэ́н) Дэвэ́л отчхакирдя́ амэ́нгэ Лэ́скирэ-воля́киро чораханыбэн, саво́ Ёв ґарэдыр задуминдя тэ кэрэ́л пир Христосо́стэ,

Apostolengiri Butý 4:10

мэк тэ явэ́л джиндло́ тумэ́нгэ сарэ́нгэ и сарэ́ Израилёскирэ манушэ́нгэ, со Исусо́скирэ-Христосо́скирэ лавэ́са, Саво́ сыс Назареё, и Савэс тумэ́ примардэ пэ трушу́л, Савэс Дэвэ́л отджидякирдя́ мэрибна́стыр, ґа́да, адава́ ману́ш исын тэрдо́ састо́ анги́л тумэ́ндэ.

Marko 6:14

И шундя́ кра́ли Иродо пал дава́, пал-дова́ со Исусо́скиро лав яця́ джиндло́; и мануша́ ракирдэ́: “Иа́но Болдэипнари отджидыя́ мулэ́ндыр, и палдава́ лэ́стэ исын дасави́ зор.

Apostolengiri Butý 5:32

И амэ сам якхи́тка далэскэ сарэскэ и Свэ́нто Ду́хо (Фа́но), Савэс Дэвэ́л дыя́ одолэ́нгэ, кон кандэ́ла Лэс.”

Эфесянэнгэ 4:7

Сарэ́нгэ амэ́нгэ сыс дыно́ бахтякирибэ́н ада́кицы, ци бут Христо́со Кокоро́ выкэдыя́ тэ дэл кажнонэ́скэ амэ́ндыр,

Юдэ́нгэ 6:4

Дава́ на могинэ́ла (шашты) тэ явэ́л ваш одолэ́нгэ, конэ́скэ сыс роспхэндло чачипэ́н пал Дэвлэ́стэ, и савэ́ уджиндлэ́ Болыбна́скиро тала́но (да́ро), и дорэснэ́ (долынэ) пэ́скири паш явирэ манушэ́нца Свэнтонэ́ Духо́стыр;