Юдэ́нгэ 2:17 - Библия - Пэ Балтитко Романи чиб (Романэс) 2019

¹⁷ Ваш дава́ Христосо́скэ трэиндя́ тэ явэ́л адасаво́-паць, сыр Лэ́скирэ пша́ла, соб (кай) ёв тэ явэ́л лачхэ́-илэ́скиро и чачуно́ Англатуно́ Раша́й тэ дынаринэ́л анги́л Дэвлэ́стэ, соб (кай) Ёв тэ отмэкэ́л манушэ́нгирэ грэ́хи;

Biblija - Pe Baltitko Romani čib (Romanes) 2019

¹⁷ Vaš davá Xristosóske treindiá te javél adasavó-pac', syr Léskire pšála, sob (kaj) jov te javél lačhé-iléskiro i čačunó Anglatunó Rašáj te dynarinél angíl Devléste, sob (kaj) Jov te otmekél manušéngire gréhi;

Юдэ́нгэ 2:17 Referans Kwoze

Юдэ́нгэ 4:14

Пал-дова́ со амэ́ндэ исын са́мо барэды́р Англатуно́ Раша́й Ису́со, Дэвлэ́скиро Чхаво́, Саво́ прогия́ болыбэ́н кэ Дэвэ́л, амэ ява́са тэ рикираспэ зоралэ́с пал амаро́ патяибэ́н.

Юдэ́нгэ 2:14

Пал-дова́, со сыр сарэ́-манушэ́нгирэ чхавэ́ндэ исын рат и лоч (плоть), адя́кэ-паць и Ёв прилыя́ саро́, сыр ману́ш, ке́ли бия́ндыя, соб (кай) пир Пэ́скиро мэрибэ́н Ёв могиндя́ тэ хасякирэ́л налачхэскири зор пэ мэрибэ́н;

Юдэ́нгэ 7:26

Пал-дова́ со адасаво́ Англатуно́ Раша́й и трэй амэ́нгэ: свэ́нто, лачхэ́-илы́тко, на магирдо́ грэхоса; Дэвэ́л чхудя́ Лэс дрэ риг грэхитконэ́ манушэ́ндыр и ґаздыя́ Лэс вучэ́с дро Болыбна́скиро Раё.

Римлянэнгэ 5:10

Ко́ли англэды́р амэ са́мас вэ́рги Дэвлэ́скэ и какана́ амэ яця́м дро рама́нё (миро) Лэ́са пир Лэ́скирэ Чхавэ́скиро мэрибэ́н, тэды буты́р сарэ́стыр какана́, сыр амэ яця́м дро рама́нё, амэ надеинасапэ тэ зракхаспэ Лэ́скирэ джиибнаса.

Юдэ́нгэ 2:11

Пал-дова́ со Одова́, Кон отмэкэ́ла манушэ́нгирэ грэ́хи, и одолэ́, савэ́нгэ Ёв отмэкця́ грэ́хи, сарэ́ исын Дадэ́скирэ чхавэ́, палдава́ Исусо́скэ нанэ ладжаво тэ кхарэл лэн пшалэ́нца;

Дание́лё 9:24

эфтадэша́ куркэ сыс гиндлэ́ ваш тыро́ народо и тыро́ свэ́нто фо́ро, Ерусалимо, соб (кай) учхакирдо тэ явэ́л чорипэ́н и тэ кончынэнпэ грэ́хи и тэ явэ́н выкхослэ бизаконытка рэ́нды (бизаконии), и, соб (кай) тэ явэ́л лыджино ве́чно чачипэ́н, тэ явэ́н запечатымэ дыкхибэ́н и проро́ко, и тэ явэ́л помакхно Свэ́нто-свэнтонэнгиро.

Юдэ́нгэ 3:5

И Мо́йза сыс чачуно́ дына́ри пир саро́ Дэвлэ́скиро Кхэр ваш допхэныбэ́н пал дова́, со трэй тэ явэ́л анги́л;

Колосянэнгэ 1:21

И тумэн, савэ́ са́нас вари-ке́ли дур Дэвлэ́стыр и вэ́рги Дэвлэ́скэ, ке́ли тырдыя тумэн тэ кэрэ́н бэдытка рэ́нды.

Юдэ́нгэ 7:28

Пир Мойза́скиро Зако́но чхувэ́на англатунэ́ рашанца манушэ́н, савэ́ исын грэхи́тка; нэ Дэвэ́л чхудя́ Пэ́скирэ Чхавэ́с пир совла́х, со сыс пало́ (после) Зако́но, Лэс, Саво́ исын бидошакиро пэ сарэ́ ве́ки.

Эфесянэнгэ 2:16

соб (кай) дуе́н (Юдэ́н и Наюдэн) дро екх маса́ тэ примиринэл Дэвлэ́са пир трушу́л, хасякири кажно вэргима пэ Лэ́стэ,

Римлянэнгэ 15:17

И палдава́ пир Исусо́стэ Христосо́стэ мэ могина́ва тэ шаравпэ мирэ́ дынарибнаса анги́л Дэвлэ́стэ.

Левито 8:15

и зачхиндя́ лэс, и лыя́ рат, и пэ́скирэ ангуштэса чхудя́ пэ алтарёскирэ шынга́ (ро́ги) сарэ́ ригэ́ндыр, и выжужакирдя́ алта́рё, а рат, саво́ яця́пэ, вычхудя́ тэлґэра алтарёскэ, и освэнцындя лэс, соб (кай) тэ кэрэ́л лэс жужэса.

Юдэ́нгэ 3:2

Саво́ исын патяибны́тко Одолэ́скэ, Кон чхудя́ Лэс пэ дая́ буты́, сыр и Мо́йза адя́кэ-паць пир саро́ Дэвлэ́скиро Кхэр.

Езэкилё 45:20

Адя́кэ кэр пэ эфта́то чхонытко дывэ́с пал одолэ́ндэ, савэ́ кэрэ́на грэ́хи на джины́, со ёнэ кэрэ́на и пал кодолэндэ, савэ́ кэрэ́на грэ́хи пир наиво, и адя́кэ жужакирэн кхангири́.

Езэкилё 45:17

А тхагарискиро бангипэн явэ́ла тэ дэл цэ́ло схачкирибнытко, маруно́ свэ́нто дыибэ́н, ёв явэ́ла тэ янэл тхадуно свэ́нто дыибэ́н пэ свэ́нки, дрэ нэвэ чхона́, дрэ са́ваты, дрэ сарэ́ Израилёскирэ-кхэрэ́скирэ бахталэ́ дывэса́. О тхага́ри исын банго́ тэ янэл свэ́нто дыибэ́н (жэ́ртва) пало́ грэ́хо, маруно́ свэ́нто дыибэ́н, цэ́ло схачкирибнытко парикирибнытко свэ́нто дыибэ́н ваш Израилёскирэ-кхэрэ́скиро жужипэн.

Езэкилё 45:15

Екха бакря́ дуй шэлэнгирэ-бакрэ́нгирэ стадатыр лачхэ́ Израилёскирэ фэлдатыр – саро́ дава́ ваш цэ́ло схачкирибнытко и маруно́ свэ́нто дыибэ́н, свэ́нто дыибэ́н тэ парикирэ́н, соб (кай) тэ явэ́н жужэ́,” – ракирэ́ла Рай Дэвэ́л, Дэвэ́л.

Isajos 11:5

И обпхандэлапэ Ёв чачипна́са пир трушула (чреслы), чачипэ́н явэ́ла Лэ́скиро обпхандыпэн упрэ́ пир ґэра́.

2 Паралипоменоно 29:24

И зачхиндлэ́ лэн рашая́, и лэ́нгирэ ратэ́са выжужакирдэ алта́рё, соб (кай) тэ явэ́н жужэ́ бангипнастыр пал сарэ́ Израилёскирэ грэ́хи, пал-дова́ со пал саро́ Израилё припхэндя́ кра́ли тэ янэ́н цэ́ло схачкирибэ́н и свэ́нто яныбэ́н Ра́скэ-Дэвлэ́скэ пал грэ́хо.

Левито 6:30

кажно свэ́нто дыибэ́н пал грэ́хо, савэ́стыр рат лыджалапэ дрэ скэдыибна́скири ша́тра ваш жужакирибэн пэ свэ́нто штэ́то, на трэй тэ явэ́л схано; лэс трэй тэ хачкирэл пэ яг.

Левито 14:18

а елеё (дзэт), саво́ яця́пэ, саво́ исын пэ васт рашастэ, чхувэ́ла ёв пэ шэро́ манушэ́скэ, саво́ жужакирэлапэ, и жужакирэла лэс раша́й анги́л Ра́скирэ-Дэвлэ́скиро муй.

Левито 16:16

и выжужакирэ́ла ёв свэ́нто штэ́то Израилёскирэ-чхавэ́нгирэ нажужыпнастыр и сарэ́ лэ́нгирэ налачхэ́ рэндэ́ндыр (делэндыр), дрэ сарэ́ лэ́нгирэ грэ́хи. Адя́кэ банго́ исын ёв тэ кэрэ́л и ваш скэдыибна́скири ша́тра, сави́ исын лэ́ндэ, машки́р лэ́нгиро нажужыпэн.

Čysly 15:25

и выжужакирэ́ла раша́й сарэ́ скэдыибна́стыр Израилёскирэ чхавэ́нгиро, и явэ́ла отмэкно лэ́нгэ: пал-дова́ со дава́ сыс дош пир наджиныбэн, и ёнэ яндлэ́ пэ́скиро свэ́нто дыибэ́н Ра́скэ-Дэвлэ́скэ, и свэ́нто яныбэ́н пал пэ́скиро грэ́хо анги́л Растэ-Дэвлэ́стэ, пал пэ́скири дош;

Юдэ́нгэ 2:16

Пал-дова́ со исын бицяло́, со Ёв помогинэла на Янголэнгэ, а Авраамо́скирэ родо́скэ.

Юдэ́нгэ 3:1

Палдава́, пшала́лэ свэ́нта, савэ́н Дэвэ́л адя́кэ-паць прикхардя, дыкхэ́н пэ Исусо́стэ, Савэс Дэвэ́л бичхадя́ тэ явэ́л англатунэ́ Раша́са пир амаро́ патяибэ́н,

Юдэ́нгэ 4:15

Амэ́ндэ исын на адасаво́ англатуно́ раша́й, саво́ на могинэ́ла тэ помогинэл (тэ подэл васт) амэ́нгэ дро амаро́ бизорьякирибэн, нэ Адасаво́ Англатуно́ Раша́й, Саво́ сыс пропатякирдо дро саро́, нэ сыр и амэ, нэ Саво́ на кэрдя́ грэ́хо.

Юдэ́нгэ 5:1

Пал-дова́ со кажно англатуно́ раша́й лэ́лапэ манушэ́ндыр и чхувэ́лапэ ваш манушэ́нгэ, соб (кай) тэ дынаринэ́л Дэвлэ́скэ: тэ янэл свэ́нто дыибэ́н и да́ры пэ алта́рё ваш грэхэнгиро отмэкибэн;

Юдэ́нгэ 5:2

а пал-дова́, со адасаво́ раша́й кокоро́ нанэ зорало́ пир саро́, Ёв могинэ́ла тэ сыкавэ́л ковлыпэн кэ мануша́, савэ́ на джинэ́на и одолэ́, савэ́ змардэпэ чачунэ́ дромэ́стыр,

Юдэ́нгэ 5:5

Адя́кэ-паць и Христо́со на Кокоро́ Пэ́скэ дыя́ дая́ сла́ва тэ ячэ́л Англатунэ́ Раша́са, нэ дава́ кэрдя́ Дэвэ́л, Кон пхэндя́ Лэ́скэ: “Ту сан Миро Чхаво́, Мэ яцём ададывэ́с Тырэ́ Дадэ́са (Тыро́ Дад).”

Юдэ́нгэ 5:10

и Дэвэ́л приґалыя Лэс Англатунэ́ Раша́са адасавэса-паць, сыр сыс прилыно пир рашаипэн Мелхисэдэко.

Юдэ́нгэ 6:20

одори́к загия́ Ису́со анги́л амэ́ндэ, и яця́ Англатунэ́ Раша́са пэ сарэ́ ве́ки, пир дасаво-паць титуло, сыр и Мелхисэдэко.

Юдэ́нгэ 8:1

Гла́вныма исын дро дова́, пал со амэ ракираса, исын дасави́: амэ́ндэ исын адасаво́ Англатуно́ Раша́й, Саво́ исын бэшто́ пэ болыбэ́н пир чачо́ васт Дэвлэ́скирэ най вычэдырэ́скирэ троностыр;

Юдэ́нгэ 8:3

Кажно раша́й исын чхудо ваш дова́, соб (кай) тэ янэл свэ́нто дыибэ́н и да́ро, пал-дова́ со трэиндя́, соб (кай) и кадалэ́ Рашастэ тэ явэ́л вари-со тэ янэл.

Юдэ́нгэ 9:11

Нэ Христо́со явдя́, сыр Англатуно́ Раша́й ваш лачхипэ́н, саво́ явэ́ла анги́л барыдыршонэ и фэдыдыршонэ шатраса, сави́ кэрдэ́ на манушэ́нгирэ васта́, и сави́ нанэ далэ́ свэтоскири, со исын кэрдо́,

Юдэ́нгэ 10:21

Ёв исын амаро́ Баро́ Раша́й пэ Дэвлэ́скиро Кхэр, саво́ исын дро Болыбна́скиро Раё;