Юдэ́нгэ 13:7 - Библия - Пэ Балтитко Романи чиб (Романэс) 2019

⁷ Рипирэн пэ́скирэ сыклякирибнарьен (наставникэн), савэ́ лыджинэ́ тумэн и сыклякирдэ́ тумэн Дэвлэ́скирэ лавэ́скэ, дыкхэ́н пэ лэ́нгиро джиибэ́н кэ ко́нцо (кэ яго́ро); явэ́н дасавэ́-паць дро патяибэ́н, сыр ёнэ исын.

Biblija - Pe Baltitko Romani čib (Romanes) 2019

⁷ Ripiren péskire sykliakiribnar'jen (nastavniken), savé lydžiné tumen i sykliakirdé tumen Devléskire lavéske, dykhén pe léngiro džiibén ke kónco (ke jagóro); javén dasavé-pac' dro patiaibén, syr jone isyn.

Юдэ́нгэ 13:7 Referans Kwoze

Юдэ́нгэ 13:17

Кандэ́н пэ́скирэ сыклякирибнарьен, савэ́ лыджа́на тумэн, кэрэ́н саро́, со ёнэ пхэнэ́на тумэ́нгэ; пал-дова́ со ёнэ саро́ часо пэкэнапэ (заботисона) пал тумаро́ ду́хо (фа́но), ёнэ исын сы́рбы мануша́, савэ́ явэ́на тэ отпхэнэн анги́л Лэ́стэ, соб (кай) ёнэ тэ кэрэ́н радыма́са дава́, а на тэ дэн ґондя́ (на тэ ўздыхинэн), тэды на явэ́ла фэдэды́р тумэ́нгэ.

Filipiicenge 3:17

Пшала́лэ, причхувэ́н зор тэ кэрэ́н адя́кэ-паць сыр мэ, и дыкхэ́н пэ одолэ́ манушэ́ндэ, савэ́ кэрэ́на дова́-паць, сыр и тумэ́ думинэ́на пал амэ́ндэ;

Юдэ́нгэ 6:12

соб (кай) тумэ́ тэ на явэ́н кирнэ-масэ́нгиро, а тумэ́ тэ кэрэ́н адя́кэ-паць, сыр кодолэ́ мануша́, савэ́ пэ́скирэ патяибна́са и длугонэ ужакирибнаса дорэсэ́на дова́, пал со Дэвэ́л дыя́ лав лэ́нгэ.

1 Фесалоникийцэнгэ 1:6

И тумэ́ лынэ́ тэ кэрэ́н адя́кэ, сыр и амэ, и сыр Рай Дэвэ́л, и прилынэ́ Дэвлэ́скиро лав бутэ́ пхарипнэнца и радыма́са, саво́ дыя́ тумэ́нгэ Свэ́нто Ду́хо (Фа́но),

Apostolengiri Butý 14:23

Па́вли Варнаваса дрэ кажно кхангири́ чхудэ́ годэпхурэн пир постиныбэн и мангипэ́н и отдынэ́ лэн Ра́скэ-Дэвлэ́скэ, дрэ Савэ́стэ ёнэ патяндынэ́.

Матфеё 24:45

Кон тэды исын патяибны́тко и годьваро́ писха́ри (ра́бо), конэ́скэ лэ́скиро хула́й дыя́ зор пэ лэ́скирэ бутярнэндэ, соб (кай) тэ дэл тэ хал лэ́нгэ дро часо, саво́ трэй?

1 Ximaske 3:5

пал-дова́ со, ко́ли вари-кон нанэ хула́й дро пэ́скиро кхэр, сыр адава́ ману́ш явэ́ла тэ дыкхэ́л пал Дэвлэ́скири Кхангири́?

Юдэ́нгэ 13:24

Пиридэ́н “паклоно” тумарэ́ сыклякирибнарьенгэ, савэ́ лыджа́на тумэн, и сарэ́ свэнтонэ́ манушэ́нгэ. Пиридэна “паклоно” тумэ́нгэ мануша́ Италиятыр.

1 Фесалоникийцэнгэ 2:13

Палдава́ и амэ адя́кэ-паць ўса́ды (сак) парикираса Дэвлэ́скэ, со тумэ́ прилынэ́ Дэвлэ́скиро лав, саво́ амэ роспэндям, тумэ́ прилынэ́ лэс на сы́рбы манушэ́нгиро лав, нэ сыр Дэвлэ́скиро лав, пир чачипэ́н, саво́ кэрэ́ла буты́ дрэ тумэ́ндэ патяибнаскирэндэ.

1 Коринфянэнгэ 4:16

Палдава́ мэ манга́ва тумэн, тэ кэрэ́н адя́кэ, сыр мэ кэра́ва.

Римлянэнгэ 10:17

Патяибэ́н явэ́ла шуныбнастыр, а шуныбэ́н явэ́ла Дэвлэ́скирэ лавэ́ндыр.

Apostolengiri Butý 4:31

И ке́ли ёнэ пириячнэ тэ мангэ́нпэ Дэвлэ́скэ, тэды дова́ штэ́то, кай ёнэ скэдынэ́пэ, затринскирдяпэ, и гия́ пэ сарэ́ндэ лэ́ндэ Свэнтонэ́-Духоскири зор и ёнэ пхэндлэ́ Дэвлэ́скиро лав муршыпнаса.

Гиленгири (Соломоно́скири) Гилы́ 1:8

Ко́ли ту на джинэсас, най гожэдыр машки́р джувлендэ, джа́ пир бакрэ́нгирэ шпэры (сляды), и чарав пэ́скирэ бузнорэн (козлорэн) пашы́л чхупнарьенгирэ ша́тры,

Sykadyipén 6:9

И ке́ли Свэ́нто Бакроро́ отпхандя па́нджто чэргэнори́, мэ дыкхцём тэл алта́рё манушэ́нгирэ дия́, савэ́ сыс мулякирдэ́ пал Дэвлэ́скиро лав и пал дова́, со ёнэ патяибныткэс допхэнэнас пал Христосо́стэ;

Sykadyipén 20:4

И мэ дыкхцём троны и одолэ́н, савэ́ бэшэнас пал сками́нд, савэ́нгэ сыс дыно́ тэ сэндякирэн. И мэ дыкхцём дия́ одолэнгирэ, конэ́скэ чингирдэ шэрэ́, палдова́ со ёнэ допхэнэнас пал Христосо́стэ и пал Дэвлэ́скиро лав. Ёнэ на клониндлэпэ патыва́са анги́л рискирибна́скирэ мурдалэ́стэ ци анги́л лэ́скири патри́н (о́бразо), ёнэ на прилынэ́ клеймоскири шпэ́ра пэ чэка́т ци пэ лэ́нгиро васт. И ёнэ отджидынэ и кралиндлэ Христосо́са бар бэрш.

Sykadyipén 1:9

Мэ сом Иа́но, тумаро́ пшал, и мал (дру́го), кон исын кхэтанэ́ тумэ́нца дрэ би́да и дро кралипэ́н и кхэтанэ́ вырикирэ́ла пал Исусо́стэ Христосо́стэ. Мэ со́мас пэ о́строво (джип), саво́ кхарэ́лапэ “Патмосо” пал Дэвлэ́скиро лав и пал дова́, со мэ допхэна́вас манушэ́нгэ пал Исусо́стэ Христосо́стэ.

2 Фесалоникийцэнгэ 3:9

амэ на дыкхцям пэ дава́, со амэ́ндэ сыс зор тэ лас ловэ́ тумэ́ндыр, нэ амэ камдям тэ сыкавас приме́ро (сыкаибэ́н) тумэ́нгэ, соб (кай) и тумэ́ адя́кэ-паць тэ кэрэ́н дурэды́р.

1 Коринфянэнгэ 11:1

Кэрэ́н адя́кэ-паць, сыр и мэ, пал-дова́ со мэ кэра́ва адя́кэ-паць, сыр Христо́со.

Luka 12:42

И пхэндя́ Рай Дэвэ́л: “Кон тэды исын патяибны́тко и годьваро́ писха́ри, конэ́скэ лэ́скиро хула́й дыя́ зор пэ лэ́скирэ бутярнэндэ, соб (кай) тэ дэл лэ́нгэ лэ́нгири паш марэстыр дро часо, саво́ трэй?

Luka 8:11

Ѓа́да, со дава́ сыкаибэ́н значынэ́ла: Зя́рка исын Дэвлэ́скиро лав.

2 Фесалоникийцэнгэ 3:7

Пал-дова́ со тумэ́ кокорэ́ джинэ́на, со тумэ́нгэ трэй тэ дживэ́н адя́кэ, сыр и амэ, пал-дова́ со амэ на са́мас кирнэ-масэнгирэ, ке́ли амэ дживдям кэ тумэ́;

1 Коринфянэнгэ 10:13

Тумэ́ пынэ́ тэл дасаво пропатякирибэн сыр и сарэ́ мануша́; нэ Дэвэ́л исын патяибны́тко, и Ёв на домэкэла, соб (кай) тумэн тэ пропатякирэн буты́р тумарэ́ зорья́тыр тэ пирилыджан; а ке́ли явэ́ла пропатякирибэн, Дэвэ́л дэ́ла зор тумэ́нгэ, соб (кай) тумэ́ могиндлэ́ тэ пирилыджан лэс.

Apostolengiri Butý 13:46

А Па́вли и Варнава ракирдэ́ муршканэ́с и бидаракирэс пхэндлэ́: “Амэ́нгэ трэй англэды́р сарэ́ндыр тумэ́нгэ тэ роспхэнас Дэвлэ́скиро лав: нэ сыр тумэ́ на приґалёна лэс, тумэ́ далэ́са сэндинэна кокорэ́ пэс, со тумэ́ндэ на явэ́ла ве́чно джиибэ́н, палдава́ амэ какана́ рискираса Дэвлэ́скиро лав Наюдэ́нгэ;

Luka 5:1

Екхвар Ису́со сыс тэрдо́ пэ брэ́го пашы́л Генисаретоскиро зеро (озеро), а мануша́ тасавэнаспэ, соб (кай) тэ явэ́н пашылэды́р кэ Ёв и кэ Дэвлэ́скиро лав;

1 Petr 4:11

Ко́ли вари-саво́ ману́ш ракирэ́ла, мэк ёв тэ ракирэ́л Дэвлэ́скирэ лавэ́нца; одова́ кон дынаринэла, мэк ёв тэ дынаринэ́л пир зор, сави́ Дэвэ́л дэ́ла лэ́скэ, соб (кай) тэ барьякирэлпэ Дэвэ́л дро саро́ пир Исусо́стэ Христосо́стэ, Савэ́скэ тэ явэ́л сла́ва и зор пэ сарэ́ ве́ки. Ами́нь.