Юдэ́нгэ 13:4 - Библия - Пэ Балтитко Романи чиб (Романэс) 2019

⁴ Мэк тэ явэ́л романдуно́ (супру́жэско) джиибэ́н дрэ паты́в пир саро́, и чачипэ́н машки́р лэ́ндэ тэ на явэ́л магирдо́; Дэвэ́л явэ́ла тэ сэндякирэ́л биладжакунэ́ манушэ́н и манушэ́н, савэ́ дживэ́на джувле́нца сыр рома́ би совлакиро.

Biblija - Pe Baltitko Romani čib (Romanes) 2019

⁴ Mek te javél romandunó (suprúžesko) džiibén dre patýv pir saró, i čačipén maškír lénde te na javél magirdó; Devél javéla te sendiakirél biladžakuné manušén i manušén, savé dživéna džuvliénca syr romá bi sovlakiro.

Юдэ́нгэ 13:4 Referans Kwoze

Džiibén 2:24

Палдава́ ману́ш мэкэ́ла пэ́скирэ дадэ́с и да, и приячэла кэ пэ́скири ромны́, и ёнэ явэ́на екх лоч.

Galatenge 5:19

Ѓа́да, со кэрэ́на мануша́ пир лочакирэ камибэна: ёнэ кэрэ́на биладжаипэ́н, дживэ́на джувле́нца би сэвлакиро, лыджа́на пэс сыр мурдала́ (жывотна);

Galatenge 5:21

жалинэна лачхипэ́н явирэ́нгэ, пьена сыр матыбнарья, гулинэна бирипирибнаскирэс и бут яви́р; пал кадасавэндэ мэ пхэна́ва анги́л, сыр и ракирдём англэды́р, со, кон адя́кэ кэрэ́ла, на дорэсэ́ла паш дро Дэвлэ́скиро Кралипэ́н.

1 Коринфянэнгэ 6:9

Ци тумэ́ на джинэ́на, со начачунэнгэ на явэ́ла паш дро Кралипэ́н дро Болыбна́скиро Раё? На хохавэнпэ: ни одолэ́, савэ́ кэрэ́на блэ́ндо, ни идолэ-мангипнаскирэ, ни одолэ́, савэ́ кэрэ́на марки, ни одолэ́ мурша́, савэ́ исын сы́рбы джувля́, ни одолэ́, савэ́ дживэ́на муршэнца сыр джувле́нца,

1 Коринфянэнгэ 5:13

Нэ одолэ́н, савэ́ исын на кхангирья́тыр, Дэвэ́л сэндякирэ́ла! Палдава́ традэ́н криг тумарэ́ кхангирья́кирэ скэдыибна́стыр дошалэ манушэ́с.

Эфесянэнгэ 5:5

Джинэ́н дова́, со ни екх биладжаипна́ри, ци магирдо́, ци бокхало́ кэ яви́р фуй рэ́нды (де́лы), саво́ исын сы́рбы идоло́скиро дына́ри (слуга), лэ́стэ на явэ́ла паш дро Христосо́скиро Дэвлэ́скиро кралипэ́н.

1 Ximaske 3:12

Кхангирья́кирэ бутярнэскэ трэй, соб (кай) ёв тэ явэ́л екхэ-ромнякиро ром, саво́ исын лачхо́ хула́й пэ́скирэ чхавэ́нгэ и кхэрэ́скэ:

1 Ximaske 3:4

саво́ исын хула́й пэ пэ́скиро кхэр, конэ́с чхавэ́ кандэ́на, лыджа́на пэс пир чачипэ́н;

1 Коринфянэнгэ 7:38

Палдава́ одова́, кон отдэ́ла пэ́скирэ чха палоро́м, кэрэ́ла шука́р; а кон на отдэ́ла, одова́ кэрэ́ла фэдэды́р.

Džiibén 2:21

И кэрдя́ Рай Дэвэ́л, Дэвэ́л адя́кэ, со зорало́ соибэн пыя́ пэ манушэ́стэ; и, ке́ли засуця ёв, то Рай Дэвэ́л, Дэвэ́л лыя́ екх лэ́скиро пашваро, и одова́ штэ́то зачхакирдя лочаса (плотяса).

Sykadyipén 22:15

А яври́ пал фо́ро исын джукэла, човаханэ, и кон дживдя́ джувле́нца сыр ромня́са би сэвлакиро, замарибнарья, и кон мангдя́пэ идолэ́нгэ, и сарэ́ яви́р, конэ́скэ дава́ сыс пир ило́ тэ ракирэ́л хохаибэ́н.

Titoske 1:6

соб (кай) кадасаво́ ману́ш тэ явэ́л бидошакиро, екхэ-ромнякиро ром, соб (кай) тэ явэ́н лэ́стэ чхавэ́, савэ́ патя́на Дэвлэ́скэ, савэ́ исын нарозмэкнэ, и савэ́ кандэ́на.

1 Ximaske 5:14

И палдава́ мэ кама́м, соб (кай) тэрнэ́ пивля, тэ джа́н палоро́м тэ биянэн чхаворэ́н, и тэ лыджа́н кхэри́тко хулаибэн, тэ на дэн нисаво́ саштыпэн тумарэ́ вэргоскэ, соб (кай) тэ ракирэ́л фуипэ́н.

1 Ximaske 4:3

и адалэ́ мануша́ запхэнэна тэ лэнпэ, и тэ на хан саро́, со создыя́ Дэвэ́л ваш дова́, соб (кай) патяибнаскирэнгэ, и кон уджиндя́ чачипэ́н, тэ хан саро́ парикирибнаса.

2 Коринфянэнгэ 5:10

Пал-дова́ со амэ́нгэ сарэ́нгэ трэй тэ сыкавас пэс анги́л Христосо́скиро сэндари́тко штэ́то, соб (кай) амэ могинаса тэ дорэсас (тэ долас) пал дова́, со амэ кэрдя́м пал пэ́скиро джиибэ́н дрэ маса́: лачхипэ́н ци фуипэ́н.

1 Коринфянэнгэ 9:5

Ци нанэ амэ́ндэ право тэ лас палоро́м патяибнаскирья пхэня́ пир Растэ-Дэвлэ́стэ сыр ромня́, адя́кэ-паць сыр яви́р Апо́столы кэрдэ́, мирэ́ пша́ла, пир Растэ-Дэвлэ́стэ, и Кифа?

Малахия 3:5

И Мэ ява́ва пашылэды́р кэ тумэ́ тэ сэндякирав пхарэ́с тумэн; Мэ ява́ва сыр сы́гно дудвало (обличытелё) проти джиныбнаскирэн пир чэргэня́ (чарадеен), проти биладжакунэскирэн (блэндарьен), проти одолэ́ндэ, кон хоханэ́с совлахала; проти одолэ́ндэ, кон хохавэла лавэ́нца бутярнэн, и проти одолэ́ндэ, кон притасавэла пивлен (удовэн), и пиротэн (сиротэн), и проти одолэ́ндэ, кон рисёла думэса кэ явирэ – тхэмэ́скирэ-манушэ́скиро право, – адя́кэ сыр ёнэ на дарэ́на Ма́ндыр”, – ракирэ́ла янголэ́нгирэ-болыбна́скиро Рай Дэвэ́л.

1 Ximaske 3:2

Нэ кхангирья́кирэ барыдырэ́скэ трэй тэ явэ́л бидошакирэскэ, екхэ – ромнякиро ром, саво́ джинэ́л пэс тэ рикирэ́л дрэ васта́, годьваро́, тэ явэ́л лэ́стэ паты́в кэ пэ, саво́ прилэ́ла манушэ́н илэ́са, и тэ явэ́л лачхо́ сыклякирибна́скиро (учителё);

Isajos 8:3

Лыём пэ́скэ джувля́ пророчыца дрэ ромня́тэ, ёй бияндя́ ма́нгэ чхавэ́с. И пхэндя́ ма́нгэ Рай Дэвэ́л: “Дэ лэ́скэ лав ‘Магер – шелал – хаш – баз.’

4 Kralip 22:14

И гия́ Хелкия, раша́й, и Ахикамо, и Ахбор, и Шафано, и Асаия кэ Алдама, пророчыца, Шалумоскири джувлы́, Тыквоскирэ-чхавэ́скирэ, Хархасоскирэ чхавэ́скирэ, саво́ ракхця́ и́ди, – дживдя́ ёй кэ Ерусалимо, пэ яви́р квартало, – и ракирдэ́ ла́са.

Юдэ́нгэ 12:16

соб (кай) машки́р тумэ́ндэ тэ на явэ́л ману́ш, саво́ дживэ́ла джувле́нца би сэвлакиро, ци бидэвлыткари, сыр Иса́во, саво́ пал екх чаро́ хабнаса бикиндя пэ́скири льго́та, сави́ исын пэрвонэ́ биятостэ.

Левито 18:20

И ромня́са тырэ́ пашатунэскирэса на пасёв, соб (кай) тэ вычхувэс семё (сал) и тэ магирэспэ ла́са.

Яви́р Зако́но 22:22

Ко́ли латхно явэ́ла, со вари-кон сыс пашто́ палоромитконэ джувля́са, то трэй тэ отдэс мэрибна́скэ дуе́н, и муршэ́с, саво́ исыс пашто́ джувля́са, и джувля́; и адя́кэ вытрадэ фуипэ́н Израилёстыр.

1 Коринфянэнгэ 6:18

Нашэ́н биладжакунэ́ рэндэ́ндыр. Кажно ману́ш, кон кэрэ́ла яви́р грэ́хо, кэрэ́ла сы́рбы на ваш пэ́скэ, нэ одова́, кон дживэ́ла джувле́нца би сэвлакиро, кэрэ́ла грэ́хо пэ́скирэ масэнгэ.

1 Фесалоникийцэнгэ 4:6

соб (кай) ние́кх тумэ́ндыр тэ на кэрэ́л чорипэ́н пэ́скирэ пшалэ́скэ и тэ на барвалёл пал лэ́скиро допатяибэн, пал далэ́ грэ́хи Дэвэ́л чхувэ́ла ка́ра, сыр англэды́р амэ ракирдям тумэ́нгэ и допхэнасас.

Левито 15:18

ко́ли мурш пасёла джувля́са и явэ́ла лэ́стэ сал (семё) тэ вычхувэлпэ, тэды ёнэ исын бангэ́ тэ обморэнпэ пане́са, и нажужэ́ дуйджинэ́ ёнэ явэ́на кэ бэльвэ́ль.

Ióvo 31:12

Пал-дова́ со дава́ явэ́лас сыр яг, сави́ халас саро́ кэ хась, и сави́ рискирэлас криг рукхэ́нца (корне́нца) саро́ миро миштыпэ́н.