Юдэ́нгэ 13:18 - Библия - Пэ Балтитко Романи чиб (Романэс) 2019

¹⁸ Мангэ́нпэ пал амэ́ндэ: амэ зоралэ́с патя́са, со амэ саро́ кэра́са жужэ́ патыва́са и дживаса пир чачипэ́н.

Biblija - Pe Baltitko Romani čib (Romanes) 2019

¹⁸ Mangénpe pal aménde: ame zoralés patiása, so ame saró kerása žužé patyvása i dživasa pir čačipén.

Юдэ́нгэ 13:18 Referans Kwoze

1 Фесалоникийцэнгэ 5:25

Пшала́лэ, мангэ́нпэ Дэвлэ́скэ пал амэ́ндэ.

2 Фесалоникийцэнгэ 3:1

Какана́, амэ мангаса тумэн, пшала́лэ, тэ мангэ́нпэ Дэвлэ́скэ пал амэ́ндэ, соб (кай) Ра́скирэ-Дэвлэ́скиро лав тэ розджалпэ сы́гэс и тэ славинэлпэ адя́кэ-паць, сыр и тумэ́ндэ;

1 Ximaske 1:5

Дава́ припхэныбнаскиро чачипэ́н исын дро паты́в кэ яви́р мануша́ жужэ́ илэ́стыр и лачхэ́ патыватыр и чачунэ́ патяибнастыр,

Колосянэнгэ 4:3

мангэ́нпэ Дэвлэ́скэ кхэтанэ́ адя́кэ-паць пал амэ́ндэ, соб (кай) Дэвэ́л тэ псиравэл (тэ отпхандэл) амэ́нгэ вуда́р ваш лав тэ роспхэнас Христосо́скиро гарадо́ чачипэ́н, пал саво́ мэ сом бэшто́ дро штарибэ́н,

Римлянэнгэ 15:30

Нэ, акана́ мэ манга́ва тумэн, пша́ла, амарэ́ Ра́са-Дэвлэ́са, Исусо́са Христосо́са и Духо́скирэ патыва́са тэ явэ́н ма́нца дро хор мангипэ́н пал ма́ндэ кэ Дэвэ́л;

1 Petr 3:21

дава́ пани́ исын сы́рбы копия долэ́скэ, ке́ли амэ боласапэ и со зракхэ́ла амэн. Дава́ нанэ мэлалэ́-лоча́киро обморибэн, а тумэ́ дэ́на лав лачхэ́ патыва́са Дэвлэ́скэ пир Исусо́скирэ-Христосо́скиро отджидыипэн,

1 Petr 3:16

тэ явэ́л тумэ́ндэ лачхи́ паты́в, соб (кай) одолэ́ мануша́, савэ́ ракирэ́на проти тумэ́ндэ, тэ явэ́н ладжакирдэ́, ке́ли ёнэ нашукар отлыджанапэ кэ тумэ́ пал тумаро́ лачхо́ джиибэ́н дрэ Христосо́стэ.

1 Petr 2:12

и дживэ́н пир чачипэ́н машки́р Наюдэ́ндэ, соб (кай) одолэ́, кон ракирэ́ла чорипэ́н пэ тумэ́ндэ, со тумэ́ сан фуй, тэ дыкхэ́н тумарэ́ лачхэ́ рэ́нды и тэ славинэ́н Дэвлэ́с, ке́ли Ёв явэ́ла.

1 Фесалоникийцэнгэ 4:12

тэ дживэ́н патывалэс адя́кэ, соб (кай) мануша́, савэ́ исын надэвлытка, тэ кутякирэн тумэн, и соб (кай) тумэ́ тэ на явэ́н вужлэ ни дро со явирэ манушэ́нгэ.

Apostolengiri Butý 24:16

Ваш дава́ мэ кокоро́ дыкха́ва пал дова́, соб (кай) ма́ндэ ўса́ды (сак) тэ явэ́л жужы паты́в анги́л Дэвлэ́стэ и манушэ́ндэ.

Apostolengiri Butý 23:1

Па́вли дыкхця маму́й пэ манушэ́ндэ, савэ́ кэдынэпэ, и пхэндя́: “Мурша́лэ, пшала́лэ, дадолэ! Мэ лачхэ́ и чачунэ́ илэ́са дживдём пэ́скиро джиибэ́н анги́л Дэвлэ́стэ кэ/жы́ко ададывэсатуно дывэ́с.”

Filipiicenge 4:8

И акэ, пшала́лэ мирэ́, саро́, со исын чачуно́, со нанэ хохано́, со исын патяибны́тко, со исын жужо́, со исын мол тэ сыкавэ́л паты́в, со исын патывало, ко́ли исын вари-саво́ лачхипэ́н и вари-саво́ шарибэ́н, екх пал дава́ тумэ́ думинэн.

2 Коринфянэнгэ 1:12

Пал-дова́ со амэ радынасапэ далэ́стыр, ке́ли амари́ ладж патякирэла амэн, со амэ свэнтымаса и Дэвлытконэ́ чачипна́са на пир манушы́тко годы́, а пир Дэвлэ́скиро бахталыпэ́н дживдям пэ дава́ свэ́то, и буты́р сарэ́стыр, сыр амэ отлыджиямпэ кэ тумэ́.

Римлянэнгэ 13:13

Сыр и дывэсэ́, ява́са тэ лыджас пэс шука́р, на ява́са тэ хас на пир ме́ра, и на ява́са тэ матёвас, на ява́са тэ кэра́с марки и тэ кэра́с ладжавэ рэ́нды, на ява́са тэ выпробинас екх екхэ́с и тэ зэвлынас.

Римлянэнгэ 12:17

на кэрэ́н чорипэ́н палэ пал холы́ никонэ́скэ, кэрэ́н лачхипэ́н сарэ́ манушэ́нгэ;