Юдэ́нгэ 13:14 - Библия - Пэ Балтитко Романи чиб (Романэс) 2019

¹⁴ пал-дова́ со амэ́ндэ пэ дая́ пхув нанэ стало фо́ро, и амэ родаса фо́ро, саво́ явэ́ла ве́чно дро Болыбна́скиро Раё.

Biblija - Pe Baltitko Romani čib (Romanes) 2019

¹⁴ pal-dová so aménde pe daja phuv nane stalo fóro, i ame rodasa fóro, savó javéla viéčno dro Bolybnáskiro Rajo.

Юдэ́нгэ 13:14 Referans Kwoze

Filipiicenge 3:20

пал-дова́ со амэ сам джиибнарья тхэмэстыр (штэто́стыр), саво́ исын дро Болыбна́скиро Раё, одотхы́р амэ ужакираса и амарэ́ Зракхибнарис Рас-Дэвлэ́с, Исусо́с Христосо́с,

Юдэ́нгэ 12:22

а тумэ́ явнэ́ кэ бэ́рга Сио́но, кэ Болыбна́скиро Ерусалимо, кэ джидэ́-Дэвлэ́скиро фо́ро, кай исын Янго́лы, Савэ скэдынэ́пэ кхэтанэ́,

Эфесянэнгэ 2:19

Палдава́ тумэ́ на сан буты́р чу́жа, и тумэ́ на сан мануша́, савэ́ на ґара́ явнэ́, нэ тумэ́ сан пал екх Свэнтонэ́ манушэ́нца, и тумэ́ сан екх Дэвлэ́скири сэ́м΄я(ири́),

2 Коринфянэнгэ 4:17

Пал-дова́ со амарэ́ кро́тка и локхэ́ пиридживибэна янэ́на бут-бут барэды́р ве́чно сла́ва,

1 Коринфянэнгэ 7:29

Нэ мэ пхэна́ва, пшала́лэ, со часо нанэ бут. Пал явирэндэ ж; конэ́стэ исын ромны́, явэ́н сы́рбы тумэ́ сан биромненгирэ;

Mihiejo 2:10

Уштэ́н и джа́н адатхы́р; пал-дова́ со ада́й тумэ́ на откхинёна. Кадава́ штэ́то исын магирдо́, и хасякирэ́ла тумэн, и дава́ хасякирибэн явэ́ла кэ ко́нцо (кэ яго́ро).

1 Petr 4:7

Нэ сыг сарэскэ явэ́ла ко́нцо (яго́ро): палдава́ ракхэ́нпэ и дживэ́н годьварэс, ке́ли тумэ́ мангэ́напэ Дэвлэ́скэ;

Юдэ́нгэ 4:9

Палдава́ са́вато (субо́та) ячэ́лапэ ваш Дэвлэ́скирэ манушэ́нгэ тэ откхинён.

Юдэ́нгэ 2:5

Пал-дова́ со Дэвэ́л на чхудя́ Янголэнгэ тэлэ́ тэл ґэра́ свэ́то, саво́ явэ́ла, пал саво́ амэ ракираса:

Юдэ́нгэ 9:11

Нэ Христо́со явдя́, сыр Англатуно́ Раша́й ваш лачхипэ́н, саво́ явэ́ла анги́л барыдыршонэ и фэдыдыршонэ шатраса, сави́ кэрдэ́ на манушэ́нгирэ васта́, и сави́ нанэ далэ́ свэтоскири, со исын кэрдо́,

Юдэ́нгэ 10:34

Тумэ́ пиридживэнас кхэтанэ́ манушэ́нца, савэ́ сыс бэштэ́ дро штарибэ́н, и ке́ли лынэ́ зорья́са тумаро́ миштыпэ́н, тумэ́ дава́ прилынэ́ радыма́са, пал-дова́ со тумэ́ джинэ́на, со тумэ́ндэ исын дро Болыбна́скиро Раё фэдэды́р миштыпэ́н, саво́ ячэ́лапэ ве́чнэс.

Юдэ́нгэ 12:27

Нэ лав “ишчо (инкэ́) мо́ло” сыкавэ́ла пэ дова́, со Дэвэ́л кэрдя́, и со могинэ́ла тэ хасёл, соб (кай) тэ ячэ́лпэ дова́, со ние́кхвар на тринскирлапэ.

Sykadyipén 3:12

Кон лэ́ла упралыпэ́н, кодолэстыр Мэ кэра́ва важно сты́лбо дрэ Мирэ́-Дэвлэ́скири Кхангири́, и ёв буты́р на выджа́ла яври́. И Мэ чхина́ва пэ дава́ сты́лбо Мирэ́ Дэвлэ́скиро лав, и Мирэ́-Дэвлэ́скирэ форо́скиро лав “Нэво́ Ерусалимо.” Дава́ нэво́ Ерусалимо явэ́ла тэ джал тэлэ́ Болыбна́скирэ Раёстыр, Мирэ́ Дэвлэ́стыр. И Мэ чхина́ва пэ лэ́стэ Миро нэво́ лав.