Юдэ́нгэ 12:4 - Библия - Пэ Балтитко Романи чиб (Романэс) 2019

⁴ Тумэ́ ишчо (инкэ́) на мардэ́пэ кэ рат, ке́ли тумэ́ са́нас тэрдэ́ проти грэ́хо.

Biblija - Pe Baltitko Romani čib (Romanes) 2019

⁴ Tumé iščo (inké) na mardépe ke rat, kiéli tumé sánas terdé proti grého.

Юдэ́нгэ 12:4 Referans Kwoze

1 Коринфянэнгэ 10:13

Тумэ́ пынэ́ тэл дасаво пропатякирибэн сыр и сарэ́ мануша́; нэ Дэвэ́л исын патяибны́тко, и Ёв на домэкэла, соб (кай) тумэн тэ пропатякирэн буты́р тумарэ́ зорья́тыр тэ пирилыджан; а ке́ли явэ́ла пропатякирибэн, Дэвэ́л дэ́ла зор тумэ́нгэ, соб (кай) тумэ́ могиндлэ́ тэ пирилыджан лэс.

Sykadyipén 2:13

Мэ джино́м тыри́ буты́, и, кай ту дживэса, одо́й, кай на́лачхо исын бэшто́ пэ пэ́скиро троно. Ту рикирэсапэ пал Миро лав и ту на отпхэндянпэ пэ́скирэ патяибнастыр дрэ Ма́ндэ аж дрэ долэ́ дывэса́, ке́ли Антипо, миро патяибнаскиро якхи́тко, сыс замардо машки́р тумэ́ндэ одо́й, кай на́лачхо дживэ́ла.

Юдэ́нгэ 12:2

и ява́са тэ дыкхас пэ Исусо́стэ, Савэ́стыр исын амаро́ патяибэ́н, и Саво́ кэрэ́ла амэн бидошакирэнца, Саво́ заме́ст ра́дыма, сави́ явэ́лас ваш Лэ́скэ, и Саво́ вырикирибнаса пиридживдя трушулыбэн кэ мэрибэ́н, на дыкхи́ пэ ладж, и бэсця́ пир чачо́ (право) васт Дэвлэ́стыр.

Sykadyipén 12:11

И амарэ́ пша́ла лынэ́ упралыпэ́н пэ лэ́стэ свэнтонэ́ Бакрорэ́скирэ ратэ́са и лавэ́са лэ́нгирэ допхэныбнэндыр и ёнэ на дэ́нас чол (цэниндлэ) пэ́скиро джиибэ́н буты́р мэрибна́стыр.

Матфеё 24:9

Тэды явэ́на тэ здэн тумэн пэ мэ́ньки и мулякирэна тумэн, и явэ́на тэ на сыкавэ́н паты́в тумэ́нгэ пал Миро лав.

Sykadyipén 18:24

И дрэ Вавилония латхнэ́ рат пророкэнгиро и свэнтонэ́-Дэвлэ́скирэ манушэ́ндыр и сарэ́ манушэ́ндыр, конэ́с мулякирдэ́ пэ пхув.

Sykadyipén 17:6

И мэ дыкхцём, со ада́я джувлы́ сыс маты свэнтонэ́-манушэ́нгирэ ратэстыр и мэнькэнгирэ-якхитконэнгирэ ратэстыр, савэ́н замардэ́ пал Христосо́стэ. И ке́ли мэ дыкхцём ла, мэ древа́н дивиндёмпэ.

Filipiicenge 2:8

Ёв чхудя́ Пэс тэлэды́р, кандыя́ кэ мэрибэ́н, и мэрибэ́н пэ трушу́л.

Юдэ́нгэ 13:13

и палдава́ выджаса кэ Ёв пал фо́ро, соб (кай) и амэ́нгэ тэ лыджас пэ пэ́стэ дасаво холямо́ сабэн манушэ́ндыр, сыр Ёв: