Юдэ́нгэ 12:23 - Библия - Пэ Балтитко Романи чиб (Романэс) 2019

²³ тумэ́ явнэ́ пашылэды́р кэ Кхангири́, кай скэдынэ́пэ радыма́са чхаворэ́, савэ́ пэ́рва бияндёна, конэскирэ лава́ исын зачхиндлэ́ дро Болыбна́скиро Раё, и кэ Дэвэ́л, Саво́ исын Сэнда́ри пэ сарэ́ндэ и кэ манушэ́нгирэ ду́хи, со ячнэ́ бидошакирэнца;

Biblija - Pe Baltitko Romani čib (Romanes) 2019

²³ tumé javné pašyledýr ke Khangirí, kaj skedynépe radymása čhavoré, savé pérva bijandjona, koneskire lavá isyn začhindlé dro Bolybnáskiro Rajo, i ke Devél, Savó isyn Sendári pe sarénde i ke manušéngire dúhi, so jačné bidošakirenca;

Юдэ́нгэ 12:23 Referans Kwoze

Jakov 1:18

Ёв выкэдыя́ пир Пэ́скири во́ля тэ дэл джиибэ́н амэ́нгэ чачунэ́ лавэ́са, соб (кай) амэ́нгэ тэ явас Лэ́скирэ пэрвонэнца, савэ́н Ёв создыя́.

Юдэ́нгэ 11:40

Пал-дова́ со Дэвэ́л придуминдя анги́л тэ кэрэ́л ваш амэ́нгэ вари-со фэдэды́р, соб (кай) ёнэ кхэтанэ́ амэ́нца тэ ячэн бидошакирэнца.

Luka 10:20

и тумэ́ на радынэ́нпэ, со налачхэ́ ду́хи (фаны) кандэ́на тумэн, а тумэ́ радынэ́нпэ долэ́стыр, со тумарэ́ лава́ исын зачхиндлэ́ дро болыбэ́н.”

Sykadyipén 14:4

Дава́ исын мануша́, савэ́ на магирдэ́ пэс джувле́нца; ёнэ сыс на́романдунэ мурша́. Ёнэ джа́нас пала́л пал Свэнтонэ́ Бакрорэ́стэ, карик на джа́лас Ёв. Ёнэ сыс выкиндлэ машки́р манушэ́ндэ, и ёнэ исын пэ́рва мануша́ пхувья́тыр ваш Дэвлэ́скэ и Свэнтонэ́ Бакрорэскэ.

Vygiiben 4:22

И пхэн фараоно́скэ: ‘Адя́кэ ракирэ́ла Рай Дэвэ́л: “Израилё исын Миро чхаво́, англатуно́ Миро;

Džiibén 18:25

Нашты́ тэ явэ́л, соб (кай) Ту тэ кэрэ́с адя́кэ, соб (кай) Ту тэ хасякирэс чачунэ́ манушэ́с кхэтанэ́ злыднитконэса, соб (кай) дова́-паць тэ явэ́л чачунэ́ манушэ́са; со и злыднитконэса; нашты́ тэ явэ́л Ту́тыр! Сэнда́ри сарэ́ пхувья́киро тэ кэрэ́л на пир чачипэ́н?”

Sykadyipén 20:15

И ко́ли вари-кон на сыс латхно дрэ джиибнаскри лылвари́, ёв сыс чхурдыно́ дро зеро (озеро) яга́са.

Psalmy 94:2

Газдэ Пэс, Ту, Сэнда́ри, пир сари́ пхув, сэндякир чачунэ́с пхутькирдэн.

Юдэ́нгэ 9:27

И сыр ужакирэ́ла манушэ́с е́кхвар тэ мэрэ́л, а пало́ дава́ сэ́ндо;

Psalmy 96:13

анги́л Растэ-Дэвлэ́стэ, Саво́ джа́ла тэ сэндякирэ́л пхув. Ёв явэ́ла тэ сэндякирэ́л свэ́то чачунэ́с, и Ёв явэ́ла тэ сэндякирэ́л манушэ́н Пэ́скирэ патяибна́са.

Sykadyipén 13:8

И сарэ́, кон дживэ́ла пэ пхув, явэ́на тэ клонинэнпэ патыва́са далэ́ рискирибна́скирэ мурдалэскэ, кон исын на зачхиндло́ дрэ джиибна́скири лылвари́, сави́ исын Свэнтонэ́ Бакрорэстэ, Саво́ сыс мулякирдо свэто́скирэ англыпна́стыр.

1 Petr 2:23

пэ Лэ́стэ ракирдэ́ фуипэ́н, нэ Ёв ни пэ конэ́стэ на пхэндя́ фуй лав, и ке́ли Ёв страдынэлас, Ёв на страхакирдя вари-конэ́с, а Ёв саро́ допатякирдя Кодолэ́скэ, Кон исын Чачуно́ Сэнда́ри;

Юдэ́нгэ 11:4

Патяибна́са Авелё яндя́ Дэвлэ́скэ фэдэды́р свэ́нто дыибэ́н, сыр Каино; пир патяибэ́н ёв дорэсця́ допхэныбэ́н Дэвлэ́стыр, со ёв исын чачуно́ ману́ш, ке́ли Дэвэ́л ракирдя́ пал лэ́скиро свэ́нто дыибэ́н и пир Пэ́скиро патяибэ́н, сыр и англэды́р, Авелё ракирэ́ла амэ́нгэ, мэк ёв ужэ мыя́.

1 Ximaske 3:5

пал-дова́ со, ко́ли вари-кон нанэ хула́й дро пэ́скиро кхэр, сыр адава́ ману́ш явэ́ла тэ дыкхэ́л пал Дэвлэ́скири Кхангири́?

Filipiicenge 4:3

и мэ манга́ва и тут, миро чачуно́ мал пир буты́, тэ дэс васт лэ́нгэ, адалэ́ джувленгэ, савэ́ лынэпэ тэ роспхэнэ́н бахталы́ зан (звесь) кхэтанэ́ ма́нца, и Климентоса и явирэ мирэ́ малэнца пир буты́, савэнгирэ лава́ исын дрэ Дэвлэ́скирэ-джиибна́скири лылвари́.

Эфесянэнгэ 1:22

и Дэвэ́л чхудя́ саро́ тэлэ́ тэл Исусо́скирэ ґэра́, и чхудя́ Лэ́скэ зор тэ явэ́л Шэрэ́ Хула́са пэ саро́, Шэралэса ваш Кхангири́.

Apostolengiri Butý 20:28

И адя́кэ ракхэ́н пэс и сарэ́ дэвлытконэ́ манушэ́н, савэ́н Свэ́нто Ду́хо (Фа́но) чхудя́ тэ явэ́н кхангирья́кирэ барыдырэ́нца (дыкхибнаскирэнца), соб (кай) тэ ракхэ́н Дэвлэ́скири Кхангири́, сави́ Ёв дорэсця́ Пэ́скэ Лэ́скирэ-Чхавэ́скирэ Ратэ́са.

Joannostir 5:27

и Ёв дыя́ Чхавэ́скэ право тэ сэндинэл, пал-дова́ со Ёв исын Манушэ́скиро Чхаво́.

Psalmy 98:9

Анги́л Растэ-Дэвлэ́стэ, пал-дова́ со Ёв джа́ла тэ сэндякирэ́л пхув: Ёв явэ́ла тэ сэндякирэ́л свэ́то пир чачипэ́н и Ёв чачунэ́с явэ́ла тэ сэндякирэ́л манушыпнаскирэ на́цыи.

Колосянэнгэ 1:24

Какана́ мэ радынавапэ дрэ мирэ́ мэ́ньки пал тумэ́ндэ, ко́ли Христосо́скирэ мэ́ньки на ухтылдэ́ ма́нгэ, тэды лэн мэ дочхувава мирэ́ лочаса ваш Лэ́скирэ мэ́ньки Лэ́скирэ Масэнгэ, Савэ исын Кхангири́.

Колосянэнгэ 1:12

парикири́ Дадэ́скэ, Саво́ кхардя́ тумэн кэ дуд кхэтанэ́ сарэ́ свэнтонэ́ манушэ́нца,

2 Коринфянэнгэ 5:8

и амэ зоралэ́с патя́са и амэ фэды́р камасас тэ мэкас амаро́ кхэр ваш маса́ и тэ явас кхэрэ́ Дэвлэ́са.

1 Коринфянэнгэ 15:54

А ке́ли дава́, со кирнёла, парудёла дро дова́, со на кирнёла; и дава́, со мэрэ́ла, парудёла дро дова́, со на мэрэ́ла, тэды кэрэ́лапэ кэ ко́нцо/яго́ро (сполнинэлапэ) зачхиндло́ лав: “Збердыма (победа) пиризорьякирэла мэрибэ́н.”

1 Коринфянэнгэ 13:12

Пал-дова́ со амэ какана́ дыкхаса сы́рбы пир на́лачхо гиндало, а тэды амэ ява́са тэ дыкхас муй кэ муй; какана́ мэ джино́м на́бут, тэды мэ ява́ва тэ джина́в ада́кицы, пэ кицы́ Рай Дэвэ́л джинэ́ла ман.

Ереме́ё 31:9

Ёнэ гинэ́ роибнаса, и Мэ лыджа́ва лэн мангипнэнца. Мэ джа́ва анги́л лэ́ндэ пашы́л панитка рэ́ки (лэня́) пир маму́й дром, соб (кай) ёнэ тэ на обштавэнпэ. Пал-дова́ со Мэ сом Дад Израилёскиро, и Ефре́мо исын Миро англатуно́ чхаворо́.

Ekliesiastos 12:7

и рисёла пра́хо дрэ пхув, кай сыс ёв, а ду́хо (фа́но) рисёла кэ Дэвэ́л, Кон дыя́ лэс манушэ́скэ.

Psalmy 111:1

Аллилуя. Мэ ява́ва тэ славинав и тэ парикира́в Ра́скэ-Дэвлэ́скэ сарэ́ мирэ́ илэ́са машки́р чачипнаскирэндэ и пэ скэдыибэ́н.

Psalmy 89:27

Ёв явэ́ла тэ дэл го́дла Ма́нгэ! Ту сан миро Дад, миро Дэвэ́л и Ска́ла тэ зракхавпэ.”

Psalmy 89:7

Кон пэ болыбэ́н исын равно Ра́скэ-Дэвлэ́скэ? Конэ́с машки́р болыбна́скирэ Янголэндэ сашты́ тэ припарувэн Ра́са-Дэвлэ́са.

Psalmy 69:28

Причху́в чорипэ́н кэ лэ́нгиро чорипэ́н, и на домэк лэн тэ доджан кэ Тыро́ чачипэ́н.

Яви́р Зако́но 21:17

нэ ёв исын банго́ тэ приґалёл англатунэса чхавэ́с накамлэ ромнятыр, и тэ дэл лэ́скэ дуй паша́ сарэ́стыр, со лэ́стэ латхэлапэ, пал-дова́ со ёв исын англатуно́ лэ́скирэ зорья́тыр, лэ́скэ исын право тэ явэ́л англатунэ́-родоскирэса.

Vygiiben 13:2

“Высвэнцын Ма́нгэ кажнонэс англатунэс (пэрвонэс) биято́с, саво́ откэрэла кажно лочови́ (утроба) машкира́л Израилёскирэ чхавэ́ндэ, манушэ́стыр кэ кхэри́тка мурдала́ (кэ ското): ёнэ исын Мирэ́.”

Vygiiben 32:32

отмэк лэ́нгиро грэ́хо лэ́нгэ, а ко́ли над, тэды кхос криг и ман Тырэ́ лылварьятыр, дрэ сави́ Ту зачхиндян.”

1 Коринфянэнгэ 15:49

И, сыр амэ́ндэ сарэ́ндэ исын пхувья́кирэ-манушэскири патри́н (о́бразо), адя́кэ-паць амэ́ндэ явэ́ла Болыбна́скирэ-Манушэскири патри́н (о́бразо).

Юдэ́нгэ 2:12

и Ёв ракирэ́ла: “Мэ ява́ва тэ пхэна́в зан пал Тыро́ лав Мирэ́ пшалэ́нгэ, и Мэ ява́ва тэ бага́в шарды́тко гилы́ Ту́кэ машки́р сарэ́ндэ дрэ Кхангири́.”

Sykadyipén 6:9

И ке́ли Свэ́нто Бакроро́ отпхандя па́нджто чэргэнори́, мэ дыкхцём тэл алта́рё манушэ́нгирэ дия́, савэ́ сыс мулякирдэ́ пал Дэвлэ́скиро лав и пал дова́, со ёнэ патяибныткэс допхэнэнас пал Христосо́стэ;

Sykadyipén 6:11

Кажнонэ́скэ лэ́ндыр сыс дыно́ парно́ урибэ́н и сыс пхэндло́ лэ́нгэ, соб (кай) ёнэ ишчо (инкэ́) на́бут тэ откхинён, пака лэ́нгирэ мала́ (дру́ги) пир буты́ и лэ́нгирэ пша́ла явэ́на мулякирдэ́, сыр и ёнэ, соб (кай) тэ явэ́л пхэрдо́ кицыпэн (количэство).