Юдэ́нгэ 12:22 - Библия - Пэ Балтитко Романи чиб (Романэс) 2019

²² а тумэ́ явнэ́ кэ бэ́рга Сио́но, кэ Болыбна́скиро Ерусалимо, кэ джидэ́-Дэвлэ́скиро фо́ро, кай исын Янго́лы, Савэ скэдынэ́пэ кхэтанэ́,

Biblija - Pe Baltitko Romani čib (Romanes) 2019

²² a tumé javné ke bérga Sióno, ke Bolybnáskiro Jerusalimo, ke džidé-Devléskiro fóro, kaj isyn Jangóly, Save skedynépe khetané,

Юдэ́нгэ 12:22 Referans Kwoze

Filipiicenge 3:20

пал-дова́ со амэ сам джиибнарья тхэмэстыр (штэто́стыр), саво́ исын дро Болыбна́скиро Раё, одотхы́р амэ ужакираса и амарэ́ Зракхибнарис Рас-Дэвлэ́с, Исусо́с Христосо́с,

Galatenge 4:26

а Ерусалимо, саво́ исын дро Болыбна́скиро Раё исын во́льно, – дава́ фо́ро исын амари́ дай.

Sykadyipén 14:1

И мэ дыкхцём и, акэ, Свэ́нто Бакроро́ исын тэрдо́ пэ бэ́рга Сио́но, и сыс Лэ́са шэл тэ штардэша́ штар тысёнцы манушэ́н, савэ́ндэ Лэ́скиро лав и Лэ́скирэ-Дадэ́скиро лав сыс чхиндлэ́ пэ чэкат.

Psalmy 48:2

Дэвэ́л исын баро́ и Лэс древа́н шарэна дро амаро́ Дэвлэ́скиро фо́ро, пэ Лэ́скири свэ́нто бэ́рга.

Sykadyipén 21:2

И мэ, Иа́но, дыкхцём Свэ́нто Фо́ро, нэво́ Ерусалимо, саво́ джа́лас тэлэ́ Дэвлэ́стыр болыбна́стыр. Фо́ро сыс скэдыно́ и шукар уридо́ сы́рбы тэрны́ ваш ла́кирэ ромэ́скэ.

Isajos 51:11

И рисёна одолэ́, савэ́н зракхця́ Рай Дэвэ́л, и явэ́на пэ Сио́но багаибнаса, ра́дыма лэ́нгири николи на пириячэ́ла; ёнэ явэ́на бахталэ́ и весе́ла (лошалэ́); ясва и бибахталэ́ ґондя́ (ўздохи) отджана.

Sykadyipén 22:19

И ко́ли вари-кон отлэла вари-со далэ́ лылварья́кирэ пхэныбна́стыр, со явэ́ла анги́л, тэды Дэвэ́л отлэла лэ́скиро штэ́то джиибна́скирэ каштэ́стыр (дрэвостыр) дро свэ́нто фо́ро, пал со исын чхиндло́ дро дава́ лылварья́киро сви́тко.

Sykadyipén 3:12

Кон лэ́ла упралыпэ́н, кодолэстыр Мэ кэра́ва важно сты́лбо дрэ Мирэ́-Дэвлэ́скири Кхангири́, и ёв буты́р на выджа́ла яври́. И Мэ чхина́ва пэ дава́ сты́лбо Мирэ́ Дэвлэ́скиро лав, и Мирэ́-Дэвлэ́скирэ форо́скиро лав “Нэво́ Ерусалимо.” Дава́ нэво́ Ерусалимо явэ́ла тэ джал тэлэ́ Болыбна́скирэ Раёстыр, Мирэ́ Дэвлэ́стыр. И Мэ чхина́ва пэ лэ́стэ Миро нэво́ лав.

Юдэ́нгэ 13:14

пал-дова́ со амэ́ндэ пэ дая́ пхув нанэ стало фо́ро, и амэ родаса фо́ро, саво́ явэ́ла ве́чно дро Болыбна́скиро Раё.

Юдэ́нгэ 11:10

ёв ужакирдя фо́ро, саво́ сыс банго́ (мусиндя) тэ явэ́л пэ зорало́ фунда́менто, савэскиро Дэвэ́л Кокоро́ явэ́ла архитекторо и явэ́ла тэ кэрэ́л лэс.

Ioil 2:32

И явэ́ла адя́кэ дрэ долэ́ дывэса́, со, ко́ли вари-кон явэ́ла тэ кхарэл лав Ра́скирэ-Дэвлэ́скиро, то одова́ зракхэ́лапэ; пал-дова́ со зракхибэ́н явэ́ла пэ бэ́рга Сио́но дро Ерусалимо сыр Рай Дэвэ́л пхэндя́: и ваш кодолэ́нгэ, савэ́ ячнэ́пэ, кон явэ́ла тэ кхарэл Рас-Дэвлэ́с.

Osija 1:10

Нэ чхавэ́ Израилёскирэ явэ́на ада́кицы бут, кицы́ исын пра́хо пэ мо́рё (дэрья́в), со нашты́ тэ вымеринэс и тэ гинэс. И явэ́ла адя́кэ: пэ штэ́то, кай ракирдэ́ лэ́нгэ: “Тумэ́ на сан Мирэ́ мануша́,” акана́ одо́й пхэнэ́на лэ́нгэ: “Тумэ́ сан чхавэ́ джидэ́ Дэвлэ́скирэ.”

Дание́лё 7:10

Ягитко рэка (лэнь) выджа́лас и джа́лас пашы́л Лэ́стэ; тысёнцы тысёнцэндыр дынариндлэ́ Лэ́скэ, и тысёнцо кэ барэ́ шэла́ тысёнцы анги́л Лэ́стэ, сэнда́рья бэшнэ́, и роскэрдэпэ лылваря (книги).

Isajos 60:14

И явэ́на кэ ту чхавэ́ одолэ́-манушэ́нгирэ, савэ́ тут притасавэнас; ёнэ бандёна тэл тыро́ васт, и пэрэ́на кэ тырэ́ ґэра́ сарэ́, кон пэ ту́тэ дыкхця́ вучипна́са, и кхарна тут Ра́скирэ-Дэвлэ́скирэ фороса, Свэнтонэ́ Израилёскирэ Сионоса.

Isajos 59:20

“И явэ́ла Одова́, Кон выкинэла Сио́но и Яково́скирэ чхавэ́н, савэ́ отгинэ́ чорипна́стыр”, – ракирэ́ла Рай Дэвэ́л.

Isajos 28:16

Адя́кэ ракирэ́ла Рай Дэвэ́л: “Акэ, Мэ чхува́ва бар по Сио́но, бар вырикирдо, дро́го (куч), бар зорало́: кон патя́ла дрэ лэ́стэ, на явэ́ла тэ ладжал.

Isajos 12:6

Яв лошалы (весёло), ра́дынпэ, манушны Сионо́стыр, пал-дова́ со баро́ исын машки́р ту́тэ Свэ́нто Израилёскиро.”

4 Kralip 19:4

Сашты́ (могинэ́ла) тэ явэ́л, со шунэ́ла Рай Дэвэ́л, Дэвэ́л тыро́, сарэ́ Рабсакоскирэ лава́, савэ́ бичхадя́ Асирия́киро кра́ли, лэ́скиро хула́й, тэ кошэл Дэвлэ́с джидэс и тэ калякирэл лэс лавэ́нца, савэ́ шундя́ Рай Дэвэ́л, Дэвэ́л тыро́. Пхэн упрэ́ па́тери (моли́тва). Мангпэ пал манушэ́ндэ, савэ́ ячнэ́пэ, савэ́ исын ишчо (инкэ́) джидэ́.”

Sykadyipén 21:10

Мэ со́мас дро ду́хо (фа́но) и Янго́ло ґаздыя́ ман пэ бари и вучи́ бэ́рга и сыкадя́ ма́нгэ свэ́нто фо́ро, Ерусалимо, со джа́лас тэлэ́ болыбна́стыр, Дэвлэ́стыр.

Sykadyipén 7:2

И мэ дыкхцём явирэ Янголо́с, Саво́ джа́лас долэ́ рига́тыр, кай кхам уштэ́ла и савэ́стэ сыс Джидэ́-Дэвлэ́скири чэргэнори́. Ёв дыя́ го́дла зоралэ́ заня́са штарэ́ Янголэнгэ, конэ́скэ Дэвэ́л дыя́ зор тэ кэрэ́л чорипэ́н пэ пхув и пэ мо́рё (дэрья́в) и пхэндя́:

Juda 1:14

И Енохо, эфта́то Адамостыр, ангилпхэндя пал лэ́ндэ: ґа́да, Рай Дэвэ́л джа́ла тысёнцэнгирэ дэшытконэнца Пэ́скирэ свэнтонэндыр,

Дание́лё 6:26

Ма́ндыр дэ́лапэ припхэныбэ́н, соб (кай) дрэ кажно риг мирэ́ кралипнаскири, мануша́ тэ издран и тэ дэн паты́в кэ дар анги́л Даниелёскирэ Дэвлэ́стэ, пал-дова́ со Ёв исын Дэвэ́л джидо́ и ве́чно, о Кралипэ́н Лэ́скиро на пхарадёла, и Лэ́скирэ райканыпнаскиро кралипэ́н – пэ сарэ́ ве́ки.

Ереме́ё 10:10

Нэ Рай Дэвэ́л исын чачуно́ Дэвэ́л: Ёв исын джидо́ Дэвэ́л и Кра́ли пэ сарэ́ ве́ки. Лэ́скирэ холя́тыр издрала пхув и манушы́тка на́цыи на дэ́на ра́да тэ вырикирэн, сыр Ёв холясо́ла зоралэ́с.

Isajos 51:16

Мэ чхува́ва андрэ́ Мирэ́ лава́ дрэ тырэ́ ушта́, зэрьяса (тенёса) Пэ́скирэ вастэ́стыр Мэ учхакирава тут, соб (кай) тэ кэра́в болыбэ́н, и тэ дав зор пхувьякэ, и тэ пхэна́в кэ Сио́но: ‘Ту сан Миро народо.’”

Psalmy 87:3

Славутка лава́ кэ баро́ шарибэ́н пхэнэ́на пал ту́тэ, Дэвлэ́скиро фо́ро. Сэ́ла.

Psalmy 84:2

Савэ кучонэ́ исын Тырэ́ ша́тры, о Раё Дэ́вла, болыбна́скирэ-янголэ́нгиро.

Psalmy 2:6

“Чачо́, мэ чхудём Пэ́скирэ крали́с пэ мири́ Свэ́нто бэ́рга Сио́но.”

Isúso 3:10

И пхэндя́ Ису́со: “Далэ́стыр тумэ́ уджинэна, со машки́р тумэ́ндэ исын джидо́ Рай Дэвэ́л, Саво́ традэ́ла тумэ́ндыр Хананеен, и Хетеен, и Евеен, и Ферезеен, и Гергесеен, и Амореен, и Евусеен:

Яви́р Зако́но 33:2

Ёв пхэндя́: “О Рай Дэвэ́л явдя́ Синаёстыр, сыкадыя́ лэ́нгэ Сеиростыр, Фараноскирэ бэрга́тыр, и гия́ древа́н бутэ́ свэнтонэнца; яндя́ Лэ́скири яг Законо́стыр Лэ́скирэ чачэ́ вастэ́са.

Яви́р Зако́но 5:26

пал-дова́ со, ци исын сави́ лоч (плоть), сави́ шундя́ Ра́скирэ-Дэвлэ́скири джидэскири зан (глос), сави́ ракирдя́ машкира́л яг, сыр амэ и яцямпэ джидэ́?

Юдэ́нгэ 10:31

Дава́ исын дарано тэ пэрэ́н дрэ джидэ́ Дэвлэ́скирэ васта́.

Юдэ́нгэ 9:14

то ци пэ бут бутэды́р выжужакирэ́ла амэн Христосо́скиро рат, Саво́ пир ве́чно Ду́хо (Фа́но) яндя́ Пэс бидоша́кирэс, соб (кай) тэ выжужакирэл амари́ паты́в мулэ́ рэндэ́ндыр тэ дынарина́с джидэ́ Дэвлэ́скэ?

Юдэ́нгэ 3:12

Пшала́лэ, дыкхэ́н, соб (кай) тэ на явэ́л пхутькирдо ило́ ни дрэ конэ́стэ тумэ́ндыр, саво́ на кандэ́ла Дэвлэ́с, соб (кай) тумэ́ тэ на отджан джидэ́ Дэвлэ́стыр.

1 Фесалоникийцэнгэ 1:9

пал-дова́ со ёнэ кокорэ́ роспхэндлэ́ пал амэ́ндэ, сыр тумэ́ прилынэ́ амэн, ке́ли амэ явдя́м кэ тумэ́: и сыр тумэ́ рисинэ́ кэ Дэвэ́л идолэндыр, соб (кай) тэ кэрэ́н свэ́нто буты́ джидэ́ и чачунэ́ Дэвлэ́скэ,

Римлянэнгэ 11:26

и адя́кэ саро́ Израилё зракхэ́лапэ. И сыр исын чхиндло́ пал дава́: “Зракхибнари явэ́ла Сионо́стыр; и Ёв отрискирэла бидэвлыткима Яковостыр.

Римлянэнгэ 9:26

И явэ́ла пэ дова́ штэ́то, кай сыс пхэндло́ лэ́нгэ: ‘Тумэ́ сан на Мирэ́ мануша́, одо́й ёнэ явэ́на тэ кхарэнпэ джидэ́ Дэвлэ́скирэ чхавэ́нца.’”

Матфеё 5:35

ни пхувья́са, пал-дова́ со ёй исын штэ́то тэл Лэ́скирэ ґэра́, ни Ерусалимоса, пал-дова́ со ёв исын фо́ро барэ́ Крали́скиро;

Isajos 14:32

Со ж пхэнэ́на одолэ́, савэ́ янэ́на нэвипэна́ ваш народоскэ? – Дова́, со Рай Дэвэ́л кэрдя́ Сио́но зоралэса, одо́й зракхэнапэ чорорэ́ Лэ́скирэ народо́стыр.”

Psalmy 68:17

Со́скэ тумэ́ дыкхэ́на зэвлыныпнаса, бэргэнгирэ вучипэна́ пэ бэ́рга, кай Дэвэ́л выкэдыя́ тэ дживэ́л? Чачо́, Рай Дэвэ́л дживэ́ла пэ ла́тэ, пэ сарэ́ ве́ки.

Матфеё 16:16

И Си́моно Пэ́три отпхэндя́ и пхэндя́: “Ту сан Христо́со, Чхаво́ Джидэ́ Дэвлэ́скиро, Саво́ дживэ́ла ве́чнэс”

Psalmy 42:2

Сыр мирга (лань) древа́н камэ́ла пани́, саво́ тхадэ́ла, адя́кэ-паць дро мирэ́ ду́хо (фа́но) исын смэга / труш (жажда) кэ Ту, о Дэ́вла.

Isajos 24:23

И чхон лолёла, и кхам ладжала, ко́ли явэ́ла Рай Дэвэ́л, болыбна́скирэ-янголэ́нгиро крали́са пэ бэ́рга Сио́но и дро Ерусалимо, и анги́л лэ́скирэ пхурыдырэндэ явэ́ла барипэ́н (сла́ва).

Isajos 27:13

И явэ́ла дрэ дова́ дывэ́с: баро́ роґо (труба) забашавэла и явэ́на одолэ́, кон нашадяпэ пэ пхув Асириякири, конэ́с вытрадынэ́ пэ пхув Египто́скири. Сарэ́ ёнэ пэрэ́на анги́л Растэ-Дэвлэ́стэ тэ дэн паты́в пэ свэ́нто бэ́рга дрэ Ерусалимо.

Ереме́ё 17:25

то тэды тумэ́ явэ́на тэ заджа́н пирда́л дая́ форо́скири по́рта кра́лья и тхага́рья, савэ́ исын бэштэ́ пэ Давидо́скиро троно, ёнэ явэ́на тэ традэ́н пэ марибны́тка вурдэна́ (колесницы) и уклистэ́ ёнэ и лэ́нгирэ тхага́рья, пашы́л савэ́ндэ мануша́ Юдэя́тыр и джиибнарья Ерусалимо́стыр, и мануша́ усады (сак) явэ́на тэ дживэ́н дро дава́ фо́ро.

Эфесянэнгэ 2:19

Палдава́ тумэ́ на сан буты́р чу́жа, и тумэ́ на сан мануша́, савэ́ на ґара́ явнэ́, нэ тумэ́ сан пал екх Свэнтонэ́ манушэ́нца, и тумэ́ сан екх Дэвлэ́скири сэ́м΄я(ири́),

2 Ximaske 4:18

И Рай Дэвэ́л зракхэ́ла ман кажнонэ́ фуипнастыр и янэ́ла ман бидошакирэс дро Лэ́скиро Кралипэ́н дро Болыбна́скиро Раё. Тэ явэ́л Лэ́скэ сла́ва пэ сарэ́ ве́ки. Ами́нь.

Юдэ́нгэ 11:16

нэ ёнэ какана́ зоралэ́с мангэна фэдэды́р тхэм, саво́ исын дро Болыбна́скиро Раё, палдава́ Дэвлэ́скэ нанэ ладжаво, ке́ли ёнэ кхарэ́на Лэс пэ́скирэ Дэвлэ́са; пал-дова́ со Ёв приготовиндя фо́ро ваш лэ́нгэ.