Юдэ́нгэ 11:7 - Библия - Пэ Балтитко Романи чиб (Романэс) 2019

⁷ Патяибна́са Ноё дорэсця́ подракхибэн пал дова́, со на сыс джиндло́ ни конэ́скэ; ёв свэнтонэ́ дара́са кэрдя́ ковчэго и зракхця́ пэ́скири сэ́м΄я (ири́). Патяибна́са ёв сэндиндя свэ́то, и Дэвэ́л приґалыя лэс чачипнаскирэ чхавэ́са пал лэ́скиро патяибэ́н.

Biblija - Pe Baltitko Romani čib (Romanes) 2019

⁷ Patiaibnása Nojo doresciá podrakhiben pal dová, so na sys džindló ni konéske; jov sventoné darása kerdiá kovčego i zrakhciá péskiri sém'ia (irí). Patiaibnása jov sendindia svéto, i Devél priĥalyja les čačipnaskire čhavésa pal léskiro patiaibén.

Юдэ́нгэ 11:7 Referans Kwoze

Džiibén 6:13

И Дэвэ́л пхэндя́ Ноёскэ: “Анги́л Ма́ндэ кажнонэ́ лочакэ явэ́ла ко́нцо (яго́ро); пал-дова́ со пхув пхэрдия лэ́нгирэ нахратонэ рэндэ́нца (злодеяниенца). И ґа́да, Мэ хасякира́ва лэн пхувья́тыр.

1 Petr 3:20

савэ́ вари-ке́ли на кандынэ́ Дэвлэ́с, и савэ́н Дэвэ́л вырикирибнаса ужакирдя саро́ дава́ часо, пака Ноё кэрэ́лас ковчэго (мохто́), дро саво́ загинэ́ на́бут мануша́, охтоджинэ (бидуе́нгиро дэш), савэ́ зракхнэпэ пане́стыр:

Езэкилё 14:14

Ко́ли б тэ латхэнпэ пэ доя́ пхув далэ́ трин мануша́: Ноё, Данила и Ио́во, то ёнэ фэ́ни (то́ка) пэ́скрэ свэнтонэ́ джиибнаса, то ракхэнас бы пэскро ди и буты́р ничи́”, – ракирэ́ла Рай Дэвэ́л, Дэвэ́л.

Римлянэнгэ 4:13

Палдова́ со на пир Зако́но Авраа́мо и лэ́скиро ро́до дорэсця́ (долыя) Дэвлэ́стыр лав тэ явэ́л свэто́скирэ хула́са, а пирда́л патяибнаскиро чачипэ́н.

Luka 17:26

И, сыр сыс дрэ долэ́ дывэса́, ке́ли сыс Ноё, адя́кэ-паць дрэ дывэса́ явэ́ла Чхаво́ Манушэ́скиро:

Filipiicenge 3:9

и тэ явав сарэ́са дро екхипэ́н Лэ́са на пэ́скирэ чачипна́са; саво́ исын Законо́стыр, нэ чачипна́са, саво́ исын пир патяибэ́н дро Христосо́стэ, чачипна́са, саво́ исын Дэвлэ́стыр пир патяибэ́н,

Galatenge 5:5

Пал-дова́ со амэ пир Свэ́нто Ду́хо (Фа́но) ужакираса зоралэ́с, ке́ли Дэвэ́л приджиндя амэн чачунэнца пир патяибэ́н.

Езэкилё 14:20

то аж Ноё, Дание́лё и Ио́во тэ явэ́н пэ ла́тэ, – тэ джива́в Мэ, – ракирэ́ла Рай Дэвэ́л, Дэвэ́л, – то тэ на зракхэнас ни пэ́скрэ чхавэ́н, ни пэ́скрэ чхае́н; нэ пэ́скрэ свэнтонэ́ джиибнаса ёнэ фэ́ни зракхэнас бы тринджинэ пэскро ди.’

Юдэ́нгэ 5:7

Ке́ли Христо́со дживдя́ пэ пхув, Ёв барэ́ годла́са и ясвэ́нца мангдя́ и мангдя́пэ Дэвлэ́скэ, Кон могиндя́ тэ зракхэ́л Лэс мэрибна́стыр. Дэвэ́л шундя́ Лэс пал Лэ́скири дар анги́л Лэ́стэ;

Римлянэнгэ 3:22

дава́ Дэвлэ́скиро чачипэ́н исын пир патяибэ́н дрэ Исусо́стэ Христосо́стэ, саво́ дэ́лапэ сарэ́ манушэ́нгэ би выкэдыибнаскиро, кон патя́ла.

Римлянэнгэ 1:17

пал-дова́ со дрэ Ева́нгелия отчхакирэлапэ Дэвлэ́скиро чачипэ́н патяибнастыр дро патяибэ́н: сыр пал дава́ исын чхиндло́: “Ману́ш чачунэ́ патяибна́са явэ́ла тэ дживэ́л.”

Матфеё 3:7

Нэ сыр ёв дыкхця́, со бут Фарисе́и и Садукеи джа́нас тэ болэнпэ кэ ёв, пхэндя́ лэ́нгэ: “Тумэ́ сан сапитко ро́до! Кон сыклякирдя́ тумэн тэ нашэ́н Дэвлэ́скирэ холя́тыр, со явэ́ла сыг?

Pritčy 27:12

Барэ́-годя́киро ману́ш дыкхэ́ла анги́л биба́хт (би́да), и гарадёла, а балвалитко ману́ш джа́ла дурэды́р и дорэсэ́ла ка́ра.

Džiibén 7:23

Хасия́ саро́, со сыс джидо́ пэ пхув: манушэ́стыр кэ кхэри́тко мурда́л (ското), и кэ цапня, и кэ болыбна́скирэ чирикля́, саро́ хасия́ пхувья́тыр. Яця́пэ екх Ноё джидо́, и со лэ́са сыс дро ковчэго.

2 Petr 3:6

палдава́ и ґаратуно свэ́то сыс зачхудо пане́са кэ хасибэ́н.

2 Petr 2:5

и Ёв на потангиндя (на пожалиндя) англатуно́ свэ́то, а зракхця́ охто́ (бидуе́нгиро дэш) манушэ́н и машки́р лэ́ндэ Ноёс, саво́ роспхэнэлас анги́л сарэ́нгэ чачипэ́н и Дэвэ́л яндя́ потопо пэ адалэ́ надэвлытконэ манушэ́ндэ;

2 Petr 1:1

Симоностыр Пэтристыр, Исусо́скирэ Христосо́скирэ писхаристыр и Апостолостыр, сарэ́ манушэ́нгэ, кон прилыя́ дасаво-паць дро́го патяибэ́н кхэтанэ́ амэ́нца пир чачипэ́н амарэ́ Дэвлэ́скиро и Зракхибнарискиро, Исусо́скирэ Христосо́скиро,

Юдэ́нгэ 11:1

Патяибэ́н – дава́ исын зорало́ (твардо) джиныбэ́н дро дова́, пэ со амэ́ндэ исын наде́я, со одова́ кэрэ́лапэ пхэрдэ́с, и зорало́ патяибэ́н дро дова́, со исын вари-савэ́ чачипэна́ пэ свэ́то, мэк амэ на дыкхаса лэн,

Римлянэнгэ 10:6

А чачипэ́н, саво́ исын патяибнастыр, ракирэ́ла адя́кэ: “На ра́кир дро пэ́скиро ило́: ‘Кон джа́ла упрэ́ пэ болыбэ́н?’” (Соб (кай) одотхы́р тэ янэл тэлэ́ Христосо́с упралыпнастыр)

Римлянэнгэ 4:11

И ёв дорэсця́ (долыя) обчхиныбнаскири шпэ́ра (знако) сыр допхэныбэ́н долэ́скэ, со ёв сыс чачуно́ патяибна́скэ анги́л лэ́скиро обчхиныбэн, соб (кай) ёв тэ явэ́л дад ваш сарэ́ патяибна́скирэ́нгэ, савэ́ исын дасавэ́ би обчхиныбнаскирэ, соб (кай) и лэ́нгэ тэ явэ́л загиндло лэ́нгиро патяибэ́н дро чачипэ́н;

Матфеё 24:38

Палдава́ со, сыр анги́л потопо мануша́ ханэ́ и пинэ́, лынэпэ и джа́нас палоро́м анги́л дова́ дывэ́с, дро саво́ Ноё загия́ дро ковчэго,

Матфеё 24:25

Акэ, Мэ тумэ́нгэ ангилпхэндём.

Džiibén 19:14

И выгия́ Лото, и ракирдя́ пэ́скирэ зятенца (джамутрэнца), савэ́ лэнас пал пэ́стэ лэ́скирэ чхае́н, и пхэндя́: “Уштэ́н, выджа́н далэ́ штэто́стыр; пал-дова́ со Рай Дэвэ́л хасякирэ́ла дава́ фо́ро.” Нэ лэ́скирэ зятенгэ здыяпэ, со ёв салапэ.

Džiibén 7:5

Ноё кэрдя́ саро́, со припхэндя́ Рай Дэвэ́л лэ́скэ.

Džiibén 6:9

Ѓа́да, исын лав пал Ноёскиро ро́до: Ноё сыс чачуно́ ману́ш и би грэхоскиро дро пэ́скиро ро́до, Ноё псирдя́ дро екхипэ́н анги́л Дэвлэ́стэ.

Римлянэнгэ 9:30

Со амэ тэды какана́ пхэна́са? На́юды, савэ́ на камлэ́ тэ родэ́н чачипэ́н, дорэснэ́ (долынэ) чачипэ́н пир пэ́скиро патяибэ́н.

Pritčy 22:3

Барэ́-годя́киро ману́ш дыкхэ́ла анги́л биба́хт (би́да) и гарадёла, нэ просто джа́ла анги́л и явэ́ла сэндякирдо.

Матфеё 24:15

Палдава́, ке́ли тумэ́ дыкхэ́на голотынякиро джунгалыпэ́н (брыткима), саво́ явэ́ла тэ тэрдёл пэ свэ́нто штэ́то, со ракирдя́ проро́ко Дание́лё, (кон гинэ́ла, мэк тэ ґалёл),

Džiibén 8:16

“Выджа ковчэгостыр ту, и тыри́ ромны́, и чхавэ́ тырэ́, и тырэ́-чхавэ́нгирэ ромня́ ту́са.

Džiibén 6:22

И Ноё саро́ кэрдя́, сыр Дэвэ́л лэ́скэ припхэндя́, адя́кэ ёв и кэрдя́.

Езэкилё 33:5

Башаибнытко зан ёв шунэлас, нэ на ракхэласпэ, лэ́скиро рат явэ́ла пэ лэ́скиро шэро́, а кон ракхэласпэ, одова́ зракхцяя пэ́скиро джиибэ́н.

Матфеё 2:12

И сыр ёнэ дорэснэ́ припхэныбэ́н тэ ракхэ́нпэ дро суно́, и тэ на рисён кэ Иродо, то дуринэ ёнэ пэ пэ́скири пхув явирэ дромэ́са.

Юдэ́нгэ 8:5

савэ́ кэрэ́на Дэвлэ́скири буты́ пир патри́н (о́бразо) и сы́рбы пир зэр (тенё), савэ́ исын чачунэ́с дро Болыбна́скиро Раё. Ке́ли Мо́йза лыя́ тэ кончынэл буты́ пэ ша́тра, то Дэвэ́л пхэндя́ лэ́скэ: “Дыкх, кэр саро́, соб (кай) тэ явэ́л дасаво-паць, сыр сыс сыкадо ту́кэ пэ бэ́рга.”

Юдэ́нгэ 12:25

Дыкхэ́н, на отрисён криг Одолэ́стыр, Саво́ ракирэ́ла тумэ́нгэ. Ко́ли одолэ́ мануша́, савэ́ отрисинэ криг тэ шунэ́н Лэс, Саво́ ракирдя́ лэ́нгэ Болыбна́стыр пэ пхув, на мениндлэ ка́ра, тэды буты́р сарэ́стыр и амэ на менинаса ла, савэ́нгэ Ёв ракирэ́ла Болыбна́стыр:

4 Kralip 4:5

И гия́ лэ́стыр, и зачхакирдя вуда́р пал пэ́стэ и пал пэ́скирэ чхавэ́ндэ. Ёнэ подэнас ла́кэ, а ёй чхувэлас.

Ióvo 35:8

Тыро́ фуипэ́н кэрэ́ла дош адасавэ́ манушэ́скэ, сыр ту сан кокоро́, и тыро́ чачипэ́н исын дасаво-паць, сыр кажнонэ́ явирэ манушэ́стэ.