Юдэ́нгэ 11:6 - Библия - Пэ Балтитко Романи чиб (Романэс) 2019

⁶ Нэ нашты́ тэ кэрэ́с кучэс Дэвлэ́скэ би патяибнаскиро, пал-дова́ со трэй, соб (кай) ману́ш, саво́ явдя́ кэ Дэвэ́л тэ патял, со Ёв и ваш одолэ́нгэ, кон родэ́ла Лэс, Дэвэ́л отдэ́ла лачхипна́са.

Biblija - Pe Baltitko Romani čib (Romanes) 2019

⁶ Ne naštý te kerés kučes Devléske bi patiaibnaskiro, pal-dová so trej, sob (kaj) manúš, savó javdiá ke Devél te patial, so Jov i vaš odolénge, kon rodéla Les, Devél otdéla lačhipnása.

Юдэ́нгэ 11:6 Referans Kwoze

Pritčy 8:17

Мэ кама́м тэ сыкавав паты́в одолэ́нгэ, савэ́ сыкавав паты́в ма́нгэ, и кодолэ́, кон добусовэс родэ́ла ман, ёнэ латхэ́на ман.

Матфеё 6:33

Родэ́н жа анги́л Дэвлэ́скиро Кралипэ́н дро Болыбна́скиро Раё и чачипэ́н Лэ́скиро, саро́ яви́р явэ́ла дыно́ тумэ́нгэ упралэстыр.

1 Паралипоменоно 28:9

и ту Соломо́но, миро чхаво́, джин Дэвлэ́с тырэ́ дадэскирэс, и дынарин Лэ́скэ сарэ́ илэ́стыр и сарэ́ де́стыр, пал-дова́ со Рай Дэвэ́л спробинэла сарэ́ илэ и джинэ́ла сарэ́ ду́мы. Ко́ли ту явэ́са тэ родэс Лэс, тэды латхэса Лэс, а ко́ли ячкирэса Лэс, Ёв ячкирэ́ла тут сарэ́са.

Luka 12:31

а родэ́н Лэ́скиро Кралипэ́н, и дова́ саро́ явэ́ла дыно́ тумэ́нгэ.

Psalmy 119:10

Мэ родыём Тут сарэ́ мирэ́ илэ́са: на домэк, соб (кай) мэ тэ псирав кригал Тырэ́ припхэныбнэндыр.

Юдэ́нгэ 7:25

Палдава́ Ису́со могинэ́ла тэ зракхэ́л сарэ́ манушэ́н, савэ́ явэ́на пашылэды́р кэ Дэвэ́л пир Лэ́стэ; Ёв исын ўса́ды (сак) джидо́ тэ мангэ́л Дэвлэ́с пал лэ́ндэ.

Римлянэнгэ 10:14

Нэ сыр сашты́ тэ прикхарэс Одолэ́с, дрэ Конэ́стэ ёнэ на упатя́ндынэ? И сыр лэ́нгэ тэ упатян дрэ Одолэ́стэ, пал Конэ́стэ ёнэ нисо́ на шундлэ́? И сыр ёнэ могинэ́на тэ шунэ́н, ко́ли нико́н на явэ́ла тэ пхэнэ́л лав лэ́нгэ?

Юдэ́нгэ 3:12

Пшала́лэ, дыкхэ́н, соб (кай) тэ на явэ́л пхутькирдо ило́ ни дрэ конэ́стэ тумэ́ндыр, саво́ на кандэ́ла Дэвлэ́с, соб (кай) тумэ́ тэ на отджан джидэ́ Дэвлэ́стыр.

Psalmy 73:28

Нэ ваш ма́нгэ исын миштэ́с тэ явав пашылэды́р кэ Дэвэ́л: Мэ рискирдём пэ́скиро ило́ тэ зракхавпэ кэ Рай Дэвэ́л, соб (кай) тэ ракира́в сарэ́нгэ пал сарэ́ Тырэ́ рэ́нды.

Joannostir 14:6

Ису́со пхэндя́ лэ́скэ: “Мэ сом дром и чачипэ́н и джиибэ́н; нико́н на явэ́ла кэ Дад, сыр екх пир Ма́ндэ.

2 Petr 1:5

Нэ палдава́ тумэ́ адя́кэ-паць причхувэ́н зор, соб (кай) тэ сыкавэ́н тумарэ́ патяибнастыр лачхипэ́н, а лачхипнастыр джиныбэ́н,

Юдэ́нгэ 4:6

Нэ Дэвлэ́скиро лав, саво́ Ёв дыя́, ячэ́лапэ, и вари-савэ́ мануша́ заджа́на тэ откхинён Лэ́са; а кодолэ́, савэ́нгэ сыс пхэндло́ лав пал Христосо́стэ, на заджа́на, пал-дова́ со ёнэ на кандынэ́, со пхэндя́ Дэвэ́л,

Galatenge 5:6

Пал-дова́ со, ке́ли амэ сам дро екхипэ́н Исусо́са Христосо́са, ни обчхиныбэн, ни наобчхыныбэн на мол ничы́, а саро́ смысло исын дро патяибэ́н, саво́ сыкавэ́ла пэс пир паты́в кэ яви́р мануша́.

2 Petr 3:14

Палдава́, дро́га мирэ́, ко́ли ужакирэ́на тумэ́ саро́ дава́, причхувэ́н зор тэ явэ́н анги́л Лэ́стэ бибангякирэ и бидошэнгирэ и тэ явэ́н дро рама́нё;

Čysly 14:11

И пхэндя́ Рай Дэвэ́л Мойза́скэ: “Кицы́ явэ́на тэ холякирэн Ман адалэ́ мануша́? И кицы́ явэ́на ёнэ тэ на патя́н Ма́нгэ пир сарэ́ знаме́нии (ґертыка́), савэ́ Мэ кэрдём машки́р лэ́ндэ?

Joannostir 8:24

палдова́ Мэ и пхэндём тумэ́нгэ, со тумэ́ мэрэ́на дрэ тумарэ́ грэ́хи; ко́ли тумэ́ на упатяна, со дава́ сом Мэ, то тумэ́ сарэ́ мэрэ́на дрэ грэ́хи!”

2 Petr 1:10

Палдава́, пшала́лэ, причхувэ́н зор уса́ буты́р тэ кэрэ́н зоралэды́р тумаро́ Дэвлэ́скиро кхарибэн и выкэдыибэн; ко́ли тумэ́ адя́кэ явэ́на тэ кэрэ́н, тэды тумэ́ ние́кхвар на обштавэнапэ;

Юдэ́нгэ 7:19

Пал-дова́ со Мойза́скиро Законо на кэрдя́ нисо́, соб (кай) вари-со тэ явэ́л бидошакиро; и, ґа́да, амэ́ндэ исын фэдэды́р наде́я, пир сави́ амэ ява́са пашылэды́р кэ Дэвэ́л.

Psalmy 78:32

Нэ на дыкхи́ пэ дава́, ёнэ ўса кэрдэ́ грэ́хи, и ёнэ на патяндынэ́ дрэ Лэ́скирэ барэ́ ди́вна бутя́,

Юдэ́нгэ 4:2

Бахталы́ зан (звесь) сыс пхэндлы амэ́нгэ, адя́кэ-паць сыр и лэ́нгэ, нэ лэ́нгэ доя́ зан, сави́ ёнэ шундлэ́, на яндя́ ни саво́ лачхипэ́н, пал-дова́ со ёнэ на прилынэ́ дава́ пхэныбэ́н патяибна́са.

Pritčy 11:18

Фуй ману́ш кэрэ́ла дошвалы буты́, нэ одова́, кон росчхувэла чачипэ́н, дорэсэ́ла мишто́ мазу́ри (награда).

Sykadyipén 21:8

А даранду́ки, напатяибна́скирэ, магирдэ́ дро вари-со, замарибна́рья; одолэ́, кон кэрдя́ биладжаипэ́н, човаханэ́, кон клониндяпэ патыва́са (кэрдэ шэрэ́са) идолэ́нгэ, хохаибна́рья-лэ́нгири паш явэ́ла кхэтанэ́ дро зеро (озеро), со хачола яга́са и дзэвэля́са (сераса); дава́ исын-яви́р мэрибэ́н.”

Čysly 20:12

И пхэндя́ Рай Дэвэ́л Мойза́скэ и Аароно́скэ: “Пал дова́, со тумэ́ на патяндынэ́ Ма́нгэ, соб (кай) тэ сыкавав Мири́ свэнтыма анги́л якха́ Израилёскирэ чхавэ́нгирэ, тумэ́ на залыджана адалэ́ манушэ́н пэ пхув, сави́ Мэ да́ва лэ́нгэ.”

Džiibén 15:1

Пало́ далэ́ рэ́нды (де́лы) Ра́скирэ-Дэвлэ́скиро лав сыс дро дыкхибэ́н Аврамоскэ, и сыс пхэндло́: “Авраме, на дар; Мэ сом тыро́ шчы́то; мазу́ри (награда) ту́кэ тыро́ исын древа́н бари.

Юдэ́нгэ 11:26

и холямо́ сабэн пал/пэ Месия́стэ (Христосо́стэ), саво пыя пэ Лэстэ коригэды́р (позжэды́р), ёв гиндя ваш пэ́скэ дрогэдыр сарэ́ Египто́скирэ кучипна́стыр, пал-дова́ со ёв дыкхця́ надея́са, со лэс ужакирэ́ла отдыибэ́н Дэвлэ́стыр.

Marko 16:17

Патяибнаскирэ явэ́на тэ сыкавэ́н дасавэ́ ди́вы: ёнэ явэ́на Мирэ́ лавэ́са тэ традэ́н налачхэ́ ду́хи, ёнэ явэ́на тэ ракирэ́н пэ нэвэ чиба́ (чибья́);

Isajos 55:3

Откэрэн тумарэ́ кана́, явэ́н кэ Мэ; пошунэн и явэ́ла тэ дживэ́л тумаро́ ило́; и Мэ да́ва тумэ́нгэ ве́чно завето, Мэ да́ва лачхипэ́н, пал саво́ дыём лав Давидо́скэ.

Isajos 7:9

А Ефремоскиро шэро́ исын Сама́рия, а Самариякиро шэро́ исын Ремалияскиро чхаво́. Ко́ли тумэ́ на патя́на, то тумэ́ кэрэнэ адя́кэ, палдова́, со тумэ́ на упатя́ндынэ.”

Psalmy 58:11

Чачипна́скиро ману́ш явэ́ла тэ радынэ́лпэ, ке́ли ёв чхувэ́ла ка́ра пэ чорэ́ манушэ́ндэ, и ёв выморэла пэ́скирэ пирэ́ (сто́пы) дро фуе́-манушэ́нгиро рат:

Luka 6:35

Нэ тумэ́ сыкавэ́н паты́в тумарэ́ вэргэ́нгэ, кэрэ́н лэ́нгэ лачхипэ́н и явэ́ла тумэ́нгэ бари мазу́ри (награда) Дэвлэ́стыр, и тумэ́ явэ́на Най Вучэдырэскирэ Дэвлэ́скирэ чхавэ́; пал-дова́ со Ёв исын лачхо́ и ваш одолэ́нгэ, савэ́ на парикирэна и ваш налачхэнгэ.

Psalmy 106:24

Нэ ёнэ на прилынэ́ барвалы пхув, ёнэ на патяндынэ́ Дэвлэ́скирэ лавэ́скэ,

Ióvo 21:14

И ёнэ пхэнэ́на Дэвлэ́скэ: “Дурьёв амэ́ндыр. Пал-дова́ со амэ на камаса зоралэ́с тэ джинас Тырэ́ дрома́!

Psalmy 78:22

со ёнэ на патяндынэ́ дрэ Дэвлэ́стэ и на рикирдэ наде́я, со Ёв дэ́ла васт лэ́нгэ.

Ruta 2:12

мэк тэ дэл Рай Дэвэ́л пал дава́ рэ́ндо тыро́, и мэк тэ явэ́л ту́кэ пхэрды́ мазу́ри (награда) Ра́стыр-Дэвлэ́стыр, Израилёскирэ Дэвлэ́стыр, кэ Саво́ ту явдя́н, соб тэ штылёс тэл Лэ́скирэ пхака́!”

Матфеё 6:16

Ке́ли тумэ́ постинэна, на кэрэ́н рондлэ́ муя́, сыр кэрэ́на дуемуитка, пал-дова́ со ёнэ гаравэна пэ́скирэ чачунэ́ муя́, соб (кай) мануша́ тэ дыкхэ́н, со ёнэ постинэна. Чачэс, Мэ ракира́ва тумэ́нгэ: ‘Ёнэ ужэ дорэснэ́ пэ́скиро отдыибэ́н.’

Матфеё 6:5

Ке́ли ту мангэсапэ, на яв сыр кадалэ́ дуемуитка, савэ́ камэ́на тэ тэрдён пэ вэ́нглы яври́ и дрэ синагоги, соб (кай) лэн тэ дыкхэ́н мануша́. Чачэс, Мэ ракира́ва тумэ́нгэ: ёнэ ужэ дорэснэ́ пэ́скиро отдыибэ́н.

Ереме́ё 2:31

О, Израилёскиро ро́до! Шунэ́н мирэ́ лава́ Ра́стыр-Дэвлэ́стыр! Ци со́мас Мэ сы́рбы пэ чхучи́ пхув Израилёскэ? Ци сы́рбы калы (тёмно) пхув? Со́скэ тэды Мирэ́ мануша́ ракирэ́на: ‘Амэ кокорэ́ сам рая пэ́скэ! Амэ буты́р на ява́са кэ Ту!’

Матфеё 5:12

Явэ́н бахталэ́ и радынэ́нпэ, пал-дова́ со баро́ отдыибэ́н Дэвлэ́стыр ужакирэ́ла тумэн дро Болыбна́скиро Раё: адя́кэ традэнас и пророкэ́н, савэ́ сыс анги́л тумэ́ндэ.

Матфеё 11:26

Чачо́, Да́до, пал-дова́ со сыс адя́кэ, сыр Ту́кэ трэиндя́.