Юдэ́нгэ 11:36 - Библия - Пэ Балтитко Романи чиб (Романэс) 2019

³⁶ пэ явирэ манушэ́ндэ сыс холямо́ сабэн, лэн мардэ́ чхупня́са, лэн пхандэнас дрэ састыра́ и чхувэ́нас дро штарибэ́н.

Biblija - Pe Baltitko Romani čib (Romanes) 2019

³⁶ pe javire manušénde sys xoliamó saben, len mardé čhupniása, len phandenas dre sastyrá i čhuvénas dro štaribén.

Юдэ́нгэ 11:36 Referans Kwoze

Ереме́ё 20:2

Тэды Пасхоро пэкадя́ Еремеёс пророко́с и бэшлякирдя лэс дрэ калодки запхандлэ вастэ́нца и ґэрэ́нца, савэ́ сыс дрэ упратуны Веньяминоскири по́рта, со сыс пашы́л Ра́скирэ-Дэвлэ́скиро Кхэр.

Džiibén 39:20

и лыя́ Ёзас лэ́скиро хула́й, и отдыя́ лэс дрэ бэшыбэн, кай бэштэ́ сыс крали́скирэ бэшыбнарья. И ёв одо́й сыс дро бэшыбэн.

2 Паралипоменоно 30:10

И псирдэ́ мануша́ форо́стыр дро фо́ро пэ пхув Ефремо́скири и Манасияскири и кэ Завулоноскири; нэ лэ́ндыр сандлэпэ и кэрдэ́ напатывалэс (здикиндлэпэ).

Юдэ́нгэ 10:34

Тумэ́ пиридживэнас кхэтанэ́ манушэ́нца, савэ́ сыс бэштэ́ дро штарибэ́н, и ке́ли лынэ́ зорья́са тумаро́ миштыпэ́н, тумэ́ дава́ прилынэ́ радыма́са, пал-дова́ со тумэ́ джинэ́на, со тумэ́ндэ исын дро Болыбна́скиро Раё фэдэды́р миштыпэ́н, саво́ ячэ́лапэ ве́чнэс.

Матфеё 23:34

Акэ, палдава́ Мэ бичхава́ва кэ тумэ́ пророкэ́н и годьварэ́ манушэ́н и лылваритконэн; вари-савэ́н лэ́ндыр тумэ́ мулякирэна и примарэна пэ трушу́л, и явирэ́н явэ́на тэ шулякирэн дрэ синагоги и традэ́н штэто́стыр пэ штэ́то;

Ереме́ё 20:7

О, Раё Дэ́вла! Ту притырдыян ман, и мэ сом притырдыно; Ту сан зоралэды́р ма́ндыр, и Ту лыян упралыпэ́н пэ ма́ндэ. Ма́ндыр лынэ́ тэ санпэ яври́; кажно (сва́ко) ману́ш просала ман.

2 Паралипоменоно 16:10

И росхолясыя Аса́ пэ магикостэ, и чхудя́ лэс дрэ бэшыбэн, адя́кэ сыр пал дава́ сыс дрэ холы́ пэ лэ́стэ; притасадя Аса́ и вари-савэ́н явирэ манушэ́н дрэ долэ́ дывэса́.

Sykadyipén 2:10

На дар нисостыр, пал со ту́кэ приявэлапэ тэ мэнчынэспэ. Ѓа́да, на́лачхо явэ́ла тэ чхурдэл вари-савэ́н тумэ́ндыр дро штарибэ́н (бэшыбэн); соб (кай) тумэн тэ пропатякирэн и тумэ́ндэ явэ́ла пхарипэ́н дэш дывэса́. Яв патяибны́тко кэ мэрибэ́н, и Мэ да́ва ту́кэ джиибна́скири вя́нка (коро́на).

2 Ximaske 2:9

пал дава́ мэ и мэнчынавапэ, и пал дава́ мэ аж сом дрэ састыра́ сыр розмарибнари: нэ Дэвлэ́скиро лав исын на запхандло дрэ састыра́.

2 Ximaske 1:16

Мэк Рай Дэвэ́л тэ тангинэ́л Анисифороскиро кхэр, пал-дова́ со ёв бут мо́лы прилэлас ман, и на ладжалас, со мэ сом дро штарибэ́н;

Эфесянэнгэ 4:1

Мэ, саво́ сом пхандло ману́ш пал Растэ – Дэвлэ́стэ, манга́ва тумэн тэ дживэ́н чачунэ́ (мольнонэ́) джиибнаса, савэ́са Дэвэ́л кхардя́ тумэн,

Apostolengiri Butý 24:27

Нэ прогинэ́ (накхлэ) дуй бэрша́, и Порцыё Фесто парудя Феликсос, а Феликсо закамдя́ тэ явэ́л куч Юдэнца, палдава́ мэкця́ Павли́с дро штарибэ́н.

Apostolengiri Butý 21:33

Тэды барыдыро́ подги́я, закэдыя лэс и припхэндя́ тэ пхандэн лэс дуе зандирьенца, ёв пхуця́ манушэ́ндыр, кон ёв сыс и со ёв кэрдя́?

Apostolengiri Butý 8:3

Нэ Савло кэрдя́ бипатыв пэ кхангири́, ёв псирдя́ пир кхэра́, закэдэлас муршэ́н и джувле́н, и чхувэлас лэн дро штарибэ́н.

Apostolengiri Butý 5:40

Ёнэ кандынэ́ лэс и кхардэ́ Апостолэн, и ёнэ мардэ́ лэн; и ке́ли ёнэ припхэндлэ лэ́нгэ тэ на ракирэ́н пал Исусо́скиро лав, отмэкнэ лэн.

Apostolengiri Butý 5:18

и закэдынэ Апостолэн, и чхудэ́ лэн дро штарибэ́н.

Apostolengiri Butý 4:3

и ёнэ закэдынэ Пэтрис и Ианос, и пал-дова́ со дава́ сыс бэльвэле́, ёнэ чхудэ́ лэн дро штарибэ́н кэ яви́р дывэ́с.

Luka 23:36

Адя́кэ-паць и халадэ́ сандлэпэ бипатывакирэс Лэ́стыр: ёнэ подджанас и подлыджанас шутло (уксусо),

Luka 23:11

Иродо пэ́скирэ халадэнца кэрдэ́ бипатывакирибэн Лэ́скэ и сандлэпэ холямэс Лэ́стыр, урьякирдэ пэ Лэ́стэ парно́ крали́тко урибэ́н и бичхадя́ палэ Лэс кэ Пила́то.

Luka 18:32

Лэс дэ́на дро васта́ (здэна) Наюдэ́нгэ; и ёнэ явэ́на тэ санпэ холямэс Лэ́стыр, и тэ ладжакирэн, и тэ чунгардэн пэ Лэ́стэ.

Marko 10:34

ёнэ явэ́на тэ санпэ холямэс, и тэ чунгардэн пэ Лэ́стэ, тэ марэ́н Лэс чупняса и мулякирэна Лэс, нэ пир трин дывэса́ Ёв отджидёла.”

Матфеё 27:26

Тэ́ньци ёв отмэкця́ лэ́нгэ Варавас, нэ Исусо́с пало́ дова́, сыр Лэс мардэ́ чупняса, здыя пэ трушу́л тэ примарэн.

Матфеё 21:35

И винаградарья ухтылдэ́ лэ́скирэ писхарье́н: конэ́с мардэ́, конэ́с мулякирдэ́, нэ вари-конэ́с шулякирдэ барэ́нца.

Матфеё 20:19

и здэна Лэс Наюдэ́нгэ пэ сабэн и марибэ́н чупняса и примарибэн пэ трушу́л и пэ три́то дывэ́с Ёв отджидёла.”

Ереме́ё 38:28

И Ереме́ё ячэласпэ пэ грэ́да (дво́ро) штарибнаскири анги́л/ кэ дова́ дывэ́с, сыр Ерусалимо лынэ́. И сыс ёв одо́й, ке́ли лынэ́ Ерусалимо.

Ереме́ё 36:6

Палдава́ ту джа́ и гин зоралэ́с (дэ упрэ́) свиткостыр лава́, со ту зачхиндян мирэ́ чибатыр (лавэ́ндыр). Дэ упрэ́ лава́ Ра́скирэ-Дэвлэ́скирэ дро дывэ́с, ке́ли постинэна, дрэ кана́ манушэ́нгэ Юдэя́тыр, савэ́ явэ́на пэ́скирэ форье́ндыр.

Ереме́ё 29:26

‘Рай Дэвэ́л чхудя́ тут сыр раша́с пэ рашаскирэ – Иодаёскирэ (Егоядаскиро) штэ́то, соб (кай) ту тэ явэс дыкхибнаскирэса (блюстителёса) пэ Кхангири́ Ра́скирэ-Дэвлэ́скири, пир кажнонэ́ бигодякирэ манушэ́стэ и кажнонэ́стэ, кон дылнёла и кхарэ́лапэ пророкоса, соб (кай) тэ чхувэ́н лэс дрэ калодки и дро штарибэ́н.

2 Паралипоменоно 36:16

Нэ ёнэ сандлэпэ напатывалэс (здикиндлэпэ) Дэвлэ́скирэ бичхаибнаскирэндыр, и на шундлэ́ Лэ́нгирэ лава́, и кошнэпэ пэ Лэ́скирэ пророкэ́ндэ, пака згия Ра́скирэ-Дэвлэ́скири холы́ пэ Лэ́скирэ манушэ́ндэ адя́кэ, со на сыс лэ́скэ зракхибэ́н.

4 Kralip 2:23

И гия́ ёв одотхы́р дрэ Вефиль. Ке́ли ёв гия́ дромэ́са, тыкнэ́ бияты выгинэ́ форо́стыр, и сандлэпэ лэ́стыр, и ракирдэ́ лэ́скэ: “Джа́, плешытко, джа́, плешытко!”

3 Kralip 22:27

И пхэнэ́н, “Адя́кэ ракирэ́ла кра́ли: ‘Чхувэ́н далэ́ манушэ́с дрэ бэшыбэн и чалякирэн лэс скэмпэс и панякирэн скэмпэс, пака мэ рисёва́ва раманёса (миро́са).’

3 Kralip 22:24

И тэ́ньчи подги́я Сэдэки́я, Хенаанаскиро чхаво́, и пэкадя́ Михеёс дрэ чам (шчока), пхэни́: “Кай, сыр дава́ акана́ отгия́ ма́ндыр Ду́хо (Фа́но) Ра́стыр-Дэвлэ́стыр, соб (кай) тэ ракирэ́л ту́тыр?”

Сэндарьенгири Лылвари́ 16:25

И ке́ли розвеселиндяпэ лэ́нгиро ило́, то ёнэ пхэндлэ́: “Кхарэ́н Самсонос, мэк ёв тэ сандякирэл амэн.” И кхардэ́ Самсонос узникэнгирэ кхэрэ́стыр, и ёв сандякирдя лэн, и чхудэ́ лэс машки́р сты́лбы.

Эфесянэнгэ 3:1

Ваш дава́ мэ, Па́вли, сом Исусо́скиро Христосо́скиро ману́ш дро штарибэ́н ваш тумэ́нгэ, Наюдэ́нгэ.

Ереме́ё 32:8

Тэ́ньци Анамеило, мирэ́-какэскиро чхаво́, явдя́ кэ мэ пэ грэ́да (дво́ро) штарибнаскири пир лав Ра́скирэ-Дэвлэ́скиро и пхэндя́ ма́нгэ: “Мэ мангав тут тэ кинэс фэ́лда, сави́ исын дро Анафофо, саво́ исын пэ Веньяминоскири пхув; пал-дова́ со выкиныбнытко право исын ту́тэ, и выкиныбэ́н тыро́; кин фэ́лда пэ́скэ.” Тэ́ньци мэ ґалыём, со дава́ сыс лав Ра́скирэ-Дэвлэ́скиро.

Ереме́ё 39:15

И сыс лав Ра́скирэ-Дэвлэ́скиро Еремеёскэ, ке́ли ёв сыс пхандло пэ штарибнытко грэ́да (дво́ро), ракири́:

2 Паралипоменоно 18:26

И пхэнэ́н: “Адя́кэ ракирэ́ла кра́ли: ‘Чхувэ́н тэ бэшэ́л адалэс дро бэшыбэн и чалякирэн лэс марэ́са и пане́са фуе́с, пака мэ рисёва́ва дрэ рама́нё (миро).’

Дание́лё 11:33

Нэ годьварэ́ мануша́ манушытконэ́ нацыятыр (народо́стыр) дэ́на годы́ бутэнгэ, на дыкхи́ пэ дова́, со ёнэ явэ́на тэ страдынэн ада́кицы дывэса́ ягатыр и куртала́тыр, плено́стыр и миштыпнытконэ чорибнастыр.