Юдэ́нгэ 11:23 - Библия - Пэ Балтитко Романи чиб (Романэс) 2019

²³ Патяибна́са Мойза́скирэ дада́ гаравэнас лэс трин чхона́ пало́ лэ́скиро бияныпэ́н, пал-дова́ со ёнэ дыкхнэ́, со ёв сыс шука́р, и ёнэ на дара́ндынэ крали́скиро припхэныбнастыр.

Biblija - Pe Baltitko Romani čib (Romanes) 2019

²³ Patiaibnása Mojzáskire dadá garavenas les trin čhoná paló léskiro bijanypén, pal-dová so jone dykhné, so jov sys šukár, i jone na darándyne kralískiro priphenybnastyr.

Юдэ́нгэ 11:23 Referans Kwoze

Vygiiben 1:22

Тэды фарао́но припхэндя́ сарэ́нгэ пэ́скирэ манушэ́нгэ: “Кажнонэс чхавэ́с, саво́ бияндёла Юдэ́ндэ, чхурдэ́н дрэ рэка (лэнь); а кажнона чха ячкирэн тэ дживэ́л.”

Vygiiben 1:16

и пхэндя́: “Ке́ли тумэ́ явэ́на тэ бабинэн чхаворэ́н Юдыцэндэ, то тумэ́ дыкхэ́н, сыр ёнэ биянэна: ко́ли явэ́ла чхаво́, тэды мулякирэ́н лэс; а ко́ли чхай, тэды мэк тэ дживэ́л.”

Юдэ́нгэ 13:6

Палдава́ амэ зоралэ́с ракираса: “Дэвэ́л помогинэла ма́нгэ, и ма́нгэ нанэ со́стыр тэ дарав, со могинэ́ла тэ кэрэ́л ма́нгэ ману́ш?”

Матфеё 10:28

На андыршан кодолэндыр, савэ́ мулякирна маса́, нэ савэ́ на могинэ́на тэ мулякирэ́н тумаро́ ду́хо (фа́но); нэ дарэ́н кодолэндыр, савэ́ могинэ́на тэ мулякирэ́н и ду́хо (фа́но) и маса́ дро лю́но (адо).

Apostolengiri Butý 7:20

Дро дасаво часо бия́ндыя о Мо́йза (Моисеё), савэ́стэ сыс шукарипэ́н Дэвлэ́стыр, трин чхона́ лэс барьякирдэ́ дрэ лэ́скирэ-дадэ́скиро кхэр.

Isajos 41:14

“На дар, ту сан кирмо Яково́скиро, тумэ́, на́бут, мануша́лэ Израилёскирэ! Мэ подава васт ту́кэ”, – ракирэ́ла Рай Дэвэ́л, и Мэ сом тыро́ Выкиныбнаскиро (Выракхибнаскиро), Свэ́нто Израилёскиро.

Psalmy 118:6

Рай Дэвэ́л исын пал ма́ндэ, Мэ на ява́ва тэ дарав, со ману́ш могинэ́ла тэ кэрэ́л ма́нгэ.

Дание́лё 6:10

О Дание́лё, хачи, ґалыи́, со сыс подчхиндло дасаво запхэныбэн, гия́ дро пэ́скиро кхэр; э фэнштра, хай, дрэ упратуны шту́ба сыс псирады (отпхэндлы) анги́л Ерусалимо, и ёв трин мо́лы дро дывэ́с бандгякирдя чанга́, и мангдя́пэ пэ́скирэ Дэвлэ́скэ, и бахтякирэлас Лэс, сыр кэрэ́лас ёв дава́ и анги́л дова́.

Isajos 51:12

“Мэ, Мэ Кокоро́ подрикирава тумэн. Кон ту сан, ко́ли дарэса манушэ́стыр, саво́ мэрэ́ла, дарэса манушэ́скирэ чхавэстыр, саво́ исын адасаво́, сыр чар?

Isajos 51:7

Пошунэн Ман, кон джинэ́ла чачипэ́н, народо, савэ́стэ дро ило́ исын Миро Зако́но! На дарэ́н, ко́ли традэ́на тумэн мануша́, на дарэ́н лэ́нгирэ налачхэ́ лавэ́ндыр!

Isajos 41:10

На дар, пал-дова́ со Мэ сом ту́са: на нашадёв дро ду́хо (фа́но), пал-дова́ со Мэ сом Дэвэ́л тыро́. Мэ ява́ва тэ зорьякирав тут, и, Мэ подава васт ту́кэ, Мэ подрикирава тут Мирэ́ чачипнаскирэ чачэ́ вастэ́са.”

Psalmy 56:4

Ке́ли мэ сом дрэ дар, тэды мэ рисёва́ва кэ Ту тэ зракхавпэ.