Юдэ́нгэ 10:30 - Библия - Пэ Балтитко Романи чиб (Романэс) 2019

³⁰ Амэ джина́са Одолэ́с, Кон пхэндя́: “Мэ отха́ва палэ́ (Мэ отомстинава), и Мэ ява́ва тэ чхував би́да” – ракирэ́ла Рай Дэвэ́л.” И нэвэ́стыр: “Рай Дэвэ́л явэ́ла тэ сэндякирэ́л Пэ́скирэ манушэ́н.”

Biblija - Pe Baltitko Romani čib (Romanes) 2019

³⁰ Ame džinása Odolés, Kon phendiá: “Me otháva palé (Me otomstinava), i Me javáva te čhuvav bída” – rakiréla Raj Devél.” I nevéstyr: “Raj Devél javéla te sendiakirél Péskire manušén.”

Юдэ́нгэ 10:30 Referans Kwoze

Римлянэнгэ 12:19

Мирэ́ мала́, на кэрэ́н нисаво́ чорипэ́н никонэ́скэ пал пэ́стэ, пша́ла мирэ́, фэды́р ячкирэн штэ́то ваш Дэвлэ́скири холы́; пал-дова́ со, сыр исын чхиндло́: “Ячкирэн дава́ Ма́нгэ, Мэ кэра́ва”, – ракирэ́ла Рай Дэвэ́л.

Naumo 1:2

О Рай-Дэвэ́л исын зэвлыныпнаскиро Дэвэ́л, и Ёв отдэ́ла палэ сэндоса. Рай Дэвэ́л отдэ́ла палэ сэндоса, и Ёв исын древа́н дарано дрэ холы́. Рай Дэвэ́л отдэ́ла палэ сэндоса Лэ́скирэ намалэнгэ, и Ёв на потангинэла Лэскирирэ вэргэ́н [пригаравэла Лэ́скири бари холын пэ Лэ́скирэ вэргэ́ндэ-ю.о.].

Psalmy 50:4

Ёв прикхарэла Болыбна́скиро Раё вучипна́стыр и пхув тэ сэндякирэ́л Лэ́скирэ манушэ́н:

2 Коринфянэнгэ 5:10

Пал-дова́ со амэ́нгэ сарэ́нгэ трэй тэ сыкавас пэс анги́л Христосо́скиро сэндари́тко штэ́то, соб (кай) амэ могинаса тэ дорэсас (тэ долас) пал дова́, со амэ кэрдя́м пал пэ́скиро джиибэ́н дрэ маса́: лачхипэ́н ци фуипэ́н.

Psalmy 135:14

Пал-дова́ со Рай Дэвэ́л явэ́ла тэ сэндякирэ́л Пэ́скирэ манушэ́н, и Ёв явэ́ла лачхэ́-дескиро кэ Пэ́скирэ писха́рья.

Psalmy 96:13

анги́л Растэ-Дэвлэ́стэ, Саво́ джа́ла тэ сэндякирэ́л пхув. Ёв явэ́ла тэ сэндякирэ́л свэ́то чачунэ́с, и Ёв явэ́ла тэ сэндякирэ́л манушэ́н Пэ́скирэ патяибна́са.

Римлянэнгэ 13:4

пал-дова́ со барыдыро́ исын Дэвлэ́скиро дына́ри ваш дова́, соб (кай) ту́кэ тэ явэ́л лачхипэ́н. А ко́ли ту кэрэ́са фуипэ́н, тэды да́ро, пал-дова́ со лэ́стэ на ивья́ (на напра́снэс) исын курта́ла; пал-дова́ со ёв исын Дэвлэ́скиро дына́ри, савэ́с Дэвэ́л чхудя́ ваш ка́ра одолэ́ манушэ́скэ, саво́ кэрэ́ла фуипэ́н.

Isajos 61:2

Соб (кай) тэ пхэна́в пал лачхо́ бэрш Ра́скирэ-Дэвлэ́скиро, пал дывэ́с, ко́ли пхэрдёла холы́ амарэ́ Дэвлэ́скири, тэ подрикирав сарэ́н, дрэ конэ́стэ исын ту́га (тугинэла).

Psalmy 98:9

Анги́л Растэ-Дэвлэ́стэ, пал-дова́ со Ёв джа́ла тэ сэндякирэ́л пхув: Ёв явэ́ла тэ сэндякирэ́л свэ́то пир чачипэ́н и Ёв чачунэ́с явэ́ла тэ сэндякирэ́л манушыпнаскирэ на́цыи.

Езэкилё 18:30

Палдава́ Мэ ява́ва тэ сэндякирав тумэн, Израилёскиро кхэр, кажнонэс (сваконэс) пир лэ́скирэ дрома́, – ракирэ́ла Рай Дэвэ́л, Дэвэ́л; ячкирэн пэ́скирэ грэ́хи, рисён кокорэ́ сарэ́ тумарэ́ чорэ́ рэндэ́ндыр, соб (кай) тэ на пэрэ́н тумэ́нгэ тумарэ́ чорипна́стыр.

Езэкилё 34:17

А тумэн, Мирэ́ бакрэ́н, – адя́кэ ракирэ́ла Рай Дэвэ́л, Дэвэ́л, – акэ, Мэ ява́ва тэ сэндякирав машки́р екхэ бакрятэ и явирэ бакрятэ, машки́р бакрятэ и бузнэстэ (козлостэ).

Isajos 63:4

Пал-дова́ со дывэ́с, ко́ли холы́ пхэрдия, исын дро Миро ило́; явдя́ бэрш одолэнгиро, конэ́с Мэ выкиндём.

Isajos 59:17

Ёв чхудя́ пэ пэ́стэ чачипэ́н, сыр броня (марибны́тка и́ди); зракхибнаскиро шлемо пэ Пэ́скиро шэро́; уридяпэ дрэ холы́, сыр дрэ и́дя, учхакирдя́ пэс зэвлыныпнаса сыр урибнаса.

Psalmy 94:1

О, Раё Дэ́вла, Саво́ чхувэ́ла ка́ра, Дэвлалэ, Саво́ чхувэ́ла ка́ра (хась), сыкадёв Кокоро́.

Левито 19:18

На отдэ́ палэ чорипнаса (на отха палэ), и на рикир холы́ пэ тырэ́-манушэ́нгирэ чхавэ́ндэ, а сыка́в паты́в кэ тыро́ пашатуно, сыр пэ́скэ. Мэ сом Рай Дэвэ́л.

1 Kralip 25:26

И какана́, миро хула́ё, “тэ явэ́л джидо́ Рай Дэвэ́л и джидо́ тыро́ ди”, Рай Дэвэ́л на домэкэла тут тэ джас тэ прочхувэс рат и урикирэла тыро́ васт тэ отхас палэ (отомстиныбнастыр), и какана́ мэк тэ явэ́н, сыр Навало, вэ́рги тырэ́ и одолэ́, савэ́ камэ́на фуипэ́н мирэ́ хула́скэ.

1 Kralip 26:10

И пхэндя́ Дави́до: “Тэ явэ́л джидо́ Рай Дэвэ́л! Мэк тэ домарэл лэс Рай Дэвэ́л, ци явэ́ла лэ́скиро дывэ́с, и ёв мэрэ́ла, ци джа́ла пэ марибэ́н и хасёла; мэк тэ на домэкэл Рай Дэвэ́л тэ ґаздав миро васт пэ Ра́скирэ-Дэвлэ́скирэ помакхибнаскирэстэ;