Юдэ́нгэ 10:25 - Библия - Пэ Балтитко Романи чиб (Романэс) 2019

²⁵ и на ява́са тэ мэкас тэ скэдаспэ дрэ кхангири́, сыр дава́ присыклынэ яви́р мануша́, а ява́са тэ сыклякирас екх екхэ́с бутэды́р, ко́ли тумэ́ дыкхэ́на, со Ра́скирэ-Дэвлэ́скиро Дывэ́с явэ́ла сыг.

Biblija - Pe Baltitko Romani čib (Romanes) 2019

²⁵ i na javása te mekas te skedaspe dre khangirí, syr davá prisyklyne javír manušá, a javása te sykliakiras jekh jekhés butedýr, kóli tumé dykhéna, so Ráskire-Devléskiro Dyvés javéla syg.

Юдэ́нгэ 10:25 Referans Kwoze

Apostolengiri Butý 2:42

И ёнэ ўса́ды (сак) явэ́нас кхэтанэ́ пир Апостолэнгиро сыклякирибэ́н тэ ракирэ́н екх екхэ́са, тэ пхагирэн маро́ и тэ мангэ́нпэ Дэвлэ́скэ.

Матфеё 18:20

Пал-дова́ со, кай дуй ци трин явнэ́ кхэтанэ́ ваш Миро лав, одо́й Мэ сом машки́р лэ́ндэ.”

1 Фесалоникийцэнгэ 5:11

Палдава́ подрикирэн и сыклякирэ́н екх екхэ́с, сыр тумэ́ адя́кэ и кэрэ́на.

Юдэ́нгэ 3:13

А подрикирэн екх екхэ́с со дывэ́с кэ/жы́ко дова́ часо, пака сашты́ тэ ракирэ́с “ададывэ́с”, соб (кай) грэ́хо тэ на хохавэ́л тумэн и тэ на отрискирэл тумаро́ ило́.

Юдэ́нгэ 10:24

явэ́н тэ дыкхас екх пэ екхэ́стэ, соб (кай) тэ сыкавэ́н паты́в екх екхэ́скэ и тэ кэрэ́н лачхипэ́н екх екхэ́скэ;

1 Коринфянэнгэ 5:4

ваш Ра́скирэ-Дэвлэ́скиро лав, ке́ли тумэ́ скэдэ́напэ кхэтанэ́ дрэ кхангири́ и сы́рбы пир миро ду́хо (фа́но) и Ра́скирэ-Дэвлэ́скирэ зорья́са амарэ́ Исусо́скирэ Христососкирьяса,

1 Фесалоникийцэнгэ 4:18

Подрикирэн екх екхэ́с далэ́ лавэ́нца.

Apostolengiri Butý 2:1

Ке́ли явдя́ Духо́скирэ-свэнкитко дывэ́с (Ду́хо), сарэ́ сыкляибны́тка скэдынэ́пэ кхэтанэ́.

Apostolengiri Butý 20:7

Дро пэ́рво куркитко дывэ́с, ке́ли амэ скэдыямпэ тэ пхагирас маро́, Па́вли ракирдя́ лэ́нца, а пэ яви́р дывэ́с ёв кэдэласпэ тэ джал дро дром. И ёв ракирдя́ дурэды́р кэ пашрат.

1 Коринфянэнгэ 14:3

Нэ одова́, кон роспхэнэ́ла Дэвлэ́скиро лав, одова́ ману́ш подрикирэ́ла манушэ́н дро патяибэ́н, дэ́ла лэ́нгэ тва́рдыма дро ило́, дэ́ла рама́нё (миро) манушэ́скирэ Духоскэ.

Римлянэнгэ 12:8

Ци, ко́ли вари-конэ́скэ дыно́ тэ подрикирэ́л манушэ́н, мэк одова́ ману́ш тэ подрикирэ́л; ко́ли вари-конэ́скэ дыно́ тэ роздэл чорорэнгэ, мэк одова́ ману́ш тэ на тангинэ́л, мэк тэ дэл сарэ́ илэ́стыр; ци ко́ли вари-конэ́скэ дыно́ тэ явэ́л ра́са, мэк одова́ ману́ш тэ кэрэ́л миштэ́с пэ́скири буты́. Ко́ли вари-конэ́скэ дыно́ тэ дыкхэ́л пал явирэндэ, мэк одова́ ману́ш тэ кэрэ́л дава́ радыма́са.

Filipiicenge 4:5

Мэк сарэ́ мануша́ тэ джинэ́н тумарэ́-илэ́скиро ковлыпэн, Рай Дэвэ́л исын сарэ́са пашы́л.

2 Petr 3:9

Дэвэ́л на зарикирэлапэ тэ кэрэ́л дова́, пал со Ёв дыя́ лав, сыр вари-савэ́ мануша́ гинэ́на, со дава́ явэ́ла на сыг, нэ Ёв ґара́ вырикирэ́ла тумэн, и на камэ́ла, соб (кай) вари-кон тэ хасёл, нэ соб (кай) сарэ́ тэ рисён кэ Дэвэ́л.

Jakov 5:8

Тумэ́ адя́кэ-паць вырикирэн ґара́ (длу́гэс): явэ́н зоралэды́р пэ́скирэ илэнца дро патяибэ́н, пал-дова́ со Дэвэ́л явэ́ла сыг пашылэды́р.

1 Коринфянэнгэ 14:23

Ко́ли тэды саро́ Кхангирья́киро скэдыибэ́н скэдэлапэ кхэтанэ́ пэ екх штэ́то и сарэ́ явэ́на тэ ракирэ́н наджиндлэ чибэнца (чибьенца), и заджа́на проста мануша́, напатяибнаскирэ, ци на пхэнэ́на ёнэ, со тумэ́ здылнандынэ.

Juda 1:19

Адалэ́ исын мануша́, савэ́ кэрэ́на групы машки́р манушэ́ндэ проти екх екхэ́стэ, ёнэ кэрэ́на пир пэ́скири годы́, лэ́ндэ нанэ Ду́хо (Фа́но).

2 Petr 3:14

Палдава́, дро́га мирэ́, ко́ли ужакирэ́на тумэ́ саро́ дава́, причхувэ́н зор тэ явэ́н анги́л Лэ́стэ бибангякирэ и бидошэнгирэ и тэ явэ́н дро рама́нё;

1 Petr 4:7

Нэ сыг сарэскэ явэ́ла ко́нцо (яго́ро): палдава́ ракхэ́нпэ и дживэ́н годьварэс, ке́ли тумэ́ мангэ́напэ Дэвлэ́скэ;

2 Petr 3:11

Пал-дова́ со ко́ли сарэ́ частыра (предметы) явэ́на биладэ, то тэды тумэ́нгэ трей тэ дживэ́н свэнтэс и тэ отдэ́н пэс Дэвлэ́скэ;

1 Коринфянэнгэ 11:20

Ке́ли тумэ́ кэдэнапэ дро екх штэ́то, дава́ на подджа́ла, соб (кай) тумэ́ тэ хан Ра́скирэ-Дэвлэ́скири вечэ́ря.

1 Коринфянэнгэ 3:13

тэды кажно манушэскири буты́ сыкадёла дро Христосо́скиро дывэ́с, пал-дова́ со яг сыкавэ́ла саро́, и яг спробинэла кажно буты́, сави́ ёй исын.

Apostolengiri Butý 16:16

Екхвар, ке́ли амэ гиям тэ мангаспэ Дэвлэ́скэ, пир дром амэ́нгэ стрэниндяпэ джувлы́-писхарица, савьятэ сыс човахано ду́хо (фа́но) тэ ракирэ́л анги́л, со явэ́ла, ёй пэ́скирэ ангилпхэныбнаса янэлас пэ́скирэ хулангэ барэ́ ловэ́.

Матфеё 10:15

Чачэс, Мэ ракира́ва тумэ́нгэ: локхэды́р явэ́ла манушэ́нгэ Содомостыр и Гомора́тыр дро дывэ́с, ке́ли Дэвэ́л явэ́ла тэ сэндинэл, сыр кадалэ́ фороскэ.

Joannostir 12:48

Одова́, кон Ман на приґалёла и на камэ́ла тэ прилэл Миро Лав, пэ дасавэстэ исын сэнда́ри: Лав, саво́ Мэ ракирдём, ёв явэ́ла тэ сэндинэл лэс дро палатуно́ (последнё) дывэ́с.

Юдэ́нгэ 10:37

Пал-дова́ со сарэ́са на́бут яця́пэ тэ ужакирас, и Одова́, Кон джа́ла, на зарикирэлапэ.

Юдэ́нгэ 13:22

Мэ древа́н манга́ва тумэн, пшала́лэ, тэ прилэ́н миро лав сыр подрикирибэ́н, мэ на́бут и чхиндём тумэ́нгэ.