Юдэ́нгэ 10:20 - Библия - Пэ Балтитко Романи чиб (Романэс) 2019

²⁰ Ёв дыя́ зор амэ́нгэ тэ проджас пир шы́рма нэвонэ́ и джидэ́ дромэ́са, саво́ исын пир Лэ́скири лоч (плоть);

Biblija - Pe Baltitko Romani čib (Romanes) 2019

²⁰ Jov dyjá zor aménge te prodžas pir šýrma nevoné i džidé dromésa, savó isyn pir Léskiri loč (plot');

Юдэ́нгэ 10:20 Referans Kwoze

Joannostir 14:6

Ису́со пхэндя́ лэ́скэ: “Мэ сом дром и чачипэ́н и джиибэ́н; нико́н на явэ́ла кэ Дад, сыр екх пир Ма́ндэ.

Joannostir 10:9

Мэ сом дасаво вуда́р: кон заджа́ла пир Ма́ндэ, одова́ явэ́ла зракхно, ёв заджа́ла пир вуда́р и выджа́ла, и латхэ́ла лачхо́ чараибэн.

Юдэ́нгэ 9:3

Пал яви́р шы́рма сыс яви́р паш дрэ Свэ́нто Ша́тра, дава́ штэ́то кхардяпэ Най Свэнтэдыр Штэ́то.

Юдэ́нгэ 9:8

Свэ́нто Ду́хо (Фа́но) сыкавэ́ла далэ́са, со пака исын пэ́рво Свэ́нто Ша́тра, дром нанэ отчхакирдо дро Най Свэнтэдыр Штэ́то;

Юдэ́нгэ 6:19

Кадая́ наде́я подрикирэ́ла амаро́ ило́ дрэ зор бидаракирэс и исын сы́рбы якрё ваш ди, саво́ рикирэ́ла амэн, и ёй заджа́ла дро най свэнтэдыр штэ́то пал шы́рма, дро Болыбна́скиро Раё,

Joannostir 10:7

И Ису́со нэвэ́стыр пхэндя́ лэ́нгэ: “Чачэс, чачэс Мэ ракира́ва тумэ́нгэ, со Мэ сом вуда́р ваш бакрэнгэ.

1 Ian 4:2

Тумэ́ уджинэна Дэвлэ́скиро ду́хо (фа́но) адя́кэ: кажно ду́хо (фа́но), саво́ приґалёла Исусо́с Христосо́с, со Ёв явдя́ дро манушы́тко лоч (плоть), исын Дэвлэ́стыр;

1 Petr 3:18

пал-дова́ со и Христо́со, соб (кай) тэ янэл амэн кэ Дэвэ́л, е́кхвар мыя́ пал амарэ́ грэ́хи, чачуно́ пал начачунэндэ, Лэ́скирэ Маса́ сыс отдынэ́ пэ мэрибэ́н, а Лэ́скиро Ду́хо (Фа́но) сыс рискирдо кэ джиибэ́н;

1 Ximaske 3:16

И сарэ́ приґалынэ, со баро́ гарадо́ чачипэ́н исын дро амаро́ дэвлыткимакиро патяибэ́н: Дэвэ́л явдя́ дрэ манушы́тко лоч (плоть), Ду́хо (Фа́но) приґалыя Лэс чачунэса, сыкадя́ Пэс Янголэнгэ, пал Лэ́стэ роспхэндлэ́ машки́р сарэ́ манушэ́ндэ, дрэ Лэ́стэ упатяндыя свэ́то и Ёв сыс лыно́ упрэ́ дрэ сла́ва пэ болыбэ́н.

Luka 23:45

Кхам яця́ цямло и шы́рма дрэ Кхангири́ роскусцяпэ дро машкира́л.

Marko 15:38

Шы́рма дрэ Кхангири́ розрискирдяпэ самонэ упралэстыр кэ пхув.

Матфеё 27:51

И, акэ, шы́рма дрэ Кхангири́ роскусцяпэ пэ дуй паша́, упралэстыр кэ пхув; и пхув триинскирдяпэ, и барунэ́ бэ́рги пхарадынэ;

Левито 16:2

и пхэндя́ Рай Дэвэ́л Мойза́скэ: “Пхэн Аароно́скэ, тырэ́ пшалэ́скэ, соб (кай) ёв на дро кажно часо тэ заджа́л пэ свэ́нто штэ́то пал полого анги́л дэнко (крышка), со исын пэ ковчэго (мохто́), соб (кай) лэ́скэ тэ на мэрэ́л, пал дова́ со пэ дэнко Мэ ява́ва тэ явав дро о́блоко.

2 Ian 1:7

Пал-дова́ со бут хохаибнарья загинэ́ дро свэ́то, савэ́ на приґалёна, со Ису́со Христо́со явдя́ дро манушы́тко лоч. Кадасаво́ ману́ш исын хохаибнари и вэ́рго (врого) Христосо́скэ.

Эфесянэнгэ 2:15

И Ёв Пэ́скирэ мэрибнаса пэ трушу́л парудя Законо́скирэ упхэныбэна́ сыклякирибнаса ваш дова́, соб (кай) дуендыр тэ кэрэ́л дрэ Кокорэ́ Пэ́стэ екхэ нэвонэ́ манушэ́с, и далэ́са тэ янэл манушэ́нгэ рама́нё (миро),

Левито 21:23

нэ кэ полого ёв нашты́ тэ явэ́л, и кэ алта́рё нашты́ лэ́скэ тэ подджа́л, пал-дова́ со наухтылыбэн исын пэ лэ́стэ: ёв нашты́ тэ тэлякирэл Миро свэ́нто штэ́то, пал-дова́ со Мэ сом Рай Дэвэ́л, Саво́ свэнцякирэла лэн.”

Левито 16:15

Тэ́ньци ёв зачхинэла бузнэ́с (козлос) дро свэ́нто дыибэ́н пал манушэ́нгиро грэ́хо, и лыджа́ла андрэ́ лэ́скиро рат пал полого, и кэрэ́ла дова́-паць лэ́скирэ ратэ́са, со кэрдя́ гуруворэскирэ ратэ́са, и чхувэ́ла лэ́са пэ дэнко и анги́л дэнко,