Юдэ́нгэ 10:11 - Библия - Пэ Балтитко Романи чиб (Романэс) 2019

¹¹ И кажно (сва́ко) раша́й дывэ́с дро дывэ́с кэрэ́ла Дэвлэ́скири буты́ и янэ́ла бут мо́лы одолэ́-паць свэ́нта дыибэна́, савэ́ ние́кхвар на могинэ́на тэ злэн грэ́хи,

Biblija - Pe Baltitko Romani čib (Romanes) 2019

¹¹ I kažno (sváko) rašáj dyvés dro dyvés keréla Devléskiri butý i janéla but móly odolé-pac' svénta dyibená, savé nijékhvar na moginéna te zlen gréhi,

Юдэ́нгэ 10:11 Referans Kwoze

Юдэ́нгэ 10:4

Пал-дова́ со нашты́, соб (кай) целянтэнгиро и бузнэнгиро (козлэнгиро) рат тэ отмэкэ́л грэ́хо манушэ́стыр.

Юдэ́нгэ 5:1

Пал-дова́ со кажно англатуно́ раша́й лэ́лапэ манушэ́ндыр и чхувэ́лапэ ваш манушэ́нгэ, соб (кай) тэ дынаринэ́л Дэвлэ́скэ: тэ янэл свэ́нто дыибэ́н и да́ры пэ алта́рё ваш грэхэнгиро отмэкибэн;

Čysly 28:3

И пхэн лэ́нгэ: “Дава́ исын свэ́нто яныбэ́н ваш яг, сави́ тумэ́ сан бангэ́ тэ янэ́н Ра́скэ Дэвлэ́скэ: дуй бакрэ́ екхэ-бэршы́тка би дошакирэ пэ дывэ́с, дро цэ́ло схачкирибэ́н кажно дывэ́с.

Юдэ́нгэ 7:27

Лэ́скэ на трэй тэ янэл свэ́нто дыибэ́н кажно дывэ́с, сыр яви́р рашая́ кэрэ́на адя́кэ, савэ́ ґарэдыр янэ́нас свэ́нта дыибэна́ пал пэ́скирэ грэ́хи, и палэ пал манушэ́нгирэ грэ́хи. Христо́со кэрдя́ дава́ е́кхвар, ке́ли отдыя́ Кокоро́ Пэс сыр свэ́нто дыибэ́н пал амарэ́ грэ́хи.

Isajos 1:11

“Пэ со трэй Ма́нгэ бут тумарэ́ свэ́нта дыибэна́? – ракирэ́ла Рай Дэвэ́л, – Мэ чалыём бакрэ́нгирэ хачкирибнаса, чалыём тхулыпнастыр, Мэ на кама́м буты́р гуруворэнгиро, бакрорэнгиро и бузнэнгиро рат.

Юдэ́нгэ 10:1

Юдэ́нгиро Зако́но исын сы́рбы зэр (тенё) пал дова́ чачипэ́н, саво́ явэ́ла анги́л, дава́ нанэ кокори патри́н (о́бразо). Палдова́ со Зако́но кокоро́ на кэрэ́ла манушэ́н бидошакирэнца, савэ́ явэ́на тэ мангэ́нпэ Дэвлэ́скэ, ке́ли ёнэ со бэрш янэ́на дасавэ́-паць свэ́нта дыибэна́ пэ алта́рё.

Дание́лё 12:11

Кодолэ́ часостыр, сыр пириячэна кажнонэ́-дывэсытка свэ́нта дыибэна́, и сыр явэ́ла чхудо джунгалыпэ́н чхучипнаскиро, проджа́ла (накхэла) тысёнцо тэ дуйшэла́ енядэша дывэса́.

Дание́лё 11:31

И халадыбэна, со ёв бичхавэ́ла, магирэна Свэ́нто Штэ́то дрэ Кхангири́ и тва́рдыма, и тэрдякирэна кажнонэ́-дывэсытка свэ́нта дыибэна́ (жэртвы), и янэ́на далэ́са джунгалыпэ́н чхучипнастыр (пустотатыр).

Дание́лё 9:27

Тэ́ньци ёв чхувэ́ла зор пэ завето ваш бутэнгэ пэ екх эфтытко, и дрэ паш эфтытко пириячэлапэ свэ́нто яныбэ́н, и маруно́ свэ́нто дыибэ́н, и пэ пхак (крыло) свэнтонэ́ штэтоскиро явэ́ла чхучакирдо джунгалыпэ́н (брыткима) и анги́л дова́, сыр сыкадыно хасибэ́н пэрэ́ла пэ чхучибнаристэ (спустошытелёстэ).”

Дание́лё 9:21

ке́ли ишчо (инкэ́) мэ ракиравас па́тери (моли́тва), о мурш Габриэлё, савэ́с мэ дыкха́вас дро са́мо англыпэ́н дро дыкхибэ́н, сыго приурняндыя, чиладя́ ман, ке́ли сыс пашы́л часо ваш бэльвэлякиро свэ́нто дыибэ́н,

Дание́лё 8:11

и ґаздыя́пэ, хачи, пэ Тхагаристэ [Князёстэ-ю.о.] пэ дава́ болыбнытко халадыбэ́н, и отлыно сыс Лэ́стыр свэ́нто яныбэ́н пэ кажно дывэ́с, и магирдо́ сыс штэ́то, кай свэнтыма сыс Лэ́скири.

Езэкилё 45:4

Дава́ свэнтонэ́-пхувья́кири котэ́р пхув явэ́ла ваш рашангэ, свэнтонэ́-штэтоскирэ дынарье́нгэ (служытеленгэ), савэ́ лэ́на тэ кэрэ́н буты́ ваш Ра́скэ Дэвлэ́скэ, дава́ явэ́ла штэ́то ваш лэ́нгирэ кхэра́, и кай явэ́ла обсвэнцындло котэ́р ваш свэ́нто штэ́то.

Čysly 29:6

апри́ч нэвонэ́-чхонэскирэ цэ́ло схачкирибнэн и лэ́скиро марунэ яныбэ́н, и апри́ч цэ́ло схачкирибэ́н пэ кажно дывэ́с и лэ́скиро маруно́ яныбэ́н, и лэ́нгиро вычхуибэн, пир упхэныбэ́н, дро гудло́ тхув, лачхо́ Ра́скэ-Дэвлэ́скэ.

Čysly 28:24

Адя́кэ янэ́н и дро кажно эфта́ дывэсэ́ндыр, дава́ исын маро́, свэ́нто дыибэ́н, гудло́ тхув, лачхо́ Ра́скэ-Дэвлэ́скэ; апри́ч кажнонэ́-дывэсэскиро цэ́ло схачкирибэ́н и лэ́скирэ вычхуибнастыр, трэй тэ янэ́н дава́.

Vygiiben 29:36

И гуруво́рэс пал грэ́хо ян кажно дывэ́с ваш лэ́скиро жужакирибэн, и свэ́нто дыибэ́н (жэ́ртва) пал грэ́хо, соб (кай) тэ жужакирэл алта́рё и помакх лэс ваш лэ́скиро обсвэнцыныбэн;

Mihiejo 6:6

Со́са тэ явав ма́нгэ анги́л Растэ-Дэвлэ́стэ, и сыр ма́нгэ тэ бандякирав шэро́ анги́л Болыбна́скирэ Дэвлэ́стэ? Ци тэ явав ма́нгэ анги́л Лэ́стэ хачкирибнаскирэ свэнтонэ́ дыибнэнца? Ци екхэ-бэршэскирэ целянтэнца?

Юдэ́нгэ 8:2

Ёв исын Раша́й пэ Свэ́нто Штэ́то, сави́ исын чачуны́ ша́тра тэ мангэ́нпэ Дэвлэ́скэ, сави́ счхудя кхэтанэ́ Дэвэ́л, а на мануша́.

Юдэ́нгэ 8:4

Ко́ли Христо́со тэ ячэласпэ тэ дживэ́л пэ пхув, Ёв на явэ́лас Раша́са, пал-дова́ со исын ада́й кадасавэ́ рашая́, савэ́ ишчо (инкэ́) янэ́на свэ́нта дыибэна́ пир Мойза́скиро Зако́но;