Юдэ́нгэ 10:10 - Библия - Пэ Балтитко Романи чиб (Романэс) 2019

¹⁰ и пир Дэвлэ́скири во́ля амэ сам свэнцындлэ Исусо́скирэ Христосо́скирэ мэнькэндыр дрэ маса́, савэ́ сыс яндлэ́ сыр да́ро е́кхвар, пал сарэ́ндэ.

Biblija - Pe Baltitko Romani čib (Romanes) 2019

¹⁰ i pir Devléskiri vólia ame sam svencyndle Isusóskire Xristosóskire men'kendyr dre masá, savé sys jandlé syr dáro jékhvar, pal sarénde.

Юдэ́нгэ 10:10 Referans Kwoze

Юдэ́нгэ 10:14

Пал-дова́ со Ёв екхэ свэнтонэ́ яныбнаса кэрдя́ бидошакирэнца пэ саро́ часо одолэ́н, савэ́ исын выжужакирдэ грэхэ́ндыр.

Юдэ́нгэ 10:12

а Ёв, Христо́со, отдыя́ Пэс е́кхвар дро свэ́нто дыибэ́н пал грэ́хи и бэсця́ пэ саро́ часо пир чачи́ (право) риг Дэвлэ́стыр,

1 Коринфянэнгэ 6:11

Вари-савэ́ тумэ́ндыр са́нас адасавэ́. Нэ тумэ́ сан обмордэ, освэнцындлэ, нэ тумэ́ сан приджиндлэ сыр чачунэ́ амарэ́ Ра́скирэ-Дэвлэ́скирэ лавэ́са, Исусо́скирэ Христососкирэса и амарэ́ Дэвлэ́скирэ Духо́са.

Юдэ́нгэ 7:27

Лэ́скэ на трэй тэ янэл свэ́нто дыибэ́н кажно дывэ́с, сыр яви́р рашая́ кэрэ́на адя́кэ, савэ́ ґарэдыр янэ́нас свэ́нта дыибэна́ пал пэ́скирэ грэ́хи, и палэ пал манушэ́нгирэ грэ́хи. Христо́со кэрдя́ дава́ е́кхвар, ке́ли отдыя́ Кокоро́ Пэс сыр свэ́нто дыибэ́н пал амарэ́ грэ́хи.

Joannostir 17:19

Мэ отдыём пэс Ту́кэ пал лэ́ндэ, соб (кай) и ёнэ тэ отдэ́н пэс Ту́кэ пир чачипэ́н.

Юдэ́нгэ 13:12

палдава́ и Ису́со, соб (кай) тэ свэнцынэл манушэ́н грэхэ́ндыр Пэ́скирэ ратэ́са, мэнчындяпэ пэ мэрибэ́н пал фо́ро:

1 Коринфянэнгэ 1:30

Нэ адава́ Дэвэ́л чхудя́ тумэн дро кхэтаныпэн Исусо́са Христосо́са амарэса и Ёв кэрдя́ Христосо́с сыр амаро́ годыпэ́н, чачипэ́н; пал Лэ́стэ амэ яця́м Дэвлэ́скирэ свэнтонэ́ и вольнонэ манушэ́нца,

Юдэ́нгэ 9:28

адя́кэ-паць и Христо́со сыс е́кхвар яндло сыр свэ́нто дыибэ́н пал бутэ́-манушэ́нгирэ грэ́хи. Нэ Ёв явэ́ла яви́р мо́ло кэ одолэ́, савэ́ древа́н ужакирэ́на Лэс тэ зракхэ́л лэн, нэ на ваш дова́, соб (кай) тэ отмэкэ́л грэ́хи.

Юдэ́нгэ 9:12

и на бузнэ́нгирэ (козлэнгирэ) и целянтэ́нгирэ ратэ́са, а Пэ́скирэ ратэ́са Ёв загия́ е́кхвар дро Най Свэнтэдыр Штэ́то, и дорэсця́ ве́чно выкиныбэ́н пал амарэ́ грэ́хи.

1 Petr 2:24

Христо́со Кокоро́ Пэ́скирэ Масэнца ґаздыя́ амарэ́ грэ́хи пэ трушу́л, соб (кай) амэ тэ явас мулэ́ ваш грэ́хо и тэ джива́с пир чачипэ́н: Лэ́скирэ фра́нсы (раны) высастякирдэ тумэн.

Юдэ́нгэ 10:20

Ёв дыя́ зор амэ́нгэ тэ проджас пир шы́рма нэвонэ́ и джидэ́ дромэ́са, саво́ исын пир Лэ́скири лоч (плоть);

Заха́рия 13:1

Дро дова́ дывэ́с псиравэлапэ (откэрэлапэ) ґанынгори ваш Давидо́скиро кхэр и Ерусалимо́скирэ манушэ́нгэ, соб (кай) тэ выморэн (тэ халавэн криг) лэ́ндыр грэ́хо и кажно мэлалыпэн.

Юдэ́нгэ 9:26

тэды Христосо́скэ трэиндя́ тэ мэнчынэлпэ кажно мо́ло, сыр свэ́то сыс создыно́. Нэ какана́, е́кхвар пэ векоскиро ко́нцо (яго́ро), Ёв сыкадя́ Пэс и отдыя́ Пэс сыр свэ́нто дыибэ́н, соб (кай) тэ отпарувэл грэ́хи.

Юдэ́нгэ 2:14

Пал-дова́, со сыр сарэ́-манушэ́нгирэ чхавэ́ндэ исын рат и лоч (плоть), адя́кэ-паць и Ёв прилыя́ саро́, сыр ману́ш, ке́ли бия́ндыя, соб (кай) пир Пэ́скиро мэрибэ́н Ёв могиндя́ тэ хасякирэ́л налачхэскири зор пэ мэрибэ́н;

1 Ian 5:6

Дава́ исын Ёв, Ису́со Христо́со, Саво́ явдя́ пане́са, ке́ли Ёв болдяпэ: и ратэ́са, ке́ли Ёв мыя́. Ёв явдя́ на фэ́ни (то́ка) пане́са, нэ пане́са и ратэ́са. И Ду́хо (Фа́но) Кокоро́ допхэнэ́ла пал дава́, пал-дова́ со Ду́хо (Фа́но) исын чачипэ́н.

Joannostir 19:34

а екх халадэндыр пхусадя чхурдыпнытконэ бустяса (коп΄ёса) Лэ́скэ дро пашваро, и ада́й жэ тхадыя рат и пани́.

Юдэ́нгэ 2:11

Пал-дова́ со Одова́, Кон отмэкэ́ла манушэ́нгирэ грэ́хи, и одолэ́, савэ́нгэ Ёв отмэкця́ грэ́хи, сарэ́ исын Дадэ́скирэ чхавэ́, палдава́ Исусо́скэ нанэ ладжаво тэ кхарэл лэн пшалэ́нца;

Юдэ́нгэ 10:5

Палдава́, ке́ли Христо́со явдя́ пэ свэ́то, Ёв пхэндя́ Дэвлэ́скэ: “Ту́кэ исын на пир ило́ ни да́ры, ни свэ́нта дыибэна́; нэ Ту приготовиндян маса́ (лоч) ваш Ма́нгэ.

Joannostir 6:51

Мэ сом джидо́ маро́, саво́ явдя́ болыбна́стыр; кон явэ́ла тэ хал Миро маро́, одолэ́ манушэ́скэ дэ́лапэ ве́чно джиибэ́н; маро́, саво́ Мэ да́ва, исын Мири́ лоч (маса́), савэ́ Мэ отда́ва, соб (кай) свэ́то тэ дживэ́л.”

Эфесянэнгэ 5:2

дживэ́н дрэ паты́в кэ яви́р мануша́, сыр и Христо́со сыкадя́ паты́в амэ́нгэ и отдыя́ Пэс пал амэ́ндэ, сыр гудло́ кхандыпэн и свэ́нто дыибэ́н, саво́ исын лачхо́ Дэвлэ́скэ.

Эфесянэнгэ 5:26

соб (кай) тэ кэрэ́л Кхангири́ свэнтонаса, тэ выжужакирэл ла пане́са и Дэвлэ́скирэ лавэ́са,

Юдэ́нгэ 5:7

Ке́ли Христо́со дживдя́ пэ пхув, Ёв барэ́ годла́са и ясвэ́нца мангдя́ и мангдя́пэ Дэвлэ́скэ, Кон могиндя́ тэ зракхэ́л Лэс мэрибна́стыр. Дэвэ́л шундя́ Лэс пал Лэ́скири дар анги́л Лэ́стэ;

Юдэ́нгэ 9:14

то ци пэ бут бутэды́р выжужакирэ́ла амэн Христосо́скиро рат, Саво́ пир ве́чно Ду́хо (Фа́но) яндя́ Пэс бидоша́кирэс, соб (кай) тэ выжужакирэл амари́ паты́в мулэ́ рэндэ́ндыр тэ дынарина́с джидэ́ Дэвлэ́скэ?

Юдэ́нгэ 10:29

то, сыр тумэ́ думинэ́на, ци пэ бут пхарэдыр явэ́ла ка́ра пэ одолэ́ манушэ́стэ, саво́ сы́рбы штакирэла ґэрэ́нца Дэвлэ́скирэ Чхавэ́с и на гинэ́ла пал свэ́нто завето́скиро рат, савэ́са ёнэ кокоро́ сыс свэнцындло, и ракирэ́ла налачхэ́ лава́ пэ Ду́хо (Фа́но), Савэ́стыр амэ лыям бахталыпэ́н?

1 Petr 3:18

пал-дова́ со и Христо́со, соб (кай) тэ янэл амэн кэ Дэвэ́л, е́кхвар мыя́ пал амарэ́ грэ́хи, чачуно́ пал начачунэндэ, Лэ́скирэ Маса́ сыс отдынэ́ пэ мэрибэ́н, а Лэ́скиро Ду́хо (Фа́но) сыс рискирдо кэ джиибэ́н;