Юдэ́нгэ 1:7 - Библия - Пэ Балтитко Романи чиб (Романэс) 2019

⁷ Пал Янголэндэ Ёв ракирэ́ла: “Ёв кэрдя́ Пэ́скирэ Янголэн тэ явэ́н сыр балва́л и Пэ́скирэ дэвлытконэ́ дынарье́н (слугэн) тэ явэ́н сыр яг, со хачола”,

Biblija - Pe Baltitko Romani čib (Romanes) 2019

⁷ Pal Jangolende Jov rakiréla: “Jov kerdiá Péskire Jangolen te javén syr balvál i Péskire devlytkoné dynar'jén (slugen) te javén syr jag, so xačola”,

Юдэ́нгэ 1:7 Referans Kwoze

Psalmy 104:4

Ту создыян Тырэ́ Янголэн духэ́ндыр, Ту создыян Пэ́скэ бутярнэн ягакирэ чибэндыр.

Юдэ́нгэ 1:14

Ци ёнэ исын на сарэ́ ду́хи, кадалэ́ Янго́лы, савэ́ дынаринэна (служынэна) одолэ́нгэ, кон дорэсэ́ла пэ́скири паш дро зракхибэ́н.

4 Kralip 6:17

И мангдя́пэ Елисе́ё, и ракирдя́: “Раё Дэ́вла! Отчхакир лэ́скэ якха́, соб (кай) ёв тэ дыкхэ́л.” И отчхакирдя́ Рай Дэвэ́л якха́ дынари́скэ, и ёв дыкхця́, и ґа́да, сари́ бэ́рга исын пхэрды́ грэнца и марибнытконэ́ вурдынэнца дрэ яг трусця́л Елисеёстэ.

4 Kralip 2:11

Ке́ли ёнэ гинэ́ и дромэ́са ракирдэ́, вари-каты́р лыяпэ марибны́тко вурдэ́н, саво́ хачолас яга́са и грая, савэ́ хачонас яга́са, и разлучындлэ лэн дуе́н, и ґаздыя́пэ Или́я дрэ вихро (рискирибнаскири балва́л) пэ болыбэ́н.

Заха́рия 6:5

И отпхэнэ́лас Янго́ло и пхэндя́ ма́нгэ: “Дава́ исын штар болыпнаскирэ ду́хи, савэ́ исын отпхэныбнаскирэ анги́л Растэ-Дэвлэ́стэ сарэ́ пхувьякирэстэ.

Дание́лё 7:10

Ягитко рэка (лэнь) выджа́лас и джа́лас пашы́л Лэ́стэ; тысёнцы тысёнцэндыр дынариндлэ́ Лэ́скэ, и тысёнцо кэ барэ́ шэла́ тысёнцы анги́л Лэ́стэ, сэнда́рья бэшнэ́, и роскэрдэпэ лылваря (книги).

Isajos 6:2

Пашы́л Лэ́стэ сыс тэрдэ́ серафимы: кажнонэ́стэ лэ́ндыр сыс шов пхака́ (крылы); дуе пхакэнца кажно закэрэлас пэ́скиро муй, ишчо (инкэ́) дуе пхакэнца закэрэлас пэ́скирэ ґэра́, а дуе пхакэнца вурнялас.

Džiibén 3:24

И Ёв традыя́ Адамос криг, и пэ васто́ко пашы́л Эдэмоскирэ у́нта чхудя́ херувимос куртала́са (мечоса), сави́ хачола яга́са, соб (кай) кэ джиибнытко кашт тэ ракхэ́л дром.

3 Kralip 22:19

И пхэндя́ Михе́ё: “Пал-дова́ шун лав Ра́стыр-Дэвлэ́стыр: мэ дыкхцём Рас-Дэвлэ́с, Саво́ сыс бэшто́ пал Лэ́скиро троно, и сарэ́ янголы и ду́хи болыбна́скирэ сыр халадыпэн сыс тэрдэ́ пашы́л Лэ́стэ, пир чачи́ и пир зэ́рво (ле́во) васт Лэ́стыр.