Vygiiben 9:25 - Библия - Пэ Балтитко Романи чиб (Романэс) 2019

²⁵ И вымардя градо саро́ пир Египто́скири пхув, со сыс дрэ фэ́лда, манушэ́стыр кэ кхэри́тка мурдала́, и сари́ чар фэлдытко вымардя градо, и саро́ вэш пэ фэ́лда выпхагирдя.

Biblija - Pe Baltitko Romani čib (Romanes) 2019

²⁵ I vymardia grado saró pir Jegiptóskiri phuv, so sys dre félda, manušéstyr ke kherítka murdalá, i sarí čar feldytko vymardia grado, i saró veš pe félda vyphagirdia.

Vygiiben 9:25 Referans Kwoze

Psalmy 78:47

Ёв хасякирдя́ лэ́нгирэ винаграды (дракха́) ґрадоса и лэ́нгирэ сикаморытка дрэвы мразоса.

Vygiiben 9:19

и адя́кэ бичха́в тэ скэдэ́н тырэ́ ста́ды и саро́, со исын ту́тэ пэ фэ́лда: пэ сарэ́ манушэ́ндэ и кхэритконэ́ мурдалэ́ндэ, савэ́ ячэ́напэ пэ фэ́лда и на скэдэ́напэ дрэ кхэра́, пэрэ́ла градо, и ёнэ мэрэ́на.’”

Vygiiben 9:24

и сыс градо и яг машкира́л градо, древа́н зорало́ градо, саво́ на сыс пир сари́ Египто́скири пхув долэ́ часостыр, сыр яця́ джиибэ́н пэ ла́тэ.

Psalmy 78:48

Ёв отдыя́ лэ́нгирэ мурдалэ́н тэл ґрадо и лэ́нгирэ ґурты тэл барэ́ блискави́цы

Езэкилё 13:13

Палдава́ адя́кэ ракирэ́ла Рай Дэвэ́л, Дэвэ́л: “Мэкава Мэ рискирибнаскири балва́л дро Миро холякирибэ́н, явэ́ла зорало́ брышы́нд дрэ Миро холямипэн, и пэрэ́на бара́ градостыр дрэ Мири́ бари холы́ тэ хасякирэ́л дава́.

Vygiiben 9:6

И кэрдя́ дава́ Рай Дэвэ́л пэ яви́р дывэ́с, и вымынэ сарэ́ Египто́скирэ кхэри́тка мурдала́; Израилёскирэ-чхавэ́нгирэ кхэритконэ́ мурдалэ́ндыр (ското́стыр) ние́кх на мулыя.

Isúso 10:11

Ке́ли ёнэ нашнэ́ Израильтянэндыр пир Вефоронсконэ-бэрга́киро змэкибэн, то Рай Дэвэ́л чхурдыя́ пэ лэ́ндэ болыбна́стыр барэ́ бара́ аж кэ Азеко, и ёнэ помынэ; буты́р сыс одолэ́ндыр, савэ́ мынэ́ барэнгирэ чхуибнастыр, сыр кодолэндыр, савэ́н мулякирдэ́ Израилёскирэ чхавэ́ куртала́са.