Vygiiben 9:15 - Библия - Пэ Балтитко Романи чиб (Романэс) 2019

¹⁵ адя́кэ, сыр Мэ тэ чхував Миро васт, тэды тэ насвалякирав тут и тырэ́ манушэ́н мэрибнытконэ франсэнца (язваса), и ту явэ́са тэ хасёс пхувья́тыр:

Biblija - Pe Baltitko Romani čib (Romanes) 2019

¹⁵ adiáke, syr Me te čhuvav Miro vast, tedy te nasvaliakirav tut i tyré manušén meribnytkone fransenca (jazvasa), i tu javésa te xasjos phuvjátyr:

Vygiiben 9:15 Referans Kwoze

Vygiiben 3:20

и Мэ ґазда́ва Миро васт, и Мэ дивакирава (здивинава) Еги́пто сарэ́ Мирэ́ дивэнца, савэ́ кэра́ва машки́р лэ́ндэ; и пало́ дава́ ёв отмэкэ́ла тумэн.

Pritčy 2:22

а фуй мануша́ явэ́на чхурдынэ́ пхувья́тыр, и напатяибнаскирэ выкушэнапэ ла́тыр сыр дылыны чар.

3 Kralip 13:34

Дава́ лыджия́ кхэр Еровоамоскиро кэ грэ́хо, и кэ хасибэ́н, и кэ цэ́ло хасибэ́н лэс пхувья́кирэ мо́стыр.

Vygiiben 14:28

И пани́ рисия́, и учхакирдя́ марибны́тка вурдэна́ и манушэ́н, савэ́ сыс уклистэ́ пэ грэ́ндэ сарэ́н фараоно́скирэ халадэ́н, савэ́ загинэ́ пал лэ́ндэ дрэ мо́рё (дэрья́в); на яця́пэ лэ́ндыр ни екхэ́с.

Vygiiben 9:16

нэ ваш дава́ Мэ тут зракхцём, соб (кай) тэ сыкавав пэ ту́тэ Мири́ зор, и, соб (кай) тэ явэ́л Миро лав выпхэндло пир сари́ пхув;

Vygiiben 9:6

И кэрдя́ дава́ Рай Дэвэ́л пэ яви́р дывэ́с, и вымынэ сарэ́ Египто́скирэ кхэри́тка мурдала́; Израилёскирэ-чхавэ́нгирэ кхэритконэ́ мурдалэ́ндыр (ското́стыр) ние́кх на мулыя.

Vygiiben 9:3

то тэды, ґа́да, Ра́скирэ-Дэвлэ́скиро васт явэ́ла пэ тырэ́ кхэритконэ́ мурдалэ́ндэ (пэ ското), саво́ исын пэ фэ́лда, пэ грэ́ндэ, пэ ослэндэ, пэ верблюдэндэ, пэ гурувэндэ и бакрэндэ; явэ́ла дукх кэ мэрибэ́н древа́н пхари́;

Vygiiben 9:14

пал-дова́ со дава́ мо́ло Мэ бичхава́ва сарэ́ Мирэ́ мэрибнытка фра́нсы (язвы) дро тыро́ ило́, и пэ тырэ́ дынарьендэ, и пэ тырэ́ манушэ́ндэ, соб (кай) ту тэ джинэ́с, со нанэ адасавэс, сыр Мэ сом, пир сари́ пхув;

4 Kralip 17:36

Нэ Рас-Дэвлэ́с, Саво́ вылыджия́ тумэн Египто́скирэ пхувья́тыр барэ́ зорья́са барьяса и протырдынэ вастэ́са, – Лэ́скэ дэн паты́в, и Лэ́скэ мангэ́нпэ, и Лэ́скэ янэ́н свэ́нта дыибэ́н.

2 Kralip 7:23

И кон исын равно Дырэ манушэ́нгэ Израилёскэ, екхэ манушэ́нгэ пэ пхув, ваш савэ́нгэ явдя́ Рай Дэвэ́л, соб (кай) тэ зракхэ́л лэс Пэ́скэ дрэ манушэ́ндэ, и тэ прославинэл Пэ́скиро лав, и тэ кэрэ́л баро́ и дарано анги́л Тырэ́ манушэ́ндэ, савэ́н Ту лыян Пэ́скэ Египтянэндыр, традыян криг манушэ́н и лэ́нгирэ дэвлорэ́?

4 Kralip 19:35

И акэ, со кэрдя́пэ дрэ дая́ рат: гия́ Янго́ло Ра́скирэ-Дэвлэ́скиро и мулякирдя́ дрэ Асирия́киро халадыбэ́н шэл охтодэша́ пандж тысёнцы манушэ́н. И уштынэ́ ёнэ пэ зло́ко (пэ ра́нко), и ґа́да, сыс сарэ́ тру́пы.