Vygiiben 8:26 - Библия - Пэ Балтитко Романи чиб (Романэс) 2019

²⁶ Нэ Мо́йза пхэндя́: “Нашты́ дава́ тэ кэрэ́с, пал-дова́ со джунгало́ (брытко) исын ваш Египтянэнгэ амаро́ яныбэ́н амарэ́ Ра́скэ-Дэвлэ́скэ; ко́ли амэ ла́са тэ янас свэ́нто дыибэ́н (жэ́ртва), со исын джунгало́ ваш Египтянэнгэ дрэ лэ́нгирэ якха́, тэды ци на домарэна ёнэ амэн барэ́нца?

Biblija - Pe Baltitko Romani čib (Romanes) 2019

²⁶ Ne Mójza phendiá: “Naštý davá te kerés, pal-dová so džungaló (brytko) isyn vaš Jegiptianenge amaró janybén amaré Ráske-Devléske; kóli ame lása te janas svénto dyibén (žértva), so isyn džungaló vaš Jegiptianenge dre léngire jakhá, tedy ci na domarena jone amen barénca?

Vygiiben 8:26 Referans Kwoze

Džiibén 46:34

то тумэ́ пхэнэ́н: ‘Амэ, тырэ́ писха́рья сам тэрнэ́ бэршэ́ндыр и кэ (жы́ко) дава́ часо, дыкхасас амэ пал кхэритконэ́ мурдалэ́ндэ, и амэ, и амарэ́ дада́, соб (кай) тумэ́ тэ мэкэ́н тэ дживэ́н пэ Гесемоскири пхув.” Пал-дова́ со ваш Египтянэнгэ исын магирипэ́н кажно ману́ш, саво́ сыс чхупна́ри (пастухо) бакрэнгиро.

Džiibén 43:32

И подынэ лэ́скэ лэ́скиро, и лэ́нгэ лэ́нгиро, и Египтянэнгэ, савэ́ ханэ́ лэ́са, хабэ́н фэ́ни (то́ка) ваш лэ́нгэ: пал-дова́ со Египтянэнгэ нашты́ (на могинэ́нас) тэ хан Юдэнца, пал-дова́ со дава́ исын магирипэ́н ваш Египтянэнгэ.

Isajos 44:19

И на прилэ́ла ману́ш кэ ило́, и нанэ лэ́стэ годы́, соб (кай) тэ пхэнэ́л: “Мэ схачкирдём кашт пэ яг и пэ вангара пэкцём маро́, кэрадём мас ци трэй ма́нгэ тэ кэра́в налачхипэн каштэ́стыр, со яця́пэ? Ци трэй тэ мангавпэ каштэскэ?”

Е́здра 9:1

Акана́, ке́ли сарэ́ далэ́ рэ́нды сыс кэрдэ́, явнэ́ кэ мэ, кэ Е́здра, э лыджаибна́скирэ (шэрэ́ мануша́), пхэны: “Израилёскирэ мануша́, и рашая́, и Леви́ты, на мэкнэ́ пэ́скирэ Наюдытконэ́ манушэ́н кхэтанэ́ лэ́нгирэ джунгалыпнаса (брыткимаса): Хананее́ндыр Хетеендыр, Ферезеендыр, Евусее́ндыр, Амонитянэндыр, Моавитянэндыр, Египтянэндыр и Аморее́ндыр.

4 Kralip 23:13

И вучипэна́, савэ́ сыс анги́л Ерусалимо, пэ чачи́ риг Оливитконэ бэрга́тыр, савэ́ кэрдя́ Соломо́но, Израилёскиро кра́ли Астартакэ, джунгалыпэ́н Сидоноскиро, и Хамососкэ, джунгалыпэ́н Моавитоскиро, и Милхомоскэ, джунгалыпэ́н Амонитоскиро, магирдя кра́ли.

Vygiiben 3:18

И ёнэ явэ́на пэ шунэ́н зан тыри́, и джа́са ту и Израилёскирэ пхурыдыра́ кэ Египто́скиро кра́ли, и пхэнэ́на лэ́скэ: “Рай Дэвэ́л, Дэвэ́л Юдэ́нгиро, кхардя́ амэн; и адя́кэ отмэк амэн пэ чхучи́ пхув, пэ тринэ́-дывэсэнгиро дром, соб (кай) тэ янас свэ́нто дыибэ́н (жэ́ртва) Ра́скэ-Дэвлэ́скэ, амарэ́ Дэвлэ́скэ.”

Vygiiben 8:8

И кхардя́ фарао́но Мойза́с и Аароно́с и пхэндя́: “Мангэ́нпэ Ра́скэ-Дэвлэ́скэ, соб (кай) Ёв тэ отлэл жамбэн ма́ндыр и мирэ́ манушэ́ндыр, и мэ отмэка́ва Израилёскирэ манушэ́н тэ янэ́н свэ́нто дыибэ́н (жэ́ртва) Ра́скэ-Дэвлэ́скэ.”