Vygiiben 7:11 - Библия - Пэ Балтитко Романи чиб (Романэс) 2019

¹¹ И кхардя́ фарао́но магэн и джиныбнаскирэн пир чэргэня́; и адалэ́ Египто́скирэ човаханэ кэрдэ́ дова́-паць пэ́скирэ чарэнца:

Biblija - Pe Baltitko Romani čib (Romanes) 2019

¹¹ I khardiá faraóno magen i džinybnaskiren pir čergeniá; i adalé Jegiptóskire čovahane kerdé dová-pac' péskire čarenca:

Vygiiben 7:11 Referans Kwoze

Vygiiben 7:22

И Египто́скирэ човаханэ пэ́скирэ заракирибнаса кэрдэ́ дова́-паць. И яця́ пхарэдыр фараоно́скиро ило́, и ёв на кандыя́ лэн, сыр и ракирдя́ Рай Дэвэ́л.

2 Ximaske 3:8

Сыр Яниё (Ианниё) и Ямвриё (Иамвриё) сыс проти Мойзастэ, адя́кэ-паць и ёнэ исын проти чачипэ́н, набарэ́-годякирэ ёнэ исын мануша́, савэ́ рисинэ́ думэ́са пэ патяибэ́н дрэ Христосо́стэ.

Vygiiben 8:18

Адя́кэ-паць и човаханэ камлэ́ пэ́скирэ заракирибнаса тэ выкхарэн мошкэн, нэ на дынэ́ ра́да (на змогиндлэ). И сыс мошки пэ манушэ́ндэ и пэ кхэритконэ́ мурдалэ́ндэ.

Vygiiben 8:7

Дова́-паць кэрдэ́ и човаханэ (тануки) пэ́скирэ заракирибнаса и вылыджинэ́ жамбэн пэ Египто́скири пхув.

2 Фесалоникийцэнгэ 2:9

Бизаконоскиро ману́ш явэ́ла налачхэскирэ зорья́са, ёв явэ́ла тэ сыкавэ́л бари зор, и хоханэ́ знаме́нии (ґертыка́) и ди́вы,

Дание́лё 2:2

Припхэндя́ о кра́ли тэ скэдэ́н сарэ́н човаханэн, и магэн, и джиныбнаскирэн пир планеты, и Халдеен, соб (кай) ёнэ тэ роспхэнэ́н э крали́скэ лэ́скиро суно́. Ёнэ явнэ́, и тэрдинэ́ анги́л крали́стэ.

Džiibén 41:8

И сыс адя́кэ: злокоса (пэ ра́нко) пыя́ лэ́скиро ду́хо (фа́но), и бичхадя́ ёв, и кхардя́ сарэ́н Египто́скирэ магэ́н (човаханэн) и сарэ́н лэ́скирэ танукэ́н (мудрецэн), и роспхэндя́ лэ́нгэ фарао́но пэ́скиро суно́; нэ нико́н на сыс, кон бы тэ пирипхэнэл лэс фараоно́скэ.

Эфесянэнгэ 4:14

ваш дова́, соб (кай) амэ тэ на явас буты́р сыр бияторэ́ (тыкнорэ́), савэ́ кунинэнапэ и могинэ́на тэ змарэнпэ чачунэ́ дромэ́стыр манушытконэ́ мэндрипнаса и хохаибнаса;

Дание́лё 5:7

Зоралэ́с задыя годлы о кра́ли, соб (кай) тэ янэ́н калэ́-магитконэн, э Халдеен, и э драбакирибнаскирэн пэ планеты. О кра́ли лыя́ тэ ракирэ́л, и пхэндя́ годыпнаскирэнгэ дро Вавило́но: “Кон гинэ́ла, со дава́ чхиндло́ исын и пирипхэнэла ма́нгэ, кодова́ явэ́ла уридо́ дро лоло́ пхар, и сувнакуны́ зандир (цэпка) явэ́ла пэ лэ́скири мэн, и тритонэса барыдырэ́са явэ́ла ёв пэ лыджино тхэм дро кралипэ́н.”

Galatenge 3:1

Нэ, Галаты, савэ́ тумэ́ бигодякирэ сан! Кон дава́ човаханякирдя тумэн, соб (кай) тумэ́ тэ на кандэ́н патяибэ́н; анги́л жа тумарэ́ якха́ Христо́со сыс сы́рбы сыкадо примардо пэ трушу́л?

Матфеё 24:24

Пал-дова́ со явэ́на хоханэ́ христосы, хоханэ́ проро́ки и ёнэ сыкавэ́на барэ́ ґертыка́ и кэрэ́на ди́вы, соб (кай) тэ хохавэн аж кодолэ́н, савэ́н Дэвэ́л выкэдыя́, ко́ли сашты́ явэ́ла.

Дание́лё 5:11

Исын дро тыро́ кралипэ́н о мурш, савэ́стэ исын Ду́хо (Фа́но) свэнтонэ́ Дэвлэнгиро; дро дывэса́ тырэ́ дадэ́скирэ сыс латхно дрэ лэ́стэ дуд, годы́ и ґалыибэ́н, савэ́ сыс сыр дэвлы́тко годьварипэн, и о кра́ли Навуходоносо́ро, тыро́ дад, чхудя́ лэс барыдырэ́са пэ човаханэ-подпхэныбнаскирэндэ, пэ калэ́-магитконэндэ, пэ Халдеендэ, пэ човаханэндэ и пэ драбакирибнаскирэндэ пэ планеты,

Дание́лё 2:27

Дание́лё отпхэндя́ анги́л крали́стэ и ракирдя́: “Гарадо́ чачипэ́н, пал саво́ пхучэла о кра́ли, нашты́ тэ откэрэн ни годыпнаскирэ (тануки), ни човаханэ.

Sykadyipén 19:20

И рискирибна́скиро мурда́л сыс лыно́ и кхэтанэ́ лэ́са хохано́ проро́ко, саво́ кэрдя́ ди́вы анги́л лэ́стэ, савэ́нца ёв хохавэлас манушэ́н, савэ́ дорэснэ́ рискирибна́скирэ-мурдалэ́скири шпэ́ра сыр клеймо и клониндлэпэ патыва́са мурдалэ́скирэ патриня́кэ (образо́скэ). Ёнэ сыс чхурдынэ́ джидэнца дро зеро (озеро) яга́са, со хачолас дзэвэляса (сераса).

2 Ximaske 3:9

Нэ лэ́нгэ яця́пэ на́бут часо адя́кэ тэ дживэ́н, пал-дова́ со лэ́нгиро дылныпэ́н явэ́ла бицяло́ сарэ́нгэ, сыр дава́ сыс одолэ́ манушэ́нца, савэ́ сыс проти Мойзастэ: Яниёса и Ямвриёса

Vygiiben 7:12

кажно лэ́ндыр чхурдыя́ пэ́скиро дэсто́, и ёнэ кэрдэ́пэ сапэнца; нэ Аароноскиро дэсто́ проглыниндя лэ́нгирэ дэстэ́.

1 Kralip 6:2

И кхардэ́ Филистимля́ни жрецэн и зумакирибнаскирэн, и пхэндлэ́: “Со амэ́нгэ тэ кэра́с Ра́скирэ-Дэвлэ́скирэ ковчэгоса?” Подсыклякирэн амэн, сыр амэ́нгэ тэ отмэкас лэс пэ пэ́скиро штэ́то.

Дание́лё 4:6

[9] Валтасаре, шэрало́ човаханэнгиро! Мэ джино́м, со андра́л ту́тэ исын Ду́хо (Фа́но) свэнтонэ́ Дэвлэ́скиро, и нисаво́ гарадо́ чачипэ́н ваш ту́кэ исын на пхаро́; пирипхэн ма́нгэ о дыкхибэ́н мирэ́ сунэскиро, саво́ мэ дыкхцём, и лэ́скири зна́чыма.

Vygiiben 8:3

и явэ́ла – пхэрды́ (тэ кишынэл) рэка (лэнь) жамбэнца, и ёнэ выджа́на, и заджа́на дрэ тыро́ кхэр, и кай ту сан суто́, и пэ тыро́ чхуибэ́н, и дрэ тырэ́-дынарьенгирэ кхэра́, и тырэ́ манушэ́нгирэ, и дрэ тырэ́ бова, и дрэ тырэ́ хумэра (тясты),