Vygiiben 6:6 - Библия - Пэ Балтитко Романи чиб (Романэс) 2019

⁶ И адя́кэ пхэн Израилёскирэ чхавэ́нгэ: ‘Мэ сом Рай Дэвэ́л, и Мэ вылыджава тумэн Египтянэнгирэ дынарибнастыр, и вылыджава тумэн лэ́нгирэ плено́стыр, и зракха́ва тумэн протырдынэ вастэскирэ масэса и барэ́ сэндэнца;

Biblija - Pe Baltitko Romani čib (Romanes) 2019

⁶ I adiáke phen Izrailjoskire čhavénge: ‘Me som Raj Devél, i Me vylydžava tumen Jegiptianengire dynaribnastyr, i vylydžava tumen léngire plienóstyr, i zrakháva tumen protyrdyne vasteskire masesa i baré sendenca;

Vygiiben 6:6 Referans Kwoze

Яви́р Зако́но 26:8

и вылыджия́ амэн Рай Дэвэ́л Египто́стыр зоралэ́ вастэ́са и протырдынэ псикэса, барэ́ страхаса, знамение́нца (ґертыкэ́нца) и дивэнца,

1 Паралипоменоно 17:21

И кон исын яви́р, сыр Тырэ́ Израилёскирэ мануша́, е́кх мануша́ пэ пхув, кэ савэ́ сыс яви Дэвэ́л, соб (кай) тэ выракхэл лэн Пэ́скэ дрэ манушэ́ндэ, тэ кэрэ́л Пэ́скэ лав барэ́ и даранэ рэндоса – манушэ́нгирэ традыпнаса криг Тырэ́ манушэ́нгирэ мо́стыр, савэ́н Ту зракхця́н Египто́стыр.

Яви́р Зако́но 7:8

нэ палдава́, со тумэ́ сан дро́га Ра́скэ-Дэвлэ́скэ, и ваш дова́, соб (кай) Ёв тэ зракхэ́л совла́х, савья́са Ёв совлахадя́ тумарэ́ дадэ́нгэ, палдава́ вылыджия́ тумэн Рай Дэвэ́л зоралэ́ вастэ́са, и выракхця тут писхарибнаскирэ кхэрэ́стыр, фараоно́скирэ вастэ́стыр, Египто́скирэ крали́стыр.

Vygiiben 7:4

фарао́но на кандэ́ла тумэн, и Мэ чхува́ва Миро васт пэ Еги́пто, и вылыджава Мирэн халадэ́н, Мирэ́ манушэ́н, Израилёскирэ чхавэ́н, Египто́скирэ пхувья́тыр – барэ́ сэндэнца;

Ниеми́я 1:10

Ёнэ исын Тырэ́ писха́рья и народо Тыро́, саво́ Ту выкиндян Тырэ́ баря зорья́са и Тырэ́ зоралэ́ вастэ́са.

Psalmy 81:6

Ёв дыя́ дава́ сыр допхэныбэ́н ваш Ёза́скэ (Иосифоскэ), сыр Ёв выджа́лас Египто́скирэ пхувья́тыр. Мэ шундём чиб, сави́ мэ на ґалыём:

Яви́р Зако́но 15:15

ри́пир, со и ту са́нас писхариса пэ Египто́скири пхув, и зракхця́ тут Рай Дэвэ́л, тыро́ Дэвэ́л, палдава́ мэ ададывэ́с и ракира́ва дава́ ту́кэ.

Vygiiben 15:13

Ту лыджа́са Тырэ́ тангипнаса адалэн манушэ́н, савэ́н Ту зракхця́н, – пролыджаса лэн Тырэ́ зорья́са дрэ Тырэ́ свэ́нта кхэра́.

Vygiiben 3:17

И пхэндя́: “Мэ вылыджава тумэн Египто́скирэ пхарэ́ дынарибнастыр пэ пхув Хананеенгири, Хеттеенгири, Аморреенгири, Ферезеенгири, Евеенгири и Иевусеенгири, пэ пхув, кай тхадэ́ла тхуд и авги́н (мэда).”

4 Kralip 17:36

Нэ Рас-Дэвлэ́с, Саво́ вылыджия́ тумэн Египто́скирэ пхувья́тыр барэ́ зорья́са барьяса и протырдынэ вастэ́са, – Лэ́скэ дэн паты́в, и Лэ́скэ мангэ́нпэ, и Лэ́скэ янэ́н свэ́нта дыибэ́н.

Яви́р Зако́но 4:23

Ракхэ́нпэ, соб (кай) тэ на бистрэн тумэ́нгэ дыно́ завето (лав) Ра́скирэ-Дэвлэ́скиро, саво́ Ёв чхудя́ тумэ́нца, и соб (кай) тэ на кэрэ́н пэ́скэ вари-саво́ муй дрэ вари-сави́ форма, сыр припхэндя́ ту́кэ Рай Дэвэ́л, Дэвэ́л тыро́;

Isajos 9:21

Мана́сия ха́ла Ефремос, Ефре́мо ха́ла Манасияс, а кхэтанэ́ ёнэ ха́на Юдас. И на пириячэ́ла Лэ́скири холы́, и васт Лэ́скиро исын протырдыно.

Vygiiben 6:29

Рай Дэвэ́л пхэндя́ Мойза́скэ: “Мэ сом Рай Дэвэ́л! Пхэн фараоно́скэ, Египто́скирэ крали́скэ, саро́, со Мэ ту́кэ ракира́ва.”

Vygiiben 6:8

и Мэ залыджава тумэн пэ доя́ пхув, пал сави́ Мэ ґаздыём Миро васт, совлахадём тэ дав ла Авраамо́скэ, Исаако́скэ и Яково́скэ, и Мэ да́ва ла тумэ́нгэ пэ саро́ тумарэ́-родоскиро джиибэ́н. Мэ сом Рай Дэвэ́л.’”

Vygiiben 6:2

И ракирдя́ Дэвэ́л Мойза́скэ, и пхэндя́ лэ́скэ: “Мэ сом Рай Дэвэ́л.

Isajos 9:12

Сирияни вастоко́стыр, Филистимля́ни западостыр; и ёнэ явэ́на тэ хан Израилё пхэрдэ́ мо́са. И на проджа́ла ишчо (инкэ́) Лэ́скири холы́, и васт Лэ́скиро исын протырдыно.

Isajos 9:17

Палдава́ на явэ́ла тэ радынэ́лпэ Рай Дэвэ́л пал лэ́скирэ тэрнэ́ манушэ́ндэ, на потангинэла лэ́скирэ бидадэскирэн и биромэскирэн пал дова́, со сарэ́ ёнэ исын хохаибнарья и чора, ушта́ лэ́нгирэ пхэнэ́на налачхэ́ лава́. Палдава́ на проджа́ла Лэ́скири холы́ и васт Лэ́скиро исын протырдыно.

Apostolengiri Butý 13:17

Дэвэ́л Израилёскирэ манушэ́нгиро выкэдыя́ амарэ́ дадэн, Ёв кэрдя́ лэ́ндыр бари и патывалы́ нацыя, ке́ли ёнэ сыс дро Еги́пто, и Ёв барэ́-зорьякирэ вастэ́са лыджия́ лэн одолэ́ рига́тыр,

Vygiiben 1:11

И чхудэ́ пэ лэ́ндэ барыдырэ́н пэ буты́, соб (кай) тэ мэнчынэн лэн пхарэ́ бутенца. И ёнэ кэрдэ́ фараоно́скэ Пифомо и Раамсесо, фо́рья, ваш пригараибэн (запасы).

Vygiiben 2:11

Прогинэ́ бут дывэса́ и бэрша́, ке́ли Мо́йза выбария, кэрдя́пэ адя́кэ, со ёв выгия́ кэ пэ́скирэ пша́ла, Израилёскирэ чхавэ́, и дыкхця́ лэ́нгири пхари́ буты́; и дыкхця́, со Египтянино марэла екхэ Юдос, лэ́скирэ пшалэ́ндыр.

Vygiiben 12:41

Сыр прогинэ́ штаршэла́ трия́нда бэрш, дрэ дова́-паць дывэ́с выгинэ́ сарэ́ Ра́скирэ-Дэвлэ́скирэ отря́ды Египто́скирэ пхувья́тыр раты́.

Vygiiben 12:51

Дро дова́-паць дывэ́с Рай Дэвэ́л вылыджия́ Израилёскирэ чхавэ́н Египто́скирэ пхувья́тыр.

Vygiiben 13:3

И пхэндя́ Мо́йза манушэ́нгэ: “Рипирэн дава́ дывэ́с, дрэ саво́ выгинэ́ тумэ́ Египто́стыр, писхарьенгирэ кхэрэ́стыр, пал-дова́ со зоралэ́ вастэ́са вылыджия́ тумэн Рай Дэвэ́л одотхы́р, и на хан квашэно;

Vygiiben 13:14

И ке́ли коригэды́р (позжэды́р) пхучэла ту́тыр тыро́ чхаво́, ракири́: ‘Со исын дава́?’ Тэды пхэн лэ́скэ: ‘Зоралэ́ вастэ́са вылыджия́ амэн Рай Дэвэ́л Египто́стыр, писхарьенгирэ кхэрэ́стыр.

Vygiiben 16:6

И пхэндлэ́ Мо́йза и Ааро́но сарэ́ Израилёскирэ-чхавэ́нгирэ скэдыибнаскэ: “Бэльвэле́ уджинэна тумэ́, со Рай Дэвэ́л вылыджия́ тумэн Египто́скирэ пхувья́тыр,

Vygiiben 18:1

И шундя́ Иофоро, Мадиамитянэнгиро раша́й, Мойза́скиро састро, пал саро́, со кэрдя́ Рай Дэвэ́л ваш Мойза́скэ и ваш Израилё, Пэ́скирэ манушэ́нгэ, ке́ли вылыджия́ Рай Дэвэ́л Израилё Египто́стыр,

Яви́р Зако́но 4:34

Ци скэдэласпэ вари-саво́ Дэвэ́л тэ джал, тэ лэл пэ́скэ манушэ́н машки́р явирэ манушэ́ндэ тхагарьенца, знамение́нца (ґертыкэ́нца) и дивэнца, и марибна́са, и зоралэ́ вастэ́са, и вучэ́ вастэ́са, и барэ́ страхаса, сыр кэрдя́ ваш тумэ́нгэ Рай Дэвэ́л, тумаро́ Дэвэ́л, дро Еги́пто анги́л тырэ́ якха́?

Яви́р Зако́но 5:15

и ри́пир, со и ту са́нас писхариса пэ Египто́скири пхув, нэ Рай Дэвэ́л, Дэвэ́л тыро́, вылыджия́ тут одотхы́р зоралэ́ вастэ́са и вучэ́ псикэса, палдава́ и пхэндя́ ту́кэ Рай Дэвэ́л, Дэвэ́л тыро́, тэ ракхэ́с дывэ́с са́вато.

Яви́р Зако́но 6:12

тэды ракхпэ, соб (кай) ту тэ на бистрэс Рас-Дэвлэ́с, Саво́ вылыджия́ тут Египто́скирэ пхувья́тыр, писхарибнаскирэ кхэрэ́стыр.

Ереме́ё 21:5

И Мэ Кокоро́ ява́ва тэ маравпэ тумэ́нца диньдькирдэ вастэ́са и зоралэ́ масняса (мышцаса) дрэ холы́, дро мижэхипэн, и дро баро́ холякирибэ́н;

Ереме́ё 32:21

И Ту вылыджиян манушэ́н Израилёскирэн Египто́скирэ пхувья́тыр пир знаме́нии (ґертыка́) и ди́вы Пэ́скирэ зоралэ́ вастэ́са и Пэ́скирэ выдиндзькирдэ псикэса и барэ́ трашаибнаса (дара́са).

Vygiiben 3:8

и Мэ джа́ва тэ ракхав лэн Египтянэнгирэ вастэ́ндыр и тэ вылыджав лэн далэ́ пхувья́тыр пэ лачхи́ и бари пхув, кай тхадэ́ла тхуд и авги́н, пэ Хананеенгири, Хитеенгири, Амореенгири, Ферезеенгири, Евеенгири и Евусеенгири пхув.

Vygiiben 7:5

тэды Египтя́ни уджинэна, со Мэ сом Рай Дэвэ́л, ке́ли чхува́ва Миро васт пэ Еги́пто и вылыджава Израилёскирэ чхавэ́н Египто́стыр.”

Vygiiben 13:16

И мэк тэ явэ́л дая́ шпэ́ра (знако) пэ тыро́ васт и заме́ст пхандлуны (повязка) пэ тырэ́ якха́, пал-дова́ со зоралэ́ вастэ́са Рай Дэвэ́л вылыджия́ амэн Египто́стыр.’”

Vygiiben 32:11

Нэ Мо́йза лыя́ тэ примангэл Рас-Дэвлэ́с, Пэ́скирэ Дэвлэ́с, и пхэндя́: “Мэк тэ на захачол, Раё Дэ́вла, Тыро́ холякирибэ́н пэ Тырэ́ манушэ́ндэ, савэ́н Ту вылыджиян барэ́ зорья́са и зоралэ́ вастэ́са Египто́скирэ пхувья́тыр,

Яви́р Зако́но 7:19

дова́ сыс баро́ спробиныбэн, саво́ дыкхнэ́ тырэ́ якха́, знаме́нии (ґертыка́), ди́вы, и васт зорало́ и псико́ вучо́, савэ́нца вылыджия́ тут Рай Дэвэ́л, Дэвэ́л тыро́; дова́-паць кэрэ́ла Рай Дэвэ́л, Дэвэ́л тыро́, сарэ́ манушэ́нца, савэ́ндыр ту дарэса;

Яви́р Зако́но 9:29

‘А ёнэ исын Тырэ́ мануша́ и Тыри́ миштыпна́скири ме́ра, савья́са Ту вылыджиян лэн Египто́скирэ пхувья́тыр Тырэ́ барэ́ зорья́са и Тырэ́ вучэ́ псикэса.’

Яви́р Зако́но 11:2

И акана́ пририпирэн, – пал-дова́ со мэ ракира́ва на тумарэ́ чхавэ́нца, савэ́ на джинэ́на и на дыкхнэ́ ка́ра Ра́скирэ-Дэвлэ́скири, тумарэ́ Дэвлэ́скири; Лэ́скири сла́ва, Лэ́скиро зорало́ васт и Лэ́скиро вучо́ псико́,

3 Kralip 8:42

пал-дова́ со и ёнэ шунэ́на пал Тыро́ баро́ лав, и пал Тыро́ васт ґаздыно́, – и явэ́на ёнэ и помангэнапэ пашы́л дая́ Кхангири́.

Psalmy 77:16

Ту выракхцян грэхэ́ндыр Тырэ́ манушэ́н Пэ́скирэ зорья́са, Яково́скирэ и Ёза́скирэ чхавэ́н. Сэ́ла.

Psalmy 81:7

“Мэ вылыём лэ́скиро псико́ ґамостыр; лэ́скирэ васта́ ячнэ́ вольна кхудэндыр (корзинэндыр).

Psalmy 81:11

Мэ сом Рай Дэвэ́л, Тыро́ Дэвэ́л, Саво́ вылыджия́ тут Египто́скирэ пхувья́тыр: отпхандэ буґлэс Тыро́ муй и Мэ пхэрдякирава лэс.

Ереме́ё 27:5

Мэ кэрдём пхув, создыём манушэ́с и мурдалэ́н, савэ́ исын пир сари́ пхув Мирэ́ барэ́ зорья́са и Мирэ́ выдиндзькирдэ псикэса, и Мэ отда́ва дава́ кодолэ́скэ, кон исын лачхо́ Ма́нгэ.

Езэкилё 20:33

Тэ джива́в Мэ, ракирэ́ла Рай Дэвэ́л, Дэвэ́л! – зоралэ́ бурныкаса, протырдынэ вастэ́са, зоралэ́ холя́са ява́ва Мэ тэ раинав пэ тумэ́ндэ.