Vygiiben 34:7 - Библия - Пэ Балтитко Романи чиб (Романэс) 2019

⁷ Саво́ ракхэ́ла ла́ска ваш тысёнцы манушэ́нгэ, Саво́ отмэкэ́ла банг и чорипэ́н, и грэ́хо, Саво́ на ячкирэ́ла би отпхэныбнаскиро, Саво́ чхувэ́ла ка́ра пал дадэнгири банг дрэ чхавэ́ндэ и чхавэ́нгирэ чхавэ́ндэ кэ три́то и шта́рто ро́до.”

Biblija - Pe Baltitko Romani čib (Romanes) 2019

⁷ Savó rakhéla láska vaš tysjoncy manušénge, Savó otmekéla bang i čoripén, i grého, Savó na jačkiréla bi otphenybnaskiro, Savó čhuvéla kára pal dadengiri bang dre čhavénde i čhavéngire čhavénde ke tríto i štárto ródo.”

Vygiiben 34:7 Referans Kwoze

Psalmy 103:3

Рай Дэвэ́л примангэла саро́ миро чорипэ́н, Ёв высастякирэла сарэ́ мирэ́ дукха́.

Эфесянэнгэ 1:7

дрэ Савэ́стэ и пир Савэскиро Рат амэ сам выкиндлэ (выракхнэ), амарэ́ грэ́хи исын отмэкнэ пир Лэ́скиро барвало́ бахталыпэ́н;

Ереме́ё 32:18

Ту сыкавэса тангипэ́н (ла́ска) бут э тысёнцэнгэ манушэ́нгэ, и Ту отдэса палэ Пэ́скирэ сэндоса чхавэ́нгэ пал чорипэ́н лэ́нгирэ-дадэ́нгиро пал лэ́ндэ. Дэ́вла! Ту сан баро́ и зоралыпнаскиро, Раё Дэ́вла, болыбна́скирэ-янголэ́нгиро, – акэ, исын Тыро́ лав!

1 Ian 1:9

Ко́ли амэ приґалёваса амарэ́ грэ́хи анги́л Дэвлэ́стэ, тэды Ёв выжужакирэ́ла амаро́ начачипэ́н, пал-дова́ со Ёв исын патяибны́тко, и чачуно́.

Дание́лё 9:9

И амарэ́ Растэ-Дэвлэ́стэ исын ла́ска, отмэкибэн грэхэнгиро, пал-дова́ со амэ са́мас бунтуи́тка проти Лэ́стэ.

Psalmy 130:4

Нэ Ту отмэкэса грэ́хи амэ́нгэ, соб (кай) амэ тэ дарас Ту́тыр.

Ióvo 10:14

Ко́ли мэ кэра́ва грэ́хи, тэ́ньчи Ту зарикирэса лэн дрэ годы́. И Ту на отчхакирэса ман мирэ́ чорипна́стыр.

Vygiiben 23:7

отджа хохаибнастыр, и на мулякир набангэс и саво́ исын чачипна́скиро; пал-дова́ со Мэ на чачакирава (на оправдынава), кон кэрэ́ла фуес.

Naumo 1:6

Кон дэ́ла ра́да тэ тэрдёл штылэ́с, ке́ли Рай Дэвэ́л зоралэ́с холясо́ла? Кон дэ́ла ра́да тэ вырикирэл мижэхипэн Лэ́скирэ холя́тыр? Лэ́скиро холякирибэ́н вычхувэлапэ сыр яг, и скалы (бэ́рги) пхарадёна пэ котэра́ анги́л Лэ́стэ.

Дание́лё 9:4

И мангдёмпэ мэ Ра́скэ-Дэвлэ́скэ мирэ́скэ и откэравас мэ ило́ и ракиравас: “Манга́ва Ту́тыр, Раё Дэ́вла, баро́ и дивно кэ дар, Кон ракхэ́ла завето и ла́ска кодолэнца, савэ́ рикирэ́на Тут сыр Дро́гима дро ило́ и рикирэнапэ кэ припхэныбэна́ Тырэ́!

Юдэ́нгэ 12:29

Пал-дова́ со амаро́ Дэвэ́л исын яг, сави́ саро́ хачкирэ́ла.

Эфесянэнгэ 4:32

Явэ́н лачхэ́ екх кэ екх, тангипны́тка (жалосна), примангэн екх екхэ́скэ, сыр и Дэвэ́л пир Христосо́стэ примангдя тумэ́нгэ.

Psalmy 86:15

Нэ Ту, о Раё Дэ́вла, сан лачхэ́-илэ́скиро Дэвэ́л, тангипнаскирэ и вырикирибнытко, Ту сан барвало́ пэ лачхэ́-илы́ткима и патяибэ́н.

Mihiejo 7:18

Кон исын Кадасаво́, Дэ́вла, сыр Ту сан? Кон отмэкэ́ла чорипэ́н и промэкэла чорэ́ рэ́нды манушэ́нгэ Лэ́скирэ мэкнэ́ миштыпна́стыр, савэ́ ячнэ́пэ? Ту на явэ́са ўса́ды (сак) тэ рикирэс холы́, пал-дова́ со Ту радынэсапэ тэ сыкавэс ла́ска.

Ниеми́я 9:32

Акана́, амаро́ Дэ́вла, Дэ́вла баро́, Саво́ исын, зорало́, трашало, Саво́ ракхэ́ла Завето и ла́ска! Мэк тэ на явэ́л набарипнаса сари́ мэнька, сави́ кэрдя́пэ амэ́нца, амарэ́ кральенца, тхагарьенца амарэнца, рашанца амарэнца, пророкэнца амарэнца и амарэ́ дадэ́нца и саро́ народо тыро́, дывэсэ́ндыр Асириякир кральендыр кэ ададывэсатуно дывэ́с.

Ниеми́я 1:5

и ракиравас мэ: “Раё Дэ́вла, болыбна́скиро, Дэ́вла баро́ и трашадо, Саво́ ракхэ́ла завето и ла́ска кэ сарэ́, савэ́нгэ Ту сан дро́го, и савэ́ рикирна Тырэ́ припхэныбэна́!

Apostolengiri Butý 13:38

Палдава́, Мануша́лэ-Пшала́лэ, мэ кама́м, соб (кай) тумэ́ тэ джинэ́н, со тумэ́нгэ пхэнэ́лапэ лав пал грэхэнгиро отмэкибэн пир Исусо́стэ Христосо́стэ,

Apostolengiri Butý 5:31

Нэ Дэвэ́л ґаздыя́ Лэс Пэ́скирэ чачэ́ вастэ́са, сыр Шэрэ Рас и Зракхибнарис, соб (кай) Израилё пир Лэ́стэ тэ рискирэ́л пэ́скиро джиибэ́н кэ Дэвэ́л, и соб (кай) тэ отмэкэнпэ грэ́хи.

Isúso 24:19

Ису́со пхэндя́ манушэ́нгэ: “Тумэ́нгэ нашты́ тэ дынаринэ́н Ра́скэ-Дэвлэ́скэ, пал-дова́ со Ёв, Дэвэ́л, исын свэ́нто, исын Дэвэ́л зэвлыныпнытко (ревнителё), Ёв на явэ́ла тэ вырикирэл тумаро́ проштавибэн (беззакониё) и тумарэ́ грэ́хи.

Яви́р Зако́но 32:35

Ма́нгэ тэ отхав палэ и тэ отдав, ке́ли обштавэлапэ лэ́нгири ґэро́й; пал-дова́ со сыг явэ́ла лэ́нгиро хасибны́тко дывэ́с, сыг явэ́ла приготовиндло ваш лэ́нгэ.

Vygiiben 23:21

Ракх пэс анги́л Лэ́скиро муй, и шун Лэ́скири зан; на яв проти Лэ́стэ, пал-дова́ со Ёв на отмэкэ́ла тумаро́ грэ́хо; пал-дова́ со Миро лав исын дрэ Лэ́стэ.

Sykadyipén 21:8

А даранду́ки, напатяибна́скирэ, магирдэ́ дро вари-со, замарибна́рья; одолэ́, кон кэрдя́ биладжаипэ́н, човаханэ́, кон клониндяпэ патыва́са (кэрдэ шэрэ́са) идолэ́нгэ, хохаибна́рья-лэ́нгири паш явэ́ла кхэтанэ́ дро зеро (озеро), со хачола яга́са и дзэвэля́са (сераса); дава́ исын-яви́р мэрибэ́н.”

Sykadyipén 20:15

И ко́ли вари-кон на сыс латхно дрэ джиибнаскри лылвари́, ёв сыс чхурдыно́ дро зеро (озеро) яга́са.

Luka 7:48

Тэды Ису́со пхэндя́ джувля́кэ: “Тырэ́ грэ́хи исын отмэкнэ.”

Luka 7:42

а пал-дова́ со лэ́ндэ на сыс со́са тэ отдэ́н палэ ловэ́, дава́ ману́ш примангдя лэ́нгэ дуенгэ. Пхэн ма́нгэ: “Кон лэ́ндыр буты́р явэ́ла тэ сыкавэ́л паты́в лэ́скэ?”

Матфеё 12:31

Палдова́ Мэ пхэна́ва тумэ́нгэ: кажно грэ́хо и тэлякирибэн пэ Дэвлэ́стэ явэ́на отмэкнэ манушэ́скэ, нэ калякирибэн пэ Ду́хо (Фа́но) на явэ́ла отмэкно ни дро дава́ ве́ко, ни дро ве́ко, саво́ явэ́ла.

Mihiejo 6:11

Сыр Ма́нгэ тэ гинав пал чачунэндэ кодолэ́н, савэ́ндэ исын начачунэ (фуй) ублады́тка (весы), и хоханэ́ пхурдынэ (гири) дро екх гоно́?

Isajos 45:21

Дэн тэ джинэ́н манушэ́нгэ и пхэнэ́н: “Кон пхэндя́ дава́ дро ґаратуно часо, кон ангилпхэндя дава́? Ци на Мэ, Рай Дэвэ́л, и нанэ явирэ Дэвлэ́с апри́ч Ма́ндэ, а исын екх Дэвэ́л – Мэ сом Дэвэ́л чачуно́, Саво́ зракхэ́ла и нанэ никонэ́с явирэ́с апри́ч Ма́ндэ.

Psalmy 136:15

нэ пиририскирдя Фараонос и лэ́скиро халадыбэ́н дро Лоло́ мо́рё (дэрья́в), пал-дова́ со Лэ́скиро дро́го лачхипэ́н ячэ́лапэ пэ сарэ́ ве́ки;

Psalmy 136:10

Лэ́скэ, Кон мулякирдя́ сарэ́ пэрвонэ́ бияндлэ биятэ́н Египто́стыр, пал-дова́ со Лэ́скиро дро́го лачхипэ́н ячэ́лапэ пэ сарэ́ ве́ки,

Матфеё 6:12

И приманг амэ́нгэ длуги амарэ́, Сыр амэ примангаса одолэ́нгэ, Савэ исын вужлэ амэ́нгэ;

Džiibén 19:16

И сыр ёв ґара́ ячэласпэ пэ штэ́то, тэды одолэ́ мануша́, пир Ра́скирэ-Дэвлэ́скиро тангипэ́н кэ ёв, лынэ́ лэс пал васт, и лэскирья ромня́, и дуе́н лэ́скирэ чхае́н, и вылыджинэ́ лэс, и чхудэ́ лэс пал фо́ро.

Vygiiben 33:19

И пхэндя́ Рай Дэвэ́л: “Мэ лыджа́ва анги́л ту́тэ сари́ Мири́ сла́ва, и барьякирава анги́л ту́тэ лав Иегова (Яхва́), и конэ́с тэ примангэс, Мэ примангава, конэ́с тэ потангинэс – Мэ потангинава.”

Vygiiben 34:9

и пхэндя́: “Ко́ли тэ явэ́л ла́ска ваш ма́нгэ дрэ Тырэ́ якха́, Раё Баро́, тэды мэк тэ джал Рай Баро́ машки́р амэ́ндэ; пал-дова́ со адалэ́ мануша́ исын пхарэ́-шэритка. Отмэк амаро́ чорипэ́н и грэ́хи амарэ́, и кэр амэн Тырэ́ прилыибнаскирэнца (наследникэнца) ваш Тыро́ мэкно́ миштыпэ́н.”

Яви́р Зако́но 7:9

И адя́кэ джин, со Рай Дэвэ́л, Дэвэ́л тыро́, исын Рай Дэвэ́л чачуно́, Саво́ ракхэ́ла Пэ́скиро завето (доракирибэ́н) и тангипэ́н кэ одолэ́ мануша́, савэ́нгэ исын дро́го Ёв, кон ракхэ́ла Лэ́скирэ припхэныбэна́ кэ тысёнцы ро́ды,

Яви́р Зако́но 7:10

и Ёв отдэ́ла (рискирэ́ла) палэ пэ лэ́нгиро шэро́ одолэ́нгэ, кон Лэс древа́н бидыкхэла, дро лэ́нгиро муй, хасякири лэн; Ёв на явэ́ла тэ отчхувэл фуипэ́н пэ лэ́скиро шэро́, кон Лэс древа́н бидыкхэла, кокорэскэ одолэ́ манушэ́скэ Ёв отдэ́ла палэ.

3 Kralip 8:30

Шун мангипэ́н Тырэ́ писхарискиро и Тырэ́ Израилёскирэ манушэ́нгиро, ке́ли ёнэ явэ́на тэ мангэ́нпэ кэ дава́ штэ́то; шун пэ штэ́то Тырэ́ джиибна́скиро, пэ болыбэ́н, шун и приманг (простин).

2 Паралипоменоно 30:9

Ке́ли тумэ́ рисёна илэ́са кэ Рай Дэвэ́л, тэды тумарэ́ пшалэ́н и тумарэ́ чхавэ́н явэ́на тэ тангинэн (тэ жалинэн) мануша́, савэ́ лынэ́ лэн дро пле́но, и рисёна пэ дая́ пхув; пал-дова́ со лачхо́ и лачхэ́-илытко исын Рай Дэвэ́л, Дэвэ́л тумаро́, и на отрискирэла муй тумэ́ндыр, ко́ли тумэ́ рисёна илэ́са кэ Ёв.”

Ереме́ё 9:24

нэ мэк ёв, кон барьякирэ́ла пэс, тэ шарэлпэ (тэ барьякирэл пэс) далэ́са, со ёв ґалёла и, со ёв джинэ́ла Ман; пал-дова́ со дава́ Мэ сом, Рай Дэвэ́л, Кон сыкавэ́ла дро́го ла́ска, чачуно́ сэ́ндо и чачипэ́н пэ пхув. Пал-дова́ со Мэ зоралэ́с радынавпэ сарэ́стыр далэ́стыр”, – ракирэ́ла Рай Дэвэ́л.

3 Kralip 8:32

то тэ́ньчи Ту шун болыбна́стыр и кэр сэ́ндо пэ Тырэ́ писхарьендэ, чхув ка́ра пэ бангэстэ, чхув лэ́скири банг пэ лэ́скиро шэро́, и ману́ш, саво́ исын набанго, оправдын (чачакир) лэс, отдэ́ лэ́скэ пир чачипэ́н лэ́скиро.

Psalmy 25:11

Ваш Тыро́ лав, Раё Дэ́вла, отмэк мири́ банг, пал-дова́ со ёй исын древа́н бари.

Psalmy 99:8

О, Раё Дэ́вла, амаро́ Дэвэ́л, Ту отпхэндян лэ́нгэ: Ту са́нас ваш лэ́нгэ Дэвэ́л, Саво́ примангэла лэ́нгэ, нэ Саво́ чхувэ́ла ка́ра пал фуипэ́н, со ёнэ кэрдэ́.

Psalmy 109:14

Мэк Рай Дэвэ́л тэ рипирэл чорипэ́н, со кэрдэ́ лэ́нгирэ дада́, мэк грэ́хи, со кэрдэ́ лэ́нгирэ дая́, тэ на явэ́н бистырдэ.

Ереме́ё 30:11

Пал-дова́ со Мэ сом ту́са’, – ракирэ́ла Рай Дэвэ́л, – соб (кай) тэ зракхав тут, мэк Мэ хасякира́ва сарэ́са сарэ́ Наюды́тка на́цыи, машки́р савэ́ндэ Мэ чхудём тэ дживэ́с тут. Нэ Мэ на хасякира́ва сарэ́са тут, нэ Мэ ява́ва тэ пирисыклякирав тут пир чачипэ́н, и Мэ на домэкава, соб (кай) ту, тэ на джас пэ́скэ сарэ́са би сэндякирибнаскиро.’