Vygiiben 34:21 - Библия - Пэ Балтитко Романи чиб (Романэс) 2019

²¹ Шов дываса кэр буты́, а пэ эфта́то дывэ́с откхинёв; откинёв и дро часо, ке́ли почхувэна дрэ пхув и укэдэна.

Biblija - Pe Baltitko Romani čib (Romanes) 2019

²¹ Šov dyvasa ker butý, a pe eftáto dyvés otkhinjov; otkinjov i dro časo, kiéli počhuvena dre phuv i ukedena.

Vygiiben 34:21 Referans Kwoze

Vygiiben 23:12

Шов дывэса́ кэр тырэ́ рэ́нды, а пэ эфта́то дывэ́с откхинёв, соб (кай) тэ откхинёл тыро́ гурув и тыро́ о́сло (мега́ри), и тэ откхинёл бутя́тыр тырэ́-дынарицакиро чхаво́, и кон явдя́ явирэ рига́тыр.

Luka 13:14

Нэ синагогакиро барыдыро́ холя́сыя, со Ису́со высастякирдя́ дро са́вато, и палдава́ ёв пхэндя́ манушэ́нгэ: “Исын шов дывэса́, ке́ли сашты́ (можна) тэ кэрэ́н буты́; явэ́н дрэ далэ́ дывэса́ и састён, а на дро са́вато.”

1 Kralip 8:12

и чхувэ́ла лэн барыдырэ́нца пэ́стэ пэ тысёнцы и пэ пандждэша́, и соб (кай) ёнэ тэ кэрэ́н буты́ пэ лэ́скирэ фэ́лды, и тэ укэдэн лэ́скиро маро́, и тэ кэрэ́н лэ́скэ мардытка и частыра кэ вурдэна́ ваш марибэ́н;

Яви́р Зако́но 21:4

и мэк долэ́-форо́скирэ пхурыдыра́ тэ лыджа́н даля рэца дрэ бусо (дико) лошчы́на, сави́ на сыс роспашындлы и на засеиндлы, и зачхинэна одо́й рэца дрэ лошчы́на;

Vygiiben 35:2

‘Шов дывэса́ кэрэ́н рэ́нды (бутя́), а эфта́то дывэ́с тумэ́ндэ трэй, соб (кай) тэ явэ́л свэнтонэса, са́вато (субо́та) откхиныбэн Ра́скэ-Дэвлэ́скэ: кажно (сва́ко), кон явэ́ла тэ кэрэ́л дрэ ла́тэ рэ́ндо, отдыно́ явэ́ла мэрибна́скэ;

Luka 23:56

И ке́ли ёнэ явнэ́ палэ, тэды ёнэ кэдынэ ароматытка чарья́ и гудлэ́ драба тэ кхосэн; и ёнэ ячнэ́пэ штыл саватонэ́ (суботонэ́), сыр трэй пир припхэныбэ́н дро Зако́но.

Isajos 30:24

Гурува и граё, савэ́ кэрэ́на буты́ пэ фэ́лда, лэ́на тэ хан лондо хабэ́н, хабэ́н жужакирдо и пиривеиндло ґандладяса (лопатаса).

Džiibén 45:6

пал-дова́ со акана́ пэ пхув явэ́ла дуй бэрш бокх, и дурэды́р пандж бэрш явэ́ла, дрэ савэ́ ни тэ чхувэ́н дрэ пхув, ни тэ укэдэн на явэ́на;

Vygiiben 31:15

шов дывэса́ мэк тэ кэрэ́н рэ́ндо, а пэ эфта́то (битринэ́нгиро дэ́што) дывэ́с са́вато тэ откхинён, ёв исын отдыно́ Ра́скэ-Дэвлэ́скэ: кажно, кон кэрэ́ла рэ́ндо дро саватоскиро дывэ́с, мэк тэ явэ́л отдыно́ мэрибна́скэ;

Левито 23:3

шов дывэса́ сашты́ тэ кэрэ́с буты́, а пэ эфта́то (битринэ́нгиро дэ́што) дывэ́с са́вато (субо́та) тэ откинён, свэ́нто скэдыибэ́н; нисави́ буты́ на кэрэ́н: дава́ исын са́вато Ра́скиро-Дэвлэ́скиро дрэ сарэ́ тумарэ́ кхэра́.

Ниеми́я 13:15

Дрэ долэ́ дывэса́ дыкхцём мэ дрэ Юдэ́я, со дро са́вато (субо́та) тасавэна дро пресо, лыджа́на ґарбы (снопы) и чхувэ́на мол, винаградо, инжыро и кажно пхарипэ́н и лыджа́на дро са́вато дро Ерусалимо. И мэ зоралэ́с выпхэндём лэ́нгэ дро дова́ дывэ́с, сыр ёнэ бикнэнас хабнытко.