Vygiiben 34:1 - Библия - Пэ Балтитко Романи чиб (Романэс) 2019

¹ И пхэндя́ Рай Дэвэ́л Мойза́скэ: “Вычингир далтаса (резцоса) пэ́скэ дуй скрижа́ли (таблицы) барунэ́, дасавэ́-паць, савэ́ сыс анги́л лэ́ндэ, и Мэ чхина́ва пэ далэ́ скрижа́ли лава́, савэ́ сыс анги́л лэ́ндэ, савэ́ ту розмардян;

Biblija - Pe Baltitko Romani čib (Romanes) 2019

¹ I phendiá Raj Devél Mojzáske: “Vyčingir daltasa (riezcosa) péske duj skrižáli (tablicy) baruné, dasavé-pac', savé sys angíl lénde, i Me čhináva pe dalé skrižáli lavá, savé sys angíl lénde, savé tu rozmardian;

Vygiiben 34:1 Referans Kwoze

Vygiiben 32:19

Ке́ли ёв подги́я кэ ста́но и дыкхця́ гуруво́рэс и кхэлыбэн, тэды ёв захачи́я холя́са, и чхурдыя́ пэ́скирэ вастэ́ндыр скрижа́ли, и розмардя́ лэн тэл бэ́рга;

Psalmy 119:89

О Раё Дэ́вла! Пэ сарэ́ ве́ки Тыро́ лав ячэ́лапэ пэ болыбэ́н!

Vygiiben 31:18

И ке́ли Дэвэ́л пирияця́ тэ ракирэ́л Мойзаса пэ бэ́рга Синаё, Ёв дыя́ лэ́скэ дуй таблицы (скрижа́ли) досыкаибна́са (откровенияса), барунэ́ скрижа́ли, пэ савэ́ чхиндло́ сыс Дэвлэ́скирэ ангуштэса.

Vygiiben 34:28

И сыс одо́й Мо́йза Растэ-Дэвлэ́стэ штардэша́ дывэса́ и штардэша́ ратя, на хая маро́, и на пия пани́; и чхиндя́ пэ скрижа́ли доракирибнаскирэ лава́, дэшэ-лавэнгиро (дэштуно).

Vygiiben 32:16

скрижа́ли сыс Дэвлэ́скири буты́, и со сыс чхиндло́ пэ скрижа́ли, сыс Дэвлэ́скирэ чхиныбнаса.

Vygiiben 24:12

И пхэндя́ Рай Дэвэ́л Мойза́скэ: “Джа́ упрэ́ кэ Мэ пэ бэ́рга; и яв одо́й, и Мэ да́ва ту́кэ барунэ́ скрижа́ли (таблицы), и Зако́но и припхэныбэна́ (дэшатунэ), савэ́ Мэ чхиндём тэ сыклякирэс лэ́нгэ.”

Vygiiben 34:4

И вычингирдя далтаса (резцоса) Мо́йза дуй барунэ́ скрижа́ли, дасавэ́ сыр сыс англэды́р, и, уштыи пэ ра́нко, гия́ упрэ́ пэ бэ́рга Синаё, сыр пхэндя́ лэ́скэ Рай Дэвэ́л; и лыя́ дрэ пэ́скирэ васта́ дуй барунэ́ скрижа́ли.

Яви́р Зако́но 4:13

и дыя́ тэ джинэ́л Ёв тумэ́нгэ завето Пэ́скиро, саво́ пхэндя́ тумэ́нгэ тэ кэрэ́с саро́, пир дэш лава́ (дэштунэ) и чхиндя́ лэс пэ дуй барунэ́ скрижа́ли (таблицы);

Ереме́ё 36:32

Тэ́ньци Ереме́ё лыя́ яви́р сви́тко и дыя́ лэс Варухоскэ, лыла́-чхиныбнаскирэскэ, чхавэ́скэ Нерияскирэ, саво́ чхиндя́ пэ сви́тко сарэ́ лава́ Еремеёскирэ чибатыр, сарэ́ долэ́ лава́ лылварьятыр, со хачкирдя́ дрэ яг о Иоакимо, кра́ли пэ Юдэ́я; и одо́й сыс бут дочхудэ лава́, савэ́ сыс дасавэ́-паць сыр и пэ́рва лава́.