Vygiiben 33:16 - Библия - Пэ Балтитко Романи чиб (Романэс) 2019

¹⁶ палдава́ со пир со тэ уджинас, со мэ и Тырэ́ мануша́ латхям ла́ска дрэ Тырэ́ якха́? Ци на пир дава́, ке́ли Ту джа́са амэ́нца? Тэды мэ и Тырэ́ мануша́ ява́са тэ выдаспэ славутнэдыр кажнонэ́ явирэ манушэ́ндыр пэ пхув.”

Biblija - Pe Baltitko Romani čib (Romanes) 2019

¹⁶ paldavá so pir so te udžinas, so me i Tyré manušá lathiam láska dre Tyré jakhá? Ci na pir davá, kiéli Tu džása aménca? Tedy me i Tyré manušá javása te vydaspe slavutnedyr kažnoné javire manušéndyr pe phuv.”

Vygiiben 33:16 Referans Kwoze

Яви́р Зако́но 4:7

Пал-дова́ со, ци исын савэ́ барэ́ мануша́, кэ савэ́ дэвэла́ лэ́скирэ тэ явэ́н бы адя́кэ пашы́л, сыр пашы́л кэ амэ Рай Дэвэ́л, амаро́ Дэвэ́л, ке́ли амэ кхараса Лэс?

Čysly 14:14

и пхэнэ́на далэ́-пхувья́кирэ манушэ́нгэ, савэ́ шундлэ́, со Ту, Раё Дэ́вла, дживэса машки́р адалэ́ манушэ́ндэ, и со Ту, Раё Дэ́вла, дэ́са лэ́нгэ тэ дыкхэ́с Пэс муй кэ муй, и о́блоко Тыро́ тэрдо́ пэ лэ́ндэ, и Ту джа́са анги́л лэ́ндэ дывэсэ́ дро облокоскиро сты́лбо, и раты́ дро ягакиро сты́лбо;

3 Kralip 8:53

Пал-дова́ со Ту выкэдыян лэн Пэ́скэ дрэ миштыпна́скири ме́ра сарэ́ манушэ́нгирэ пхувья́тыр, сыр Ту пхэндя́н пирда́л Мойзастэ, Тырэ́ писхаристэ, ке́ли вылыджиян амарэн дадэн Египто́стыр, Раё Баро́, Раё Дэ́вла!’”

Матфеё 1:23

“Акэ, патывалы́ тэрны́ джувлы́ явэ́ла пхари́, и биянэ́ла Чхавэ́с, и Лэ́скиро лав явэ́ла Эмануило” (со значынэ́ла: “Дэвэ́л исын амэ́нца”).

Vygiiben 34:10

И Рай Дэвэ́л пхэндя́: “Ѓа́да, Мэ счхувава завето (доракирибэ́н): анги́л сарэ́ тырэ́ манушэ́ндэ Мэ кэра́ва ди́вы, савэ́ на сыс пир сари́ пхув и ни савэ́ манушэ́ндэ; и дыкхэ́на сарэ́ мануша́, машки́р савэ́ндэ Ту сан, Мири́ Дэвлэ́скири буты́; пал-дова́ со дарано явэ́ла дова́, со Мэ кэра́ва ваш ту́кэ;

2 Коринфянэнгэ 6:17

“Палдава́ мэкэ́н адалэ́ манушэ́н и явэ́н дрэ риг, – ракирэ́ла Рай Дэвэ́л, – и тэ на явэ́л тумэ́ндэ ничы́ кхэтанэ́ нажужэса, и Мэ прилава тумэн;

2 Kralip 7:23

И кон исын равно Дырэ манушэ́нгэ Израилёскэ, екхэ манушэ́нгэ пэ пхув, ваш савэ́нгэ явдя́ Рай Дэвэ́л, соб (кай) тэ зракхэ́л лэс Пэ́скэ дрэ манушэ́ндэ, и тэ прославинэл Пэ́скиро лав, и тэ кэрэ́л баро́ и дарано анги́л Тырэ́ манушэ́ндэ, савэ́н Ту лыян Пэ́скэ Египтянэндыр, традыян криг манушэ́н и лэ́нгирэ дэвлорэ́?

Vygiiben 8:22

и дрэ дова́ дывэ́с Мэ чхува́ва дрэ риг Гесемоскири пхув, пэ сави́ исын Мирэ́ мануша́, и одо́й на явэ́на джукланэ пушума; соб (кай) ту тэ джинэ́с, со Мэ, Рай Дэвэ́л, сом машки́р пхув;

Psalmy 147:20

[9] Ёв на кэрдя́ адя́кэ ни екхэ Наюдытконэ́ нацыякэ, пал-дова́ со ёнэ на джинэ́на Лэ́скирэ чачипэна́. Аллилуя!

Яви́р Зако́но 4:34

Ци скэдэласпэ вари-саво́ Дэвэ́л тэ джал, тэ лэл пэ́скэ манушэ́н машки́р явирэ манушэ́ндэ тхагарьенца, знамение́нца (ґертыкэ́нца) и дивэнца, и марибна́са, и зоралэ́ вастэ́са, и вучэ́ вастэ́са, и барэ́ страхаса, сыр кэрдя́ ваш тумэ́нгэ Рай Дэвэ́л, тумаро́ Дэвэ́л, дро Еги́пто анги́л тырэ́ якха́?

Čysly 23:9

Бэргакирэ вучипна́стыр мэ дыкха́ва лэс, и бэргицэндыр пэ лэ́стэ дыкха́ва: акэ, мануша́ дживэ́на, кон пэ́скэ роздельнэс, и машки́р манушэ́ндэ на гинэлапэ.

Левито 20:24

и пхэндём Мэ тумэ́нгэ: ‘тумэ́ хулаинэна лэ́нгирэ пхувья́са, и тумэ́нгэ отда́ва дро мэкно́ миштыпэ́н (наследство) пхув, дрэ сави́ тхадэ́ла тхуд и авги́н. Мэ сом Рай Дэвэ́л, тумаро́ Дэвэ́л, саво́ чхудя́ дрэ риг тумэн сарэ́ манушэ́ндыр.

Левито 20:26

Явэ́н свэ́нта анги́л Ма́ндэ, пал-дова́ со Мэ сом Рай Дэвэ́л, тумаро́ Дэвэ́л, сом Свэ́нто, и Мэ чхудём дрэ риг тумэн манушэ́ндыр, соб (кай) тумэ́ тэ явэ́н Мирэ́.

Vygiiben 34:9

и пхэндя́: “Ко́ли тэ явэ́л ла́ска ваш ма́нгэ дрэ Тырэ́ якха́, Раё Баро́, тэды мэк тэ джал Рай Баро́ машки́р амэ́ндэ; пал-дова́ со адалэ́ мануша́ исын пхарэ́-шэритка. Отмэк амаро́ чорипэ́н и грэ́хи амарэ́, и кэр амэн Тырэ́ прилыибнаскирэнца (наследникэнца) ваш Тыро́ мэкно́ миштыпэ́н.”