Vygiiben 32:9 - Библия - Пэ Балтитко Романи чиб (Романэс) 2019

⁹ И пхэндя́ Рай Дэвэ́л Мойза́скэ: “Мэ дыкха́ва адалэ́ манушэ́н, и ґа́да, мануша́ адалэ́, ёнэ – пхарэ́-шэритка;

Biblija - Pe Baltitko Romani čib (Romanes) 2019

⁹ I phendiá Raj Devél Mojzáske: “Me dykháva adalé manušén, i ĥáda, manušá adalé, jone – pharé-šeritka;

Vygiiben 32:9 Referans Kwoze

Apostolengiri Butý 7:51

Тумэ́ сан пхарэ́-илытка мануша́, савэ́ шунэ́на Дэвлэ́скиро лав, а сы́рбы кашукэ усае́кх кэрэ́на пир пэ́скиро! Тумэ́ сан адасавэ́-паць, сыр и тумарэ́ дада́, тумэ́ ўса́ды (сак) (усегда) са́нас проти Свэ́нто Ду́хо (Фа́но).

Isajos 48:4

Мэ джиндём, со ту на камэ́са тэ кандэс, дрэ тыри́ мэн исын саструнэ́ жылы, тыро́ чэкат исын харкуно (медно).

Яви́р Зако́но 9:13

И пхэндя́ ма́нгэ Рай Дэвэ́л: “Дыкха́ва Мэ адалэ́ манушэ́н, ґа́да, ёнэ исын пхарэ́-илытка.

Vygiiben 34:9

и пхэндя́: “Ко́ли тэ явэ́л ла́ска ваш ма́нгэ дрэ Тырэ́ якха́, Раё Баро́, тэды мэк тэ джал Рай Баро́ машки́р амэ́ндэ; пал-дова́ со адалэ́ мануша́ исын пхарэ́-шэритка. Отмэк амаро́ чорипэ́н и грэ́хи амарэ́, и кэр амэн Тырэ́ прилыибнаскирэнца (наследникэнца) ваш Тыро́ мэкно́ миштыпэ́н.”

Vygiiben 33:5

Палдава́ со Рай Дэвэ́л пхэндя́ Мойза́скэ: “Пхэн Израилёскирэ чхавэ́нгэ: ‘Тумэ́ сан пхарэ́-илытка мануша́; ко́ли Мэ джа́ва машки́р тумэ́ндэ, то тэды Мэ дрэ екх мэнта (минута) хасякира́ва тумэн; и адя́кэ злэн пэ́стыр шукарьякирибэна пэ́скирэ; Мэ ява́ва тэ дыкха́в, со Ма́нгэ тэ кэра́в тумэ́нца.’”

Vygiiben 33:3

[и лыджа́ла Ёв тумэн-р.с.] пэ пхув, кай тхадэ́ла тхуд и авги́н; пал-дова́ со Мэ Кокоро́ на джа́ва машки́р тумэ́ндэ, соб (кай) тэ на хасякира́в Ма́нгэ тумэн пир дром, пал-дова́ со тумэ́ сан мануша́ пхарэ́-илытка.”

Яви́р Зако́но 31:27

пал-дова́ со мэ джино́м, со тумэ́ сан бунтуи́тка и пхарэ́-илытка: Ѓа́да и акана́, ке́ли мэ джива́ва акана́ тумэ́нца, тумэ́ сан нарта (упряма) анги́л Растэ-Дэвлэ́стэ, и ишчо (инкэ́) буты́р явэ́на, сыр мэ мэра́ва?

2 Паралипоменоно 30:8

Акана́ на явэ́н пхарэ́-шэритка, сыр тумарэ́ дада́, кандэ́н Рас-Дэвлэ́с и явэ́н дрэ Лэ́скири Кхангири́, сави́ Ёв обсвэнцындя пэ ве́ко; и дынаринэ́н (служынэн) Ра́скэ-Дэвлэ́скэ, тумарэ́ Дэвлэ́скэ, и Ёв отрискирэла тумэ́ндыр Пэ́скирэ-холякири яг.

Яви́р Зако́но 9:6

палдава́ джин, со на пал тыро́ чачипэ́н Рай Дэвэ́л, Дэвэ́л тыро́, дэ́ла ту́кэ тэ заухтылэс дая́ лачхи́ пхув, пал-дова́ со тумэ́ пхарэ́-илытка сан мануша́.

Pritčy 29:1

Ману́ш, саво́ пхарьякирэла (жэсточынэла) пэ́скири мэн, на дыкхи́ пэ дова́, со лэ́скэ бут мо́лы сыкавэ́на лэ́скири банг, екха́тыр (сра́зу) хасёла, и на явэ́ла састякирибэн лэ́скэ.

Psalmy 78:8

Мэк тэ на явэ́н ёнэ сыр лэ́нгирэ дада́, савэнгиро ро́до сыс накандуно и бунтяритко, и конэ́скиро ро́до на сарэ́са рискирдя́ Пэскро ило́ Дэвлэ́скэ, и конэ́скиро ду́хо (фа́но) на сыс патяибны́тко Дэвлэ́скэ.

Ниеми́я 9:17

Ёнэ на закамлэ тэ поддэнпэ, на пририпирдэ ди́вы тырэ́, савэ́ ту кэрдя́н лэ́нца, и рикирдэ мэн упрэ́ и пир пэ́скири во́ля палэ чхудэ́ анги́л пэ́стэ шэралэс, соб (кай) тэ явэ́н писхарье́нца. Нэ Ту, сан Дэ́вла, Саво́ выкэдэ́ла тэ отмэкэ́л грэ́хи, Саво́ длэнгэс вырикирэ́ла, и Ту на ячкирдян лэн.

Яви́р Зако́но 10:16

И палдава́ обчхинэн тумарэ́-илэ́скирэ мас пэ яго́ро (краё) [парувэн ило́ и годы́.-ю.о.], и тэ на явэ́н тумэ́ буты́р пхарэ́-илытка;

Osija 6:10

Дро кхэр Израилёскиро Мэ дыкхцём трашано: одо́й кэрэ́лапэ Ефрамоскиро биладжаипэ́н; Израилё исын магирдо́.

Ереме́ё 13:27

Мэ дыкхцём тумаро́ биладжаипэ́н, и дова́, сыр тумэ́ грымитиндлэ, сыр тумэ́ традэнаспэ пал чужонэ́ дэвлорэндэ пэ бэ́ргицы и пэ фэ́лды, долэ́ джунгалэ́ рэ́нды. Бида пэ тумэ́ндэ, мануша́ Израилёстыр! Нау́што тумэ́ на явэ́на жужэ́? Ци ґара́ тумэ́ ишчо (инкэ́) адя́кэ явэ́на?’”

Čysly 14:11

И пхэндя́ Рай Дэвэ́л Мойза́скэ: “Кицы́ явэ́на тэ холякирэн Ман адалэ́ мануша́? И кицы́ явэ́на ёнэ тэ на патя́н Ма́нгэ пир сарэ́ знаме́нии (ґертыка́), савэ́ Мэ кэрдём машки́р лэ́ндэ?

4 Kralip 17:14

Нэ ёнэ на кандынэ́ и кашталякирдэ мэня́ пэ́скирэ, сыр сыс мэня́ лэ́нгирэ дадэнги́рэ, савэ́ на патяндынэ́ дрэ пэ́скирэ Растэ-Дэвлэ́стэ.

Ниеми́я 9:16

Нэ ёнэ и дада́ амарэ́ сыс нахрата и рикирдэ пэ́скири мэн вучэ́с, и на шундлэ́ Тырэ́ припхэныбэна́.