Vygiiben 32:16 - Библия - Пэ Балтитко Романи чиб (Романэс) 2019

¹⁶ скрижа́ли сыс Дэвлэ́скири буты́, и со сыс чхиндло́ пэ скрижа́ли, сыс Дэвлэ́скирэ чхиныбнаса.

Biblija - Pe Baltitko Romani čib (Romanes) 2019

¹⁶ skrižáli sys Devléskiri butý, i so sys čhindló pe skrižáli, sys Devléskire čhinybnasa.

Vygiiben 32:16 Referans Kwoze

Vygiiben 31:18

И ке́ли Дэвэ́л пирияця́ тэ ракирэ́л Мойзаса пэ бэ́рга Синаё, Ёв дыя́ лэ́скэ дуй таблицы (скрижа́ли) досыкаибна́са (откровенияса), барунэ́ скрижа́ли, пэ савэ́ чхиндло́ сыс Дэвлэ́скирэ ангуштэса.

Юдэ́нгэ 8:10

Адава́ исын Завето, саво́ Мэ кэра́ва пэ далэ́ дывэса́ Израилёскирэ манушэ́нца, – ракирэ́ла Дэвэ́л. ‘Мэ пиридава Мирэ́ Зако́ны дрэ лэ́нгири годы́ и Мэ чхина́ва лэн пэ лэ́нгирэ илэ, и Мэ ява́ва лэ́нгиро Дэвэ́л, а ёнэ явэ́на Мирэ́ мануша́.

2 Коринфянэнгэ 3:3

тумэ́ сыкавэ́на пэс, со тумэ́ сан Христосо́скиро лыл, саво́ амэ бичхадям; дава́ лыл исын чхиндло́ на чэрниласа, а Джидэ́ Дэвлэскирэса Духо́са, и на пэ барунэ́ плиты, а пэ манушы́тка илэ, дрэ савэ́ амэ зоралэ́с патя́са.

2 Коринфянэнгэ 3:7

А ко́ли тэ дынаринэ́н (тэ служынэ́н) буквэ́нгэ, савэ́ сыс вычхиндлэ́ пэ барунэ́ плиты, и савэ́ янэ́нас мэрибэ́н, сыс подынэ адя́кэ Дэвлэ́скирэ слава́са, со Израилёскирэ чхавэ́ на могиндлэ́ тэ дыкхэ́н пэ Израилёскиро муй пал Мойза́скирэ-москири яркима, саво́ джа́лас кэ ко́нцо (кэ яго́ро),

Яви́р Зако́но 10:1

Дро долэ́ дывэса́ пхэндя́ ма́нгэ Рай Дэвэ́л: “Вычингир пэ́скэ дуй барунэ́ скрижа́ли (таблицы), дасавэ́-паць сыр сыс пэ́рва, и джа́ упрэ́ кэ Мэ пэ бэ́рга, и кэр пэ́скэ каштуно ковчэго (мохто́);

Яви́р Зако́но 9:15

Мэ рисиём и гиём бэрга́тыр, бэ́рга хачия яга́са; дуй скрижа́ли заветоскирэ сыс дрэ мирэ́ дуй васта́;

Vygiiben 34:4

И вычингирдя далтаса (резцоса) Мо́йза дуй барунэ́ скрижа́ли, дасавэ́ сыр сыс англэды́р, и, уштыи пэ ра́нко, гия́ упрэ́ пэ бэ́рга Синаё, сыр пхэндя́ лэ́скэ Рай Дэвэ́л; и лыя́ дрэ пэ́скирэ васта́ дуй барунэ́ скрижа́ли.

Vygiiben 34:1

И пхэндя́ Рай Дэвэ́л Мойза́скэ: “Вычингир далтаса (резцоса) пэ́скэ дуй скрижа́ли (таблицы) барунэ́, дасавэ́-паць, савэ́ сыс анги́л лэ́ндэ, и Мэ чхина́ва пэ далэ́ скрижа́ли лава́, савэ́ сыс анги́л лэ́ндэ, савэ́ ту розмардян;

Vygiiben 32:15

И рисия́ и гия́ тэлэ́ Мо́йза бэрга́тыр; дро лэ́скиро васт сыс дуй скрижа́ли досыкаибна́са (откровенияса), пэ савэ́ сыс чхиндло́ дуе ригэ́ндыр: и пэ доя́ и пэ яви́р риг сыс чхиндло́;

Vygiiben 32:17

И шундя́ Ису́со (Ёхошуа́) зан манушэ́нгири, савэ́ годлэнас, и пхэндя́ Мойза́скэ: “Сави́ исын марибны́тко го́дла дро ста́но.”

Ióvo 19:24

Соб (кай) тэ вычхинэн лэн саструнэ́ порэса (резцоса) и муловиса (оловоса) пэ бар пэ сарэ́ ве́ки!