Vygiiben 30:8 - Библия - Пэ Балтитко Романи чиб (Романэс) 2019

⁸ и ке́ли Ааро́но хачкирэ́ла бэльвэле́ лампады, ёв явэ́ла тэ хачкирэл дро́га смо́лы (фимиа́мо) лэ́нгэ: дава́ исын кажнонэ́ тхувлякирибэн пэ кажно дывэ́с анги́л Растэ-Дэвлэ́стэ дрэ тумарэ́ ро́ды.

Biblija - Pe Baltitko Romani čib (Romanes) 2019

⁸ i kiéli Aaróno xačkiréla bel'velié lampady, jov javéla te xačkirel dróga smóly (fimiámo) lénge: davá isyn kažnoné thuvliakiriben pe kažno dyvés angíl Raste-Devléste dre tumaré ródy.

Vygiiben 30:8 Referans Kwoze

Юдэ́нгэ 9:24

Пал-дова́ со Христо́со загия́ на дрэ Свэ́нто Штэ́то, саво́ кэрдэ́ манушэ́нгирэ васта́, и саво́ исын патри́н (копия) долэ́ Штэтоскиро, со исын дро Болыбна́скиро Раё. Ёв загия́ дро Болыбна́скиро Раё, соб (кай) тэ тэрдёл пал амэ́ндэ анги́л Дэвлэ́стэ:

Юдэ́нгэ 7:25

Палдава́ Ису́со могинэ́ла тэ зракхэ́л сарэ́ манушэ́н, савэ́ явэ́на пашылэды́р кэ Дэвэ́л пир Лэ́стэ; Ёв исын ўса́ды (сак) джидо́ тэ мангэ́л Дэвлэ́с пал лэ́ндэ.

1 Фесалоникийцэнгэ 5:17

Мангэ́нпэ Дэвлэ́скэ саро́ часо;

Римлянэнгэ 8:34

кон явэ́ла тэ сэндякирэ́л? Ису́со Христо́со, Саво́ мыя́, нэ и Саво́ отджидыя́ мулэ́ндыр? Ёв, Саво́ какана́ исын пир чачуны́ Дэвлэ́скири риг? Ёв и мангэ́ла пал амэ́ндэ.

Vygiiben 12:6

и мэк ёв тэ явэ́л тумэ́ндыр далэ́-чхонэ́скиро кэ дэшуштарто дывэ́с: тэды мэк тэ зачхинэн лэс саро́ Израилёскирэ-манушэ́нгиро скэдыибэ́н бэльвэле́,

Vygiiben 27:21

дрэ ша́тра скэдыибна́скири, пал полого, саво́ исын анги́л ковчэго досыкаибна́са (откровенияса), явэ́ла тэ захачкирэл Ааро́но и лэ́скирэ чхавэ́, бэльвелятыр кэ ра́нко, анги́л Ра́скирэ-Дэвлэ́скиро муй. Дава́ исын стату́то ве́чно ваш лэ́нгирэ стрэ́чы (поколении) Израилёскирэ чхавэ́ндыр.

Vygiiben 30:7

Пэ лэ́стэ Ааро́но явэ́ла тэ хачкирэл дро́га смо́лы (фимиа́мо); кажно ра́нко, ке́ли ёв скэдэ́ла лампады, явэ́ла тэ хачкирэл дро́га смо́лы лэ́нгэ;

Vygiiben 30:9

На чхувэ́н пэ лэ́стэ нисаво́ яви́р тхувлякирибэн, ни цэ́ло схачкирибэ́н, ни маруно́ яныбэ́н, и ни тхадуно свэ́нто яныбэ́н на чхувэ́н пэ лэ́стэ.

1 Kralip 2:28

И ци на выкэдыём Мэ лэс сарэ́ндыр Израилёскирэ родэндыр Пэ́скэ дро рашастэ, соб ёв тэ подджа́л кэ Миро алта́рё (жэртвенико), соб (кай) тэ хачкирэл фимиа́мо, соб тэ лыджа́л эфо́до анги́л Ма́ндэ? И ци на дыём Мэ тырэ́ дадэ́скирэ кхэрэ́скэ сарэ́ схачкирдэ́ яга́са Израилёскирэ чхавэ́нгиро свэнтонэ́ дыибнэндыр Ра́скэ-Дэвлэ́скэ?

2 Паралипоменоно 26:18

И ґаздынэ́пэ проти Озиястэ, крали́стэ, и пхэндлэ́ лэ́скэ: “На ту́кэ, Охо́зие, тэ кадинэс Ра́скэ-Дэвлэ́скэ; дава́ рэ́ндо исын раша́нгиро, Аароно́скирэ-чхавэ́нгиро, савэ́ исын высвэнцындлэ тэ кадинэн; выджа свэнтонэ́ штэто́стыр, пал-дова́ со ту кэрдя́н на пир Зако́но, и дава́ на явэ́ла ту́кэ дрэ паты́в Растэ-Дэвлэ́стэ.

Psalmy 141:2

Мэк миро мангипэ́н (модло) тэ доджал кэ Ту сы́рбы фимиа́мо, а ке́ли мэ ґазда́ва васта́ сы́рбы бэльвэлякиро свэ́нто яныбэ́н.

Vygiiben 25:37

И кэр кэ ёв эфта́ лампады, и чхув пэ лэ́стэ лампады лэ́скирэ, соб (кай) тэ свенцынэн (тэ дэн дуд) пэ англатуны лэ́скири риг (боко);