Vygiiben 3:20 - Библия - Пэ Балтитко Романи чиб (Романэс) 2019

²⁰ и Мэ ґазда́ва Миро васт, и Мэ дивакирава (здивинава) Еги́пто сарэ́ Мирэ́ дивэнца, савэ́ кэра́ва машки́р лэ́ндэ; и пало́ дава́ ёв отмэкэ́ла тумэн.

Biblija - Pe Baltitko Romani čib (Romanes) 2019

²⁰ i Me ĥazdáva Miro vast, i Me divakirava (zdivinava) Jegípto saré Miré divenca, savé keráva maškír lénde; i paló davá jov otmekéla tumen.

Vygiiben 3:20 Referans Kwoze

Apostolengiri Butý 7:36

Адава́ Мо́йза вылыджия́ манушэ́н Египто́стыр, ёв кэрдя́ ди́вы и ґертыка́ дро Еги́пто пашы́л Лоло́ мо́рё (дэрья́в), и штардэша́ бэрш пэ чхучи́ пхув.

Ниеми́я 9:10

Ту кэрдя́н знаме́нии (ґертыка́) и ди́вы анги́л фараоностэ и анги́л сарэ́ндэ пэскирэндэ писхарьендэ, и анги́л саро́ лэ́скиро народо, пал-дова́ со Ту джиндян, со ёнэ кэрдэ́ накуч лэ́нца и кэрдя́н пэ́скэ малва кэ ададывэсатуно дывэ́с.

Яви́р Зако́но 6:22

и сыкадя́ Рай Дэвэ́л знаме́нии (ґертыка́), и ди́вы барэ́ и даракунэ пэ Еги́пто, пэ фараоностэ и пэ саро́ лэ́скиро кхэр, анги́л амарэ́ якха́;

Vygiiben 9:15

адя́кэ, сыр Мэ тэ чхував Миро васт, тэды тэ насвалякирав тут и тырэ́ манушэ́н мэрибнытконэ франсэнца (язваса), и ту явэ́са тэ хасёс пхувья́тыр:

Vygiiben 6:6

И адя́кэ пхэн Израилёскирэ чхавэ́нгэ: ‘Мэ сом Рай Дэвэ́л, и Мэ вылыджава тумэн Египтянэнгирэ дынарибнастыр, и вылыджава тумэн лэ́нгирэ плено́стыр, и зракха́ва тумэн протырдынэ вастэскирэ масэса и барэ́ сэндэнца;

Psalmy 105:27

ёнэ сыкадэ Лэ́скирэ знаме́нии (ґертыка́) машки́р лэ́ндэ дро Еги́пто, и кэрдэ́ ди́вы пэ Хамоскири пхув.

Vygiiben 12:39

И спэкнэ ёнэ тястостыр (хумэрэстыр), саво́ вылыджинэ́ Египто́стыр, пресна марикля, пал-дова́ со ёв ишчо (инкэ́) на заквасиндяпэ, пал-дова́ со ёнэ сыс вытрадынэ́ Египто́стыр, и на могиндлэ́ тэ на сыгнякирэн, и хабэ́н на скэдынэ́ пэ́скэ пэ дром.

Езэкилё 20:33

Тэ джива́в Мэ, ракирэ́ла Рай Дэвэ́л, Дэвэ́л! – зоралэ́ бурныкаса, протырдынэ вастэ́са, зоралэ́ холя́са ява́ва Мэ тэ раинав пэ тумэ́ндэ.

Isajos 26:11

Раё Дэ́вла! Тыро́ васт сыс вучэ́с ґаздыно́, нэ ёнэ лэс на дыкхнэ́; дыкхэ́на и ладжана, кон бидыкхэла (нашты́ тэ дыкхэ́л) пэ Тыро́ народо; яг ха́ла Тырэ́ вэргэ́н.

Isajos 19:22

И лэ́лапэ Рай Дэвэ́л пал Еги́пто мэрибнытконэ дукхаса, лэ́лапэ и высастякирэла; ёнэ обрисёна кэ Рай Дэвэ́л и Ёв шунэ́ла лэн и высастякирэла.

Psalmy 106:22

ди́вы пэ Хамоскири пхув, славутна кэ дар ваканцыи (случаи) пашы́л Лоло́ мо́рё (дэрья́в).

Psalmy 105:38

Еги́пто сыс радо, со ёнэ гинэ́, пал-дова́ со пэ лэ́ндэ пыя́ дар Юдэндыр.

Сэндарьенгири Лылвари́ 8:16

И лыя́ форо́скирэ пхурыдырэн и чхучэ́-пхувья́киро терновнико (хру́сто сувьенца) и саструнэ́ пхаля дандэнца, и дыя́ ка́ра лэ́нца Сакхофоскирэ манушэ́нгэ;

Сэндарьенгири Лылвари́ 6:8

то бичхадя́ Рай Дэвэ́л пророко́с кэ Израилёскирэ чхавэ́, и пхэндя́ лэ́нгэ: “Адя́кэ ракирэ́ла Рай Дэвэ́л, Израилёскиро Дэвэ́л: ‘Мэ вылыджиём тумэн Египто́стыр, вылыджиём тумэн писхарьенгирэ кхэрэ́стыр;

Яви́р Зако́но 4:34

Ци скэдэласпэ вари-саво́ Дэвэ́л тэ джал, тэ лэл пэ́скэ манушэ́н машки́р явирэ манушэ́ндэ тхагарьенца, знамение́нца (ґертыкэ́нца) и дивэнца, и марибна́са, и зоралэ́ вастэ́са, и вучэ́ вастэ́са, и барэ́ страхаса, сыр кэрдя́ ваш тумэ́нгэ Рай Дэвэ́л, тумаро́ Дэвэ́л, дро Еги́пто анги́л тырэ́ якха́?

Vygiiben 11:1

И пхэндя́ Рай Дэвэ́л Мойза́скэ: “Ишчо екх би́да Мэ лыджа́ва пэ фараоностэ и пэ Египтянэндэ; пало́ дава́ ёв отмэкэ́ла тумэн адатхы́р; ке́ли ёв явэ́ла тэ отмэкэ́л, сыгнымаса явэ́ла тэ традэл тумэн адатхы́р;

Vygiiben 6:1

И пхэндя́ Рай Дэвэ́л Мойза́скэ: “Какана́ ту дыкхэ́са, со Мэ кэра́ва фараоноса; пир зорало́ вастэскиро пэкаибэн ёв отмэкэ́ла лэн; пир зорало́ вастэскиро пэкаибэн ёв аж вытрадэла лэн пэ́скирэ пхувья́тыр.”

Džiibén 15:14

нэ Мэ кэра́ва сэ́ндо пэ манушэ́ндэ, савэ́нгэ ёнэ явэ́на тэ дынаринэ́н; пало́ дава́ ёнэ выджа́на барэ́ барвалыпнаса,

Vygiiben 4:21

И Рай Дэвэ́л пхэндя́ Мойза́скэ: “Ке́ли ту джа́са и рисёса дро Еги́пто, дыкх, сарэ́ ди́вы, савэ́ Мэ дыём тэ кэрэ́с ту́кэ, кэр лэн анги́л фараоностэ, а Мэ холякирава лэ́скиро ило́, и ёв на отмэкэ́ла манушэ́н.

Vygiiben 13:3

И пхэндя́ Мо́йза манушэ́нгэ: “Рипирэн дава́ дывэ́с, дрэ саво́ выгинэ́ тумэ́ Египто́стыр, писхарьенгирэ кхэрэ́стыр, пал-дова́ со зоралэ́ вастэ́са вылыджия́ тумэн Рай Дэвэ́л одотхы́р, и на хан квашэно;

Vygiiben 13:9

И мэк тэ явэ́л ту́кэ дава́ шпэраса (знакоса) пэ тыро́ васт и рипирибнаса анги́л тырэ́ якха́, соб (кай) Ра́скирэ-Дэвлэ́скиро зако́но тэ явэ́л дрэ тырэ́ ушта́, пал-дова́ со зоралэ́ вастэ́са вылыджия́ тут Рай Дэвэ́л Египто́стыр.

Vygiiben 15:6

Тыро́ чачо́ васт (десница), Рай Дэвэ́л, славинэлапэ зорья́са; Тыро́ чачо́ васт, Рай Дэвэ́л розрискирдя пэ котэра́ вэргос (врогос).

Vygiiben 15:11

Кон исын сыр Ту, Раё Дэ́вла, машки́р дэвлорэндэ? Кон исын, сыр Ту, най барыдыр свэнтыпнаса, шарибнаса кэ дар Ту, дивэнгиро Кэрибнари?

Mihiejo 7:15

Сыр сыс дрэ дывэса́, ке́ли ёнэ выджа́нас Египто́скирэ пхувья́тыр, сыка́в лэ́нгэ Тырэ́ ди́вна рэ́нды.