Vygiiben 3:17 - Библия - Пэ Балтитко Романи чиб (Романэс) 2019

¹⁷ И пхэндя́: “Мэ вылыджава тумэн Египто́скирэ пхарэ́ дынарибнастыр пэ пхув Хананеенгири, Хеттеенгири, Аморреенгири, Ферезеенгири, Евеенгири и Иевусеенгири, пэ пхув, кай тхадэ́ла тхуд и авги́н (мэда).”

Biblija - Pe Baltitko Romani čib (Romanes) 2019

¹⁷ I phendiá: “Me vylydžava tumen Jegiptóskire pharé dynaribnastyr pe phuv Xananiejengiri, Xiettiejengiri, Amorriejengiri, Fierieziejengiri, Jeviejengiri i Iievusiejengiri, pe phuv, kaj thadéla thud i avgín (meda).”

Vygiiben 3:17 Referans Kwoze

Džiibén 50:24

И пхэндя́ Ёза пэ́скирэ пшалэ́нгэ: “Мэ мэра́ва, нэ Дэвэ́л явэ́ла тэ помогинэл, и вылыджала тумэн далэ́ пхувья́тыр пэ пхув, пал сави́ Ёв совлахадя́ Авраамо́скэ, Исаако́скэ и Яково́скэ.”

Isúso 24:11

Тумэ́ пиригинэ́ Иорда́но и явнэ́ кэ Ерихо́но. И лынэ́ тэ марэ́нпэ тумэ́нца Ерихоноскирэ мануша́, Амореи, и Ферезеи, и Хананеи, и Хетеи, и Гергесеи, нэ Мэ отдыём лэн дрэ тумарэ́ васта́.

Džiibén 46:4

Мэ джа́ва ту́са дро Еги́пто, Мэ и лыджа́ва тут палэ. О Ёза пэ́скирэ вастэ́са учхакирэ́ла тырэ́ якха́.”

Džiibén 50:25

И засовлахадя Ёза Израилёскирэ чхавэ́н, и пхэндя́: “Дэвэ́л явэ́ла тэ помогинэл тумэ́нгэ и тумэ́ вылыджан мирэ́ кокалы́ адатхы́р.”

Vygiiben 6:6

И адя́кэ пхэн Израилёскирэ чхавэ́нгэ: ‘Мэ сом Рай Дэвэ́л, и Мэ вылыджава тумэн Египтянэнгирэ дынарибнастыр, и вылыджава тумэн лэ́нгирэ плено́стыр, и зракха́ва тумэн протырдынэ вастэскирэ масэса и барэ́ сэндэнца;

Vygiiben 13:5

И ке́ли залыджала тут Рай Дэвэ́л пэ Хананеенгири, и Хетеенгири, и Амореенгири, и Евесеенгири и Иевусеенгири пхув, пал сави́ совлахадя́ Ёв тырэ́ дадэ́нгэ, со дэ́ла ту́кэ пхув, кай тхадэ́ла тхуд и авги́н, кэр дава́ дынарибэ́н дрэ дава́ чхон,

Vygiiben 32:34

и адя́кэ джа́, лы́джа адалэ́ манушэ́н, карик Мэ ту́кэ пхэндём; ґа́да, Миро Янго́ло джа́ла анги́л ту́тэ, и дро Миро дывэ́с, сыр Мэ ява́ва тэ чхував ка́ра, Мэ заджава кэ ёнэ пал лэ́нгиро грэ́хо.”

Vygiiben 33:3

[и лыджа́ла Ёв тумэн-р.с.] пэ пхув, кай тхадэ́ла тхуд и авги́н; пал-дова́ со Мэ Кокоро́ на джа́ва машки́р тумэ́ндэ, соб (кай) тэ на хасякира́в Ма́нгэ тумэн пир дром, пал-дова́ со тумэ́ сан мануша́ пхарэ́-илытка.”

Čysly 13:27

И гинэ́, и явнэ́ кэ Мо́йза и Ааро́но, и кэ саро́ Израилёскирэ-чхавэ́нгиро скэдыибэ́н пэ чхучи́ пхув Фарано, дро Кадесо, и яндлэ́ лэ́нгэ и сарэ́ скэдыибнаскэ отпхэныбэ́н, и сыкадэ лэ́нгэ пхувья́кирэ барьякирдэ́ (пло́ды);

Яви́р Зако́но 6:3

И палдава́ шун, Израилё, и причху́в зор тэ кэрэ́с дава́, соб (кай) ту́кэ тэ явэ́л мишто́, и соб (кай) тумэ́ тэ явэ́н древа́н (збит) бут, сыр Рай Дэвэ́л, тырэ́-дадэ́нгиро Дэвэ́л ракирдя́ ту́кэ, со Ёв дэ́ла ту́кэ пхув, тхадэ́ла тхуд и авги́н (мэда).

Яви́р Зако́но 26:9

и яндя́ амэн пэ дава́ штэ́то, и дыя́ амэ́нгэ дая́ пхув, пхув пэ сави́ тхадэ́ла тхуд и авги́н;

Isúso 9:1

Шундлэ́ дава́ сарэ́ кра́лья, савэ́ сыс пал Иорда́но, пэ бэ́рга и пэ лошчы́на и пир саро́ барэ́ морёскиро (дэрьявэ́скиро) брэ́го, на́дур Ливаностыр, Хетеи, Амореи, Хананеи, Ферезеи, Евеи и Евусеи,

Ереме́ё 32:22

Ту дыя́н пхув лэ́нгэ, пал сави́ Ту дыя́н совла́х лэ́нгирэ дадэ́нгэ тэ дэс ла-пхув, пир сави́ тхадэ́ла тхуд и авги́н.

Левито 20:24

и пхэндём Мэ тумэ́нгэ: ‘тумэ́ хулаинэна лэ́нгирэ пхувья́са, и тумэ́нгэ отда́ва дро мэкно́ миштыпэ́н (наследство) пхув, дрэ сави́ тхадэ́ла тхуд и авги́н. Мэ сом Рай Дэвэ́л, тумаро́ Дэвэ́л, саво́ чхудя́ дрэ риг тумэн сарэ́ манушэ́ндыр.

Isúso 5:6

Пал-дова́ со Израилёскирэ чхавэ́ штардэша́ бэрш псирдэ́ пир чхучи́ пхув, пака мынэ́ сарэ́ мануша́, савэ́ сыс лачхэ́ кэ марибэ́н, савэ́ выгинэ́ Египто́стыр, савэ́ на шундлэ́ Раскири-Дэвлэ́скири зан, и савэ́нгэ Рай Дэвэ́л совлахадя́, со ёнэ на дыкхэ́на пхув, сави́ Рай Дэвэ́л совлахаса дыя́ лав лэ́нгирэ дадэ́нгэ, тэ дэл лэ́нгэ пхув, кай тхадэ́ла тхуд и авги́н.

1 Паралипоменоно 1:15

Еве́ё, Арке́ё, Сине́ё,

Psalmy 102:21

соб (кай) тэ шунэ́л, сыр дэ́ла ґондя́ годла́са одова́, кон исын дро штарибэ́н, соб (кай) Ёв тэ мэкэл пэ во́ля одолэ́ чхавэ́н, савэ́н мэрибэ́н ужакирэ́ла,

Ереме́ё 11:5

соб (кай) Мэ тэ выпхэрдякирав (тэ сполнинав) совла́х, сави́ Мэ дыём тумарэ́ дадэ́нгэ тэ дав пхув, пир сави́ тэ тхадэл тхуд и авги́н, сыр исын ададывэ́с. И Мэ, Ереме́ё отпхэндём и пхэндём: “Ами́нь, Раё Дэ́вла.”

Езэкилё 20:6

Пэ кодова́ дывэ́с Мэ ґаздыём Миро васт тэ совлахав лэ́нгэ, со Мэ лыджа́ва криг лэн Египто́скирэ пхувья́тыр пэ пхув, сави́ Мэ выдыкцём ваш лэ́нгэ, пэ доя́ пхув, кай чхувэнапэ тхуд и явгин (мэда), сарьенгирэ-пхувьенгиро шукарибэн.