Biblia Todo Logo
Bib sou entènèt

- Piblisite -




Vygiiben 3:16 - Библия - Пэ Балтитко Романи чиб (Романэс) 2019

16 Джа́, скэ́дэ пхурыдырэн Израилёскирэн и пхэн лэ́нгэ: “Рай Дэвэ́л, Дэвэ́л тумарэ́-дадэ́нгиро, сыкадыя́ ма́нгэ, Дэвэ́л Авраамо́скиро, Исаакоскиро и Яково́скиро, и пхэндя́: “Мэ явдём тэ дыкха́в тумэн и дыкхцём, со кэрэ́лапэ тумэ́нца дро Еги́пто.”

Gade chapit la Kopi

Biblija - Pe Baltitko Romani čib (Romanes) 2019

16 Džá, skéde phurydyren Izrailjoskiren i phen lénge: “Raj Devél, Devél tumaré-dadéngiro, sykadyjá mánge, Devél Avraamóskiro, Isaakoskiro i Jakovóskiro, i phendiá: “Me javdjom te dykháv tumen i dykhcjom, so kerélape tuménca dro Jegípto.”

Gade chapit la Kopi




Vygiiben 3:16
31 Referans Kwoze  

Ке́ли мэ дыкха́ва болыбэ́н, со Ту создыян, чхон и чэргэня́, со Ту чхудя́н,


и патяндынэ́ мануша́; и шундлэ́, со Рай Дэвэ́л сыс кэ Израилёскирэ чхавэ́ и дыкхця́ лэ́нгирэ мэ́ньки и тэрдинэ́ ёнэ пэ чанга́ и поклониндлэпэ.


И гия́ Мо́йза Аароноса, и скэдынэ́ ёнэ сарэ́н Израилёскирэ-чхавэ́нгирэ барыдырэ́н,


И пхэндя́ Ёза пэ́скирэ пшалэ́нгэ: “Мэ мэра́ва, нэ Дэвэ́л явэ́ла тэ помогинэл, и вылыджала тумэн далэ́ пхувья́тыр пэ пхув, пал сави́ Ёв совлахадя́ Авраамо́скэ, Исаако́скэ и Яково́скэ.”


Си́моно роспхэндя́ амэ́нгэ пал дава́, сыр Дэвэ́л англэды́р сыкадя́ пэ́скири ла́ска ваш Наюдэ́нгэ, со Ёв выкэдыя́ лэ́ндыр манушэ́н ваш Пэ́скиро лав.


Мэ, кокоро́ сом годэпхуро́ и пастырё (чхупна́ри), манга́ва тумарэ́ кхангирья́кирэ годэпхурэн и пастырен, пал-дова́ со мэ сом якхи́тко, сыр Христо́со пирилыджия пхарипэ́н, адя́кэ-паць ма́ндэ исын паш дрэ сла́ва, сави́ явэ́ла сыкады:


и дживэ́н пир чачипэ́н машки́р Наюдэ́ндэ, соб (кай) одолэ́, кон ракирэ́ла чорипэ́н пэ тумэ́ндэ, со тумэ́ сан фуй, тэ дыкхэ́н тумарэ́ лачхэ́ рэ́нды и тэ славинэ́н Дэвлэ́с, ке́ли Ёв явэ́ла.


Милетостыр ёв бичхадя́ манушэ́н, соб (кай) одолэ́ тэ кхарэ́н кхангирья́кирэ годэпхурэн.


И ёнэ кэрдэ́ дова́, ке́ли ёнэ бичхадэ́ ловэ́ пхурэпшалэнгэ (пресвитерэнгэ), со скэдынэ́ Варнава и Савло.”


и роспхагирэна саро́ пэ пхув и замарэна тырэ́ чхаворэ́н: и на ячэ́ла бар пэ бар, пал-дова́ со ту на уджиндян часо, ке́ли Дэвэ́л явдя́ тэ зракхэ́л тут.”


“Бахтало́ исын Рай Дэвэ́л, Израилёскиро Дэвэ́л, Саво́ явдя́ тэ дыкхэ́л Пэ́скирэ манушэ́н и тэ выракхэл лэн,


Тэды скэдынэ́пэ раша́нгирэ барыдыра́ и годэпхурэ́ дрэ раша́нгирэ барыдырэскири грэ́да (дво́ро), савэ́с кхардэ́ Каиа́фа,


И уштыя́ ёй пэ́скирэ борьенца, и гия́ палэ Моавито́скирэ фэлдэндыр, пал-дова́ со ёй шундя́ пэ Моавито́скирэ фэ́лды со Дэвэ́л порисия кэ Пэ́скирэ мануша́ и дыя́ лэ́нгэ маро́.


И лыя́ Мо́йза пэ́са Ёза́скирэ (Иосифо́скирэ) кокалы́, пал-дова́ со Ёза совлахадя́ Израилёскирэ чхавэ́н, и пхэндя́: “Явэ́ла тэ дыкхэ́л тумэн Дэвэ́л, и тумэ́ вылыджан пэ́са адатхы́р мирэ́ кокалы́.”


Акэ, ваш дова́, соб (кай) тэ патя́н, со сыкадыя́ ту́кэ Рай Дэвэ́л, Дэвэ́л лэ́нгирэ-дадэ́нгиро, Авраамо́скиро Дэвэ́л, Исаакоскиро Дэвэ́л и Яково́скиро Дэвэ́л.”


И дыкхця́ Дэвэ́л Израилёскирэ чхавэ́н, и потангиндя лэн Дэвэ́л.


И Ёв на протырдыя́ Пэ́скиро васт пэ выкэдынэ́ Израилёскирэ чхавэ́ндэ: ёнэ дыкхнэ́ Дэвлэ́с, и ханэ́, и пинэ́.


И яндя́ Иофоро, Мойза́скиро састро, цэ́ла схачкирибэна и свэ́нта дыибэна́ (жэртвы) Дэвлэ́скэ; и явдя́ Ааро́но и сарэ́ Израилёскирэ пхурыдыра́ тэ хан маро́ Мойза́скирэ састрэса анги́л Дэвлэ́стэ.


Шундлэ́ манушы́тка на́цыи, и тринскирэнапэ: дар облыя Филистимия́кирэ манушэ́н;


И сыкадыя́ лэ́скэ Ра́скирэ-Дэвлэ́скиро Янго́ло машки́р хру́сто (кусто) дрэ яг. И дыкхця́ ёв, со хру́сто хачолас яга́са, нэ хру́сто на выхачола.


И кэрдя́ паты́в Рай Дэвэ́л Сарракэ, сыр Ёв пхэндя́; и кэрдя́ Рай Дэвэ́л Сарракэ адя́кэ, сыр ракирдя́.


И кэрдя́ Дэвэ́л сво́до, и роскэрдя́ пани́, саво́ сыс тэл буґло́ сво́до долэ́ пане́стыр, и саво́ сыс упра́л, кай сыс буґло́ сво́до. И яця́ адя́кэ.


И ґа́да, Рай Дэвэ́л сыс тэрдо́ пэ ла́тэ и ракирэ́лас: “Мэ сом Рай Дэвэ́л (Яхва́), Дэвэ́л Авраамо́скиро, тырэ́-дадэ́скиро, и Исаакоскиро Дэвэ́л. Пхув, пэ сави́ ту сан пашто́, Мэ да́ва ту́кэ и тырэ́-чхавэ́нгирэ родо́скэ;


И бахтякирдя́ Ёза, и пхэндя́: “Дэвэ́л, анги́л Савэ́стэ псирдэ́ мирэ́ дада́, Авраа́мо и Исаа́ко, Дэвэ́л, Саво́ ракхэ́ла ман долэ́ дывэсэ́ндыр, сыр мэ бияндыём, ададывэ́с,


И пхэндя́ Ёв: “Мэ сом Дэвэ́л тырэ́-дадэ́скиро, Авраамо́скиро Дэвэ́л, Исаакоскиро Дэвэ́л и Яково́скиро Дэвэ́л.” Мо́йза зачхакирдя пэ́скиро муй; пал-дова́ со дарандыя тэ дыкхэ́л пэ Дэвлэ́стэ.


И отпхэндя́ Мо́йза и пхэндя́: “А ко́ли ёнэ на патя́на ма́нгэ, и на шунэ́на мири́ зан, и пхэнэ́на: ‘На сыкадыя́ ту́кэ Рай Дэвэ́л?’”


И пхэндя́ Рай Дэвэ́л Мойза́скэ: “Проджа анги́л манушэ́ндэ, и лэ пэ́са вари-савэ́н Израилёскирэ пхурэндыр и тыро́ дэсто́, савэ́са ту пэкадян пир пани́, лэ дрэ пэ́скиро васт, и джа́;


Чачэс, Ра́скирэ-Дэвлэ́скири якх исын пэ одолэ́ндэ, савэ́ндэ исын трашаибэ́н анги́л Лэ́стэ и пэ одолэ́ндэ, конэ́стэ исын наде́я пэ Лэ́скири лачхэ́-илы́ткима,


И тэрдия́ дро Еги́пто нэво́ кра́ли, саво́ на джиндя́ Ёзас (Иосифос),


соб (кай) тэ шунэ́л, сыр дэ́ла ґондя́ годла́са одова́, кон исын дро штарибэ́н, соб (кай) Ёв тэ мэкэл пэ во́ля одолэ́ чхавэ́н, савэ́н мэрибэ́н ужакирэ́ла,


Swiv nou:

Piblisite


Piblisite