Vygiiben 3:15 - Библия - Пэ Балтитко Романи чиб (Романэс) 2019

¹⁵ И пхэндя́ ишчо (инкэ́) Дэвэ́л Мойза́скэ: “Адя́кэ пхэн Израилёскирэ чхавэ́нгэ: ‘Рай Дэвэ́л (Яхва́), Дэвэ́л тумарэ́ дадэ́нгиро, Авраамо́скиро Дэвэ́л, Исаакоскиро Дэвэ́л и Яково́скиро Дэвэ́л, бичхадя́ ман кэ тумэ́.’ Ѓа́да, Миро лав пэ ве́ко, рипирибэ́н пал Ма́ндэ исын родо́стыр дро ро́до.

Biblija - Pe Baltitko Romani čib (Romanes) 2019

¹⁵ I phendiá iščo (inké) Devél Mojzáske: “Adiáke phen Izrailjoskire čhavénge: ‘Raj Devél (Jahvá), Devél tumaré dadéngiro, Avraamóskiro Devél, Isaakoskiro Devél i Jakovóskiro Devél, bičhadiá man ke tumé.’ Ĥáda, Miro lav pe viéko, ripiribén pal Mánde isyn rodóstyr dro ródo.

Vygiiben 3:15 Referans Kwoze

Юдэ́нгэ 13:8

Ису́со Христо́со исын Адасаво́-паць атася́, ададывэ́с и пэ сарэ́ ве́ки.

Малахия 3:6

“Пал-дова́ со Мэ, Рай Дэвэ́л, на парудёвава, палдава́ тумэ́, чхавэ́ Яково́скирэ, на хасинэ́.

Osija 12:5

Дава́ исын Рай Дэвэ́л, янголэ́нгирэ – болыбна́скиро Дэвэ́л, Сарэзорья́киро, – Лэ́скиро Лав Иегова (Яхва́).

Mihiejo 4:5

Сарэ́ мануша́ псирэ́на и мангэ́напэ лавэ́са лэ́нгирэ дэвлорэндыр, нэ амэ ява́са тэ псирас, и мангаспэ Ра́скирэ-Дэвлэ́скирэ лавэ́са, амарэ́ Дэвлэскирэса пэ сарэ́ ве́ки.

Vygiiben 3:6

И пхэндя́ Ёв: “Мэ сом Дэвэ́л тырэ́-дадэ́скиро, Авраамо́скиро Дэвэ́л, Исаакоскиро Дэвэ́л и Яково́скиро Дэвэ́л.” Мо́йза зачхакирдя пэ́скиро муй; пал-дова́ со дарандыя тэ дыкхэ́л пэ Дэвлэ́стэ.

Isajos 9:6

Пал-дова́ со Бия́то бия́ндыя амэ́нгэ, чхаво́ исын дыно́ амэ́нгэ; Ёв лэ́ла зор дро Пэ́скиро васт, и дэ́на Лэ́скэ лав: Лачхо́ Годыпнари, зорало́ Дэвэ́л, Дад, конэ́стэ исын ве́чно джиибэ́н, далэ́-свэтоскиро Тхага́ри (Князё).

Psalmy 102:12

Мирэ́ дывэса́ проджа́на (накхэна) сы́рбы зэр (тенё), сави́ хасёла, Мэ вышутиём сы́рбы чар.

Psalmy 135:13

О, Раё Дэ́вла! Тыро́ лав ячэ́лапэ пэ сарэ́ ве́ки! О, Раё Дэ́вла! Рипирибэ́н пал Ту́тэ исын родо́стыр кэ ро́до.

Apostolengiri Butý 7:32

“Мэ сом Дэвэ́л тырэ́ дадэ́нгиро, Дэвэ́л Авраамо́скиро, Исаакоскиро и Яково́скиро.” Мо́йза издрандыя дара́тыр и лэ́стэ на сыс муршыпэн тэ ґаздэл якха́.

Яви́р Зако́но 1:11

Рай Дэвэ́л, Дэвэ́л, тумарэ́-дадэ́нгиро, мэк тэ создэл тумэн бутэды́р дро тысёнцо мо́лы проти дава́, ци бут тумэн акана́, и мэк тэ бахтякирэ́л тумэн, сыр Ёв ракирдя́ тумэ́нгэ:

Vygiiben 4:5

Акэ, ваш дова́, соб (кай) тэ патя́н, со сыкадыя́ ту́кэ Рай Дэвэ́л, Дэвэ́л лэ́нгирэ-дадэ́нгиро, Авраамо́скиро Дэвэ́л, Исаакоскиро Дэвэ́л и Яково́скиро Дэвэ́л.”

Isajos 63:12

Саво́ лыджия́ Мойза́с пал чачо́ васт, Ёв лыджалас Пэ́скирэ зоралэ́ вастэ́са, Ёв розлыджия (укэдыя) анги́л лэ́ндэ пани́, соб (кай) тэ кэрэ́л Пэ́скэ ве́чно лав?

Psalmy 72:19

Мэк тэ явэ́л бахтякирдо́ Лэ́скиро лав пэ сарэ́ ве́ки! Мэк тэ явэ́л пхэрды́ сари́ пхув Лэ́скирэ слава́са. Ами́нь и ами́нь.

Psalmy 72:17

Крали́скиро лав явэ́ла ўса́ды (сак): лэ́скиро лав явэ́ла джиндло́ пака исын кхам: лэ́скирэ мануша́ явэ́на бахталэ́ Дэвлэ́стыр, сарэ́ Наюды́тка на́цыи явэ́на тэ шарэ́н лэс.

2 Паралипоменоно 28:9

Одо́й сыс Ра́скирэ-Дэвлэ́скиро проро́ко; лав лэ́скиро сыс Оде́до. Ёв выгия́ анги́л халадэ́нгиро муй, савэ́ гинэ́ дрэ Сама́рия, и пхэндя́ лэ́нгэ: “Акэ, Рай Дэвэ́л, Дэвэ́л тумарэ́-дадэ́нгиро, дрэ холы́ пэ Юдэ́ндэ, отдыя́ лэн дро тумаро́ васт, и тумэ́ домардэ́ лэн дасавэ́ холя́са, сави́ догия́ кэ болыбэ́н.

Матфеё 22:32

‘Мэ сом Аврамоскиро Дэвэ́л, и Исако́скиро Дэвэ́л, и Яково́скиро Дэвэ́л’? Ёв исын Дэвэ́л джидэ́-манушэ́нгиро, а на мулэнгиро.”

Яви́р Зако́но 4:1

И акана́, Израилё, шун упхэныбэна́ и зако́ны, савэ́ мэ сыклякирава тумэн тэ кэрэ́н, соб (кай) тумэ́ тэ явэ́н джидэ́, и тэ джа́н и тэ дорэсэн доя́ пхув, сави́ Рай Дэвэ́л, тумарэ́ дадэ́нгиро Дэвэ́л, дэ́ла тумэ́нгэ;

Яви́р Зако́но 1:35

“Нико́н адалэ́ манушэ́ндыр, далэ́-холынакирэ родо́стыр, на явэ́ла тэ дыкхэ́л лачхи́ пхув, сави́ Мэ совлахадём тэ дав тумарэ́ дадэ́нгэ;

Apostolengiri Butý 3:13

Дэвэ́л Авраамо́скиро и Исако́скиро и Яково́скиро, Дэвэ́л амарэ́ дадэ́нгиро, прославиндя Пэ́скирэ Чхавэ́с Исусо́с, Савэс тумэ́ здынэ и Савэ́стыр отпхэндлэпэ анги́л Пилатостэ, ке́ли Пила́то отсэндиндя тэ отмэкэ́л Лэс пэ во́ля.

Юдэ́нгэ 11:16

нэ ёнэ какана́ зоралэ́с мангэна фэдэды́р тхэм, саво́ исын дро Болыбна́скиро Раё, палдава́ Дэвлэ́скэ нанэ ладжаво, ке́ли ёнэ кхарэ́на Лэс пэ́скирэ Дэвлэ́са; пал-дова́ со Ёв приготовиндя фо́ро ваш лэ́нгэ.

Džiibén 24:12

И пхэндя́: “Раё Дэвлалэ, Дэ́вла мирэ́ хула́скэ Авраамо́скиро! Бичха́в ададывэ́с тэ дыкхавпэ ма́нгэ, и кэр лачхипэ́н мирэ́ хула́скэ Авраамо́скэ;

Vygiiben 3:13

И пхэндя́ Мо́йза Дэвлэ́скэ: “Ѓа́да, мэ ява́ва кэ Израилёскирэ чхавэ́ и пхэна́ва лэ́нгэ: “Дэвэ́л тумарэ́ дадэ́нгиро бичхадя́ ман кэ тумэ́.” А ёнэ пхэнэ́на: “Сыр исын Лэ́скиро лав? Со тэ пхэна́в ма́нгэ лэ́нгэ?”

Vygiiben 4:1

И отпхэндя́ Мо́йза и пхэндя́: “А ко́ли ёнэ на патя́на ма́нгэ, и на шунэ́на мири́ зан, и пхэнэ́на: ‘На сыкадыя́ ту́кэ Рай Дэвэ́л?’”

Vygiiben 6:2

И ракирдя́ Дэвэ́л Мойза́скэ, и пхэндя́ лэ́скэ: “Мэ сом Рай Дэвэ́л.

Vygiiben 15:2

Рай Дэвэ́л исын зоралыпэ́н миро и сла́ва мири́, Ёв сыс миро зракхибэ́н: Ёв исын миро Дэвэ́л, и Мэ славинава Лэс; мирэ́-дадэ́скиро Дэвэ́л, и мэ барьякирава Лэс.

Vygiiben 15:3

Рай Дэвэ́л исын мурш марибнаскэ, лав Лэ́скэ Яхва́ (Иегова).

Левито 24:11

и костя Израильтянкакиро чхаво́ Ра́скирэ-Дэвлэ́скиро лав и обракирдя. И яндлэ́ лэс кэ Мо́йза;

Psalmy 30:4

О Раё Дэ́вла, Ту вылыджиян миро ди люностыр (адостыр) и Ту зракхця́н миро джиибэ́н, соб (кай) мэ тэ на джав дрэ маґила.

Pritčy 18:10

Ра́скирэ-Дэвлэ́скирэ лав исын сыр зоралы́ вучарды́ (башня), чачуно́ ману́ш нашэла дрэ ла́тэ, и тэ́ньчи ёв исын бидаракиро.

Isajos 26:8

И пэ дром, кай исын Тыро́ сэ́ндо, Раё Дэ́вла, сыс амэ́ндэ лачхо́ ужакирибэ́н пэ Ту́тэ; кэ Тыро́ лав, кэ рипирибэ́н пал Ту́тэ тырдэла амэн амаро́ ди.

Isajos 42:8

Мэ сом Рай Дэвэ́л, дава́ исын Миро лав, и Мэ на дава́ паты́в Мирэ́ явирэ манушэ́нгэ, и барипэ́н Миро Мэ на дава́ идолэ́нгэ.

Ереме́ё 33:2

“Адя́кэ ракирэ́ла Рай Дэвэ́л, Саво́ создыя́ саро́ дава́; Рай Дэвэ́л, Саво́ создыя́ пхув, соб (кай) ёй тэ тэрдёл, Рай Дэвэ́л, исын Лэ́скиро лав:

Дание́лё 2:23

Мэ парикирава и мэ шарава Тут, Дэ́вла, мирэ́ дадэ́нгиро, со Ту дыя́н ма́нгэ годы́ и зор и откэрдян ма́нгэ одова́, пал со мангэнас Тут; пал-дова́ со Ту откэрдян амэ́нгэ рэ́ндо крали́скиро.”

1 Паралипоменоно 16:16

Дова́, пал со Ёв доракирдяпэ Авраамоса, и дрэ со Ёв совлахадя́ Исаако́скэ,

1 Паралипоменоно 29:18

Раё Дэ́вла, Дэ́вла Авраамо́скиро, Исаакоскиро и Израилёскиро, дадэнги́рэ-амарэнгиро! Зра́кх дава́ пэ ве́ко, дава́ отлыджыибэн думкакиро, пэ илэ манушэ́нгирэ Тырэнгирэ, и ян ило́ лэ́нгиро кэ Ту.

Psalmy 30:5

Бага́н шарибнытка гиля́ Ра́скэ-Дэвлэ́скэ, о, тумэ́ сарэ́ Лэ́скирэ мануша́, и парикирэ́н Лэ́скэ, и рипирэ́н лэ́скиро Свэ́нто Лачхипэ́н.

Psalmy 68:5

Бага́н Дэвлэ́скэ, бага́н шарибнытка гиля́ Лэ́скирэ лавэ́скэ, ґаздэ́н шарибнаса Лэс, Саво́ традэ́ла уклисто пир о́блоки пэ болыбэ́н: Лэ́скиро лав исын Рай Дэвэ́л, ґаздэ́нпэ шарибнаса одо́й, кай Ёв исын.

Psalmy 102:13

Нэ Ту, Раё Дэ́вла, явэ́са ве́чнэс, и сарэ́ ро́ды рипирэна Тыро́ лав.

Osija 12:6

И ту, Яково́скиро ўнуко (непото), рисёв палэ кэ Дэвэ́л тыро́: ракх (дыкх) тангипэ́н (лачхэ́-илы́ткима) и чачуно́ сэ́ндо, и ўса́ды (сак) ужакир лачхипэ́н тумарэ́ Дэвлэ́стыр.