Vygiiben 3:12 - Библия - Пэ Балтитко Романи чиб (Романэс) 2019

¹² И пхэндя́ Дэвэ́л: “Мэ ява́ва ту́са, и, ґа́да, ту́кэ явэ́ла допхэныбэ́н, со Мэ бичхадём тут: ке́ли ту вылыджаса Египто́стыр манушэ́н, то тумэ́ кэрэ́н мангипэ́н Дэвлэ́скэ пэ дая́ бэ́рга.”

Biblija - Pe Baltitko Romani čib (Romanes) 2019

¹² I phendiá Devél: “Me javáva túsa, i, ĥáda, túke javéla dophenybén, so Me bičhadjom tut: kiéli tu vylydžasa Jegiptóstyr manušén, to tumé kerén mangipén Devléske pe daja bérga.”

Vygiiben 3:12 Referans Kwoze

Isúso 1:5

Нико́н на утэрдёла анги́л ту́тэ дрэ сарэ́ тырэ́ джиибна́скирэ дывэса́; и сыр Мэ со́мас Мойзаса, адя́кэ Мэ ява́ва и ту́са; Мэ на отджава ту́тыр и на ячкирава тут.

Римлянэнгэ 8:31

Со амэ тэды пхэна́са пэ дава́? Ко́ли Дэвэ́л исын пал амэ́ндэ, тэды кон исын проти амэ́ндэ?

Isajos 41:10

На дар, пал-дова́ со Мэ сом ту́са: на нашадёв дро ду́хо (фа́но), пал-дова́ со Мэ сом Дэвэ́л тыро́. Мэ ява́ва тэ зорьякирав тут, и, Мэ подава васт ту́кэ, Мэ подрикирава тут Мирэ́ чачипнаскирэ чачэ́ вастэ́са.”

Яви́р Зако́но 31:23

И припхэндя́ Рай Дэвэ́л Исусо́скэ (Ёхошуаскэ), Навиноскирэ чхавэ́скэ, и пхэндя́ лэ́скэ: “Яв зоралэ́-волякиро и муршкано́; пал-дова́ со ту залыджаса Израилёскирэ чхавэ́н пэ пхув, пал сави́ Мэ совлахадём лэ́нгэ, и Мэ ява́ва ту́са.”

Džiibén 31:3

И Рай Дэвэ́л пхэндя́ Яково́скэ: “Рисёв пэ тырэ́-дадэнгири пхув, кай ту бияндыян; и Мэ ява́ва ту́са.”

Vygiiben 4:15

ту явэ́са тэ ракирэ́с лэ́скэ и тэ чхувэ́с лава́ дрэ лэ́скирэ ушта́, а Мэ ява́ва пашы́л тырэ́ ушта́ и пашы́л лэ́скирэ, и Мэ ява́ва тэ сыклякирав тумэн, со тумэ́нгэ тэ кэрэ́н;

Vygiiben 4:12

И адя́кэ джа́, и Мэ ява́ва пашы́л тырэ́ ушта́, и высыклякирава тут, со ту́кэ тэ ракирэ́с.”

Матфеё 28:20

сыклякирэ́н лэн тэ кэрэ́н саро́, со Мэ припхэндём тумэ́нгэ. И, акэ, Мэ сом тумэ́нца кэ векоскиро ко́нцо (яго́ро).”

Isajos 43:2

Ко́ли ту явэ́са тэ пириджас пир пани́, Мэ сом ту́са; ци пир рэ́ки (лэня́) – ёнэ тут на тасадякирэна; подджаса кэ яг – ёй тут на схачкирла.

Apostolengiri Butý 11:21

И сыс Дэвлэ́скиро васт лэ́нца, и бут мануша́ патяндынэ́ и рисинэ́ кэ Дэвэ́л.

Marko 16:20

И ёнэ выгинэ́ и роспхэндлэ́ лав усенде (везде), Рай Дэвэ́л сыс пашы́л лэ́нгирэ рэ́нды и Ёв допхэнэлас лэ́нгирэ лавэнгиро чачипэ́н знамение́нца (ґертыкэ́нца), савэ́ джа́нас ада́й жэ пал лэ́нгирэ лава́.

Юдэ́нгэ 13:5

На явэ́н ґа́лка (жадна) кэ ловэ́, парикирэ́н Дэвлэ́скэ пал саро́, пал-дова́ со Ёв пхэндя́: “Мэ на ячкирава и на мэкава тут.”

Isajos 7:14

Нэ кокоро́ Рай Дэвэ́л дэ́ла ґерты́к/ досыкаибэн тумэ́нгэ: акэ, э патывалы́ тэрны́ джувлы́ прилэ́ла и биянэ́ла чхавэ́с, и дэ́на Лэ́скэ лав: Эмануило.

Psalmy 86:17

Сыка́в Тырэ́-лачхипнаскири ґерты́к (знаме́ниё), соб (кай) одолэ́, савэ́ на камэ́на ман зоралэ́с, могинэ́нас тэ дыкхэ́н и ёнэ явэ́нас ладжакирдэ́, пал-дова́ со Ту, Раё Дэ́вла, дыя́н васт ма́нгэ и подрикирдян ман.

Isajos 37:30

Акэ, ту́кэ, Езэки́я, ґерты́к (знаме́ниё): Хан дро дава́ бэрш маро́, саво́ выбария зяркатыр, со пыя́ пэ пхув, пэ яви́р бэрш хан маро́, саво́ кокоро́ пэ́стыр выбария, а пэ три́то бэрш барьякирэ́н маро́, барьякирэ́н винаграды́тко у́нта (садо) и хан лэ́ндыр.

Сэндарьенгири Лылвари́ 7:11

и шунэса, со ракирэ́на, и тэды ячэ́на зоралэды́р тырэ́ васта́, и джа́са дрэ ста́но.” И гия́ тэлэ́ ёв и Фура, лэ́скиро дына́ри, кэ са́мо яго́ро (краё) полко, саво́ сыс дро ста́но.

Сэндарьенгири Лылвари́ 6:21

Ра́скирэ-Дэвлэ́скиро Янго́ло, ґаздыи кхинынгоскирэ-дэстэскиро яго́ро, саво́ сыс дро лэ́скиро васт, лыяпэ пал мас и опресноки; и Ра́скирэ-Дэвлэ́скиро Янго́ло счхакирдяпэ лэ́скирэ якхэ́ндыр.

Сэндарьенгири Лылвари́ 6:17

Гедео́но пхэндя́ Лэ́скэ: “Ко́ли мэ дорэсцём (долыём) ла́ска анги́л Тырэ́ якха́, тэды кэр ма́нгэ ґерты́к (знаме́ниё), со Ту ракирэ́са ма́нца.

Džiibén 15:1

Пало́ далэ́ рэ́нды (де́лы) Ра́скирэ-Дэвлэ́скиро лав сыс дро дыкхибэ́н Аврамоскэ, и сыс пхэндло́: “Авраме, на дар; Мэ сом тыро́ шчы́то; мазу́ри (награда) ту́кэ тыро́ исын древа́н бари.

Džiibén 15:8

Ёв пхэндя́: “Раё Баро́, Дэвлалэ! Пир со ма́нгэ тэ джина́в, со мэ прилава ла?”

Apostolengiri Butý 7:7

нэ Мэ, – пхэндя́ Дэвэ́л, – ява́ва тэ сэндякирав пхарэ́с одолэ́ – нацыякирэ манушэ́н, ваш конэ́скэ ёнэ явэ́на писха́рья; и палэ дава́ ёнэ выджа́на долэ́ пхувья́тыр и явэ́на тэ дынаринэ́н Ма́нгэ пэ дава́ штэ́то.

Vygiiben 3:1

Мо́йза ракхця́ бакрэ́н Иофоростэ, Мадиамитянэнгирэ рашастэ, саво́ сыс лэ́скиро састро (тестё). Екхвар традыя́ ёв кхэритконэ́ мурдалэ́н (ското) дур пэ чхучи́ (пусто) пхув, и явдя́ кэ Дэвлэ́скири бэ́рга Хориво.

Vygiiben 3:13

И пхэндя́ Мо́йза Дэвлэ́скэ: “Ѓа́да, мэ ява́ва кэ Израилёскирэ чхавэ́ и пхэна́ва лэ́нгэ: “Дэвэ́л тумарэ́ дадэ́нгиро бичхадя́ ман кэ тумэ́.” А ёнэ пхэнэ́на: “Сыр исын Лэ́скиро лав? Со тэ пхэна́в ма́нгэ лэ́нгэ?”

Vygiiben 18:5

И явдя́ Иофоро, Мойза́скиро састро, лэ́скирэ чхавэ́нца и лэ́скирэ ромня́са кэ Мо́йза пэ чхучи́ пхув, кай ёв сыс тэрдо́ стано́са (табороса) пашы́л Ра́скирэ-Дэвлэ́скири бэ́рга,

Vygiiben 33:14

Рай Дэвэ́л пхэндя́: “Мэ Кокоро́ джа́ва [Миро очэртаниё-ю.о.], и лыджа́ва тут дро штылыпэн (покоё).”

Čysly 16:28

Тэ́ньци пхэндя́ о Мо́йза: “Далэ́стыр уджинэна, со Рай Дэвэ́л бичхадя́ ман тэ кэра́в сарэ́ далэ́ рэ́нды, а на пир пэ́скири мысля мэ кэра́ва дава́:

Čysly 23:21

Нанэ дыкхно чорипэ́н дрэ Яковостэ, и нанэ бицялы би́да дро Израилё; лэ́скиро Рай Дэвэ́л, исын лэ́са, и трубитко зан лэ́стэ, сыр крали́стэ;

Сэндарьенгири Лылвари́ 6:16

И пхэндя́ лэ́скэ Рай Дэвэ́л: “Мэ ява́ва ту́са, и ту протрадэса Мадианитянэн, сыр екхэ манушэ́с.”

4 Kralip 19:29

И ґа́да ту́кэ, Езэки́я, ґерты́к (знаме́ниё): хан дрэ дава́ бэрш, со выбария зяркатыр, сави́ пыя́, и пэ яви́р бэрш – кокоро́ бияныбнаскиро, а пэ три́то бэрш сеинэн и укэдэн, и чхувэ́н дрэ пхув винаграды́тка унты (сады) и хан лэ́нгирэ барьякирдэ́ (пло́ды).

Ереме́ё 1:8

На дар лэ́ндыр, пал-дова́ со Мэ сом ту́са тэ ракхав тут”, – пхэндя́ Рай Дэвэ́л.

Džiibén 26:3

Псир пир сари́ пхув, и Мэ ява́ва ту́са, и бахтякирава тут, пал-дова́ со ту́кэ и тырэ́ родо́скэ Мэ да́ва сари́ дая́ пхув, и Мэ рикирава совла́х, савья́са Мэ совлахадём Авраамо́скэ, тырэ́ дадэ́скэ;

Vygiiben 8:27

Амэ джа́са пэ чхучи́ пхув, пэ тринэ́-дывэсэнгиро дром, и янаса свэ́нто дыибэ́н Ра́скэ-Дэвлэ́скэ, амарэ́ Дэвлэ́скэ, сыр Ёв пхэнэ́ла амэ́нгэ.”

Сэндарьенгири Лылвари́ 6:12

И сыкадыя́ лэ́скэ Ра́скирэ-Дэвлэ́скиро Янго́ло, и пхэндя́ лэ́скэ: “Тэ явэ́л Рай Дэвэ́л ту́са, мурш зорало́!”

1 Kralip 14:10

а ко́ли адя́кэ пхэнэ́на: ‘Ѓаздэнпэ кэ амэ’, тэды амэ зджаса упрэ́, пал-дова́ со Рай Дэвэ́л отдыя́ лэн дро амарэ́ васта́, и дава́ явэ́ла сыкаибнаса ваш амэ́нгэ.”

1 Паралипоменоно 9:20

Финее́со, чхаво́ Елизароскиро, сыс англэды́р (вагэдыр) барыдыро́ пэ лэ́ндэ, и Рай Дэвэ́л сыс лэ́са.