Vygiiben 27:21 - Библия - Пэ Балтитко Романи чиб (Романэс) 2019

²¹ дрэ ша́тра скэдыибна́скири, пал полого, саво́ исын анги́л ковчэго досыкаибна́са (откровенияса), явэ́ла тэ захачкирэл Ааро́но и лэ́скирэ чхавэ́, бэльвелятыр кэ ра́нко, анги́л Ра́скирэ-Дэвлэ́скиро муй. Дава́ исын стату́то ве́чно ваш лэ́нгирэ стрэ́чы (поколении) Израилёскирэ чхавэ́ндыр.

Biblija - Pe Baltitko Romani čib (Romanes) 2019

²¹ dre šátra skedyibnáskiri, pal pologo, savó isyn angíl kovčego dosykaibnása (otkrovienijasa), javéla te zahačkirel Aaróno i léskire čhavé, bel'vieliatyr ke ránko, angíl Ráskire-Devléskiro muj. Davá isyn statúto viéčno vaš léngire stréčy (pokolienii) Izrailjoskire čhavéndyr.

Vygiiben 27:21 Referans Kwoze

Čysly 19:21

И мэк тэ явэ́л дава́ ваш лэ́нгэ векоскирэ упхэныбнаса. И ману́ш, саво́ обчхувэла жужакирибнаскирэ пане́са, мэк тэ выморэл пэ́скиро и́ди и урибэ́н; и кон лэ́лапэ кэ жужакирибнаскиро пани́, одова́ явэ́ла нажужо кэ бэльвэ́ль.

Čysly 18:23

мэк Леви́ты тэ кэрэ́н рашаитко буты́ дрэ скэдыибна́скири ша́тра и тэ лыджа́н пэ пэ́стэ лэ́нгиро грэ́хо. Дава́ явэ́ла упхэныбэ́н пэ ве́ки дрэ тумарэ́ ро́ды; машки́р Израилёскирэ чхавэ́ндэ ёнэ на дорэсэ́на миштыпна́скири ме́ра;

2 Паралипоменоно 13:11

И хачкирэна ёнэ Ра́скэ-Дэвлэ́скэ цэ́ло схачкирибэ́н кажно зло́ко (ра́нко) и кажно бэльвэ́ль, и лачхэ́-кхандыпнытка чарья́, и чхувэ́на рядэнца маро́ пэ сками́нд жужо́, и захачкирэна сувнакуно́ момолы́тко и лэ́скирэ лампады, соб (кай) тэ хачон кажно бэльвэ́ль; пал-дова́ со амэ ракхаса упхэныбэ́н амарэ́ Ра́скирэ-Дэвлэ́скиро, а тумэ́ ячкирдэ́ Лэс.

1 Kralip 3:3

и Ра́скирэ-Дэвлэ́скиро момолы́тко (свети́льнико) ишчо (инкэ́) на мурдия, и Самуи́ло сыс пашто́ дрэ Ра́скирэ-Дэвлэ́скири Кхангири́, кай сыс Ра́скирэ-Дэвлэ́скиро ковчэго;

Левито 16:34

И дава́ явэ́ла ваш тумэ́нгэ сыр ве́чно упхэныбэ́н: тэ жужакирэн Израилёскирэ чхавэ́н сарэ́ лэ́нгирэ грэхэ́ндыр екх мо́ло дро бэрш.” И кэрдя́ ёв адя́кэ, сыр Рай Дэвэ́л припхэндя́ Мойза́скэ.

Левито 3:17

Дава́ исын упхэныбэ́н ве́чно дрэ тумарэ́ ро́ды, дрэ сарэ́ тумарэ́ кхэра́; ни саво́ чэкэ́н (ту́ко), и ни саво́ рат тэ на хан.

Vygiiben 30:8

и ке́ли Ааро́но хачкирэ́ла бэльвэле́ лампады, ёв явэ́ла тэ хачкирэл дро́га смо́лы (фимиа́мо) лэ́нгэ: дава́ исын кажнонэ́ тхувлякирибэн пэ кажно дывэ́с анги́л Растэ-Дэвлэ́стэ дрэ тумарэ́ ро́ды.

2 Petr 1:19

И апри́ч дова́, саро́ амэ́ндэ исын най чачунэдыр пророкэнгиро лав, и тумэ́ миштэ́с кэрэ́на, со тумэ́ ракхибны́ткэс шунэ́на дава́ лав, саво́ исын сы́рбы дава́ дуд (свэ́то), со хачола дро цямло штэ́то, пака на явэ́ла палатуно́ зло́ко (ра́нко) и ґаздэ́лапэ злокоскири чэргэн дрэ тумарэ́ илэ,

Joannostir 5:35

Иа́но сыс момолы́тко (свети́льнико), саво́ хачолас и дэ́лас яг и тумэ́ вари-саво́ часо радындлэпэ паш лэ́скири яг.

1 Kralip 30:25

Адя́кэ сыс далэ́ часостыр и коригэды́р (позжэды́р); и чхудя́ ёв дава́ дро зако́но и дро упхэныбэ́н ваш Израилё кэ дава́ дывэ́с.

Vygiiben 28:43

и мэк тэ явэ́н ёнэ пэ Аароностэ и пэ лэ́скирэ чхавэ́ндэ, ке́ли ёнэ явэ́на тэ заджа́н дрэ ша́тра (ски́ния) ваш скэдыибэ́н ци тэ подджан кэ алта́рё (жэртвенико) тэ дынаринэ́н пэ свэ́нто штэ́то, соб (кай) лэ́нгэ тэ на лыджа́н пэ пэ́стэ грэ́хо и тэ на мэрэ́н. Дава́ исын стату́то пэ ве́ко ваш лэ́скэ и ваш лэ́скирэ-чхавэ́нгирэ чхавэ́нгэ пал лэ́стэ.

Sykadyipén 2:1

Чхин Янголоскэ Эфесоскирэ кхангирья́тыр: “Дава́ исын лава́ Одолэ́стыр, Кон рикирэ́ла эфта́ чэргеня дро Лэ́скиро чачо́ (право) васт, Кон псирэ́ла машки́р эфта́ сувнакунэ́ момолытка:

2 Коринфянэнгэ 4:6

Адава́ исын Дэвэ́л, Саво́ пхэндя́: “Тэ зяинэл дуд (свэ́то) цямлыпнастыр”, исын дова́-паць Дэвэ́л, Кон зачхудя дава́ дуд тэ зяинэл дро амаро́ ило́, соб (кай) амэ тэ ґалёвас Дэвлэ́скири ярко сла́ва, сави́ зяинэла Исусо́стыр Христосостыр.

Luka 12:35

Явэ́н скэдынэ́ кэ саро́, мэк тэ хачон тумарэ́ яга;

Матфеё 4:16

акэ, мануша́, савэ́ сыс бэштэ́ дро калыпэ́н, дыкхнэ́ баро́ дуд (свэ́то); и пэ одолэ́ндэ, савэ́ исын сы́рбы мулэ́, – пал-дова́ со ёнэ дживэ́на би Дэвлэ́скиро, засвэнцындя дуд.”

Малахия 2:7

Пал-дова́ со рашаскирэ уштэнгэ трэй тэ приракхэн джиныбэ́н, соб (кай) мануша́ тэ родэ́н джиныбэ́н пал Дэвлэ́стэ лэ́скирэ уштэндыр; пал-дова́ со ёв исын звесь/заня́ – яныбнаскиро (вестнико), янголэ́нгирэ-болыбна́скирэ Ра́стыр-Дэвлэ́стыр.

Psalmy 134:1

Гилы́ анги́л Кхангири́. Тумэ́ вышарэн Рас-Дэвлэ́с, сарэ́ Ра́скирэ-Дэвлэ́скирэ писха́рья, савэ́ исын тэрдэ́ раты́ дрэ Ра́скирэ-Дэвлэ́скиро Кхэр (Кхангири́).

Čysly 8:9

и ян Левитэ́н анги́л скэдыибна́скири ша́тра, и скэ́дэ саро́ скэдыибэ́н Израилёскирэ чхавэ́нгиро.

Левито 24:9

ёнэ явэ́на ваш Аароно́скэ и ваш лэ́скирэ чхавэ́нгэ, савэ́ явэ́на тэ хан лэн (марэ́) пэ свэ́нто штэ́то, пал-дова́ со дава́ исын бари свэнтыма ваш лэ́нгэ Ра́скирэ-Дэвлэ́скирэ свэнтонэ́ дыибна́стыр: дава́ исын векоскиро упхэныбэ́н.”

Левито 24:3

пал шы́рма анги́л ковчэго досыкаибна́са (откровенияса) дрэ скэдыибна́скири ша́тра Ааро́но и лэ́скирэ чхавэ́ исын бангэ́ тэ чхувэ́н лэс анги́л Растэ-Дэвлэ́стэ ўса́ды (сак) бэльвэлятыр кэ ра́нко (кэ зло́ко): дава́ явэ́ла векоскиро упхэныбэ́н дрэ тумарэ́ ро́ды.

Левито 3:8

и чхувэ́ла пэ́скиро васт пэ шэро́ пэ́скирэ жэртвакиро, и зачхинэла ла анги́л скэдыибна́скири ша́тра, и Аароно́скирэ чхавэ́ побрызгинэна ла́кирэ ратэ́са пэ алта́рё сарэ́ ригэ́ндыр;

Vygiiben 40:3

и чхув дрэ ла́тэ ковчэго (мохто́) досыкаибна́са (откровенияса), и учхакир ковчэго шырмаса;

Vygiiben 30:36

И ростасав (ростолкин) лэс хурдэс (дробнэс), и чхув лэс анги́л ковчэго досыкаибна́са (откровенияса), дрэ ша́тра скэдыибна́скири, кай Мэ ява́ва тэ сыкадёвав ту́кэ, дава́ явэ́ла бари свэнтыма ваш тумэ́нгэ;

Vygiiben 29:44

И Мэ высвэнцякирава ша́тра ваш скэдыибэ́н и алта́рё; и Аароно́с и лэ́скирэ чхавэ́н высвэнцякирава, соб (кай) ёнэ свэнтэс тэ дынаринэ́н Ма́нгэ;

Vygiiben 29:42

Дава́ явэ́ла сыр цэ́ло схачкирибэ́н саро́ часо дрэ тумарэ́ стрэ́чы (поколении) анги́л вудара́ дрэ ша́тра ваш скэдыибэ́н анги́л Растэ-Дэвлэ́стэ, кай Мэ ява́ва тэ сыкадёвав тумэ́нгэ, соб (кай) тэ ракира́в ту́са;

Vygiiben 29:28

и явэ́ла дава́ Аароно́скэ и лэ́скирэ чхавэ́нгэ дро ве́чно стату́то (уставо), пал-дова́ со дава́ исын свэ́нто дыибэ́н ґаздыпнаса и дава́ явэ́ла яныбэ́н Израилёскирэ чхавэ́ндыр, саво́ трэй, соб (кай) ёв тэ явэ́л анги́л мирна свэ́нта дыибэна́ лэ́ндэ, дава́ явэ́ла лэ́нгиро свэ́нто дыибэ́н ґаздыпнаса Ра́скэ-Дэвлэ́скэ.

Vygiiben 25:16

И чхув лэн дрэ ковчэго досыкаибна́са (откровенияса), саво́ Мэ ту́кэ дыём.

Vygiiben 16:34

И чхудя́ лэс Ааро́но анги́л ковчэго (мохто́) тэ допхэнэл пал зракхибэ́н, сыр пхэндя́ Рай Дэвэ́л Мойза́скэ.

Džiibén 1:8

И дыя́ лав Дэвэ́л сводо́скэ Болыбэ́н. И сыс бэльвэ́ль, и сыс зло́ко (ра́нко) – яви́р дывэ́с.

Džiibén 1:5

И дыя́ лав Дэвэ́л дудэ́скэ Дывэ́с, а калыпна́скэ Рат. И сыс бэльвэ́ль и сыс зло́ко (ра́нко)-пэ́рво дывэ́с.

Левито 24:2

“Припхэн Израилёскирэ чхавэ́нгэ, соб (кай) ёнэ тэ янэ́н ту́кэ жужо́, вымардо елеё (дзэт) ваш дуд (свэ́то), соб (кай) саро́ часо тэ хачол момолы́тко (свети́льнико);

Čysly 18:5

Адя́кэ дынаринэ́н пэ свэ́нто штэ́то и пашы́л алта́рё, соб (кай) тэ на явэ́л буты́р холы́ пэ Израилёскирэ чхавэ́ндэ;

Vygiiben 12:14

И мэк тэ явэ́л тумэ́нгэ дава́ дывэ́с рипирдо, и свэнкинэн дро дава́ свэ́нко Ра́скэ-Дэвлэ́скэ, дрэ сарэ́ тумарэ́ ро́ды, сыр упхэныбэ́н ве́чно тэ свэнкинэн лэс.

Vygiiben 30:21

мэк ёнэ тэ обморэн пане́са пэ́скирэ васта́ и ґэра́, соб (кай) лэ́нгэ тэ на мэрэ́н; и явэ́ла лэ́нгэ дава́ ве́чно стату́то, лэ́скэ и лэ́скирэ родо́скэ дрэ лэ́нгирэ ро́ды.”

Левито 6:15

и мэк тэ лэл раша́й пэ́скирэ бурныкаса (жменяса) марунэ яныбнастыр и парнэ́-гивэскирэ яржэстыр и елеёстыр и саро́ ливано, саво́ пэ алта́рё: дава́ исын гудло́ тхув дро рипирибэ́н, лачхо́, анги́л Растэ-Дэвлэ́стэ;

Левито 7:36

саво́ пхэндя́ Рай Дэвэ́л тэ дэл лэ́нгэ дывэсэ́стыр лэ́нгирэ макхибнастыр Израилёскирэ чхавэ́ндыр. Дава́ исын ве́чно упхэныбэ́н дрэ лэ́нгирэ ро́ды.

Левито 10:9

“На пи, ту и тырэ́ чхавэ́ ту́са, мол (вино) и пибэна зоралэ́, ке́ли заджа́на дрэ скэдыибна́скири ша́тра, соб (кай) тэ на мэрэ́н.” Дава́ явэ́ла ве́чно упхэныбэ́н дрэ тумарэ́ ро́ды,

Левито 17:7

соб (кай) ёнэ буты́р тэ на янэ́н свэ́нта дыибэ́н идолэ́нгэ, пал савэ́ ёнэ псирэ́на налачхэ́ мысленца. Мэк тэ явэ́л дава́ ваш лэ́нгэ вечнонэ припхэныбнаса дрэ лэ́нгирэ ро́ды.’

Левито 23:14

ни саво́ нэво́ маро́, ни шукэ́ зя́рки, ни киндэ зя́рки на хан кэ дова́ дывэ́с, дро саво́ янэ́на амарэ́ Ра́скэ-Дэвлэ́скэ яныбэ́н: дава́ исын ве́чно упхэныбэ́н дрэ тумарэ́ ро́ды дрэ сарэ́ тумарэ́ кхэра́.

Левито 23:21

и кхарэ́н манушэ́н дро дава́ дывэ́с, мэк тэ явэ́л тумэ́ндэ свэ́нто скэдыибэ́н, нисави́ буты́ тэ на кэрэ́н: дава́ исын ве́чно упхэныбэ́н дрэ сарэ́ тумарэ́ кхэра́ дрэ тумарэ́ ро́ды.

Čysly 35:29

Мэк дава́ мэк тэ явэ́л тумэ́ндэ чхудэ́ законоса (статутоса) дрэ тумарэ́ ро́ды, дрэ сарэ́ тумарэ́ кхэра́.